La Gaddhura Giulio Cossu

La Gaddhura
A capu di la Saldigna
agatteti la Gaddhura
chi pa’ ghjenti e elmusura
di mintou è tantu digna.
In disputta ha li so’ enti,
chi gherrani cu la molti.
Tramuntana batti folti,
ma ca gagna è lu punenti.
Da li sarri a la custera
è amena ch’è un cialdinu
e di celi una bandera
ha ispalta in Ghjucantinu.
Da la cima di Limbara,
candu la ciurrata è bona,
si ‘idini li paesi
di Logudoru e Anglona.
Candu ‘eni primmaera
lu tinagghju è tuttu in fiori.
Li massai e li pastori
facini festa la sera.
E tandu li so’ cunfolti
hani in cantu priziatu,
chi boci rara di solti
scioddhi in bolu invidiatu.
Giulio Cossu