Fegl Ufficial Surselva (nr. 49)

Publicaziuns dalla vischnaunca, jamna 49
Damonda da baghegiar
2016-2107.000
Datum dalla publicaziun: Ils 9 da december 2016
Il patrun:
Martin Lutz-Derungs, Via Disla 23,
7180 Disentis/Mustér
Il representant: Martin Lutz-Derungs, Via Disla 23,
7180 Disentis/Mustér
Object:
Engrondir porta existenta ed ulivar il passadi, parcella 1891, Zona Disla,
7180 Disentis/Mustér
• Ils plans da construcziun ein deponi tier l’administraziun communala.
• L’envesta publica cuoza 20 dis dapi il datum dalla publicaziun.
• Eventualas protestas encunter sura damonda da baghegiar ein d’inoltrar a scret enteifer 20 dis
all’instanza da baghegiar, caum postal 57, 7180 Disentis/ Mustér. La protesta sto esser motivada e
suttascretta dil recurrent ni da siu representant.
Disentis/Mustér, ils 7 da december 2016
Uffeci da baghegiar Disentis/Mustér
Cussegl da vischnaunca
Il cussegl da vischnaunca seraduna venderdis, ils 9 da december 2016, allas 19.30 en casa
communala.
Tractandas:
1. Cunvegna da prestaziun Center da formaziun Surselva
(messadi nr. 54-2013/2016)
2. Project da canalisaziun Acletta–Funs:
Damonda da credit (messadi nr. 55-2013/2016)
3. Moziun – Studi davart la realisabladad d’ina
colligiaziun dils uclauns Segnas–Acletta ed
in’untgida da Segnas enviers Peisel
(messadi nr. 56-2013/2016)
4. Ura da damondas (conform ad art. 44 dil regulativ
da fatschentas)
Il president dil cussegl da vischnaunca
Scaldaments mobils el liber
«Bulius da scaldar, radiaturs, radiaturs d’infratgietschen e.a.v.»
Tenor art. 11, al. 2 dalla lescha cantunala d’energia en cumbinaziun cun art. 33 dall’ordinaziun cantunala d’energia ha il departament da construcziun, traffic e selvicultura dil Grischun relaschau suandonta disposiziun:
1. Per mintga apparat da scaldar mobil – gas, electricitad ed ieli – che vegn duvraus el liber per intents
commercials e che ha ina prestaziun da scaldar da maximalmein 14 kW sto vegnir cumpensau 1 tonna CO2. Per apparats cun ina prestaziun da sur 14 kW e cun ina prestaziun da scaldar maximala da
28 kW sto vegnir cumpensau 2 tonnas CO2 e per apparats cun ina prestaziun da scaldar maximala da
sur 28 kW sto vegnir cumpensau 3 tonnas CO2 e.a.v. Silmeins 20% dall’immissiun CO2 sto vegnir
cumpensada en Svizra. Per scaldaments en tenda valan lasmedemas pretensiuns sco pils scaldaments el liber.
2. Per mintga tonna che sto vegnir cumpensada sto vegnir taccau ina vignetta vid igl apparat da
scaldar. Ina vignetta vala mintgamai in onn naven digl 1. Da settember entochen ils 31 d’uost.
L’obligaziun da cumprar ina vignetta exista naven dall’emprema gada ch’igl apparat da scaldar mobil
vegn mess en funcziun duront la perioda da scaldar respectiva.
3. La cumpensaziun dall’immissiun da CO2 succeda entras il gestiunari ni entras la vischnaunca.
Publicaziuns ufficialas
4. Sch’ils gestiunaris cumpenseschan sez l’immissiun da CO2, vegn la vignetta concedida gratuitamein entras la vischnaunca.
La cumpensaziun sto vegnir cumprovada cun in certificat d’ina interpresa specialisada sil sectur dalla
cumpensaziun da CO2 (p.ex. myclimate).
Per apparats da scaldar electrics po l’obligaziun da cumpensar l’immissiun da CO2 era vegnir ademplida, sch’ei vegn applicau – per mintga tonna CO2 che sto vegnir cumpensada – cumprovadamein
4500 kWh d’electricitad ch’ei vegnida producida cun energias regenerablas.
5. Sch’ils gestiunaris cumpenseschan buca sez l’immissiun da CO2, ston els cumprar tier la
vischnaunca ina vignetta per mintga tonna CO2 che sto vegnir cumpensada.
Il prezi per vignetta importa 60 francs.
6. Las vischnauncas impundan igl entir recav dalla vendita da vignettas per cumpensar l’immissiun da
CO2.
Igl uffeci d’energia e traffic metta a disposiziun in agid d’execuziun per las vischnauncas.
7. Per decretar sancziuns en cass da cuntravenziuns, en special incassar multas, ein las vischnauncas responsablas (art. 36 s. LEG).
Las vignettas san vegnir retratgas tier l’administraziun communala.
Suprastonza communala Disentis/Musté
Clom da quens
Il quen communal vegn serraus giu cun ils 31 da december 2016. Per saver risguardar las expensas
occurridas uonn el quen 2016 ei tut tgi che ha aunc da dar quen alla vischnaunca pigl onn current
supplicaus da far quei entochen il pli tard ils 19 december 2016.
Nus supplichein tuttas firmas sco era tut ils ufficials dalla vischnaunca d’observar quei termin.
Administraziun communala
Pigniel da Nadal 2016
Il menaschi tecnic dalla vischnaunca da Mustér organisescha uonn la vendita da pigneuls da Nadal. Ei
vegn vendiu pignola mo sin empustaziun. Il pigniel sa vegnir retratgs ils 23 da december 2016 naven
dallas 9.00–14.00 avon il luvratori dil menaschi tecnic a Cuoz. Sin giavisch e per in prezi surpli da
tschun francs vegn
il pigniel era furnius avon casa.
Il pigniel sa vegnir empustaus cul talun aschuntau entochen ils 15 da december 2016:
Adressa: Uffeci forestal
Caum postal 57, 7180 Disentis/Mustér
telefon 081 920 36 36
e-mail: [email protected]
Bien engraziament
Talun d’empustaziun
furnir a casa (frs. 5.–)
Num:
Prenum:
Adressa:
Telefon:
Liug:
Pégn (Rottanne)
Viez (Weisstanne)
Pégn da Nordmann
Publicaziuns ufficialas
1,10–1,50 m frs.
1,60–2,00 m frs.
2,10–2,50 m frs.
1,20–1,70 m frs.
1,80–2,50 m frs.
1,10–1,50 m frs.
1,60–2,00 m frs.
2,10–2,50 m frs.
26.–
29.–
33.–
38.–
43.–
41.–
56.–
78.–
Jamna 49
tocs
tocs
tocs
tocs
tocs
tocs
tocs
tocs
2
Publicaziuns ufficialas
Pinar sez il pigniel da Nadal!
Igl uffeci forestal dat era uonn la pusseivladad a mintga habitont ni hosp da Mustér dad ir egl uaul a
pinar gratuitamein il pigniel da Nadal giavischau. Nus vegnin ad ir el territori da Stagias-Uaul da Vischins per pigniel. Il selvicultur communal accumpogna ils interessai e dat in ni l’auter cussegl.
Nus s’entupein cun resti cauld, buns calzers ed in resgiut sonda, ils 17 da december 2016, allas 9.00
a Mumpé Medel.
Uffeci forestal Disentis/Mustér
Reducziun individuala dallas premias
dalla cassa da malsauns 2016
Persunas e famiglias che vivan en relaziuns economicas mudestas san, risguardond certas premissas, dumandar contribuziuns vid las premias dall’assicuranza da basa obligatoria per la tgira da malsauns (LAM).
Persunas che han uonn aunc buca fatg diever da quei dretg, san far quei entochen la fin digl onn
2016 (davos termin, datum dil bul da posta 29-12-2016). Informaziuns, basa legala, muossavia ed
il formular d’annunzia ein d’anflar sin la pagina d’internet www. sva.gr.ch). Ils formulars san era vegnir
retratgs tier l’administraziun communala.
Per damondas stat il persunal dall’administraziun communala bugen a disposiziun.
Administraziun communala
Vischinadi Segnas/Mompé Tujetsch
Invit alla radunonza generala da mardis, ils 13 da december 2016 allas 20.15 en l’ustria «Cresta»,
Segnas.
Tractandas
1. beinvegni
2. elecziun dad in dumbravuschs
3. prelecziun ed approbaziun dil protocol
4. orientaziun president
5. rendaquen e rapport dils revisurs
6. fixar tscheins per diever zona
7. elecziuns: dil president
digl actuar e vicepresident
dad in revisur da quen
8. approbaziun via da meglieraziun atras zona
9. program da lavur
10. deliberaziun da damondas e propostas
11. varia
Suenter la radunonza dil vischinadi ha liug la radunonza generala statutarica 2016 Cascharia e Fuorn
Segnas. Cordialmein envida
la suprastonza dil vischinadi Segnas/Mompé Tujetsch
Uniun samaritana Mustér
Per nossa sera d’advent s’entupein nus ils 12 da december allas 19.30 el «Catrina Resort». Ei vegn
offeriu a tuts participonts l’usitada tscheina e nus lein guder in pèr bialas uras en buna cumpignia.
Selegrond sin stedia participaziun salida
Publicaziuns ufficialas
Jamna 49
3
Publicaziuns ufficialas
Sur Sep Fidel Sievi prelegia a Mustér
Igl anteriur plevon da Mustér, sur Sep Fidel Sievi, ha gest ediu in cudisch: «In trianghel magic» (Foppa, Vals, Cadi) cun regurdientschas ed eveniments da sia veta. Presentaziun e prelecziuns han liug
dumengia, ils 11 da december 2016 allas 15.00 en Casa Puntreis a Mustér.
Corporaziun d’aua Spina da Vin, Disentis/Mustér
Invit alla radunonza generala extraordinaria da mardis, ils 13 da december 2016 allas 20.00 el
Center sursilvan d’agricultura a Salaplauna, Mustér
Tractandas
1. Beinvegni
2. Elecziun da dus dumbravuschs
3. Presentaziun dils projects
– Provediment Caischavedra
– Avertura quartier Crest Acletta
– Lingia da cirquit S. Catrina–Sax
– Colligiaziun Cavardiras
4. Votaziun
5. Varia
Tuttas commembras e tuts commembers ein cordialmein
envidai e beinvegni.
Per la suprastonza il president, Aluis Flepp
Trer candeilas cun stiva da caffè a Mompé Medel
Sonda, ils 10 da december allas 16.00–22.00 e dumengia, ils 11 da december allas 11.00–18.00
en stalla tier Armin Manetsch.
Famiglia Manetsch Müller selegra sin vossa viseta.
Vischinadi d’Acletta
Radunonza generala dil vischinadi d’Acletta, dumengia, ils 11 da december 2016, allas 14.00
ell’ustria dil Catrina Resort. Suenter la radunonza envida la suprastonza ad in suentermiezdi da giugs
per pign e grond entochen allas 17.00. Ei vegn offeriu in pign refrestg.
Tractandas:
1. Beinvegni
2. Elecziun dils dumbravuschs
3. Prelecziun ed approbaziun dil protocol
4. Rapport annual dil president
5. Render quen, rapport dils revisurs
6. Elecziuns vischinadi
7. Program da lavur
8. Varia
La suprastonza selegra sin ina stedia participaziun.
La suprastonza
Publicaziuns ufficialas
Jamna 49
4
Publicaziuns ufficialas
Gruppa da teater Mustér
Preavis
Nus fagein puspei teater «1001 notg en Surselva»
Cumedia en treis acts. Premiera ils 14 da schaner 2017 Ulteriuras producziuns ils 15/20/21/22/27 ed
ils 28 da schaner. Per plascher risguardar quels termins.
La suprastonza
Societad da musica Mustér
Concert da Nadal, sonda, ils 17-12-2016 allas 20.00 en baselgia Sogn Gions, Mustér. Entrada libra,
collecta.
Exposiziun d’art 2016 a Segnas
La tradiziunala exposiziun d’art ha liug uonn en casa da scola Segnas: Sonda, ils 17 da december
2016, allas 14.00–20.00. Dumengia, ils 18 da december 2016, allas 14.00–19.00. Gliendisdis, ils
26 da december 2016, allas 14.00–19.00 mintgamai cun ustria.
Cordial beinvegni
Chor baselgia Segnas
Schubergiar e rugalar apparats d’udida
Gliendisdis, ils 19 da december 2016 saveis Vus schar schubergiar e rugalar Vies apparat d’udida:
9.15–10.30 en Casa sogn Martin a Trun
11.00–11.40 en Casa sogn Giusep a Cumpadials
13.15–14.30 el Puntreis, Center da sanadad a Mustér
Las firmas Amplifon cun dunna Roffler e Jäggi cun signur Gfeller surprendan communablamein quei
survetsch gratuit per tuts interessents. Ei drova negina annunzia.
La suprastonza
Publicaziuns ufficialas
Jamna 49
5