Dapli tensiun cun biatlon

SURSELVA
MESEMNA, ILS 31 D’OCTOBER 2007
Dapli tensiun cun biatlon
■ UNIHOC
Finalmein
ina victoria
Serafin Wiestner da Trin ei el cader da giuventetgna da biatlon
CUN SERAFIN WIESTNER
HA CLAU DERMONT DISCURRIU
■ Serafin Wiestner ha 17 onns e habitescha a Trin. Biatlon ei siu sport preferiu, senza il biatlon havess el gia calau cun siu engaschament sportiv. Biatlon, ina cumbinaziun da cuorsa liunga
e sittar, ei in sport plitost nunusitau e
pauc enconuschent ella regiun. Serafin
Wiestner ei in dils paucs biatlets dil Grischun. Quei era muort la munconza da
stans da sittar. La stad vargada ha il Club
da skis Trin construiu in stan da sittar pils
biatlonists.
Tgi ni tgei ha animau Tei da far quei
sport?
Serafin Wiestner: Miu bab ei menader
da OG a Trin, aschia sundel jeu vegnius tier il sport da cuorsa liunga.
Co eis Ti s’avanzaus tochen el cader
C da Swiss Ski?
Jeu lavurel mo
90 pertschien
Culla gruppa da cuorsa liunga dil Surselva Skiteam sundel jeu ius a cuorsas
dil cup svizzer ed haiel giu success. Sin
fundament da quei success sundel jeu
vegnius nominaus pil cader dils giuvenils.
Descriva il mument il pli impressiunont da Tia carriera da sport!
Segir s’auda il festival europè dils sportists giuvens en Spagna igl unviern var-
gau denter ils muments ils pli impressiunonts. Il festival ei ton sco l’olimpiada dils giuvenils. Quei ei stau ina jamna ch’jeu emblidel mai. En Spagna haiel jeu empriu d’enconuscher giuvens
sportists dall’entira Europa.
Co damognas Ti il spagat denter la
professiun ed il sport?
Jeu haiel in bien patrun d’emprendissadi. Leu lavurel jeu mo 90 pertschien, ils
diesch pertschien restonts saiel jeu duvrar per trenaments. La lavur sco bostger ei corporalmein fetg strentga, mo
el sport eis ei tuttina.
Stos Ti era desister da certas caussas
che Ti fagesses bugen?
Jeu stoi segiramein desister bia sin la
sortida. Jeu saiel ir sil pli inagada al
meins en sortida cun mes amitgs. Per
ils pensums da scola haiel jeu era fetg
pauc temps.
Tgei rituals has Ti per sepreparar sin
ina concurrenza?
Dat ei muments che Ti tschentas en
damonda Tia activitad?
Atgnamein nuot special, il sescaldar ei
segir il pli impurtont. Suenter funcziuna quei lu.
Gie, jeu haiel era patertgau da calar cul
sport da prestaziun, quei oravontut cura ch’il buordi da trenament e lavur ei
daventaus gronds. Mo il success ed
eveniments sco ils giugs olimpics dils
giuvenils laian spert emblidar ils strapazs.
Co vesas Ti Tiu futur en quei sport e
tgei finamiras has Ti?
Sco proxim lessel jeu ir als campiunadis
da juniors en Tiaratudestga. La qualificaziun per in proxim cader ei era ina
dallas finamiras. Separticipar als giugs
olimpics 2014 a Sochi fuss era buca
nuot.
Cuort e bien
Descripziun dalla persuna:
Num e prenum: Serafin Wiestner
Di da naschientscha: 20-7-90
Sport: Biatlon
Cader: Cader C da Swiss Ski
Club: Trin
Domicil: Trin
Mistregn: Bostger
Hobis: Sport, computer
Musica: Rock, CH-HipHop
Cuorsa preferida: Cuorsa da Silvester
Trin
Sponsurs: Madshus, Rotte-fella, Leki,
Adidas
Entgins cavazzins:
Sport ist Mord:
Ha segir zatgei, extrem ei mai bien,
denton ei sport bien per la cundiziun
Doping:
Negin tema, havein era schon controllas
Ole Einar Björndahlen:
Meglier biatlet ed era buns en cuorsa
liunga, grondius sportist
La Quotidiana:
Buca fetg enconuschent
Tia patria:
Trin Mulin, lag da Cresta
9
Biatlon ei in sport che secumpona da
cuorsa liunga e da sittar. Daco eis Ti
vegnius tier quei sport?
Jeu stoi aunc
migliurar il sittar
Il biatlon porscha dapli variaziun che
mo cuorsa liunga. Las concurrenzas ein
era pli interessantas. Senza il biatlon
havessel jeu calau da far cuorsa liunga
da prestaziun.
Eis Ti megliers en cuorsa liunga ni en
sittar?
Pil mument sundel jeu aunc megliers
en cuorsa liunga. Jeu stoi aunc semigliurar el sittar.
A Trin havevas vus tochen da cuort
negin stan da biatlon. Co trenavas Ti
lu?
La stad vargada havein nus baghegiau
in niev stan da sittar. Avon mavan
nus si Flem a sittar. Jeu sperel ch’jeu
hagi uss in avantatg cun quei niev
stan da sittar e ch’jeu setti megliers resultats.
(sm) «Finalmein ina victoria», ha la giugadura Carmen Wetzel communicau suenter
la davosa runda dil campiunadi d’emprema ligia. Quella runda ha giu liug la dumengia vargada ad Egg el cantun Turitg.
Desertina Bulls ha giugau encunter Red
Lions Frauenfeld. Ils davos giugs han las
giugaduras da Mustér buca giugau sco
giavischau. La finamira da quei giug ei stada da giugar concentrau e da mussar naven dall’enstchatta tgi che diregia sil plaz.
Las giugaduras da Mustér ein stadas motivadas ed il bien discuors ell’equipa ha
dau sustegn ina a l’autra. Sco quei ch’igl
arbiter ha lantschau il giug, domineschan
las Desertina Bulls il giug. La concentraziun dallas damas ei gronda ed ellas laian
buca disturbar dallas adversarias. Cugl
emprem gol sittaus d’Angelina Giossi sin
pass dad Eveline Giossi crescha la motivaziun aunc inagada e cuort avon pausa reusseschi a Sonja Schmed d’alzar il resultat sin
2:0. Il pass ha Angelina Giossi dau. Da
pausa han ils trenaders Otmar Lutz e Tomas Schmed mussau ch’els ein cuntents
culla prestaziun, fan denton attent ch’il
giug seigi aunc buca gudignaus. Era el secund tierz fan las giuvnas da Mustér pressiun. Il giug ei grops, mo las giugaduras da
Mustér sedostan pruamein. Carmen Wetzel nezegia in sbagl dalla defensiun dallas
adversarias e setta in pass alla defensura
Marina Lombris. Quella lai buca supplicar e nezegia sia schanza. A Frauenfeld
reusseschi da sittar dus gols el davos tierz.
Per las Desertina Bulls ha ei giu num da
tener la dira, pertgei las attaccas dallas adversarias seigien stadas groppas, aschia
ch’ei seigi stau grev da dar in unihoc attractiv. Angelina Giossi sa aunc inagada
cuglienar las adversarias ed aulza il resultat sin 4:2. Che las adversarias han buca
tuccau dapli gols ei dad engraziar al goli
Martina Hendry ed alla buna defensiun.
■ ARTG PERSUNAL
Giubileum da professiun el Spital regiunal dalla Surselva: Dapi 20 onns
lavura Klaus Kraft da Glion el Spital
regiunal dalla Surselva. El ei substitut
dil menader dalla sala d’operaziun. Il
giubileum da professiun da 15 onns
san las tgirunzas Jacqueline BearthDecurtins da Rabius, Ursula IllienPeng da Val e Susan Hendry-Widmer
da Vella festivar. Dapi diesch onns lavura la menadra dil survetsch da tgira MariannaWinkler da Rabius el spital da Glion. La direcziun dil Spital
regiunal dalla Surselva gratulescha
cordialmein ed engrazia als giubilars
per lur engaschi. Per lur futur giavischa la direcziun vinavon bia success
e cuntentientscha.
reclama
Ab 26. November sendet SF
nur noch digital.
Sehen Sie mit Antenne fern? Dann müssen
Sie jetzt aktiv werden: Stellen Sie jetzt um
auf Digitales Antennenfernsehen!
Ab 26. November 2007 sind die Programme SF 1, SF zwei, TSI 1 und
TSR 1 über Antenne nur noch digital zu empfangen. Zum Digitalen
Antennenfernsehen DVB-T braucht es eine Set-Top-Box für Ihr
Fernsehgerät oder einen USB-TV-Stick für Ihren Laptop. Der TVFachhandel hilft Ihnen gerne weiter. Wenn Sie einen Empfangsunterbruch vermeiden wollen, stellen Sie am besten heute noch
um. Ausführliche und laufend aktualisierte Informationen:
www.digitalesfernsehen.ch, Teletext ab Seite 390. Bei Problemen mit der Umstellung wenden Sie sich an die TelefonHelpline 0848 34 44 88 (Lokaltarif) oder den TV-Fachhandel.
Stellen Sie jetzt um auf Digitales Antennenfernsehen!