Alexa Giger - Museum Regiunal Surselva

Museum d’art Grischun - mediaziun d’art - pedagogia da museum
Il Museum d’art Grischun sesanfla el center dil marcau da Cuera. La collecziun permanenta ella Villa
Planta muossa lavurs da tuts secturs d'art figurativ naven dalla mesadad dil 18avel tschentaner
tochen al temps dad oz. El baghetg annex, il “Sulser Bau” vegnan exposiziuns temporaras mussadas.
Ei dat tschun differentas exposiziuns temporaras per onn.
Program
Mintga scola vegn informada davart la purschida dil Museum d’art Grischun. Il program d’occurenzas
tier las exposiziuns temporaras vegn tarmess tier per posta. Ei dat era la pusseivladad da retrer
quellas informaziuns sin l’adressa privata.
Adressa d’annunzia: [email protected]
Purschida
Tier mintga exposiziun temporara dat ei ina introducziun per persunas d’instrucziun. Ei dat
informaziuns sur dall’exposiziun e tips didactics per ina viseta cun la classa. Mintga participont/a
survegn ina mappa didactica cun informaziuns davart veta ed ovra digl artist ed ideas da crear.
Quella introducziun ha liug court suenter l’avertura dalla exposiziun temporara, mintgamai la
mesjamna allas 17.00 – 19.00.
Viseta cun ina classa
Ina viseta el museum sa vegnir annunziada tier la pedagoga da museum. Ei dat la pusseivladad da
visitar la collecziun permanenta ni la exposiziun temporara. La pedagoga da museum fa era ina tura
tras il museum tier in tema elegius dil scolast (aua, animals, carstgauns, natira, purtrets,…).
La preparaziun vegn fatga en cunvegnientscha cun la persuna d’instrucziun. Ei vegn elegiu il tema, il
datum, las uras e la concepziun dalla viseta.
Sin giavisch succeda l’entira preparaziun per la viseta era ensemen.
Ina tura el museum cuozza per regla 90 minutas.
Atelier
Egl atelier dil museum dat ei la pusseivladad da luvrar creativ. Ils affons san profundar las
experientschas fatgas ella exposiziun. Adattau per gruppas tochen 15 affons, schiglioc parter en
gruppas.
Cuosts
Las purschidas ein per tut las classas gratuit.
Viseta senza la pedagoga da museum
Ei dat era la pusseivladad da visitar il museum senza far ina tura guidada. Persunas d’instrucziun che
vulan menar sez lur classa atras il museum ein supplicadas da s’annunziar al secretariat dil museum:
tel. 081 257 28 68
Biblioteca
Igl ei pusseivel d’ empristar catalogs d’exposiziun e maletgs digitals. Plinavon cumpeglia la biblioteca
cudischs tier differents temas d’art e da museum.
Valischa da museum
Ei dat valischas da museum sur da differents artists e temas. En quellas valischas ein informaziuns
davart veta ed ovra dils artists ed era exempels per crear.
Valischas avon maun:
Bignia Corradini
Augusto Giacometti
E.L. Kirchner, Kirchners Katze
Lenz Klotz
Matias Spescha
Hannes Vogel
sculpturas
aua
En vendita
Quadrat plegabel: Gesichter aus der Sammlung Im Obersteg und aus dem Bündner Kunstmuseum
Cudischet da neiv: cudischet da lavur tier l’exposiziun „weisse wunderware schnee“
Mieds d’instrucziun
Mied d’instrucziun Giovanni Giacometti
Giovanni Giacometti. Giug da maletgs cun motivs digl artist.
Kirchners Katze. Cudisch d’art e da leger per affons.
Adressa da contact
Alexa Giger
Museum d’art Grischun
Pedagoga da museum
Postplatz
7002 Cuera
081 257 28 72
[email protected]
www.buendner-kunstmuseum.ch
La pedagoga d’art ei mintga mesjamna e gievgia el museum.