O Lesona Faale-Tusi Paia o le Sapati, o se suesuega faale

Transcript

O Lesona Faale-Tusi Paia o le Sapati, o se suesuega faale-Tusi Paia lea o aso
ta’itasi, o loo faavae atoa lava i le Tusi Paia ma le Agaga o Valoaga e aunoa ma ni
manatu faaopoopo. O otootoga ua matuā faapupu’u lava ina ia maua ai le manatu
tu’usa’o. O puipui [ ] o loo faaaogaina i nisi o taimi ina ia manino ai le aotelega o
manatu o loo talanoaina ma faigofie ai ona faitau. O loo matuā fautuaina lava le
suesueina atili o mau o le Tusi Paia ma le Agaga o Valoaga o loo aumaia ai a tatou
suesuega.
O Lesona Faale-Tusi Paia o le Sapati, (USPS 005-118), Vol. 83, No. 1, IanuariMati, 2007. Saunia i kuata ta’itasi e le Matagaluega a le A’oga o le Sapati a le
Koneferenisi Aoao a le Faagaioiga Toe Fuata’i Aso lona Fitu o le Toe Afio Mai. Aiā
Tatau o Meatotino © 2007, lomia ma tufatufaina e le Reformation Herald Publishing
Association, 5240 Hollins Road, Roanoke, Virginia 24019-5048.
USA ma Canada: Telefoni 1-888-712-1234, 1-540-366-9400 * Fax 540-366-2814 *
Upega o Faamatalaga: www.sdarm.org * E-mail: [email protected]
Ausetalia: Telefoni 61-2-9627-7553 * Fax 61-2-9627-7554 * Upega o Faamatalaga:
www.sdarm.org.au* E-mail: [email protected]
Niu Sila:
e-mail: [email protected]
Telefoni- +64-3-349 0035
Faamolemole faafeso’ota’i faamatalaga o loo i luga mo le fia mauaina o sau lesona i le
Gagana Samoa. E mafai foi ona lolomiina lau lesona fa’a-Samoa i le Upega o
Faamatalaga lenei:
http://www.sdarm.org
Faaliliuina i le Gagana Samoa:
2
Pele Wily
Upu Tomua
O le a’oa’o e ala i faata’ita’iga, o le ituaiga faatonuga silisili lava lea. O le auala la
tatou te iloa ai ona fesoasoani i mafatiaga o le lalolagi lenei e ao lava ona tatou mautinoa
o loo tatou iloa tapulaa tetele o le toe fuata’iina o le soifua maloloina ua folasia e le Alii
mo Ona tagata. O le iloaina o nei tapulaa o le ola maloloina ma faatinoina nei tapulaa,
ua tatou faataunuuina ai sini e lua: 1) ua tatou maua le maloloina o o tatou lava tino ma
le fiafia, 2) ua mafai ona avea i tatou ma misionare faafoma’i e fesoasoani i mafatiaga o
le aiga tagata agasala.
“Ia matua faasilisiliina lava i le mafaufau le autu tele e tatau ona maua e ala i le
[Fale Ma’i i Battle Creek] e lē gata i le soifua maloloina, ae faapena ai foi ma le
faaatoatoaina o le amio, ma le uiga o le faapaiaina, lea e lē mafai ona maua i tino ma
mafaufau mama’i. O lenei autu e lē mafai ona mautinoa e ala i le galue e faatatau i
manatu o le tagata faale-lalolagi.
“O se tino faama’ia e faatupulaia ai se mafaufau nunumi, ma faaleagaina ai le
galuega a le alofa tunoa faapaiaina i le mafaufau ma le loto.” – Healthful Living, p. 42.
“Afai o le a pulea ma taofia e Kerisiano le tino, ma aumaia o latou lagona uma
lava o le ai ma tuinanauga uma i lalo o le puleaga a le mafaufau faamalamalamaina, ma
latou lagonaina ai o se tiute o loo latou nofo aitalafu ai i le Atua ma o latou tuaoi lo
latou usitai i tulafono o loo pulea ai le ola maloloina ma le olaga, o le a latou maua le
faamanuiaga o le malosi faale-tino ma le mafaufau. O le a latou maua le malosi faaleagaga e tau ai i le taua o loo fai nei ma Satani, ma o le a sili atu ai ona latou manumalo
mo i latou lava i le suafa o Lē na faatoilaloina le tuinanauga o le manao i le ai mo i
latou. O lenei taua e mo i latou uma lava o le a tau ai.” – Testimonies, vol. 4, pp. 35, 36.
“O loo manaomia e le lalolagi tagata faigaluega o le a galulue e faapei ona galue
Keriso mo i latou o loo puapuagatia ma ē agasala. E moni lava o loo i ai se motu o
tagata e toatele e ao ona aapa atu i ai. Ua matua tumu le lalolagi i ma’i, puapuaga,
popole ma le agasala. Ua tumu ia i latou o loo manaomia ina ia auauna atu i ai – o ē
vaivai, i latou ua leai se fesoasoani, i latou e lē o malamalama, i latou ua faamalaiaina.”
– Counsels on Health, p. 13.
Ia tatou tatalo ina ia foai mai e le Alii ia i tatou le poto ma le malosi tatou te
manaomia a’o tatou su’esu’eina lenei mataupu ina ia avea ai i tatou ma tagata toe fuata’i
faamaoni o le soifua maloloina.
O le Matagaluega o le A’oga o le Sapati a le Koneferenise Aoao
3
Taulaga o le Sapati Muamua
Sapati, Ianuari 6, 2007
Mo le Misiona a Cameroon
O le tasi o misiona fou i Aferika, o Cameroon, o se galuega saoasaoa lona
tuputupu a’e i totonu o le tovine a le Alii. Na ulua’i tala’i i ai misionare mai i Nigeria
ma Aferika i Sasa’e, ua manaomia nei la e lenei atunuu Aferika i Sisifo-Tutotonu lau
fesoasoani ina ia atili faatupulaia ai.
E telē laititi atu lava nai lo le setete o Califonia (475, 440 sq km), e sili atu ma le
17 miliona le fuaitau aofa’i o tagata o Cameroon. O le tele lava o tagata e o’o atu lo
latou soifua i le 50 tausaga. O le fa’ama’i o le AIDS ua avea o se faafitauli faatupulaia
pea i totonu o lenei atunuu, e sili atu nai lo le 600,000 tagata o loo pagatia i lea ma’i (e
tusa ma le 7% o le fuaitau aofa’i atoa o tagata). Ae e lē gata ai i lea, o loo faamalaiaina
tagata i faama’i sili ona leaga o le malaria, bacterial diarrhea, hepatitis A, typhoid fever,
yellow fever, ma le meningococcal meningitis.
O le atunuu sa fausia i le 1961 mai i kolone e lua, o le tasi e patino ia Peletania
a’o le tasi e patino ia Falani. O le mafuaaga lea o loo faaaoga aloa’ia ai le gagana
Faaperetania ma le gagana Falani i lenei atunuu. O lesona Faale-Tusi Paia o le Sapati o
loo su’esu’eina foi i gagana nei e lua ae o loo matuā tele lava le manaoga ina ia amata
ona faaliliuina nei lesona i gagana tetele e 24 o gagana eseese a Aferika o loo tautala
faapitoa ai lava tagata o loo nonofo i tua mai o aai. O le 79% o le fuaitau aofa’i atoa o
tagata ua a’oa’oina.
E na o le 40% tagata o lea atunuu o Kerisiano ia. O i latou o loo totoe o tagata ia o
le talitonuga Islam (20%) poo ulua’i talitonuga a i latou o loo ola ai (40%). E ui lava ina
lelei pea le faigamalo, ae o le tamaoaiga o lenei atunuu o loo matuā tele pea mea o loo
manaomia: o le 30% o le aofa’i atoa o tagata e lē faigaluega; 48% o loo ola i se tulaga
matuā matitiva lava. O le taulaga e aoina i lenei Sapati o le a alu aga’i i le fesoasoani ina
ia fausiaina se fale tutotonu mo le Misiona a Cameroon. Ua uma ona faia e le au talitonu
iinei le mea atoa lava e mafai ona latou faia mo lenei galuega i nai mea iti o loo latou
maua. O fesoasoani faale-tupe mai i le Koneferenisi Aoao, ma isi Matagaluega (Fields
ma Unions) i Amerika i Matū e faapena ai foi ma fesoasoani mai i tagata taitasi mai i
Nigeria o auala nei na matou maua ai tupe na amataina ai lenei galuega. O lenei la ua
matou ole atu mo lou lagolago mai ina ia fesoasoani mai ia i matou i le faaumaina o
lenei fale sulu mo le Alii i Cameroon.
O lo outou au uso ma tuafafine mai i le Misiona a Cameroon
4
Lesona 1 _________________________________________ Sapati, Ianuari 6, 2007
ILOAINA O LE FUAFUAGA A LE ATUA
“Lo’u atalii e, ia e faalogo mai i a’u upu; ia ua’i mai ou taliga i mea ou te fai
atu ai; aua ne’i te’a ese ia mea i ou mata; ia e tausi i ai i totonu o lou loto; auā o ia
mea o le ola lea i e ua maua; ma le mea e malolo ai o latou tino uma.”
“O i latou uma lava e manana’o e o mai i le Atua mo le ta’ita’iga, ma loto
agamalu ma le fia sailiili, ma latou naunau ina ia latou iloa aiaiga o le faaolataga, o le a
latou malamalama i Upu o le Tusi Paia . . . O le a lē fetalai le Alii i se mafaufau e lē
naunau.” – The Review and Herald, December 15, 1896.
Suesuega Atili:
God’s Amazing Grace, p. 202.
The Faith I Live By, p. 296.
“O Ieova o lo’u Leoleo Mamoe o Ia; e leai se mea ou te mativa ai. Na te ave a’u i
le mea e i ai le vao mu’a ou te taoto ai: Na te ta’ita’i ia te a’u i tafatafa o vai e tafe lemu.
Na te faafo’isia mai lo’u agaga; Na te ta’ita’i ia te a’u i ala o le amiotonu ona o Lona
suafa. E ui lava ina ou savali i le vanu o le ata o le oti, ou te lē fefe lava i se mea leaga,
auā o Oe ta te faatasi ma a’u; o Lau laau ma lou tootoo e faamafanafanaina ai a’u. E te
laulau mai mea i le la’oai ma a’u i luma o e ita mai ia te a’u; ua e faau’uina lo’u ulu i le
suau’u; ua taumasuasua la’u ipu. E moni e mulimuli mai ia te au le agalelei ma le alofa i
aso uma o lo’u ola; ou te nofo foi i le fale o Ieova i aso e tele lava.” (Salamo 23).
“E fa’alatalata mai lava le Faaola ia i latou e tuuina atu atoatoa i latou i le Atua.
Afai e i ai lava se taimi na tatou manaomia ai le galuega a le Agaga Paia o le Atua i o
tatou loto ma o tatou olaga, o le taimi lenei. O loo fetalai mai faapea Keriso ia i tatou
ta’itoatasi uma lava, ‘O A’u o loo taofia lou lima taumatau. O A’u Lē o loo ola sa Ou
oti, ma, faauta o loo O’u ola e faavavau faavavau lava.’ O loo i ai se feau maumaututū
lava e ao ona tuuina atu i o tatou tagata i le mataupu o le toe fuata’iina o le ola
maloloina. Ia tatou gaua’i nei ina ia aua ne’i faaleagaina a tatou tatalo. E lē mafai ona
faamamaluina le Atua i olaga o auauna faifeau, o loo lafoa’ia nei tapulaa o le toe
fuata’iga; peita’i o le a Ia faaalia o Ia lava i tagata taitasi uma lava o le a faaofuina i le
amiotonu a Keriso. Tatou te manaomia nei ina ia tatou ala mai, ma e ao ona mulimuli i
totonu o a tatou a’oga uma lava i le malamalama ua foa’i mai e le Atua e faatatau i lenei
mataupu.” – Backsliding in Health Reform (1908), p. 4.
Ulua’i Aso ___________________________________________________ Tesema 31
1.
O LE A FAAPEFEA ONA OU ILOA?
5
a.
Pe a saili ina ia iloa le finagalo o le Atua e faatatau i soo se mataupu lava, o le
a le mea e ao ona tatou faia? Iakopo 1:5, 6; Ioane 5:39; Salamo 119:125.
“O talavou alii ma tamaitai laiti e masani lava ona aumaia i latou i tulaga o le a
latou lē mautonu ai i le mea e tatau ona fai. O o latou lagona e ta’ita’ia ai i latou i le itu e
tasi, ae o loo tosinaina i latou e le Agaga o le Atua i se isi itu. E una’i mai e Satani ana
faaosoosoga i luga ia i latou ma faaosooso mai i latou ina ia mulimuli i lagona o le loto
faale-natura. Ae peitai o i latou e naunau ina ia faamaoni ia Keriso o le a latou faalogo i
le leo o loo faapea mai, ‘O le ala lenei, ia outou savavali ai’ (Isaia 30:21). O le a latou
filifili ina ia tauaveina le ala o le amiotonu, e ui lava ina sili atu ona faigata ona ui ai, e
sili atu le tiga o le mulimuli ai, nai lo le ala o o latou lava loto . . . Tatou te manaomia
ina ia tatou maua le poto faale-lagi i popolega ma galuega ta’itasi o le olaga ina ia tatou
faaalia ai le faautauta poto ma filifilia le ala saogalemu auā o le ala sa’o lea. O le tagata
e gaioi i ona lava manatu o le a mulimuli foi i lagona o le loto faale-natura, ae o le tagata
e tatala atu lona mafaufau i le Upu a le Atua o le a ia manatunatu ma le tatalo i ala taitasi
uma lava o ona vae, ina ia ia viia ai le Atua ma tausia ai le ala o le Alii . . . O le a ia iloa
o ia e patino i le Atua, o lona agaga, tino, ma le mafaufau, ma lona malosi.” – The
Youth’s Instructor, September 19, 1895.
b.
O a isi auala e fetalai mai ai le Atua ia i tatou e ese mai i Lana Upu tusia?
Isaia 30:21; Eperu 3:7, 8; Faaaliga 3:20.
“O le natura ma faaaliga, o Lana tausiga, ma le aafiaga o Lona Agaga, e fetalai
mai ai le Atua ia i tatou. Ae e lē lava nei auala; tatou te manaomia foi ina ia tatou sasa’a
atu o tatou loto ia te Ia . . . e mafai ona tosina atu o tatou loto ia te Ia; e mafai ona tatou
manatunatu i Ana galuega, o Ana meaalofa uma, o Ana faamanuiaga; ae e lē o le
talanoaga lea ma Ia, i lona tulaga atoatoa lava. O le auala e talanoa ai ma le Atua, e tatau
ona i ai sa tatou tala e fai atu ia te Ia e faatatau i o tatou olaga moni lava.” – Steps to
Christ, p. 93.
Aso Gafua _____________________________________________ Ianuari 1
2.
O LE TUSI O FAATONUGA
a.
O le a le mea na foa’i faapitoa mai lava e le Atua ina ia faatonu ai i tatou i le
ala sa’o? 2 Timoteo 3:16.
“O loo a’oa’o mai e le Tusi Paia le finagalo atoa lava o le Atua e faatatau ia i
tatou. [2 Timoteo 3:16]. O a’oa’oga a lenei Upu o le a’oa’oga tonu lava lea o loo
manaomia i itu uma lava e ono tuuina i ai i tatou. E lava lelei le tulafono lenei o le
faatuatua ma le olaga faatinoina; auā o le siufofoga lea o le Atua o loo fetalai mai i le
agaga, tuu mai ai faatonuga i tagata o Lona aiga mo le tausiaina o le loto ma le
6
vilivilita’i lava. Afai e su’esu’eina lenei Upu – ae lē na o le faitauina, ae su’esu’eina – e
maua ai e i tatou se fale oa o le poto lea e mafai ai e i tatou ona faaleleia atili tomai ma
taleni taitasi uma lava ua foa’i mai e le Atua ia i tatou. E a’oa’o mai ai ia i tatou lo tatou
tiute ina ia faaaoga o tatou tomai ua foa’i mai ia i tatou. A ta’ita’ia e ona poloaiga, e
mafai ai e i tatou ona tatou usitai i manaoga o le Atua.” – The Review and Herald,
December 15, 1896.
b.
O a meafaigaluega ua faatuina e le Atua i totonu o le ekalesia ina ia faailoa
atu faatonuga i Ona tagata? Efeso 4:11-14 (feso’ota’iga 1 Korinito 6, 7; Faaaliga
19:10).
“E tatau ona tatou mulimuli i faatonuga ua aumaia e ala mai i le Agaga o valoaga.
E ao ona tatou alolofa ma usitai i le upu moni o le taimi lenei. O lenei upu moni o le a
lavea’iina ai i tatou mai i lo tatou taliaina o faaseseega malolosi. Ua fetalai mai le Atua
ia i tatou e ala i Lana Upu. Ua Ia fetalai mai ia i tatou e ala i molimau i le ekalesia ma
tusi ua fesoasoani ina ia faamanino ai lo tatou tiute i le taimi lenei ma le galuega e tatau
nei ona tatou faia.” – Testimonies, vol. 8, p. 298.
c.
E faapefea ona tatou iloa e i ai malamalama faapitoa a le Atua mo vaega
taitasi o le taimi i le talaaga o le lalolagi? Faataoto 29:18; 2 Peteru 1:12; Galuega
2:17-20.
"O i latou o loo fai mai i le taimi lenei o loo ia i latou le malamalama, ma latou
fete’ena’iina le a’oa’oga a avefeau faau’uina a le Atua sa galulue i lalo o le ta’ita’iga a
le Agaga Paia, i latou e faatuina manatu fou e aveesea ai poutū faavae o lo tatou
faatuatuaga, latou te lē o faia le finagalo o le Atua, ae o loo latou aumaia i totonu
talitonuga sese na fafauina e i latou lava, afai e taliaina, o le a motusia ese ai le ekalesia
mai i le taula o le upu moni, ma faatafetafeaina ai i latou, ma tafetafea ai pea lava, i le
tulaga o le a latou taliaina ai soo se a’oa’oga lava e ono tula’i mai.” – Manuscript
Releases, vol. 4, p. 247.
Aso Lua ______________________________________________________ Ianuari 2
3.
O LE FUAFUAGA INA IA TOE FAATAUINA MAI
a.
8.
O le a le faavae o le autu o le toe faatauina mai? Mataio 1:21; Salamo 130:7,
“E finagalo le Alii ina ia tatou faatauaina o tatou agaga e tusa ai ma le telē o lona
taua – i le lautele e mafai ona tatou manatunatu i ai – le taua lea ua tuuina e Keriso i o
tatou agaga . . . Na maliu Iesu ina ia mafai ai ona Ia toe faatauina mai le tagata mai i le
7
faafanoga e faavavau. E tatau la ona tatou manatu ia i tatou o ni meatotino ua uma ona
faatauina.
[1 Korinito 6:19, 20]. O o tatou malosi uma lava o o tatou mafaufau ma o tatou agaga
ma o tatou tino o meatotino ia a le Alii. O o tatou taimi e patino ia te Ia. E tatau ona
tatou tuuina i tatou i le tulaga sili lava ona lelei e mafai ona tatou faia ina ia faia Lana
galuega, ma fesoota’i i taimi uma lava ma Keriso, ma manatunatu i aso taitasi i le
taulaga taugata na faia mo i tatou ina ia avea ai i tatou ma amiotonu a le Atua i totonu ia
te Ia.” – In Heavenly Places, p. 60.
b.
O le a le mea e aofia ai i le faaolataga? Roma 6:22, 23; Efeso 2:5, 6.
“E ao ona tatou matuā manatunatu loloto lava ma le faamaoni i le fesili lea, Ua
tatou faamaulaloina ea o tatou loto i luma o le Atua, ina ia galue le Agaga Paia ma le
mana liua e ala atu ia i tatou? I le avea o i tatou ma fanau a le Atua, o le tatou avanoa
taua le galuea’iina o i tatou e Lona Agaga. A faasatauroina loa le tagata, ona aveina loa
lea e le Agaga Paia i latou ua loto nutimomoia, ma faia i latou ma ipu e viia. Ua latou i
Ona aao e faapei o ni ‘ele i lima o Lē e fai ipu. O le a faasilisiliina e Iesu Keriso alii ma
tamaitai faapena i malosi faale-mafaufau, faale-tino, ma le malosi o le amio. O alofa
tunoa o le Agaga o le a fa’amaua’aina ai le amio. O le a latou tuuina atu se aafiaga mo le
lelei auā o loo afio Keriso i le loto.” – The Southern Review, December 5, 1899.
c.
O a liuaga e ao ona faia i totonu ia i tatou pe afai tatou te mananao ina ia
tatou i ai i le au faaolaina? 1 Tesalonia 5:23; 2 Peteru 3:14.
“E lē o toe pule foi outou ia te outou; auā ua uma ona faatauina outou i le tau.’ (1
Korinito 6:19, 20). O o outou malosi faale-tino ma le mafaufau e patino uma lava ia i le
Atua, ma e tatau ona faaaogaina i Lana auaunaga. O loo i ai agaga e tatau ona
lavea’iina; o loo i ai le galuega finafinau lava e tatau ona faia mo le Matai; ma o
taumafaiga fa’aafaafa ma le paie o le a lē taliaina.” – The Signs of the Times, May 29,
1884.
Aso Lulu ___________________________________________________ Ianuari 3
4.
O LE TAIMI UA I AI NEI
a.
E faapefea ona tatou iloa ua tatou ola nei i aso mulimuli? Mataio 24:3-14, 2433. O le a le mea e ao ona faia i le malumalu i le lagi a’o le’i afio mai Keriso?
Faaaliga 11:18, 19; 1 Peteru 4:17.
b.
O le a le mea na tupu i le talaaga o Isaraelu sa faasino atu i le Aso o le
Faamasinoga? Levitiko 16:30-34.
8
c.
O a faatonuga na tuu atu e le Atua i Ona tagata mo lena aso? Levitiko 23:2832.
d.
O a faatonuga faapitoa ua tuu mai e le Atua mo Ona tagata i le taimi lenei? 2
Peteru 3:11-14; Roma 13:11-14; Iakopo 4:7-10.
“Ua faapopoleina lava a’u pe faapefea ona mafai ona tatou fesoasoani ia i latou o
loo latou faia le mea sili ina ia ola ma tausi poloaiga a le Atua. Ua valaau le Atua ia i
tatou ina ia faaitiitia o tatou manaoga, ina ia i ai se olaga ma se iloa moni i le faafitia o
manao o le tino i aso taitasi. E ui lava ina atonu e lē o una’iina i tatou ina ia
faatapula’aina (restrict) lo tatou manao o le ai, ae e ao ona tatou faailoa atu, tatou te lē o
ola ina ia tatou aai, ae o loo tatou aai ina ia tatou ola ai. Ua manaomia e le Atua le tuu
atu atoa lava o i tatou, o le loto, tino, ma le agaga i Lana auaunaga. E matuā taua lava le
taimi; e matuā taua lava le malosi; e lē tatau ona i ai se tagata o le aiga e mafatia ona o
galuega lē aoga, ma faapena ona lē agavaa ai e auauna i le Atua ma tausia lona agaga i
le alofa i le Atua. E finagalo le Alii ina ia tatou ola i se tulaga faigofie. O a tatou meaai e
lē tatau ona i ai ni meaai taugatā, poo meaai lē aoga e manaomia ai le taimi ma le malosi
e faia a’i. E matuā aoga lava mo i tatou ona tatou manatunatu i le taimi ua tatou ola ai
nei. O le a valaauina i tatou ina ia galulue i galuega o le a galue ai mo le faaolataga o
agaga o alii, tama’ita’i, ma tamaiti. E tatau ona tatou faia lenei galuega i le uiga na
faaaogaina e Keriso i Lana galuega, ma faataunuuina ai le upu, ‘Soo se tasi lava e fia
mulimuli mai ia te a’u [mulimuli mai i O’u tulagā-aao], ia faafitia o ia e ia lava, ma ave
lona satauro, ma mulimuli mai ia te a’u’ (Mareko 8:34). Ona faapea lea ona avea o ia
Mo’u soo.” – The Home Missionary, December 1, 1894.
Aso Tofi _____________________________________________ Ianuari 4
5.
O LE ASO NEI, AFAI E TE FAALOGO AI I LONA SIUFOFOGA
a.
Na foa’i e le Atua ia Isaraelu le malamalama ma faatonuga. O a mea na latou
faia i nei malamalama ma faatonuga? Eperu 3:10; Esekielu 20:6-8, 13.
b.
O le a le mafuaaga o le teena o i latou? Eperu 3:19.
“E ui lava ina tuuina atu e le Alii ia Isaraelu faamaoniga silisili lava o Lona
faasilisiliina o i latou, i aiaiga o le usitai, o le folafolaga sili lea o le avea o i latou o se
nuu faapitoa mo Ia, o se malō faa-tupu, ae peitai o lo latou lē talitonu ma lo latou lē
usita’i na lē mafai ai ona Ia faataunuuina le folafolaga . . . O nisi latou te ta’utinoina le
faa-Kerisiano i lea tausaga ma lea tausaga, ma e foliga mai i nisi o mea o loo latou
auauna ia te Ia, ae o loo latou mamao lava mai ia te Ia. Latou te faatagaina le tuinanau o
le ai ma lagona faale-tino, ma mulimuli i o latou lava lagona lē faapaiaina, fiafia i
fiafiaga ma le viiga mai i tagata e sili a’e nai lo le Atua poo Lana Upu moni foi. Ae
9
peitai e faitauina e le Atua mea lilo o le loto . . . O amioga e faaalia e galuega, e lē
faaalia e galuega lelei e faia i nisi o taimi poo mea sese foi e faia i nisi o taimi, ae e
faaalia i uiga o upu e masani ona tautala ai ma gaioiga e masani ona fai.” The Signs of
the Times, March 27, 1884.
c.
O le a le eseesega i le va o le faatuatua ma le fa’atagā faatuatua poo le
faafoliga? Iakopo 1:21-25; 2:14.
“E matuā lē tutusa lava le faatuatua ma le faafoliga . . . Auā o le faafoliga poo le
faatagā faatuatua o le faatuatua pepelo ma le sese lea a Satani. O le faatuatua na te ole
atu mo folafolaga a le Atua, ma fua mai fua i le usita’i. O le faafoliga na te ole atu foi
mo folafolaga a le Atua, ae na te faaaogaina folafolaga nei e faapei ona faia e Satani, ina
ia faia ma alofaga o le solitulafono. O le faatuatua sa ono ta’ita’ia ai o tatou ulua’i matua
ina ia talitonu i le alofa o le Atua, ma usita’i i Ana folafolaga. O le faafoliga na ta’ita’ia
ai i la’ua ina ia solia Lana tulafono, ma talitonu ai o Lona alofa tele o le a lavea’ia ai i
la’ua mai i le i’uga o le la agasala.” – The Desire of Ages, p. 126.
d.
Afai e ia i tatou le faatuatua moni i le Atua, o le a le mea o le a tatou faia i
Ana faatonuga? Ioane 14:15; Teuteronome 11:1; 26:17.
Aso Faraile ________________________________________________ Ianuari 5
FESILI TOE FAAMANATU
1.
2.
3.
4.
5.
E faapefea ona ta’ita’ia i tatou e le Atua ina ia tatou iloa Lona finagalo? O o’u
iloa ea le auala e ao ona ta’ita’iina ai a’u?
A ou suesueina le Upu a le Atua, o le a le uiga e tatau ona ia te a’u? O o’u saili ea
mo le upu moni ina ia ou faia le upu moni?
A ou malamalama loa i le finagalo o le Atua, o le a le tali e ao ona ou tuuina atu?
O le a le mea o loo aofia ai i le galuega o le faaolataga mo tagata taitasi?
E faapefea ona aafia i tatou i le ituaiga olaga e tatau ona tatou ola ai ona o le mea
moni o loo tatou ola i le taimi o le faamasinoga?
O ai i latou ua faapaiaina: “E afe ma afe i latou o loo faaseseina i le faatuatua i ni
lagona faapitoa, ma lē amanaia ai le Upu a le Atua. O se tapuaiga o loo faia i tagata ola
popoto o le a maua mai ai foi faamaoniga o le moni o lea tapuaiga, auā o le a i ai iuga
maumaututū i le loto ma le amio. O le alofa tunoa o Keriso o le a faaalia i a latou amio i
aso taitasi. E mafai ona tatou fesili atu faapea ma le saogalemu ia i latou o loo ta’utino
mai ua faapaiaina, O vaaia ea fua o le Agaga i lou olaga? O ē faaalia ea le agamalu ma
le loto maulalo o Keriso, ma faaalia ai le mea moni o loo ē a’oga i aso taitasi i le a’oga a
Keriso, ma suia ai lou olaga ia faapei o Lona soifuaga lē faapito? O le faamaoniga
silisili lava e mafai ona maua e soo se tasi o i tatou e faatatau i la tatou sootaga ma le
10
Atua o le lagi, o lo tatou tausia lea o Ana poloaiga. O le faamaoniga silisili lava o lo
tatou faatuatua ia Keriso, o le lē talitonu ifo lea o le tagata ia te ia lava ma le faalagolago
i le Atua. E tasi lava le faamaoniga moni o lo tatou tumau i totonu o Keriso o le lafoia
atu lea o Lona faatusa. A tatou faia lava lenei galuega ua tatou tuuina atu ai foi le
faamaoniga ua faapaiaina i tatou e ala i le upu moni, auā ua faata’ita’iina le upu moni i o
tatou olaga i aso taitasi.
“O loo afe ma afe, ma miliona ma miliona tagata o loo faia se mea sese i o latou
olaga faale-tapuaiga. Latou te faia le tapuaiga o se mea e ese mai i o latou olaga, manatu
ma upu, ma gaioiga i aso taitasi. O a latou tapuaiga o se faaseseega lea i o latou lagona.
O o latou manatu ma tapulaa o loo faailoa mai o ni olaga faapaiaina, o ni galuega
taufaasese ia. O nisi latou te tautala mai i lo latou faalogo atu i leo ma latou te vaai i
vaaiga ese; ae peitai e leai se faailoga i a latou gaioiga ma amioga o aso taitasi e faailoa
mai ai ua faia e le Agaga o le Atua se suiga i le loto faale-natura, auā e faale-tino o latou
loto, o loo feitaga’i ma le tulafono a le Atua, latou te lē alolofa foi i le Atua pe usitai i
Lana tulafono.” – The Signs of the Times, February 28, 1895.
Lesona 2 ________________________________________ Sapati, Ianuari 13, 2007
AGA’I I LUMA I LE UPU MONI
“O le ala o ē e amiotonu e faapei o le malamalama o le ao, o loo tupu pea lona
malamalama seia o’o i le tu tonu o le la” (Faataoto 4:18).
“O le malamalama ua foa’i mai e le Alii e faatatau i le [soifua maloloina] i totonu
o Lana Upu e matua manino lava, ma o le a tofotofoina tagata i le tele o auala ina ia iloa
ai pe o le a latou taliaina lenei malamalama. O ekalesia taitasi uma lava, o aiga taitasi
uma lava, e manaomia ina ia faatonuina e faatatau i le Faifaatatau Lelei Faa-Kerisiano.
E ao ona iloa e tagata uma lava ona aai ma feinu ina ia faatumauina ai le ola maloloina.
O loo ua tatou i totonu nei o vaaiga mulimuli o le talaaga o lenei lalolagi, ma e tatau ona
tasi gaioiga i tagata tausi-Sapati uma lava.” – Testimonies, vol. 6, p. 378.
Faitauga Fautuaina:
Counsels on Diet and Foods, pp. 69-77; 145-147.
Testimonies, vol. 6, pp. 326-328; 378, 379.
“Ua ia i tatou foi le upu o le valoaga e sili lona mausali, e lelei ona outou naunau i
ai, e pei o se lamepa e mumū i le mea pogisa, seia tafa mai ata, seia alu a’e foi le fetu ao
i o outou loto” (2 Peteru 1:19).
“O le laueleele, e o le Alii ia, ma mea uma o loo tumu ai; o le lalolagi, ma ē o
nonofo ai. Auā o Ia lava na faamau ai i luga o sami, ma faamau ai i luga o galu lolo
(floods). O ai o le a alu a’e i mauga o le Ieova? Poo ai foi o le a tula’i i Lona nofoaga
11
paia? O lē e i ai lima mamā, ma se loto mamā; o lē e le’i siitia a’e lona loto i le
faalialiavale, ma ua lē tauto faaoleole. O le a ia maua le manuia mai i le Alii, ma le
amiotonu mai i le Atua o lona faaolataga. O le tupulaga lenei o i latou e saili ia te Ia, o le
tupulaga o ē saili ia te oe, Iakopo e. Sela. Ia faaea ia i luga o outou ulu, outou faitotoa e,
ia faaea i luga o outou puipui o le faavavau e, se’i ulu atu le Tupu mamalu. O ai lenei
Tupu mamalu? O Ieova malosi ma le mata’utia, o Ieova e malosi i taua. Ia faaea i luga o
outou ulu outou faitotoa e; ia faaea i luga o outou puipui o le faavavau e, se’i ulu atu ai
le Tupu mamalu. O ai ea lenei Tupu mamalu? O Ieova o ‘au, o Ia lava le Tupu mamalu.
Sela” (Salamo 24).
Ulua’i Aso __________________________________________ Ianuari 7
1.
O LE ULUA’I FUAFUAGA
a.
O fea tatou te maua ai le ulua’i fuafuaga a le Atua mo le ola? Kenese 1:26-28.
b.
O le a le ulua’i fuafuaga a le Atua mo le ola maloloina o Ana mea uma na
fai? Kenese 1:29; 3:15, 18. Faailoa mai le vaega eseese o faatonuga o le ola
maloloina o loo aumaia i nei fuaiupu.
“I le amataga, na tuuina ai e le [Atua] o tatou ulua’i matua i totonu o vaaiga ma
leo matagofie o loo Ia faanaunau ina ia tatou olioli ai i le taimi lenei. O le latalata o lo
tatou usita’i i le ulua’i fuafuaga a le Atua, o le sili atu foi lena o le tulaga o le a tatou i ai
i le mautinoaina o le maloloina o le tino, mafaufau, ma le agaga.” – The Ministry of
Healing, p. 365.
“O le auala e iloa ai meaai e sili ona lelei, e ao ona tatou su’esu’eina le ulua’i
fuafuaga a le Atua mo le meaai a le tagata. O Lē na foafoaina le tagata ma malamalama
i ona manaoga, na Ia filifilia foi mo Atamu lana meaai. Na Ia fetalai ane, ‘Faauta, ua Ou
foa’i atu ia te oulua o laau uma e tutupu ma o latou fua (seeds), . . . ma laau taitasi uma,
ua i ai le fua (fruit) o se laau e tupu ma ona fua (seed); o le a fai lea ma meaai ia te
oulua’ (Kenese 1:29, ARV). I lona tuua o Etena ina ia maua lana galuega i le eliina o le
eleele i lalo o le faamalaiaga o le agasala, na maua ai foi e le tagata le fa’atagaga
(permission) ina ia ‘ai foi i ‘vao o le fanua’ (the herb of the field’ Kenese 3:18).
“O fua ma fatu o laau (grains, fruits, nuts, vegetables) e aofia uma i le meaai na
filifilia mo i tatou e lo tatou Atua foafoa. O nei meaai, a saunia i se tulaga sili ona
faigofie ma sili ona i ai i lona tulaga faale-natura, o meaai sili nei ona maloloina ma
atoatoa mo le tino. Latou te aumaia se malosi, se malosi e umi ona tumau, ma se malosi
o le mafaufau e lē maua i se meaai e faigata ona kuka ma umi le taimi e alu ai ma
faaosofia ai le tuinanau o le ‘ai.” – Ibid., pp. 295, 296.
“E tatau ona tatou toe fo’i i tua i le ulua’i fuafuaga a le Atua i le mamao e mafai
ona tatou faia ai. E amata atu i le taimi lenei o le a lē toe i ai ni tino o manu mamate i
la’u laulau, ma lē toe i ai mea ia e i meaai suamalie (desserts) e tele le taimi ma le
12
malosi e alu e saunia ai. E mafai ona tatou faaaogaina ma le saoloto fua o laau (fruits), i
auala eseese, ma lē ono faatupulaia ai ni faama’i o loo maua e ala i le faaaogaina o tino
o manu mama’i. E tatau ona tatou puleaina lo tatou mana’o o lagona o le ai, ina ia tatou
fiafia ai i meaai faigofie ma le atoatoa le maloloina, ma ia matuā lava nei meaai, ina ia lē
mafatia se tasi i le fia ‘ai.” – Counsels on Diet and Foods (1894), p. 488.
Aso Gafua _____________________________________________ Ianuari 8
2.
O LE TOFOTOFOGA
a.
O le a le faatonuga maoti na tuu atu e le Atua ia Atamu ma Eva? Kenese
2:16, 17. O le a le mea sa tatau ona teu i mafaufau o tagata o Isaraelu?
Teuteronome 8:2.
“Ina ua tuuina Atamu ma Eva i totonu o le Faatoaga o Etena, sa i ai mea uma lava
mo lo la olioli ma lo la fiafiaga.” – The Signs of the Times, February 24, 1898.
“Sa tuuina Atamu ma Eva i se tofotofoga, ina ia iloa ai pe o le a la usitai i le upu a
lo la Atua na foafoaina i la’ua, pe lē usita’i foi i Ona manaoga. O le Atua foafoa, Lē na
foafoaina le tagata, o lona Tamā lea, ma sa i ai Lana aia tatau atoatoa lava i le auaunaga
na mafai ona tuuina atu e le tagata. O le tino, agaga, mafaufau, o le tagata o ia o le
meatotino atoa lava a le Atua . . . Na Ia faamanino atu ia i la’ua o lo la usitai i Lana
tulafono paia o le a la faatumauina ai pea le fiafia, ma faamanuiaina mulimuli ai i la’ua i
le mauaina o le tino ola pea e faavavau. O le ola e faavavau o le a avea mo i la’ua pe
afai la te usitai ma amio a’i e tusa ai ma tapulaa o le tulafono a le Atua . . . Sa faia mea
uma lava ina ia mautinoa ai le faamanuiaga i le aiga tagata, ae e tasi lava le mea na
faasāina i le ulugalii lē sala ina ia tofotofoina ai lo la faamaoni i le Atua.” – Ibid.,
October 8, 1894.
b.
Ina ua tuuina atu i le tofotofoga, na faapefea ona pa’ū o tatou ulua’i matua?
Kenese 3:1-6; Roma 5:19; Iakopo 4:17; 1 Ioane 3:4.
“Sa ia Eva mea uma lava ina ia faafiafiaina ai o ia. Sa si’omia o ia e fua o laau
(fruits) eseese uma lava. Ae peita’i o le fua o le laau fa’asaina sa sili atu ona mana’o i ai
o ia nai lo fua o isi laau uma lava i totonu o le faatoaga sa mafai ona ia ‘ai saoloto ai. Sa
ia lē faifaatatau lelei i ona faanaunauga. Sa ia ‘ai, ma o lona aafiaga, sa ‘ai ai foi lana
tane, ona o’o mai loa lea o se malaia i luga ia i la’ua uma.” – Spiritual Gifts, vol. 4a, p.
120.
c.
O le a le mea na tupu ona o le filifiliga sese na faia e Atamu ma Eva? Kenese
3:16-19; Roma 3:23.
13
“Sa malaia foi le eleele ona o le la agasala. Ma talu mai le Pa’ū o le tagata, ua
tumau ai pea le lē faifaatatau lelei i soo se foliga lava.” – Spiritual Gifts, vol. 4a, p. 120.
Aso Lua _______________________________________________ Ianuari 9
3.
I’UGA O LE AGASALA
a.
O le a le i’uga umi o le filifiliga a Atamu ma Eva? Kenese 6:11-13, 17. O
faapefea ona toe faaluaina lea lava talaaga? Mataio 24:37-39.
“O agasala ia sa aumaia ai faasalaga i luga o le lalolagi i aso o Noa, o loo faia foi i
o tatou taimi nei. Ua matuā mamao lava le tulaga ua tauaveina nei i ai e alii ma tamaitai
lo latou aai ma lo latou feinu ua i’u ai i le matape’ape’a i le soona ai ma onā ai.” –
Christian Temperance and Bible Hygiene, p. 11.
b.
Na faapefea ona suia le meaai a tagata ina ua mavae le Lolo? Faatusatusa le
Kenese 1:29; 3:18 ma le Kenese 9:3, 4.
c.
Aisea na faatagaina ai le aina o tino o manu ina ua mavae le 1500 tausaga e
aunoa ma lea meaai? Salamo 90:9, 10.
“O le aina o tino o manu na faatagaina o le tasi lenei o i’uga o le Pa’ū o le tagata.
A’o le’i o’o i le Lolo, e le’i i ai se faatonuga na faia mo le faaaogaina o tino o manu.” –
This Day With God, p. 210.
“O le meaai na faatonuina ma filifilia mo le tagata i le amataga e le’i aofia ai tino
o manu. O le mavae o le Lolo, ina ua faaumatiaina laau lanu meamata uma lava mai
luga o le laueleele, na faato’a fa’atagaina ai loa le tagata na te faaaogaina (aina) tino o
manu.” – Counsels on Diet and Foods, p. 374.
“Na saunia e le Atua fua o laau (fruits) i lona tulaga faale-natura mo o tatou ulua’i
matua. Na Ia tuuina atu ia Atamu le vaaiga o le Faatoaga, na te vaaia ma tausia, ma
faapea atu, ‘E avea foi ia ia te oulua e fai ma meaai.’ E le’i finagalo le Atua ina ia
faaumatia e le tasi meaola le isi meaola mo meaai. Ina ua mavae le Pa’ū, o le aina o tino
o manu sa faatagaina ina ia faapuupuu ai le vaega taimi e ola ai le aiga tagata ola umi.
Sa faatagaina ona o le maaa o loto o tagata.” – Testimony Studies on Diet and Foods, p.
68.
d.
O le a le eseesega na iloa lelei lava e Noa ma ana fanau, (i latou na tupuga
mai ia te ia), lea sa tatau ona latou faatumauina e faatatau i le aina o tino o manu?
Kenese 7:2, 3, 8, 9.
“A’o le’i o’o i le [Lolo] e le’i tuuina mai e le Atua i le tagata se faatagaga ina ia
aina tino o manu; na Ia fuafua ina ia ola atoatoa le aiga-tagata i fua o le laueleele; ae
14
peitai o lenei ua faaumatiaina laau lanu meamata uma lava, na Ia faatagaina ai i latou ia
latou aina tino o manu mamā sa fa’asaoina i totonu o le vaa.” – Patriarchs and Prophets,
p. 107.
Aso Lulu __________________________________________________ Ianuari 10
4.
O LE FAIGAMALAGA I LE VAO
a.
O a meaai na saunia e le Atua mo tagata o Isaraelu ina ua mavae le latou o
ese mai nai Aikupito? Esoto 16:15, 35.
“Ina ua ta’ita’iina e le Atua le fanauga a Isaraelu mai i Aikupito, o Lana fuafuaga
le totōina o i latou i le laueleele o Kanana o se nuu mamā, fiafia, ma le maloloina. Se’i
tatou vaavaai la i auala na Ia finagalo e faataunuuina ai lenei sini. Na Ia tuuina atu i
latou i se koleniga e a’oa’i ma koleni ai i latou, lea ana faapea e mulimuli i ai ma le
fiafia, semanu e i’u i le lelei, ia i latou ma a latou fanau foi. Na Ia matuā aveesea lava
meaai o aano o manu mai ia i latou. Na ia foai atu ia i latou aano o manu i Lona tali atu i
lo latou fetagisi ma alalaga mai, i le sosoo ma lo latou taunuu atu i Sinai, ae na fuafua le
Atua ina ia latou aai ai i tino o manu mo le aso e tasi. Na ono foai mai e le Atua aano o
manu e faapei lava ona faigofie ona Ia foai mai le manai, ae na Ia taofia le foa’iina mai o
aano o manu i tagata mo lo latou lava lelei. Na Ia finagalo ina ia foai mai ia i latou
meaai e sili atu ona fetaui ma o latou manaoga nai lo le meaai faatupu fiva lea sa masani
ai le toatele o i latou i Aikupito. O le latou tofo lea ua faaleagaina sa finagalo le Atua ina
ia aumaia i se tulaga sili atu ona maloloina, ina ia latou olioli ma fiafia ai i le meaai na
ulua’i filifilia mo le tagata – o fua ia o le eleele, sa foa’i atu e le Atua ia Atamu ma Eva i
Etena.” – Christian Temperance and Bible Hygiene, p. 118.
b.
O le a le uiga na o’o i le toatele o tagata Isaraelu e faatatau i le latou meaai,
ma na faapefea ona tali atu le Atua i lo latou uiga lea? Numera 11:4-6, 18-20;
Salamo 78:18-31; 106:14, 15.
“Sa muimui le [fanauga a Isaraelu] i le faasaina e le Atua o manu, ma latou
tuinanau ai i ulo o tufaaga o manu a Aikupito. Sa foa’i atu i ai e le Atua tino o manu, ae
na matua faamaonia ai o se mala ia i latou.” – Christian Temperance and Bible Hygiene,
p. 119.
c.
O le a se mea e tatau ona tatou a’oa’oina mai i lena mea na tupu i le
faigamalaga i le vao? Eperu 3:12-19; 1 Korinito 10:6-11; Salamo 78:18.
“O faigamalaga a le fanauga a Isaraelu o loo faamatalaina lava ma le faamaoni . .
. o lenei ata faamaoni ua tuuina mai i o tatou luma e avea o se lapataiga ne’i tatou
15
mulimuli i le latou faata’ita’iga o le lē usitai ma tatou pa’u’ū ai e faapei o i latou.” –
Gospel Workers (1892), pp. 159, 160.
Aso Tofi _________________________________________________ Ianuari 11
5.
O LE MANAI I LE TAIMI LENEI
a.
Faamatala gasologa o le suiga i le meaai a Elia. 1 Tupu 17:4-6, 12-16; 19:6.
b.
E aunoa ma le foai mai o le manai i Ona tagata i aso mulimuli nei, o le a le
mea ua foai mai e le Atua ia i latou? Roma 15:4; 1 Korinito 10:31.
“Na faaalia mai pea lava pea ia te a’u o loo taumafai le Atua ina ia toe fa’afo’i i
tatou i tua, i sitepu taitasi, i Lana ulua’i fuafuaga – e tatau ona ola le tagata i fua faalenatura o le laueleele. O le a i’u ina lē toe faaaogaina aano e manu e i latou o loo faatali
mo le afio mai o le Alii; o le a muta le avea o aano o manu o se vaega o le latou meaai.
E tatau lava ona tatou manatunatu i lenei mataupu, ma taumafai ina ia tatou galulue
aga’i i ai i laasaga taitasi. E lē mafai ona ou manatu o loo tatou usiusitai i le
malamalama ua finagalo malie le Atua e foai mai ia i tatou i le faatinoina o le
faaaogaina o aano o manu. O i latou uma lava o loo fesoota’i ma a tatou fale faigaluega
o le soifua maloloina (health institutions) e ao ona latou a’oa’oina faapitoa lava i latou
ina ia aai i fua o le laueleele, (fruits, grains, and vegetables). Afai tatou te gaioi i
tapulaa i mea nei, afai tatou te a’oa’oina e i tatou a tatou lava tofo i le avea o i tatou ma
tagata toe fuata’i Kerisiano, ma aumaia la tatou meaai i le fuafuaga a le Atua, o le a
mafai loa ona tatou tuuina atu se aafiaga i isi i lenei mataupu, o le a fiafia ai lava le
Atua.” – Christian Temperance and Bible Hygiene (1890), p. 119.
“Sa toe faaalia mai foi ia te a’u o le toe fuata’iina o le soifua maloloina o le tasi
lea o lālā o le galuega tele e ao ona saunia ai se nuu mo le afio mai o le Alii. E fesoota’i
lelei lava ma le feau a le agelu lona tolu e faapei ona fesoota’i o le lima i le tino.” –
Counsels on Diet and Foods (1871), p. 69.
c.
O le auala e taunuu atu ai i Kanana faale-lagi, o le a le ituaiga tulaga e tatau
ona i ai mafaufau o i tatou, i le avea o i tatou ma tagata o le Atua, i le taliaina o
Ana faatonuga? Roma 15:6; 1 Korinito 1:10; Filipi 1:27; 2:2.
“E mafai ea ona fiafia [Le Alii] pe a a’oa’o e le afa o le aufaigaluega o loo
galulue i se nofoaga, tapulaa o le soifua maloloina e fesoota’i lelei lava ma le feau a le
agelu lona tolu, e faapei ona fesoota’i o le lima i le tino, a’o latou uso a auauna, latou te
a’oa’oina tapulaa e matuā faafeagai lava ma nei tapulaa e ala i o latou olaga faatinoina?”
– Healthful Living (1897), p. 32.
*O Locusts o laau masani ia e igoa o le carob e ola i laueleele o Sasa’e Tutotonu.
16
Aso Faraile _______________________________________________ Ianuari 12
1.
O le a le ulua’i fuafuaga mo le olaga maloloina?
2.
O le a le i’uga o le faamalieina saoloto o le manao o le tofo e feteena’i ma
faatonuga a le Atua?
3.
O le a le auala na faailoa mai ai e le Atua Lana fuafuaga o le ola maloloina?
4.
Aisea na fafagaina ai e le Atua Ona tagata i le manai i se taimi umi tele?
5.
Na ou suesueina muamua ea tapulaa o le ola maloloina a le Atua? O o’u naunau
nei ea ina ia lē gata ina suesue, a ia liliu foi i ai pe afai e aoga mo a’u?
Faasalaga Leaga lava. “Na foai atu e le Atua [i le motu o tagata Eperu] aano o manu, e
faapei ona latou mananao i ai, ma sa Ia faatagaina i latou ina ia latou puapuagatia i iuga
o le faamalieina saoloto o o latou tuinanauga malolosi o le ai. O le fiva vevela na
fasiotia ai le fuainumera e to’atele o tagata. O i latou sa sili ona agasala i a latou
muimuiga na fasia i le taimi lava na latou tofoina ai le manu sa latou tuinanau i ai.” –
The Spirit of Prophecy, vol. 1, p. 285.
A’oa’o ma Lauga. “Ona o le lē faautauta i le ai, o le mea lea ua foliga mai ai ua pipili
lagona o nisi, ma ua latou vaivai ai ma fia momoe. O nei faifeau foliga sesega o loo ua
mafatia i iuga o le faamalieina faapito saoloto o le manao o le ‘ai e lē mafai ona avea i
latou ma faaa’oa’o o le toe fuata’iina o le ola maloloina.” – Testimonies, vol. 4, p. 417.
Meaai Sili Atu Ona Lelei mo Tagata o le Atua. “Na faigofie ona mafai e le Atua ona
foai mai aano o manu i [tagata Isaraelu] e faapei ona Ia faia i le manai, ae peitai sa
tuuina atu se faasaāga ia i latou mo lo latou lelei. Na Ia finagalo ina ia foai mai ia i latou
meaai e sili atu ona fetaui mo o latou manaoga nai lo meaai faatupu fiva ia na masani ai
le to’atele i Aikupito. O le tofo faaleagaina sa tatau ona aumaia i se tulaga sili atu ona
maloloina, ina ia latou olioli ma fiafia ai i le meaai na ulua’i filifilia mo le tagata – o fua
ia o le laueleele, ia sa foa’iina e le Atua ia Atamu ma Eva i totonu o Etena. O le
mafuaaga lenei na taofia ai mai ia Isaraelu i se tulaga tele lava, aano o manu.” –
Patriarchs and Prophets, p. 378.
O le Sini o le Toe Fuata’iina o le Ola Tumamā. “Ia faatumauina pea i le mafaufau o le
sini tele o le toe fuata’iina o le olaga tumamā o le faamausaliina ai lea i le tulaga silisili
ona maualuga o le faatupulaia o le mafaufau ma le agaga ma le tino. O tulafono uma
lava o le natura – o tulafono ia a le Atua – ua fuafuaina mo lo tatou lelei. O le usita’i i
nei tulafono o le a lagolagoina ai lo tatou fiafia i lenei olaga, ma o le a fesoasoani ai ia i
tatou i se sauniga mo le olaga o le a sau.” – Christian Temperance and Bible Hygiene, p.
120.
17
Lesona 3 _______________________________________ Sapati, Ianuari 20, 2007
O LE FAAMALOLOGA TALIAINA A LE
LAGI
“Afai o le a ē matua faalogo i le siufofoga o Ieova lou Atua, ma o le a ē faia le
amio e tonu i Lana silafaga, ma ē ua’i mai ou taliga i Ana poloaiga, ma ē tausi i
Ana sauniga uma lava, Ou te lē tuuina atu ia te oe se tasi o ia ma’i na ou tuuina atu
ia Aikupito; auā o a’u o Ieova, o Lē na te faamaloloina oe” (Esoto 15:26).
“E tele auala e faia a’i faamalologa, ae e tasi lava le auala e taliaina e le Lagi. O
vailaau a le Atua o auala faigofie ia o le natura o le a lē faaleagaina ai le tino e ala i ‘ona
malolosi o loo i ai i nei vailaau.” – Testimonies (1885), vol. 5, p. 443.
Faitauga Fautuaina:
Counsels on Health, pp. 49-51; 206, 207.
Counsels on Diet and Foods, pp. 32-40.
“Tou te manaomia mafaufau manino, ma le ala ina ia faatauaina ai le tulaga
maualuga o le upu moni, ina ia faatauaina ai le togiola, ma tuuina ai le fua sa’o i mea tau
i le ola e faavavau. Afai e te faia se mea sese, ma tuinanau i masaniga sese o le ‘ai, ma
faapena ona faavaivaia ai malosi o le mafaufau, o le a ē le faatauaina foi le faaolataga
ma le ola e faavavau lea o le a osofia ai oe ina ia suia lou olaga i le olaga o Keriso; o le a
ē le faia ai foi taumafaiga finafinau ma le faasatauroina ai o oe lava mo lou liliu atoa i le
finagalo o le Atua, lea o loo manaomia e Lana Upu ma aoga foi e foaiina atu ai ia te oe
se amio e fetaui mo le ola e faavavau.” – Counsels on Diet and Foods (1868), p. 47.
“Tusa lava pe tou te maoti i ituaiga meaai tou te faaaogaina, o tou viia ea le Atua i
o outou tino ma agaga o mea ia e patino ia te Ia, e ala i lo outou faaaogaina o se vaega
tele o meaai? O i latou e tuuina se vaega tele lava o meaai i o latou manava, ma faapena
ona faaleagaina ai tulafono o le natura, e le mafai ona latou faatauaina le upu moni pe a
latou faalogo i ai. E lē mafai ona latou fafaguina lagona faapipiliina o le mafaufau ina ia
faatauaina le taua o le togiola, ma le taulaga tele na faia mo le tagata pa’ū. E matuā lē
mafai lava e tagata faapena ona faatauaina le taui tele, ma le taua, ma le tamaoaiga tele o
loo faatali mai mo tagata manumalo faamaoni. O le itū fa’amanu o lo tatou natura, e lē
tatau lava ona tuua ina ia pulea o tatou mafaufau ma a tatou amio.” – Testimonies
(1870), vol. 2, p. 364.
Ulua’i Aso __________________________________________________ Ianuari 14
1.
UA MATUA TA’ATELE MA’I MA FAANOANOAGA
18
a.
Aisea ua matua tele ai fa’ama’i ma faanoanoaga o loo siomia ai i tatou?
Kalatia 6:7; Teuteronome 28:15, 21, 22, 60, 61.
“O se matafaioi tele lava le mautinoaina o le ola maloloina e ala i le tuuina o i
tatou i sootaga sa’o i tulafono o le olaga, ma e toatele i latou e le’i faia lenei mea. O le
tele lava o se vaega o ma’i ma mafatiaga ia i tatou, o le iuga lea o le solia o tulafono o le
tino, o loo aumaia i luga i tagata taitasi e ala i a latou lava masaniga sese.” – Counsels
on Health, p. 49.
b.
Aisea o loo i ai foi ma’i ia i latou o loo ta’utino mai o i latou o tagata o le
Atua? Faataoto 3:7, 8; 4:20-22.
“O Satani, le puna o fa’ama’i ma mafatiaga, o le a ia faalatalata mai i tagata o le
Atua i vaega e mafai ona ia maua ai le manumalo silisili lava. Ua tele lava ina ia pulea le
mana’o o le ‘ai i se tulaga tele lava mai lava i le taimi na ia manumalo ai ia Eva, i le
ta’ita’ia o ia ina ia ‘ai i le fua fa’asaina. Na ia sau ma ana faaosoosoga muamua i le vao
o tagata ese (mixed multitude), o tagata talitonu o Aikupito, ma osofia ai i latou i
muimuiga lē faamaoni ma le faalata. Latou te lē’i malilie i le meaai maloloina na foa’i
mai e le Atua ia i latou. O o latou mana’o faaleagaina o le ‘ai sa latou tuinanau ai i ni
meaai eseese e tele, aemaise ai lava meaai o aano o manu.” – Spiritual Gifts, vol. 4a, p.
15.
c.
O le a se mea e mafai ona tatou faia e faatatau i lenei faafitauli? 1 Korinito
6:19, 20; Roma 12:1, 2.
“E faatatau i le mea e mafai ona tatou faia mo i tatou lava, o loo i ai se vaega o
loo manaomia ai le manatunatu faaeteete ma le faautauta. E tatau ona ou iloa a’u lava. E
tatau ona avea a’u o se tagata o loo suesue i taimi uma lava i le auala e mafai ai ona ou
tausia lenei fale, le tino lea na foa’i mai e le Atua ia te a’u, ina ia mafai ai ona ou tausia
lo’u tino i le tulaga maloloina silisili lava e mafai ai. E tatau ona ou aina meaai ia e mo
le maloloina silisili lava o lo’u tino, ma e tatau foi ona ou faautauta faapitoa ina ia
faapena o’u lavalava ina ia maloloina ai le taamilosaga a le toto. E lē tatau ona ou taofia
le faagaioia o lo’u tino ma e lē tatau foi ona ou taofia a’u mai i le manavaina o le ea. E
ao ona ou maua le susulu atoa o le la e mafai ona ou maua. E tatau ona ou maua le poto
ina ia avea ai a’u ma leoleo faamaoni o lo’u tino.” – Child Guidance, pp. 366, 367.
Aso Gafua ___________________________________________________ Ianuari 15
2.
FOMA’I MA VAILAAU ESEESE O FAAMALOLOGA
a.
O a mea e faia e le tele o tagata pe a latou mama’i? Mataio 9:12; Luka 8:43.
E faapefea ona pa’ū atu le toatele i mailei a Satani?
19
“O auauna a Satani ua latou fai mai ua latou faamaloloina ma’i. Latou te fai mai o
o latou malosi e maua mai i le eletise, maneta, poo fofō faapena o neura o le tino ae o le
mea moni ua na o i latou lava o ni meafaigaluega a Satani. O lenei auala na te tuuina atu
ai lona malosi taufa’asese i tino ma agaga o tagata.” – The Signs of the Times, March
24, 1887.
b.
O le a le lapataiga e tatau ona tatou teufatuina e faatatau i auala o
faamalologa a Satani? Faataoto 16:25; Esekielu 44:23.
“E tatau ona matuā teufatuina lava o le sini tele e tatau ona maua e ala i [Falema’i
i Battle Creek] e lē mo na o le ola maloloina, ae faapena ai foi ma le faaatoatoaina o le
amio, ma le agaga o le faapaiaina, lea e lē mafai ona maua i tino ma mafaufau mama’i.
E lē mafai ona maua lenei autu pe afai e nā o le galulue i auala faale-lalolagi.” –
Testimonies, vol. 1, p. 554.
c.
E ese mai i le maloloina o le tino, o le a le isi mea o loo saili le Atua ina ia toe
faafoisia e ala i auala o Lana faamalologa? Salamo 103:1-3; Mareko 6:13; Filipi
2:5.
“O aposetolo o soo se ituaiga talitonuga lava i agaga ua latou fai mai o loo ia i
latou le mana e faamalolo ai tagata mama’i. Latou te fai mai o lo latou malosi e maua i
le eletise, maneta, o fofo ‘faapena o neura o le tino,’ poo malosi lilo foi i totonu o le
mafaufau o le tagata. Ma e toatele tagata, e o’o lava i tagata o lenei tupulaga Kerisiano,
e o atu i nei foma’i faamalolo, e aunoa ma lo latou talitonu i le mana o le Atua soifua ma
le tomai o foma’i ua a’oa’oina lelei.” – Evangelism, p. 606.
d.
O le a le eseesega faavae i le va o auala a le Atua ma auala a Satani.”
“O vailaau a Keriso e faamamāina ai le tino. A ua faaosoosoina e Satani le tagata
ina ia tuu i totonu o le tino mea ia e faavaivaia ai le tino o le tagata, punitia ma
faaumatiaina ai faatulagaga lelei ma le matagofie a le Atua.” – Selected Messages, bk. 2,
p. 289.
Aso Lua ___________________________________________________ Ianuari 16
3.
O LE FUAFUAGA A LE ATUA
a.
O a auala o faamalologa a le Atua? Salamo 67:2. O faapefea ona fuafuaina
ina ia avea nei auala o se faamanuiaga?
“O vailaau a le Atua o mea faigofie ia o le natura o le a lē faaleagaina pe faapipili
ai foi le tino i o latou malosi. O le ea mamā ma le vai, ola tumamā, o se meaai fetaui,
20
olaga mamā, ma se talitonu mausali i le Atua, o vailaau nei e manaomia e le afe ma afe
o tagata o loo feoti; ae o nei vailaau ua lē o toe faaaogaina ona o lo latou faaaogaina ma
le poto e manaomia ai le galuega lea e lē o faatauaina e tagata. O le ea fou, faagaioia o le
tino, vai mamā, ma nofoaga mamā e mafai ona maua e tagata uma i se tau taugofie lava;
ae o fualaau oona e taugatā, e taugatā i le faaaluina ai o tupe aemaise ai foi o le iuga e
maua ai e le tino.” – Testimonies, vol. 5, p. 443.
b.
O le a le faatonuga a le Atua ia i tatou e faatatau i le fesoasoani i o tatou nuu
ma malō? Mataio 10:8.
“O nisi o le a tosina e le tasi vaega o le tala lelei, a’o nisi o le a tosina i le isi
vaega. Ua faatonuina i tatou e lo tatou Alii ina ia tatou galulue i se auala o le a maua ai
tagata uma lava. E tatau ona alu atu le feau i le lalolagi atoa lava. E ao ona fesoasoani a
tatou fale ma’i (sanitariums) ina ia fa’aatoaina ai le fuainumera o tagata o le Atua. E lē
tatau ona tatou faatuina ni fale tetele ma le taugatā; auā o le a faapena ona lē mafai ai
ona tuu atu i tagata mama’i feau o le a aumaia ai le maloloina i le agaga. E tatau ona
faatuina falema’i (sanitariums) laiti i nofoaga e tele.” – Medical Ministry, p. 327.
c.
E faapefea ona mafai ona tatou faataunuuina le galuega a le Atua ma maua
ai le iuga sili ona lelei? Ioane 12:36; Mataio 5:16.
“O le faatuina o a tatou falema’i (sanitariums) i totonu o vaaiga o le natura o le
mulimuli lea i le fuafuaga a le Atua, ma o le mulimuli ma le faamaoni i lenei fuafuaga, o
le a sili atu ai foi ona Ia galue ma le ofoofogia ina ia faamaloloina le aigā tagata
mafatia.” – Counsels on Health, p. 266.
“O tagata faigaluega a Keriso e tatau ona latou usitai atoatoa i Ana faatonuga. O
le galuega, o le galuega lea a le Atua, ma afai tatou te mananao e faamanuiaina isi, e
tatau ona tatou mulimuli i Ana fuafuaga. E lē mafai ona faaōgatotonuina i tatou lava; e
lē mafai ona maua e i tatou lava se viiga. Afai tatou te fuafua e tusa ai ma o tatou lava
manatu, o le a tuua i tatou e le Alii i a tatou lava mea sese.” – The Desire of Ages, p.
369.
Aso Lulu __________________________________________________ Ianuari 17
4.
O SE MEA O LE A FAATAUNUUINA I TOTONU
a.
A’o tatou mulimuli i le faatonuga a le Atua mo lo tatou ola maloloina, o le a
faapefea ona faamanuiaina taitoatasi i tatou? 3 Ioane 2; 1 Tesalonia 5:23; Salamo
63:5.
“Ua lava ma totoe mea ua foai mai e le Atua mo le tausiga ma le fiafiaga o Ana
meaola uma lava; ana lē solia lava Ana tulafono, ana usitai tagata uma lava i le finagalo
21
o le lagi, semanu o le iuga, o le ola maloloina lea, filemu, ma le fiafia, e aunoa ma le
pagatia ma le agasala faifai pea.” – Counsels on Diet and Foods, p. 20.
b.
E faapefea ona lē gata ina aafia o tatou ola maloloina o le tino ae faapena ai
foi ma o tatou mafaufau ona o le fai-faatatau lelei i meaai? Faataoto 16:32. O le a
se lapataiga e tatau ona tatou teufatuina? Faataoto 23:1-3, 20, 21.
“E matuā fautuaina atu pea lava pea, so’o se meaai lava e tuu i totonu o o tatou
manava e lē gata ina aafia ai le tino, ae aafia ai foi ma le mafaufau. O meaai leaga ma le
osofia ai o le tuinanau i le ‘ai e faatupuina ai le fiva i le toto, e soona faaleagaina ai
neura o le tino, ma faanenefuina ai i le tele o taimi le vaai faale-agaga, ma manumalo ai
lagona oso faale-tino i le mafaufau ma le malamalamaaga faale-mafaufau. E faigata, ma
e matua lē mafai lava e le tagata e lē faifaatatau lelei i lana meaai ona ia onosai ma pulea
o ia e ia lava.” – Child Guidance, p. 461.
“Ae afai e galulue faatasi le tagata ma le aufaigaluega a le lagi, o le a sili atu ona
lelei ma sili atu ona maualuga le fausiaina a’e o lona tino ma lona mafaufau. O le a
faatelēina lona mafaufau, ma o le a ia ola loa i le malosi ina ia ia faia mea lelei.” – The
Signs of the Times, April 16, 1896.
c.
O le a le sini tele o le galue o le Atua mo lo tatou maloloina faale-tino ma le
mafaufau? Faataoto 3:1-4; Isaia 40:31.
“A’o tatou suesueina fesili e faatatau i upu moni ma tiute, tatou te iloa ai o loo
manaomia tane malolosi ma le loto tetele i le galuega a le Matai. E manaomia e le Atua
alii ma tamaitai e lelei o latou malosi faale-tino; manino ma ala o latou mafaufau; ma
mausali a latou tapulaa o le amio, e lē mafai ona lūlūina e faaosoosoga, poo le tuueseina
foi o i latou ona o faigata. O loo i ai le manaoga mo tagata e paleni lelei lo latou
koleniga o o latou malosi uma lava faale-mafaufau, faale-agaga, ma le faale-tino. O loo
manaomia tane/alii ma tamaitai galulue – i latou o le a a’oa’oina le tapuaiga a Keriso,
ma faata’ita’ia lea tapuaiga i o latou olaga ma a latou galuega i aso taitasi.” – The
Review and Herald, October 11, 1898.
Aso Tofi __________________________________________________ Ianuari 18
5.
O LE A LE MEA O LE A TUPU I FAFO?
a.
O le a faapefea ona faamanuiaina isi e ala i a tatou faata’ita’iga pe afai tatou
te mulimuli ta’ito’atasi i le fuafuaga a le Atua? 1 Timoteo 4:11-16.
“I le lalolagi, e tele ituaiga fesoasoani ua faia e fesoasoani ai mo le aiga tagata
mafatia, peitai e ao ona aumaia le upu moni i lona faigofie i ē o loo puapuagatia e ala i
22
mea faigaluega o tane ma fafine/tama’ita’i o loo faamaoni i poloaiga a le Atua.” – The
Kress Collection, p. 13.
“Ua faatonuina a’u ina ia ou fai atu i faia’oga o le soifua maloloina: Aga’i i luma.
E manaomia e le lalolagi aafiaga iti uma lava e mafai ona outou tuuina atu ina ia teena ai
le galu o amioga leaga. Ia tumau i a latou amio i latou o loo a’oa’oina le feau a le agelu
lona tolu. [Roma 12:1, 2]. Tau ina ia fa’aa’upegaina e le Alii i latou o loo galulue i le
upu, i feau sili ona manino o le upu moni. Afai o le a tuuina atu e Lana au faigaluega nei
feau i le tulaga faigofie e tatau ai, mautinoaga, ma le pule uma lava, o le a galue le Alii
ma i latou . . . Ia latou tauaveina atu le tapulaa ola o le toe fuata’iina o le ola maloloina i
nuu ma malō e lē o malamalama i nei tapulaa.” – Testimonies, vol. 9, pp. 113, 118.
“Na faaalia e le Faaola i Ana vavega le mana lea o loo galue pea mo le tagata, ina
ia faatumauina ma faamaloloina ai o ia. O loo galue le Atua e ala mai i le natura i aso
taitasi, i itula taitasi, i sekone taitasi, ina ia faatumauina le ola ia i tatou, ina ia fausiaina
a’e ma toe faamaloloina i tatou. A manu’a loa soo se vaega lava o le tino, ona amata loa
lea o le galuega o le faamalologa; ona galulue loa lea o meafaigaluega o le natura ina ia
toe fofōina le manu’a. Ae peitai o le mana o lo o galue e ala i nei auala poo
meafaigaluega, o le mana lea o le Atua. O le mana uma o loo foai mai ai le ola e mai ia
te Ia. A malosi loa se tasi mai i se ma’i, o le Atua lea ua Ia faamaloloina o ia.” – The
Ministry of Healing, pp. 112, 113.
b.
O le a se mea o le a tupu i le lumanai o le a fesoasoani le toe fuata’iina o le ola
maloloina ia i tatou ina ia maua ai le sauniga e manaomia? Salamo 91:1-10.
“A’o o’o mai le galuega o le faaolataga i lona i’uga, o le a o’o mai puapuaga i
luga o le fogaeleele, o le a ita foi malō, ae o loo taofia i latou ina ia aua ne’i
faalavelaveina le galuega a le agelu lona tolu. O le taimi lena o le a sau ai le ‘uaga
mulimuli,’ poo le faafouga mai i luma o le Alii, ina ia aumai le mana i le leo tele a le
agelu lona tolu, ma saunia ai le au paia ina ia tulai i le taimi o le a liligiina mai ai mala e
fitu.” – Maranatha, p. 170.
1.
O le a le mea e mafai ona faia taitoatasi ina ia faaitiitia ai ma’i?
2.
E mai le Atua uma ea auala uma o faamalologa?
3.
O a suega e mafai ona tatou faia i se auala ina ia iloa ai ona fua?
4.
O le a le mea e finagalo le Atua ina ia faataunuuina e ala i le faamaloloina o tino o
tagata?
5.
O le a faapefea ona fesoasoani tapulaa o le ola maloloina a le Atua i taimi o mala
mulimuli?
23
Tumamā ma Fa’ama’i. “O le faatalale i le tumamā o le a maua ai ma’i. E lē sau fua
ma’i e aunoa ma se mafuaaga. O fiva leaga ua tupu i nuu ma aai sa manatu i ai o ni
nofoaga e maloloina atoatoa, ma o nei ma’i ua i’u ai i le oti poo le faaleagaina ai foi o le
tino. I le tele o nei faama’i o nofoaga o i latou lava ia na mama’i i nei faama’i, sa i ai
auala o faaumatiaga na aumaia ai le ‘ona (poison) i le ea, ma manavaina ai e le aiga ma
le nuu. O se mea e matuā ofo ai le molimauina o le lē malamalama o loo taatele e
faatatau i aafiaga e faia i le ola maloloina ona o le paie ma le ola faatalale.” – The
Adventist Home, p. 22.
Aganuu ma Fa’ama’i. “Ua tuu mai e o tatou tupuga ia i tatou aganuu ma manaoga i
meaai o loo faatumuina ai nei le lalolagi i faama’i. O agasala a matua, e ala i o latou
tuinanauga faaleagaina o le ‘ai, ua matuā pa’ū mai lava i luga o le fanau ma le malosi e
mata’u tele ai e o’o i le tupulaga e tolu ma le fa.” – Counsels on Health, p. 49.
Faamalieina Saoloto o Tuinanau o le tagata lava ia ma Faama’i. “E toatele tagata
latou te aumaia fa’ama’ i luga ia i latou lava e ala i lo latou soona faamalieina saoloto o i
latou lava. Latou te lē’i ola e tusa ai ma tulafono o le natura poo tapulaa foi o le olaga
mamā atoatoa. O isi ua latou faatalale i tulafono o le ola maloloina i a latou masaniga o
le ‘ai ma le inu, ofu, poo galuega foi. O le tele lava o taimi o se amioga agasala o le
mafuaaga lea o le vaivai o le mafaufau ma le tino. Afai e maua e nei tagata le
faamanuiaga o le ola maloloina, o le toatele o i latou o le a latou fa’aauau ona solia ma
le lē gaua’i tulafono faale-natura ma le faale-agaga a le Atua, ma latou fai mai afai ua
faamaloloina i latou e le Atua i le tali mai i tatalo, o loo latou saoloto foi e fa’aauauina a
latou gaioiga lē maloloina ma faalieina saoloto le tuinanau o le ‘ai e aunoa ma le usita’i.
Afai e faia e le Atua se vavega i le faafo’isia o le ola maloloina i nei tagata, o lona uiga
o le a Ia lagolagoina le agasala.” – The Ministry of Healing, p. 227.
Satani ma Fa’ama’i. “O vailaau a Keriso e faamamāina ai le tino. A ua faaosoosoina e
Satani le tagata ina ia tuu i totonu o le tino mea e faavaivaia ai totoga o le tino, punitia
ma faaumatiaina ai faatulagaga lelei ma le matagofie a le Atua.” – Selected Messages,
bk. 2, p. 289.
Lesona 4 _____________________________________ Sapati, Ianuari 27, 2007
O I TATOU O LOO FAUSIA I MEA O LOO TATOU
AINA
“O lenei, le au pele e, ona ua ia te i tatou o ia upu ua folafolaina mai, o lea ia
tatou faamamā ai ia te i tatou i mea uma e leaga ai le tino atoa ma le agaga, ia
faaatoatoaina lo outou faapaiaina i le mata’u i le Atua” (2 Korinito 7:1).
“O i latou o loo fai mai e talitonu i le toe fuata’iina o le ola maloloina, ae e tetee a
latou galulue i tapulaa o le toe fuata’iina o le ola maloloina i faatinoga i aso taitasi, o loo
24
latou faatigāina o latou lava agaga ma o loo latou tuuina fa’ata’ita’iga sese i mafaufau o
tagata talitonu ma tagata lē talitonu.” – Counsels on Diet and Foods, p. 37.
Faitauga Fautuaina:
Testimonies, vol. 1, pp. 485-489, 618.
The Desire of Ages, pp. 114-123.
“O le faaleagaina o le manava ona o le soona tuinanau i le ‘ai o mafuaaga ia o
tofotofoga i le ekalesia. O i latou e aai ma galulue ma le lē fai faatatau lelei ma le lē
faautauta, e tautala foi ma gaioi faapena. O se tane e lē fai faatatau lelei e lē mafai ona
avea o ia ma tane onosa’i. E lē seiloga e inu ava le tagata ina ia lē fai faatatau lelei ai. O
le agasala o le ‘ai ma le lē fai faatatau lelei, o le ‘ai i taimi uma, o le soona ai, ma le
faaaogaina o meaai lololo ma le lē atoatoa mo le tino, e faaumatiaina ai gaioiga
maloloina a totoga o loo faamalūina meaai, aafia ai le mafaufau, ma faaleagaina ai
filifiliga poto, ma taofia ai mafaufauga ma gaioiga poto, to’a (calm), ma le maloloina.
Ma o le fua lenei o le mafuaaga o tofotofoga o le ekalesia . . . O i latou uma lava o loo lē
amanaia ma faia alofaga mo i latou mai i lenei galuega, ma faatali i le Alii ina ia Ia faia
mo i latou le vaega lea Na te finagalo latou te faia mo i latou lava, o le a iloa i latou e
māmāsagia pe a natia tagata agamalu o le laueleele, o ē na faia Ana faatonuga, i le aso o
le toasa o le Alii.” – Testimonies, vol. 1, pp. 618, 619.
“O le tagata na te teufatuina le malamalama na foai mai e le Atua ia te ia e
faatatau i le toe fuata’iina o le ola maloloina, ua ia te ia se fesoasoani taua i le galuega o
le faapaiaina o ia e ala i le upu moni, ma saunia mo le ola e faavavau.” – Counsels on
Diet and Foods, pp. 59, 60.
“O le vaega tonu lava lea na amata ai le faafanoga, e tatau foi ona amata ai foi le
galuega o lo tatou faaolataga. E faapei ona pa’ū Atamu ona o le faamalieina saoloto o le
tuinanau i le ‘ai, na faapena foi ona manumalo Keriso ona o le teena o le tuinanau lava
lea o le ‘ai.” – The Desire of Ages, p. 117.
Ulua’i Aso _______________________________________________ Ianuari 21
1.
O VAEGA UMA LAVA E TASI I LATOU
a.
O a vaega o loo fausia ai le tagata? Luka 10:27.
“Afai e liua o outou olaga i le olaga o Keriso e ala i le faapaiaina o le mafaufau,
agaga, ma le tino, o le a i ai se aafiaga malosi lava o le tatou faata’ita’iga i le lalolagi.” –
Sermons and Talks, vol. 1, p. 300.
“E lē taliaina e le Alii se loto vaeluaina. Na te mana’o i le tagata atoa lava. Na Ia
faia le tagata atoa lava. Na Ia ofoina mai foi se taulaga atoatoa lava ina ia toe faatauina
atu ai le tino atoa lava ma le agaga atoa lava o le tagata.” – Special Testimonies on
Education, p. 83.
25
b.
O le a le sootaga i le va o mea tatou te faia i le tino ma lo tatou tulaga faaleagaga? 3 Ioane 2; 1 Korinito 3:17.
“Ia faatumauina pea lava i le mafaufau o le sini tele lava o toe fuata’iga o le ola
tumamā o le mautinoaina lea o le fausiaina o le mafaufau ma le agaga ma le tino i le
tulaga sili ona maualuga e mafai ai. O tulafono uma lava o le natura – o tulafono ia a le
Atua – ua fuafuaina mo lo tatou lelei. O le usita’i i nei tulafono o le a maua ai lo tatou
fiafiaga i le olaga lenei, o le a fesoasoani ai foi ia i tatou i se sauniuniga mo le olaga o le
a sau.” – Counsels on Diet and Foods, p. 23.
“E matuā lē mafai lava ona ausia le atoaga faa-Kerisiano e i latou o loo
faamalieina saoloto le tuinanau o le ‘ai.”., p. 22.
“Afai tatou te faavaivaia nei malosi o le mafaufau poo le tino e ala i masaniga
sese poo le soona faamalieina foi o le tuinanau faaleagaina o le ‘ai, o le a matuā lē mafai
lava ona tatou ava i le Atua e faapei o le tulaga e tatau ai ona tatou faia.” ., p. 21.
“O se agasala moni lava le solia o tulafono o o tatou tino e faapei lava ona tatou
agasala i le solia o poloaiga e sefulu. O le solia o soo se vaega o tulafono nei e lua o le
solia lava lea o tulafono a le Atua. O i latou e solia le tulafono a le Atua i o latou tino, o
le a latou ono solia foi le tulafono a le Atua na fetalaia mai i Sinai.” ., p. 17.
c.
O faapefea ona faailoa mai e le Tusi Paia le paia tele o lo tatou matafaioi i le
tausia o o tatou tino? Roma 12:1.
“I le taimi o Isaraelu anamua o taulaga ofo uma lava na aumaia e avea ma taulaga
i le Atua sa matua siakiina auiliili lava. Afai e maua se ila poo se mea leaga e tasi i le
manu na aumai, e teena lea manu; auā na poloa’i mai le Atua ina ia ‘aua ne’i i ai se ila
poo se pona’ i le taulaga.’ Ua faapena foi ona faatonuina Kerisiano ina ia tuuina atu o
latou tino, ‘o se taulaga ola, e paia, ma taliaina e le Atua.’ O le auala e faia ai lenei mea,
e tatau ona tausia o latou malosi atoa lava i le tulaga sili lava e mafai ai. O gaioiga
taitasi uma lava e faavaivaia ai le malosi faale-tino poo le malosi foi faale-mafaufau e lē
fetaui ai foi le tagata mo le auaunaga a lona Atua foafoa. E fiafia ea la le Atua i se mea e
ititi ifo nai lo le mea sili e mafai ona tatou ofoina atu?” – The Great Controversy, p. 473.
Aso Gafua __________________________________________________ Ianuari 22
2.
FA’AALIA O LE AMIO
a.
O le a le uiga e lē tatau ai ona tatou popole e faatatau i ni a tatou meaai ma
vaiinu mo taeao (Mataio 6:25-33; Luka 12:29-31)? Salamo 37:25. O le a le
faamatalaga a le Tusi Paia i le tatou sootaga ma le tatou filifiliga o meaai? 1
Korinito 10:31.
26
“O masaniga a lenei tupulaga o ni faafitauli leaga tele nei i le faaatoatoaina o le
amio faa-Kerisiano. O o tatou tino faale-tino e fausia a’e i mea o loo tatou aina, ma e
matuā aafia tele o tatou mafaufau ona o o tatou tino.” – The Signs of the Times, January
6, 1876.
b.
O le a le sootaga o meaai tatou te filifilia ma le fausiaina a’e o a tatou amio?
Faataoto 23:1-7.
“O a tatou masaniga o le ‘ai ma le inu e faailoa mai ai pe o i tatou o ni tagata o le
lalolagi pe o ni tagata o le fuainumera lea ua vavaeeseina mai e le Alii mai i le lalolagi e
ala i Lana pelu o le upu moni.” – Testimonies, vol. 6, p. 372.
“O a auala o le a tatau ona faaaoga e le talavou laititi e teena ai ona lagona leaga,
ma fausia a’e ai lagona ia e lelei i lana amio? Ia talia e ia upu nei, ‘Pe tou te ‘aai, pe tou
te inu, poo soo se tasi mea tou te faia, ia faia mea uma ia viia ai le Atua.’ (1 Korinito
10:31).” – Gospel Workers, pp. 127, 128.
c.
E faapefea ona aafia isi i a tatou masaniga o le ‘ai? 1 Timoteo 4:12.
“O ma’i e mafua i le solia o tulafono o le soifua maloloina; o le iuga lea o le solia
o tulafono o le natura. O lo tatou tiute muamua lava, lo tatou tiute lea o loo tatou nofo
aitalafu ai i le Atua, ma i tatou, ma o tatou uso a tagata, o lo tatou usitai lea i tulafono a
le Atua, ia e aofia ai tulafono o le soifua maloloina. Afai tatou te mama’i, ua tatou
tuuina atu se avega leaga lava i a tatou uo, ma lē mafai ai ona tatou faia o tatou tiute i o
tatou aiga ma o tatou tuaoi. Ma afai e vave o’o mai le oti ona o le iuga o lo tatou solia o
tulafono o le natura, ua tatou aumaia ai le faanoanoa ma le mafatiaga i isi; ua tatou
taofia ai o tatou tuaoi mai i lo latou mauaina o le fesoasoani sa tatau ona tatou tuuina atu
ia i latou a’o tatou ola; ua tatou gaoi ai mai i o tatou aiga i le fesoasoani sa tatau ona
tatou tuuina atu ia i latou, ma tatou gaoi ai mai i le Atua i le auaunaga Na Te manaomia
mai ia i tatou ina ia faateleina ai Lona viiga. E lē o i tatou ea la o ni tagata sili ona leaga
o loo soli i tulafono a le Atua?” – Counsels on Diet and Foods, p. 21.
Aso Lua ____________________________________________________ Ianuari 23
3.
TAGATA E FAAITAINA E I LATOU I LATOU LAVA
a.
E mafai ea ona faatupuina ni amioga sese e meaai tatou te aina? Failauga
10:17; Salamo 141:4.
“A tatou taumafai e a’oa’o atu le toe fuata’iina o le soifua maloloina i o tatou uso
ma tuafafine, ma ua tatou tautala atu ia i latou e faatatau i le taua tele o le ‘ai ma le inu
ma le faia o mea uma lava latou te faia mo le viiga o le Atua, e toatele tagata e fai mai e
ala i a latou amioga: ‘E leai ma se aia a se tagata pe ou te aina le meaai lea poo le meaai
27
lela. O a lava mea tatou te faia e tatau ona tatou tauaveina lava e i tatou iuga.’ Uo pele e,
ua matua sese lava outou. E lē na o outou o loo puapuagatia i se amioga sese . . . Ae o le
a le mea matou te popole ai fua i o outou manatu, pe afai ua matua faavaivaia lava o
outou mafaufau ona o le soona galue, ma le malosi o loo aumaia mai i le mafaufau ina ia
lomiina ai le meaai lē lelei lea na tuuina i totonu o o outou manava, poo se vaega tele
lava foi o meaai maloloina? O le a le mea matou te popole ai fua mo le manatu o tagata
faapea? O loo latou vaai e ala atu i se vaega tele o meaai lē fa’amalūina. O le mea lea o
le ituaiga olaga tou te ola ai e aafia ai foi matou. E matua lē mafai lava e outou ona faia
se gaioiga sese e aunoa ma le mafatia ai foi o isi.” – Testimonies, vol. 2, pp. 356, 357.
b.
O a fua o le Agaga e mafai ai e i tatou ona faaopoopo le onosai i le fausiaina
a’e o a tatou amio? 2 Peteru 1:6.
“O le faifaatatau lelei i le ‘ai e tatau ona faatinoina a’o le’i mafai ona avea oe o se
tagata onosa’i.” – Counsels on Diet and Foods, p. 65.
c.
O a masaniga e faaleleia atili ai le manino o manatunatuga ma le vaai faaleagaga? Levitiko 10:9, 10. O le a faapefea ona fesoasoani ai i isi? Tanielu 12:3;
Esekielu 44:23.
“O i latou e faamanu’aina le mafaufau ma le tino e ala i masaniga o le lē fai
faatatau lelei, ua latou tuuina i latou i se tulaga e lē mafai ai ona latou vaaia mea faaleagaga. Ua nunumi le mafaufau, ma faigofie ai foi ona latou gaua’i atu i faaosoosoga aua
e lē o i ai so latou vaai manino o le eseesega i le va o le sa’o ma le sese. O tuinanauga
agasala e faaleagaina ai le tino ma lē agavaa ai tagata mo tapuaiga faale-agaga. O le
tagata na te teufatuina tapulaa o le faifaatatau lelei moni, ua ia te ia se fesoasoani taua i
le galuega o le faapaiaina o ia e ala i le upu moni, ma saunia ai loa o ia mo le tino ola
pea. Ae peitai afai na te lē amanaiaina tulafono o lona tagata faale-tino, e faapefea ona ia
faaatoatoaina le faapaiaina i le mata’u i le Atua?” – The Signs of the Times, January 27,
1909.
Aso Lulu _________________________________________________ Ianuari 24
4.
AGA’IGA’I I LUMA O LE TOE FUATA’IINA O LE MEAAI
a.
Aisea na tuu mai ai e le Atua i Ona tagata faatonuga faapitoa e faatatau i le
mea e tatau ona fai? Levitiko 3:17; Galuega 15:20; Esoto 15:26.
“Ua tatou ola nei i taimi sili ona leaga. Ua puapuagatia le aiga tagata i faama’i
eseese, ma o le tele lava o nei faama’i ona o le iuga lea o le faaaogaina/aina o aano
mama’i o manu mamate. O nisi ua faailoaina atu i ai iuga o le faaaogaina o aano o
manu, latou te le suia le latou meaai. Aisea? Aua ua latou a’oa’oina le latou tofo ina ia
28
fiafia i tino o manu mamate, ma latou te faamalieina lava lena tofo e tusa lava poo le a le
tau. E aunoa ma le saunia o aano o manu i se auala e lē tele se leaga e maua ai, e toatele
i latou e filifilia le auala lea e sili ona leaga. E aumai ma le ga’o le aano o le manu, auā e
fetaui ma le tofo faaleagaina. O le ga’o ma le toto o manu ua ‘ai faatasi e faapei o se
mea lelei. Peitai ua uma ona aumai e le Alii faatonuga faapitoa ina ia aua ne’i aina mea
nei. Aisea? Aua o le faaaogaina o mea nei o le a maua a’i le toto i faama’i i totonu o le
tino. O le lē amanaiaina o faatonuga faapitoa a le Alii ua aumaia ai faigata ma faama’i
eseese i luga o tagata.” – Manuscript Releases, vol. 7, pp. 423, 424.
b.
O le a le mea lea na faasaina tagata o Isaraelu e aua ne’i faia? Levitiko 11
(mataupu atoa, o loo tauaofa’i mai i fuaiupu e 46 ma le 47). O a suiga agaiga’i i
luma ua fautuaina i tatou ina ia tatou faia?
“Ia aga’iga’i i luma le toe fuata’iina o le meaai. Ia a’oa’oina tagata i auala e
saunia ai meaai e aunoa ma le faaaogaina o le susu poo le pata. Fai atu ia i latou ua lata
lava le o’o mai o le taimi o le a lē toe saogalemu ai le faaaogaina o fuamoa, susu, kulimi
(cream), poo le pata, auā ua faatupulaia faama’i i manu e tutusa lelei lava ma le
faatupulaia o le amioleaga i tagata. Ua lata mai le taimi, o le a matuā mafatia ai lava
manu uma o le foafoaga i ma’i o loo faamalaiaina ai lo tatou lalolagi ona o agasala a le
lalolagi pa’ū.” – Counsels on Diet and Foods (1902), p. 356.
“I le tele lava o taimi, o le 2 meaai i le aso e sili atu nai lo le 3. O le meaai o le
afiafi (supper), a vave (early) le taimi e aina ai, e faalavelave i le lomiina o le meaai lea
na faato’a mavae atu (lunch). Ae a tuai foi le taimi e faaaogaina ai, e o’o atu i le taimi e
moe ai e lē’i uma ona lomiina. E faapena ona lē mafai ona maua e le manava se
malologa lelei. E faalavelaveina le moe, ua faavaivaia le mafaufau ma neura, ua
faaleagaina le tofo o le manao mo le meaai o le taeao, ua lē faafouina le tino atoa lava,
ma ua lē saunia mo tiute o le aso.” (1903), p. 176.
Aso Tofi _________________________________________________ Ianuari 25
5.
VAAI FAALE-AGAGA SILI ATU ONA MANINO
a.
O a isi faamanuiaga e maua i le filifilia o meaai sili ona maloloina mo a tatou
meaai? 1 Korinito 2:14-16.
b.
E sili atu ona taua le vaai faale-agaga nai lo le manuia faale-tino. Aisea e
matuā taua tele ai i le taimi lenei? 2 Timoteo 3:13.
“E lē tatau ona filifilia e tagata o le Atua le pouliuli a ua lē o le malamalama i aso
mulimuli nei. E ao ona latou saili mo le malamalama, ma latou faatali mo le
malamalama . . . O le a faaauau pea ona susulu le malamalama i ave pupula ma sili atu
pea ona pupula, ma faaalia manino ai pea lava pea le upu moni e faapei ona i totonu o
29
Iesu, ina ia faaleleia atili ai loto ma amio faale-tagata, ma ia tafiesea ai le pouliuli o le
agasala – lea o loo galue Satani ina ia aumai i luga o tagata o le Atua . . . . A’o tatou
latalata atu i le i’uga o le taimi, o le a manaomia ai se vaai faale-agaga sili atu ona
loloto, ma se iloa sili atu ona mausali e faatatau i le Upu a le Atua, o se olaga ola, ma le
faapaiaina o le loto ma le olaga lea e tatau ona tatou maua ina ia auauna ai ia te Ia.” –
That I May Know Him, p. 347.
c.
O le a le faaosoosoga muamua lava na aumaia ia Keriso i le vao, ma aisea ua
avea ai lenei ma lesona mo i tatou? Mataio 4:3, 4.
“O mataupu tetele mo le lalolagi sa lamatia i le tauiviga i le va o le Perenise o le
malamalama ma le ta’ita’i o le malo o le pouliuli.” – The Desire of Ages, p. 114.
“E toatele sa vaavaai atu i lenei tauiviga i le va o Keriso ma Satani e peiseai e leai
se taūa faapitoa i o latou lava olaga; ma e ititi lava la le taua ia i latou. Ae peitai i totonu
o loto o tagata taitasi uma lava o loo toe faia ai lava foi lenei tauiviga. E lē tuua lava e se
tasi le vaega a le fili mo le auaunaga i le Atua e aunoa ma le fetaia’i ma osofaiga a
Satani. O faaosoosoga na teena e Keriso o faaosoosoga ia o loo sili ona faigata ia i tatou
ona tetee i ai. Na una’iina atu ia te Ia i se tulaga sili atu ona malosi e faapei ona sili atu
lana amio nai lo a tatou amio. I le tulaga matautia le mamafa o agasala a le lalolagi i
Ona luga, sa teena ai e Keriso le faaosoosoga i le meaai, o le fiafia i le lalolagi, ma le
fiafia i le faalialia lea e ta’ita’ia atu ai i le uiga faafoliga (presumption). O faaosoosoga
nei sa faatoilaloina ai Atamu ma Eva, ma o loo faatoilaloina ai foi i tatou.” – Ibid., pp.
116, 117.
1.
O tatou saoloto ea ina ia tatou faia soo se mea lava tatou te mananao i ai i o tatou
tino e aunoa ma le aafia ai o isi vaega o o tatou tino?
2.
Aisea ua fautuaina ai i tatou e le Atua ina ia alo ese mai i meaai taufaasese? E
mafai ea ona ou manatu i ni meaai e tatau ona alo ese mai ai?
3.
O le a le mea o loo manaomia ina ia avea ai i tatou o ni tagata onosai? O a’u ea o
se tagata onosa’i?
4.
Aisea e tuu mai ai e le Atua faatonuga maoti faapenei i Ona tagata? O o’u faafetai
ea mo Ana fautuaga?
5.
E sili atu ea pe itiiti ifo le taua o le vaai faale-agaga a’o aga’i atu pea le taimi?
Savali i le Malamalama. “O loo i ai nisi tagata talitonu latou te taliaina nisi vaega o
Molimau o le feau a le Atua, ae latou te teena vaega ia e a’oa’iina ai o latou tuinanauga
sili ona fiafia i ai. O tagata faapea o loo latou galulue tetee i lo latou lava manuia, ma le
manuia o le ekalesia. E aoga lo tatou savavali i le malamalama a’o ia i tatou pea le
30
malamalama. O i latou o loo fai mai e talitonu i le toe fuata’iina o le ola maloloina, ae
galulue tetee i ona tapulaa i faatinoga i le olaga i aso taitasi, o loo latou faaleagaina o
latou lava agaga ma o loo latou tuua faata’ita’iga sese i mafaufau o tagata talitonu ma
tagata lē talitonu.” – Counsels on Diet and Foods, p. 37.
A’oa’o A Outou Fanau. “E tatau ona outou a’oa’oina a outou fanau. E tatau ona outou
faatonuina i latou ina ia inoino i amioga leaga ma uiga ma faiga leaga a lenei tupulaga.
Ae aunoa ma le faia o lenei galuega, e toatele i latou o loo suesue pe faapefea ona maua
se meaai lelei e ‘ai. Tou te tuuina i luga o a outou laulau pata, fuamoa, ma aano o manu,
ma aai ai foi a outou fanau. O loo fafagaina i latou i mea tonu lava ia o le a faaosoina ai
o latou lagona faamanu, ona outou o mai lea i faatasiga i lotu ma outou ole atu i le Atua
ina ia faamanuia ma lavea’i a outou fanau. O le a le maualuga e o’o i ai a outou tatalo?
O loo ia te outou se galuega e tatau ona outou faia muamua. A uma loa ona outou faia
mo a outou fanau le galuega atoa lava lea na tuua e le Atua ia te outou tou te faia, ona
mafai loa lea ona outou ole atu ma le mautinoa ma maua mai le fesoasoani faapitoa ua
folafola mai le Atua Na te foai mai ia te outou.” – Testimonies (1870), vol. 2, p. 362.
Faata’ita’iga Faale-Lagi. “I lesona uma lava e tatau ona a’oa’oina mai i le ulua’i
tofotofoga a lo tatou Alii, e leai lava se isi e sili atu ona taua nai lo le tofotofoga i le
puleaina o le mana’o i le ‘ai ma lagona . . . . E na o le lagona tiga lē mafaamatalaina lava
na onosaia e Keriso e mafai ai ona tatou fuaina le leaga tele o le tuinanau lē mataofia o
le ‘ai. O Lana faata’ita’iga ua faailoa mai ai, na pau lava lo tatou faamoemoe o le ola e
faavavau o le aumaia lea o le manao o le ‘ai ma lagona o le tino ia usitai i le finagalo o
le Atua . . . O le faaosoosoina la o Ia i faaosoosoga e tatau foi ona uia e le tagata, ua
saunia ai e lo tatou Alii le ala mo i tatou ina ia tatou manumalo ai.” – The Desire of
Ages, pp. 122, 123.
Taulaga Sapati Muamua _______________________ Sapati, Fepuari 3, 2007
Mo le Matagaluega Fesoasoani mo le Soifua Maloloina o Tagata Uma
O le taimi lava na ulufale mai ai le agasala i le paneta lenei, ua faapito ai loa le natura o
le tagata ma ua tula’i mai ai loa se tulaga lē paleni faale-tupe i totonu o le lalolagi.
I le tasi itu, o loo i ai se vaega laititi o loo pulea le tamaoaiga o le lalolagi. A’o le isi itu,
o se vaega tele lava o le fuaitau aofa’i o le lalolagi o loo mata’utia tele manaoga o loo
latou manaomia, e o’o lava i ni a latou meaai ma ofu. O le faateleina o le amioleaga ma
le sauā i le tele o vaega o le lalolagi, ua o’o mai ai faasalaga a le Atua i luga o le
fogaeleele. O le iuga o le agasala o loo faamatalaina i totonu o le Tusi Paia “o le a
maalili foi loto o tagata e toatele” (Mataio 24:12).
O lipoti na faato’a mavae atu e faatatau i le tulaga o loo i ai nei le lalolagi e faatatau i le
mativa e faapenei:
31
O le faafitauli o le fia ai i le lalolagi ua tulai mai ona o le lē paleni poo le lē lava o le
tufatufaina o tagata ma meaai, ma ua tulai mai ai nei le faafitauli o le taimi lava lenei ma
se taimi umi ua lamatia ai le ola maloloina o le miliona ma miliona o tagata. O
faata’ita’iga o le fia ‘ai ma le lē paleni o meaai e tulai mai pe a lē lava se vaega o meaai
a le lalolagi e mafai ona maua e tagata. O le Faalapotopotoga o Meaai ma Faatoaga a
Malo Au Faatasi ua latou fuaina e tusa ma le 500 miliona tagata o loo mafatia i le fia ai
ma aafiaga o le lē paleni o meaai. O le Komiti Tauatia’e a Atunuu i Fafo o loo ia fuaina
e tusa ma le 400 miliona tagata i malo tauatia’e i le 1980 sa ola i ni olaga matuā matitiva
lava ma fia aai. O le Galuega o loo Faia nei mo ē fia aai o loo ia fuaina e tusa ma le 13 –
18 miliona tagata e feoti i tausaga taitasi ona o le fia aai. O le vaega tele lava o loo
tumau ai nei tulaga leaga. O se mea moni o le olaga i aso taitasi.
I le avea o i tatou ma tagata o le Atua, ua ia i tatou se tiute paia ina ia fesoasoani i tagata
“uma” “aemaise ai lava i latou o le aiga o le faatuatua.”
E tusa ai ma le Mataio 25:31-46, o lo tatou iuga e faavavau o le a filifilia i le faavae o le
alofa mo Keriso ma o tatou uso a tuaoi. O lo tatou naunau mo le fesoasoani i isi o le a
faaalia ai pe tatou te iloa moni lava Keriso o lo tatou Alii ma lo tatou Faaola pe ua na
ona ia i tatou se tautinoga o le faatuatua i le vaaiga i fafo.”
Davi P. Silva, Failautusi o le Matagaluega o le Manuia o Tagata Lautele a le
Koneferenisi Aoao
Lesona 5 _______________________________________ Sapati, Fepuari 3, 2007
MEAAI MA LE OLA MALOLOINA
“Ia outou, ne’i faamamafaina o outou loto, ma le faaniniva, ma le onā, ma le
popole i mea a le olaga nei, ne’i faafuasei mai lea aso ia te outou” (Luka 21:34).
“E toaititi lava tagata o loo latou iloa e faapei o le tulaga e tatau ona latou
malamalama i ai o a latou masaniga o meaai e fesoota’i lelei lava ma o latou ola e
faavavau, o a latou amio, o o latou olaga aoga i lenei lalolagi, ma lo latou iuga e
faavavau. E tatau lava ona usita’i atu le manaoga o le ‘ai i malosi faale-mafaufau ma le
faale-agaga. E tatau ona auauna le tino i le mafaufau, ae lē o le mafaufau i le tino.” –
Faitauga Fautuaina:
Counsels on Diet and Foods, pp. 175-182, 368.
Counsels on health, pp. 72-74.
Child Guidance, pp. 384-389, 399.
The Sanctified Life, p. 20.
32
“Fai mai le perofeta o Malaki, ‘Faauta, o le a Ou auina atu ia te outou o Elia le
perofeta a’o le’i o’o mai le aso tele ma le mata’utia o le Alii: o le a ia faaliliu foi loto o
matua i a latou fanau, ma loto o fanau i o latou matua’ (Malaki 4:5, 6). O iinei o loo
faamatala mai ai e le perofeta le uiga o le galuega. O i latou o le a saunia le ala mo le toe
afio faalua mai o le Alii o loo faatusaina mai i latou e Elia faamaoni, e faapei ona sau o
Ioane i le agaga o Elia ina ia saunia le ala mo le ulua’i afio mai o Keriso. E tatau ona
matuā alagaina lava le mataupu tele o le toe fuata’iga, ma e tatau foi ona fafaguina
mafaufau o tagata lautele. O le faifaatatau lelei i mea uma lava e ao ona fesoota’i ma le
feau, ina ia liliuina ai tagata o le Atua mai i lo latou ifo i tupua, o lo latou manao tele ma
le matape’ape’a, ma lo latou soona faatautala i ofu ma isi mea. O le faafitia o le manao o
le tagata, loto maulalo, ma le faifaatatau lelei o loo manaomia i le au paia, i latou ia o
loo ta’ita’ia ma faamanuiaina faapitoa e le Atua, e tatau ona a’oa’oina atu i tagata e tetee
atu ai i le olaga soona faatautala, ma masaniga-faafanoina-ai-le-ola maloloina a i latou o
loo ola i lenei tupulaga faafanoina.” – Counsels on Health, pp. 72-73.
Ulua’i Aso _________________________________________________ Ianuari 28
1.
FAAAOGA (aina) MEAAI SILI ONA MALOLOINA
a.
O le a le fua e tasi o loo faamaonia mai ai o loo afio le Agaga o le Atua i
totonu o le loto? Kalatia 5:22, 23; Filipi 4:5.
b.
O le a le uiga o le “faifaatatau lelei moni” o loo aumaia i le Tusi Paia?
“O le faifaatatau lelei moni lava e a’oa’o maia ia i tatou ina ia tatou lafoa’i atoa
lava mea uma e faamanu’alia ai le tino ma faaaoga ma le poto mea ia e maloloina.” –
“Ia faatumau pea i luma le galuega o le toe fuata’iina o le ola maloloina, o le feau
lea ua faatonuina a’u ina ia ta’u atu. Faailoa mai ma le manino lona aoga auā o le a
lagonaina ai se manaoga faalauteleina mo lea toe fuata’iga. O le lē faaaogaina o meaai
ma vaiinu uma lava e leaga, o le fua lea o le tapuaiga moni. O le tagata ua liua
faamaoni lava o le a ia lafoaia foi masaniga uma ma tuinanauga uma lava o le ‘ai e
faamanu’aina ai. O lona matuā lē faaaogaina lava o nei mea leaga uma, o le a ia
manumalo ai mai i ona faanaunauga mo tuinanauga e faaumatiaina ai le ola
maloloina.” – Counsels on Diet and Foods, p. 457.
c.
E faapefea ona tatou malamalama i mea e faamanu’alia ai? Roma 12:2.
“O i latou e aai ma galulue ma le lē faifaatatau lelei ma le lē faautauta, e tautatala
foi ma gaioi ma le lē faautauta. E lē seiloga e inu i le ava malosi ina ia lē faifaatatau lelei
ai. O le agasala o le ‘ai ma le lē faifaatatau lelei – o le ‘ai so’o, o le tele o le meaai e
faaaogaina, ma le faaaogaina o meaai ga’oa ma lē atoatoa le maloloina – e faaumatia ai
33
gaioiga maloloina a totoga o loo lomia meaai, aafia ai le mafaufau, ma faaleagaina ai le
mafaufau i filifiliga, ma taofia ai manatunatuga ma gaioiga faautauta, to’a ma le
maloloina.” – Child Guidance, p. 398.
“O se mea sese le manatu lea faapea o le malosi o maso o le tino e faalagolago i le
faaaogaina o meaai faia i aano o manu. O manaoga o le tino e mafai ona fafagaina i
meaai sili atu, ma o le ola maloloina i le malosi sili atu e mafai ona olioli ai e aunoa ma
le faaaogaina o aano o manu. O fua ma fatu o laau (grains, fruits, nuts, vegetables) o loo
i ai mea uma lava e manaomia ma aoga ina ia fausia ai le toto lelei. O nei mea uma
(nutritive properties) e lē lelei atoa ma e lē maua atoa foi i se meaai e faia i aano o
manu. Ana aoga ma taua le faaaogaina o aano o manu i le ola maloloina ma le malosi,
semanu e aofia ai i le meaai na faatonuina mai i le tagata i le amataga.” – Ibid., p. 384.
Aso Gafua ________________________________________________ Ianuari 29
2.
O MEA LAVA E TE FAATAGAINA, O MEA FOI NA E TE
LAGOLAGOINA
a.
O le usita’i ea o se mea lea e te faia pe a fetaui ma oe, pe fetaui i lau tofo, pe o
se tapulaa? Mataio 5:19; Iakopo 2:10; Mataio 6:24.
“Ua fetalai mai le Atua, ma Na te finagalo ina ia usita’i le tagata. E lē fesili mai le
Atua pe fetaui ma le manatu o le tagata le usitai i Lana faatonuga. O le Alii o le ola ma
le mamalu Na te le’i manatunatu poo a mea e fetaui mo Ia poo Ona fiafiaga ina ua Ia
tuua Lona tulaga maualuga ina ia avea ai o Ia ma tagata o le faanoanoa ma masani i le
tiga, ma taliaina le faalumaina ma le oti ina ia lavea’ia ai le tagata mai i iuga o lona lē
usita’i. Na maliu Iesu, e lē ina ia lavea’ia ai le tagata i totonu o ana agasala, a ia lavea’ia
ai le tagata mai i ana agasala. E tatau la ona tuua e le tagata le sese o ona ala, ina ia
mulimuli i le faata’ita’iga a Keriso, ina ia ave e ia lona satauro ma mulimuli atu ia te Ia,
faafitia ai e ia o ia lava, ma usitai ai i le Atua i soo se tau lava.” – Testimonies, vol. 4,
pp. 250, 251.
b.
O le a le fautuaga faapitoa lava e aoga mo le maloloina o le lomiina o meaai
ma le onosa’i/usita’i? Failauga 3:1.
“E i’u ina vaivai le manava ona o le galue i taimi uma, i le lafoa’ieseina o meaai e
lē atoatoa lo latou maloloina. O le leai o se taimi mo le malolo, e faavaivaia ai totoga o
loo lomiina meaai, o le mafuaaga lena o le lagona ‘matapogia,’ ma le faanaunauga ina ia
‘ai i taimi uma. O le fofo e manaomia mo lagona faapea, o le faaitiitia lea o le aofa’i o
taimi e ‘ai ai ma faaititia le meaai e faaaogaina, ma ia faamalieina i meaai faigofie (plain
and simple food), ia ‘ai fa’alua, pe o le faatolu i le aso, a ia aua ne’i sili atu. E tatau ona i
ai taimi faatulagaina a le manava mo lana galuega ma lana malologa; o le mafuaaga lea
e avea ai le ‘ai so’o ma le ‘ai i vaiaiga o se solitulafono sili ona leaga i tulafono o le ola
34
maloloina. O masaniga faatulagaina, ma meaai maloloina, o le a faapena ona toe fofoina
ai le manava.” – Counsels on Diet and Foods, p. 175.
c.
O le a le faiga o loo faaaogaina i le faia o le uaina o loo faamatala mai i le
Faataoto 23:29-32? E tatau ea ona tatou faatagaina lenei lava mea ina ia toe faia i
totonu o o tatou manava?
“O le mama’i/tigā o o tatou manava e tula’i mai ona o le lē fetaui o meaai e
faaaoga i le ‘aiga e tasi; ona tupu ai loa lea o le mafu; ua faaleagaina le toto ma ua
fenumia’i ai le faiai. O le masaniga o le soona ‘ai, poo le faaaogaina foi o meaai eseese e
tele i le ‘aiga e tasi, e masani lava ona tupu ai le ma’i ma le tigā o le manava . . . Ua
suitulaga faama’i i le nofoaga o le ola maloloina.” – Counsels on Diet and Foods, pp.
110, 111.
Aso Lua __________________________________________________ Ianuari 30
3.
FAAPAIAINA E LE UPU A LE ATUA
a.
O le a le tapulaa e tatau ona tatou manatua i le filifilia o a tatou meaai? 1
Timoteo 4:3-5. O a meaai sa faapaiaina e le Upu a le Atua i le ulua’i fuafuaga?
Kenese 1:29.
“Afai e tuu mai i o’u luma ni meaai eseese, ou te taumafai e filifili na o meaai
lava ia ou te iloa e lelei pe a faaaogaina faatasi. E faapena ona mafai ai ona ou
faatumauina le manino o le malosi o lo’u mafaufau. Ou te musu e tuu ma le iloa i lo’u
manava soo se mea lava o le a tupu ai le mafu o meaai. O le tiute lea o tagata toe fuata’i
uma lava o le soifua maloloina. E tatau ona tatou manatu i mea uma ma o latou aafiaga.
O lo tatou tiute lo tatou fai faatatau lelei i mea uma lava.” – Counsels on Diet and
Foods, p. 493.
b.
Ina ua mavae le agasala, na fetalaia mai e le Atua se mea e faaopoopo i le
meaai. O le a lea mea? Kenese 3:18.
“A’o tatou fautuaina le tulaga faigofie i a tatou meaai, ia malamalama, tatou te lē
o fautuaina atu se ituaiga meaai itiiti poo le lē maloloina foi mo le tino. Ia tele fuālaau
(fruits and vegetables) e lelei mo le faaaogaina. O fuālaau aina (fruits) ua pula tele poo
fualaau mata foi (vegetables) ua magumagu e lē tatau ona faaaogaina. O fualaau aina
(fruits) ma fualaau mata (vegetables) e lē tatau ona faaaogaina/aina faatasi i le ‘aiga e
tasi. I le tasi meaai, faaaoga le falaoa ma fualaau aina (fruits), i le meaai e sosoo ai,
faaaoga le falaoa ma fualaau mata (vegetables). E faapena ona mafai ona tatou
faaaogaina fualaau eseese uma lava tatou te manaomia ina ia tatou faaaogaina, ma afai
35
tatou te faaaogaina puligi ma mea faapena (puddings and custards), ia faaaogaina le
falaoa ma puligi mo le meaai.” – The Signs of the Times, September 30, 1897.
c.
Na foa’i mai e le Atua i Ona tagata aano o manu e ‘ai ina ua mavae le Lolo.
Mulimuli ane, i le saunia o i latou ina ia ulufale atu i le Laueleele Folafolaina, na Ia
foa’i atu ia i latou le manai. E faapefea ona tutusa o latou lagona ma lagona o
tagata o lo tatou taimi? Filipi 3:19; Isaia 65:4, 5; 66:15-17; 22:12-14.
“O i latou e solia le tulafono a le Atua i o latou tino o le a latou lē faatuai foi i le
solia o le tulafono a le Atua na fetalaia mai i Sinai. O i latou o le a lē aai ma inu e tusa ai
ma tapulaa a ua puleaina e le tuinanau o le ‘ai ina ua uma ona o’o mai o le malamalama
ia i latou, o le a latou lē mausali foi e faatatau i le puleaina o i latou e tapulaa i isi mea.
O le alagaina o le mataupu o le toe fuata’iga i le ‘ai ma le inu o le a faaalia ai amio ma o
le a lē sese lava le faaalia ai o i latou o loo faia ‘o latou manava ma atua.’” – Counsels
on Health, p. 39.
Aso Lulu ___________________________________________________ Ianuari 31
4.
O NISI MEA E MAFAI ONA FAASESEINA AI
a.
O le iloaina o le uiga faale-natura o se tasi e fiafia i meaai suamalie, o le a le
faatonuga ua aumaia i le Tusi Paia? Faataoto 24:13; 25:27. O le tele o se mea lelei e
lē lelei lea. O le a le mafuaaga mo le fautuaga ua aumaia i le Faataoto 25:16?
“O meaai ma vaiinu leaga o loo matua faaaogaina lava i se tulaga o loo ua matua
soona faavaivaia ai lava totoga o le manava e faamalūina meaai. Ua faaaogaina malosi
sili ona taua i le galuega lē taua i le aveesea o le meaai, lea e mafua ai ona vaivai, ma
matua faaleagaina ai lava le taamilosaga a le toto, o le iuga la, ua lagonaina e le tino atoa
lava le manaomia o le malosi taua . . . . O tane/alii ma tamaitai Kerisiano e lē tatau lava
ona latou faatagaina o latou aafiaga e faatagaina ai se amioga faapea e ala i lo latou aai i
meaai lelei (i o latou manatu) o loo faapena ona saunia. Ia latou malamalama o la outou
sini i le asiasi atu ia i latou, e lē o le faamalieina lea o le tuinanau o le ‘ai, ae peitai o lo
outou mafuta faatasi, ma fefaaalia’i ai manatu ma lagona, o le a avea ai o se
faamanuiaga mo outou uma.” – Counsels on Diet and Foods, p. 88.
b.
O a meaai “lelei” ia, ma aisea o loo faailoaina mai ai o ni “faaseseega”?
Faataoto 23:3.
“O le suka e lē lelei mo le manava. E faatupuina ai le mafu o meaai i totonu o le
manava, ma o lenei tulaga o meaai i totonu o le manava e faapogisaina ai le mafaufau
ma aumaia ai le itaita gofie i uiga o le tagata.” – Counsels on Diet and Foods, p. 327.
36
c.
O le a le tapulaa e tatau ona tatou teuina i o tatou mafaufau pe a filifilia
meaai/vaiinu o le a ulufale atu i o tatou gutu? 1 Korinito 10:31; Faataoto 23:1;
Tanielu 1:8.
“O le mausali o tapulaa faale-tapuaiga i se tagata o se oa lē mafuatia lea. O le
aafiaga silisili lenei ona mamā, maualuga, ma le faapaiaina e mafai ona maua e se tagata
ola. O tagata faapena ua ia i latou se taula. O gaioiga taitasi uma lava e mafaufau lelei i
ai, ne’i avea ona aafiaga ma mafuaaga e faamanu’alia ai se isi ma ta’ita’ieseina ai mai ia
Keriso. O le fesili i taimi uma a le mafaufau e tatau ona faapea: Le Alii e, o le a faapefea
ona ou auauna ia te Oe i le mea sili ou te mafaia ai, ma faamamaluina Lou suafa i le
lalolagi? O le a faapefea ona ou ola ina ia faia Lou suafa o se viiga i le lalolagi, ma
ta’ita’ia ai isi ina ia alolofa, auauna, ma ava ia te Oe? Tau lava ina ia ou naunau ma
filifilia Lou finagalo.” – Testimonies, vol. 2, p. 129.
Aso Tofi ____________________________________________________ Fepuari 1
5.
PULEAINA O LE MANAO O LE ‘AI
a.
O le a se mea ua folafola mai e le Atua ia i latou e saili ina ia latou faia Lona
finagalo atoa lava? Salamo 1:1-3; Faaaliga 22:14.
“Afai o le a tausia e Kerisiano le puleaina o le tino, ma aumaia o latou manaoga
uma lava o meaai ma lagona i lalo o le puleaga o le mafaufau faamalamalamaina, ma
latou lagona ai o se tiute o loo latou nofo aitalafu ai i le Atua ma o latou tuaoi lo latou
usita’i i tulafono o loo puleaina ai le ola maloloina ma le ola, o le a latou maua le
faamanuiaga o le malosi faale-tino ma le mafaufau. O le a latou maua le malosi faaleagaga latou te tau ai i le taua ma Satani, ma o le a avea ai i latou ma tagata manumalo
sili atu mo i latou lava i le suafa o Lē na faatoilaloina le tuinanau o le mana’o i le ‘ai mo
i latou.” – Testimonies, vol. 4, pp. 35, 36.
“Afai tatou te faia le finagalo malie o lo tatou Atua na foafoaina i tatou, o le a Ia
tausia foi le tino o le tagata i se tulaga maloloina, ma toe faafoisia mai le malosi faaleagaga, faale-mafaufau, ma le faale-tino, ina ia mafai ai ona Ia galue e ala atu ia i tatou
mo Lona viiga. O loo faaalia i o tatou tino i taimi uma Lona mana faamalolo.” – The
SDA Bible Commentary [Ellen G. White Comments], vol. 1, p. 1118.
b.
O le a le mea e taua mo i tatou i le fausiaina a’e o le “koleniina o la tatou
tofo”? 1 Korinito 9:25-27.
“[Teuteronome 6:1, 2]. O lenei mau ua a’oa’oina ai i tatou o le usitai i manaoga o
le Atua e aumaia ai le usitai i lalo o tulafono o loo pulea ai le tagata faale-tino. O i latou
e mananao e faatumauina i latou i le ola maloloina e tatau ona latou pulea ma taofia i le
usitai manaoga uma lava o le tofo ma lagona. E lē tatau ona latou faamalieina saoloto
37
lagona tuinanau agasala ma le manao lē fai faatatau lelei o le ‘ai, auā e tatau ona latou
tumau i lalo o le puleaga a le Atua, ma e tatau foi ona faapena ona faaaogaina ma le poto
o latou malosi faale-tino, faale-mafaufau ma le faale-agaga ina ia tumau ai le masini o le
tino i se tulaga maloloina ma galue lelei.” – Lift Him Up, p. 160.
c.
O le aina o meaai faigofie i taimi faatulagaina e fesoasoani ai ia i tatou ina ia
koleni a tatou masaniga. O ai na faailoa maia se olaga faapea e ala i se faata’ita’iga
ma faatusa mai ai tagata faamaoni o aso mulimuli? Mataio 3:1-4.
“A uma le ‘aiga i le taimi faatulagaina, e tatau ona faatagaina le manava ina ia
malolo mo le 5 itula. E lē tatau lava ona toe tuuina se isi lava fasi meaai i le manava
seivagana ua o’o i le taimi o le isi ‘aiga. O lenei vaega taimi i le va o ‘aiga e lua o le a
faatinoina ai e le manava lana galuega ma o le a sauni ai loa i se tulaga e mafai ai ona
toe taliaina le isi meaai.” – Child Guidance, p. 389.
Aso Faraile ________________________________________________ Fepuari 2
1.
Aisea e lē finagalo ai le Atua tatou te aai ma inu ma faaaogaina soo se mea lava e
faamanu’alia ai o tatou tino? O o’u naunau ea e tuua ia mea uma?
2.
E faapefea ona fesoasoani le faata’ita’iga a Iesu ia i tatou ina ia tatou faatoilaloina
ai soo se faanaunauga lava ma soo se manaoga mo le tuinanau i aano o manu?
3.
Na finagalo ea le Atua e aina e Ona tagata meaai lē mamā ma fiafia i le fasioti
tagata?
4.
Aisea e sese ai le faia o faigā ‘ai faia so’o i le taimi o le faamasinoga/togiola?
5.
O le a se mea o le a sili ona fesoasoani i le fausiaina a’e o le puleaina o le tagata e
ia lava? O o’u faatinoina ea?
Faama’umauina o Malosi Taua. “O le lē fai faatatau lelei i le ai ma le inu, i galuega,
ma mea uma lava, o loo ua taatele nei i soo se mea. O i latou e matua galulue lava ina ia
faataunuuina ai se galuega tele i se taimi fuafuaina, ma faaauau pea ona latou galulue i
le taimi e fai atu ai o latou mafaufau ia i latou ua tatau ona latou malolo, latou te lē maua
lava se malosi. O loo latou ola i malosi nonōina. O loo latou fa’ama’umauina malosi
taua ia o le a latou manaomia i se taimi oi lumana’i. A manaomia loa le malosi lea sa
latou faama’imauina, o le a latou lē maua. Ua alu ese le malosi faale-tino ma ua lēai se
malosi faale-mafaufau. Ua latou iloa ua leai se malosi o ia i latou. Ua o’o mai le taimi
latou te manaomia ai le malosi, a ua leai so latou malosi faale-tino. O i latou e
faaleagaina tulafono o le ola maloloina o le a latou seleseleina foi le faasalaga. Ua foai
mai e le Atua ia i tatou malosi o o tatou tino, afai la tatou te soona faaaogaina ma le
faatautala lenei malosi e ala i le soona galue i taimi uma, o le a faapuupuuina lo tatou
38
aoga, ma o le a vave ai ona muta o tatou ola.” – The Signs of the Times, September 30,
1897.
O le Malologa a le Manava. “O le manava, a tatou taooto i lalo e malolo, e tatau ona
leva ona uma ona faia lana galuega, ina ia olioli ai foi le manava ia i le malologa, e
faapei o isi vaega o le tino. O le galuega a le manava o le lomiina o meaai e lē tatau ona
faia i soo se taimi lava e moe ai le tagata. A uma ona faatinoina le galuega a le manava
lea ua soona galue, ua vaivai loa, ona tupu ai loa lea o le lagona matapogia. O iinei o loo
faaseseina ai le toatele o tagata, ma latou manatu ai o le manaomia o le meaai lea e
mafua ai lagona matapogia faapenei, e aunoa la ma le tuuina atu i le manava o le taimi e
malolo ai, latou te toe aina ai foi le tele o meaai, lea e aveesea ai le lagona matapogia lea
mo na o sina taimi. O le tele la o le faamalieina o le mana’o tuinanau lea i le ‘ai, o le sili
atu foi lena o le naunau mai o le lagona lea ina ia faamalieina. O lenei lagona matapogia
o le iuga lea o le aiina o aano o manu, ma le ‘ai i taimi uma, ma le telē o le meaai e
aina.” – Counsels on Diet and Foods, p. 175.
Lesona 6 ________________________________________ Sapati, Fepuari 10, 2007.
MEAAI MO LE OLA
“O le a ou vivii atu ia te Oe; auā na faia a’u e ala ai ona mata’utia ma ofo tele
ai; o mea na E faia o mea mamana ia; ua ou matuā iloa e a’u nei mea” (Salamo
139:14).
“O se olaga mamā ma le amio lelei, o se olaga o le manumalo i le tuinanau i le ai
ma lagona leaga o le tino, e mafai ona maua e tagata taitasi uma lava o le a faatasia atu
lona loto vaivai ma le gatete i le finagalo mamana malosi ma le mausali o le Atua.” –
The Faith I Live By, p. 154.
Faitauga Fautuaina:
Thoughts From the Mount of Blessing, pp. 123-128.
Testimonies, vol. 6, pp. 369-379.
“O le avea o i tatou ma uso ma tuafafine o lo tatou Alii, ua valaauina ai i tatou i se
valaau paia i se olaga paia ma le fiafia. O lo tatou ulufale mai i le ala vaiti o le usita’i, ia
tatou faafouina ai o tatou mafaufau e ala i lo tatou talanoa o le tasi ma le tasi ma le Atua.
A’o tatou vaavaai atu i le aso o le Atua ua latalata mai, ia tatou faapotopoto i taimi uma
ina ia suesue Lana Upu ma apoapoa’i le tasi i le isi ina ia faamaoni seia o’o i le iuga. O
nei faatasiga i le fogaeleele nei o auala nei a le Atua tatou te maua ai avanoa tatou te
talanoa ai le isi i le isi ma maua mai ai le fesoasoani uma lava e mafai ona tatou maua
ina ia sauni ai, i le ala sa’o, ina ia tatou maua i faapotopotoga i le lagi, le faataunuuga o
ta’utinoga o lo tatou tofi.
39
“Manatua i faatasiga taitasi uma lava o loo ē fetaia’i ai ma Keriso, le Matai o
faapotopotoga uma. Lagolago le faatauaina o isi; auā e lē lava le na ona iloaina o tagata.
E tatau ona tatou iloa i latou i totonu ia Iesu Keriso. Ua faatonuina i tatou ina ia ‘manatu
i isi.’ O le autu lea o le tala lelei. O le autu o le manatu o le lalolagi o le manatu ifo lava
lea o a’u ia te a’u.
“Ou te faamalosi’au atu ia i latou o loo faapotopoto i tama’i vaega o tagata ina ia
tapua’i i le Atua. Tuagane ma uso, aua tou te faavaivai ona e toaititi lo outou
fuainumera. O le laau e tu na o ia i luga o le laueleele mafolafola, e sosolo ifo sili ona
maulalo ona a’a i totonu o le eleele, e fofola mamao atu ona lālā i itu uma, ma sili atu
ona malosi lona ola ma sili atu ona paleni a’o tauivi na o ia ma matagi o le olioli i le
susulu o le la. E faapena foi le Kerisiano, o le vavaeeseina o ia mai i le faalagolago atu i
fesoasoani faale-lalolagi, e mafai ai ona ia a’oa’o ina ia faalagolago atoatoa i le Atua,
ma mafai ona ia maua ai le malosi ma le loto tele mai i tauiviga taitasi uma lava.” – Our
High Calling, p. 166.
Ulua’i Aso _______________________________________________ Fepuari 4
1.
SUESUE LE TINO FAALE-TAGATA
a.
Ua aumai e le Atua faatonuga ia i tatou ina ia suesue i mea e tele. O le a le
suesuega o loo muamua i suesuega na Ia tuu mai? O le a le tasi o mea muamua lava
e tatau ona tatou suesueina ma a’oa’o atu i a tatou fanau? Salamo 86:11.
“E tatau ona saili matua ina ia fafagu i totonu o a latou fanau se naunautaiga i le
suesuega e faatatau i le tino. I le amataga lava o le malamalamaaga o le mafaufau e tatau
ona poto le mafaufau faale-tagata e faatatau i le fausaga o le tino. E mafai ona tatou
vaaia ma fiafia i galuega a le Atua i le lalolagi faale-natura, ae o le nofoaga i totonu o le
tino e sili ona ofoofogia. O le mea lea e silisili ai ona taua le tulaga o le suesuega e
faatatau i le tino i suesuega e filifilia mo le fanau. E tatau ona suesueina e fanau uma
lava. Ia tautuana ma matua ia mautinoa o loo faaopoopo i ai le olaga tumamā
faatinoina.” – Counsels to Parents, Teachers, and Students, p. 125.
b.
Aisea e taua tele ai lenei suesuega? Salamo 119:73.
“Ona o tulafono o le natura o tulafono ia a le Atua, ua matua manino mai lava lo
tatou tiute ina ia suesueina ma le faaeteete nei tulafono. E tatau ona tatou suesueina o
latou manaoga e faatatau i o tatou lava tino ma liliu loa i ai. O le lē amanaiaina o nei
tulafono o le agasala lea.” – Testimonies, vol. 6, p. 369.
“O loo i ai mataupu e lē masani ona aofia i le suesuega o le mataupu e faatatau i
le tino, e tatau ona manatunatu i ai – mataupu e matua sili atu lo latou taua i le tamaitiiti
suesue nai lo le tele o a’oa’oga (technicalities) o loo taatele ona a’oa’oina i lalo o lenei
ulutala. Ona o nei tulafono o tapulaa faavae ia o a’oa’oga uma lava e faatatau i nei
40
mataupu, e tatau ona a’oa’oina le talavou, o tulafono o le natura o tulafono ia a le Atua –
o tulafono moni lava ia a le Lagi e faapei lava o poloaiga o le Tulafono. O tulafono o
loo pulea ai o tatou tino faale-tino, ua tusia lea e le Atua i luga o neura taitasi uma, o
maso taitasi uma, ma aano taitasi uma lava o le tino. O faiga faatautala uma ma le solia
ma le loto i ai o nei tulafono, o le agasala lava lea i lo tatou Atua. E ese la le aoga ma le
taua o le tatau ona tuuina atu o le malamalamaaga auiliiliina e faatatau i nei tulafono!” –
Child Guidance, p. 363.
Aso Gafua _________________________________________________ Fepuari 5
2.
“FAIA E ALA AI ONA MATA’UTIA MA OFO TELE AI”
a.
1 Korinito 12 o se lesona lea o loo faavae i luga o le tino faale-tino. O le a se
mea e mafai ona tatou a’oa’oina e faatatau i lona faatulagaga i vaega eseese? 1
Korinito 12:18, 14.
“E faapei ona vaaia i le suesuega o le tino (physiology) e iloa ai e [tamaiti a’oga]
e moni lava ua ‘faia i latou i se tulaga e ala ai ona mata’u ma ofo tele ai’ (Salamo
139:14), o le a osofia ai i latou i le ava. E aunoa ma le faaleagaina o le galuega a le
Atua, o le a latou naunau ai ina ia latou faia le mea atoa lava e mafai ona latou faia, ina
ia faataunuuina ai le fuafuaga mamalu a le Atua foafoa. O le a faapena ona latou
amanaia le usitai i tulafono o le ola maloloina, e lē o se faataulagaofoina ai poo le
faafitia ai foi e le tagata o ia lava, ae o le a latou manatu i ai i le tulaga moni lava, o se
avanoa ma se manuia lē mafuatia.” – Education, p. 201.
b.
E mafai ea ona aafia le tasi vaega o le tino e aunoa ma le aafia ai o isi vaega?
1 Korinito 12:26. O le a le mea ua ta’uina mai ia i tatou e faatatau i le suesueina o
le tino faale-tino?
“O le galulue faatasi lelei o vaega uma lava – faiai, ivi, ma maso – e aoga lea ma
taua mo le fausiaina a’e atoa lava ma le maloloina o le tino atoa lava faale-tagata.” –
Fundamentals of Christian Education, p. 426.
c.
Aisea e taua ai le faatumauina i le ola maloloina o vaega sili ona laiti o o
tatou tino? 1 Korinito 12:25; Luka 16:10.
“O tomai ua foai mai i le mafaufau ma le tino e tatau ona puipuia ma le faaeteete.
O a tatou meaalofa e lē tatau ona faavaivaia e ala i lo tatou soona faamalieina o o tatou
tuinanau leaga. O malosi taitasi uma lava e tatau ona tausia ma faatumauina ma le
faaeteete, ina ia sauni i taimi uma lava mo le faaaogaina i le taimi lava e manaomia ai. E
lē tatau ona faavaivaia se vaega o le tino e ala i le sese o le faaaogaina. O vaega taitasi,
tusa lava poo le a le laititi, e i ai lava lona aafiaga i le tino atoa. O le soona faaaogaina
41
poo le faaaogaseseina o le neura e tasi poo le maso e tasi e faaitiitia ai le aoga o le tino
atoa. O i latou na foai mai i ai e Keriso Lona ola mo i latou e tatau ona latou aumaia a
latou masaniga ma faatinoga ia liua atu i Lona finagalo.” – The Upward Look, p. 379.
Aso Lua _________________________________________________ Fepuari 6
3.
O LE TOTO O LE VAITAFE LEA O LE OLA
a.
O fea e sau ai le ola e aoga mo sele (cell) taitasi? Levitiko 17:14;
Teuteronome 12:23.
“O le auala e maua ai le ola maloloina lelei, e tatau ona tatou maua le toto lelei;
auā o le toto o le vaitafe lea o le ola. Na te toe fausia vaega ua leaga ma fafaga le tino. A
fafagaina i meaai e maua ai mea lelei o loo manaomia e le toto ma a faamamāina ma
faamalosia e ala i le fesoota’i ma le ea mamā, na te aveina le ola ma le malosi i vaega
taitasi uma lava o le tino. O le atoatoa o le lelei o le toto, o le sili atu foi lena o le lelei o
le faataunuuina o lenei galuega.” – The Ministry of Healing, p. 271.
b.
O le a le mea o loo manaomia ina ia fa’ao’o atu ai le toto ma ona okesene ma
mea faapena (nutrients) i vaega uma lava o le tino? Kenese 2:8.
“O lesona faigofie i le faaaogaina o totoga eseese o le tino e tatau ona tuuina atu i
le fanau latou te taulotoina. O le manatu lea o le faagaioia o le tino lea o loo faamalosia
ai totoga taitasi uma lava ma foai mai ai le ola fou ma le fafagaina i vaega uma lava o le
masini ola (tino) e tatau ona tusia mausali i totonu o le mafaufau. O le tulafono lea ua
filifilia e le Atua o le a puleaina ai le tino. O vaega uma lava o le tino e tatau ona
faagaioia. O le tutusa o le galue a le tino atoa e manaomia ina ia mafai ai e tagata o le
aiga ona faia auaunaga i totonu o le aiga, ma fesoasoani ai i isi ina ia maua se a’oa’oga
ma le koleniga. E tatau ona fuafua ma fafau e le faiai, ma e tatau foi ona faataunuuina e
maso le mana’o o le faiai.” – Manuscript Releases, vol. 5, pp. 222, 223.
“O le atoatoa o le ola maloloina e faalagolago lea i le atoatoa lelei foi o le
taamilosaga a le toto e ala i le faagaioia o vaega uma o le tino.” – Testimonies, vol. 2, p.
531.
c.
O le a se mea e tatau ona tatou ole atu ai i le Atua ina ia tatou faia ai le mea e
sili mo o tatou ola maloloina? Salamo 86:11; 1 Korinito 6:20.
d.
Aisea e aafia ai le tino atoa ona o le mafu o meaai i totonu o le manava?
“O le ma’i ma le tiga o le manava e tupu ona o le lē fetaui o meaai e faaaogaina
faatasi; ona mafu ai loa lea o meaai; faaleaga ai le toto ma faanunumiina ai le faiai.” –
42
Aso Lulu _________________________________________________ Fepuari 7
4.
O FUALAAU OONA E ‘ŎNA AI LE TOTO
a.
O le iloaina o le taua o le toto lelei, o le a se isi mea e tatau ona tatou puipuia
mai ai i tatou? Faaaliga 21:27; 18:23.
“O le a lē sao atu lava i ai se mea leaga e tasi, po o sē na te faia se mea inosia, poo
se pepelo; na o i latou lava o ē ua tusia i le tusi o le ola a le Tamai Mamoe.” “O le a lē
toe susulu foi i totonu ia te oe se malamalama o se lamepa; o le a lē toe faalogoina foi i
totonu ia te oe le leo o le faato’a faiavā ma le faato’a nofotane: auā o ou tagata faatauoa
o tagata sili ia o le lalolagi, auā o au togafiti faataulaitu na faaseseina ai malo uma”
(Faaaliga 21:27; 18:23).
MAITAU: O le upu “togafiti faataulaitu” o loo faaaogaina i le Faaaliga 18:23 i le
gagana Eleni o le “pharmakeia,” o lona uiga o “vailaau.” – James Strong, Strong’s
Exhaustive Concordance, Greek Dictionary of the New Testament, p. 75, entry #5331.
“A outou malamalama i le suesuega e faatatau i le tino (physiology) i lona tulaga
moni lava, o le a matuā laitiiti loa lau tupe e alu i fualaau oona, ma o le a i’u mulimuli ai
lava ina ē faamutaina ona toe faaaogaina ia fualaau oona (drugs). O le fomai e
faalagolago i fualaau oona i lana galuega e faailoa mai ai na te lē malamalama i le
masini anagatā o le tino faale-tagata. O loo ia tuuina atu i le tino se faatoaga o fatu o le a
lē toe aveesea lava lona malosi e faaumatiaina ai i le olaga atoa lava. Ou te ta’u atu ia te
outou nei mea auā e lē mafai ona ou natia. E matuā telē tele le tau na totogiina e Keriso
mo le faaolataga o le tagata e lē tatau ai ona togafitia leaga faapea e faapei ona faia ai i
vailaau faia i fualaau oona.” – Medical Ministry, p. 229.
b.
O le a la se mea tatou te faaaogaina? Faaaliga 22:2.
“Ua a’oa’o mai e le Alii ia i tatou o le malosi aoga tele lava mo le faamalologa o
loo i ai lea i le faaaogaina sa’o o le vai. O nei togafitiga e tatau ona faia ma le tomai. Ua
faatonuina i tatou o lo tatou togafitia o tagata mama’i e tatau ona tatou lafoaia le
faaaogaina o fualaau (drugs). O loo i ai vao (herbs) faigofie e mafai ona faaaogaina mo
le manuia ai o tagata mama’i, o o latou aafiaga i le tino e ese lava mai i aafiaga o
fualaau oona ia e ‘ǒna ai le toto ma lamatia ai le ola.” – Selected Messages, bk. 2, p.
288.
Aso Tofi ___________________________________________________ Fepuari 8
5.
FAIA O FILIFILIGA SA’O
43
a.
O ai e i ai le matafaioi mo filifiliga tatou te faia? Iosua 24:15 (vaega
mulimuli).
“E lē o faailoa mai e le Alii Na te lavea’ia i tatou i vaega o tagata. E tatau ona
tatou faia ta’ito’atasi le tatou filifiliga. Ia ta’itoatasi ona tatou faaaoga e i tatou
taitoatasi mo i tatou lava le alofa tunoa o le Atua i le agaga/loto, ma e lē mafai ona
filifilia e le tasi mo le isi le mea o le a ia faia.” – The Faith I Live By, p. 154.
b.
O le a se mea e ao ona tatou manatua i fesoota’iga a le isi ma le isi? Roma
14:13; 15:1; 2 Timoteo 2:24, 25.
“Sa tele lava ina tutusa lelei uiga o tagata ma le agaga lava lea e tasi sa i le [au
Faresaio], o lo latou lē fefefe e aiā i mataupu tau i le filifiliga a le mafaufau ma
faamasino le tasi i le tasi i mataupu sa tula’i i le va o le tagata ma le Atua. O le
mafuaaga lea na fetalai ai Iesu e faatatau i lenei uiga ma lenei masaniga i Lona faapea
atu, ‘Aua tou te faamasino atu, ina ia lē faamasinoina mai ai outou’ (Mataio 7:1), O lona
uiga, aua le faatuina oe e avea o se tapulaa. Aua le faia ou manatu, o ou manatu e
faatatau i tiute, o lau faauigaina o mau o le Tusi Paia o se tapulaa mo isi ma ē faitioina ai
i latou i totonu o lou loto pe a latou lē o mai i luga o lau tapulaa. Aua le faitioina isi, ma
ē fafauina ai faamatalaga e faatatau i o latou loto ma fuafuaga ma mafuaaga latou te faia
a’i mea uma ma faamasino atu ia i latou.” – Thoughts From the Mount of Blessing, pp.
123, 124.
c.
O le tele lava o taimi e manatu ai e lē tatau ona tatou tautala atu i isi i mea e
ono faaitaina ai i latou. Fai mai e a le Upu a le Atua? Roma 15:14; Eperu 3:13;
Iakopo 3:2. Ae o le a se mea e tatau ona tatou ulua’i faia? Eperu 12:13.
d.
O le a le faata’ita’iga faale-Tusi Paia o loo faailoa mai ai o loo i ai le avanoa
mo tulafono faale-ekalesia? Galuega 15:28, 29; 1 Korinito 5:11; Teuteronome
21:20, 21.
Aso Faraile ______________________________________________ Fepuari 9
1.
Aisea e tatau ai ona ou tausia lelei vaega e foliga mai e sili ona lē taua o le tino?
2.
O o’u suesueina ea le faatulagaga atoa o le tino e faapei ona faatonu mai e le
Atua? O o’u fesoasoani ea i isi ina ia malamalama i lenei suesuega?
3.
O o’u i ai ea i le tulaga e finagalo le Atua ou te i ai mo le faaleleia atili o lo’u
maloloina faale-tino, mafaufau, ma le faale-agaga?
4.
O o’u faaopoopoina ea ni mea oona i lo’u tino pe na o mea lelei lava e faapei ona
foai mai e le Atua?
44
5.
O o’u naunau ea ina ia avea ma faata’ita’iga ma se fesoasoani i isi e aunoa ma le
avea o a’u ma ma’a e tautevateva ai e ala i le ola ma masaniga ma uiga sese?
Avefeau o le Alofa. “I mataupu e faatatau i le filifiliga a le mafaufau e tatau ona tuua le
tagata aua ne’i faalavelaveina. Aua ne’i puleaina e se tasi le mafaufau o le isi, ina ia ia
faia filifiliga mo le isi, poo le faailoa atu foi o lona tiute. Ua foai mai e le Atua i tagata
taitasi uma lava le saolotoga e mafaufau ai, ma mulimuli ai i ona lava talitonuga. ‘O i
tatou taitoatasi uma lava o le a talatalaina atu le faamatalaga e faatatau ia te ia lava i le
Atua.’ E leai se isi e i ai sana aiā tatau e tuufaatasia ai lona tagata maoti ma le tagata
maoti o le isi. I mataupu uma lava e aofia ai tapulaa, ‘ia faatalitonuina atoatoa tagata
taitoatasi i lona lava mafaufau’ (Roma 14:12, 5). I le malo o Keriso e lē faia ai se pule
faasauā, e lēai se puleaga faamalosi. O agelu a le lagi latou te lē o mai i le lalolagi ina ia
pule, ma mananao i le viiga, ae latou te o mai o i latou o avefeau o le alofa, ina ia
galulue faatasi ma tagata i le siitiaina a’e o le aiga tagata.” – The Desire of Ages, pp.
550, 551.
Saunia o Talavou mo se Ola Maloloina. “O masaniga sese e faigata ai ona gaua’i le
talavou i faatonuga a le Tusi Paia. E tatau ona puipuia le fanau mai i le soona
faamalieina o le manao i le ai, aemaise ai lava le faaaogaina o meaai faamanogi e faaoso
ai le manao i le ai ma fualaau oona. O laulau a matua Kerisiano e lē tatau ona matuā
la’uina i ai meaai o loo i ai mea faamanogi meaai.” - Counsels to Parents, Teachers, and
Students, p. 126.
Alo Ese mai i Mea e Lamatia ai le Soifua Maloloina. “O le afe ma afe o tagata o loo
puapuagatia, e aunoa ma le faalagolago i faleoloa o fualaau oona mo o latou ola, e mafai
ona toe maua mai lo latou ola maloloina pe afai o le a latou lafoaia fualaau oona uma
lava ma ola loa i se olaga faigofie, e aunoa ma le faaaogaina o le ti, kofe, ma le ava
oona, poo meaai faamanogi foi e faaleagaina ai le manava ma faavaivaia ai, ma lē mafai
ai ona ia lomia meaai faigofie e aunoa ma ni fualaau oona e fesoasoani i le lomiina o
meaai. O loo naunau le Alii e faasusulu mai Lona malamalama i ave manino ma le
maoti ia i latou uma lava o loo vaivai ma mama’i.” – Medical Ministry, p. 229.
Lesona 7 _______________________________________ Sapati, Fepuari 17, 2007
O FAAMANUIAGA A LE LAGI
“Lo’u agaga e, ia e faamanū atu ia Ieova; Ieova e, lo’u Atua e, e matua silisili
ese lava Oe; e ofu Oe i le viiga ma le matagofie. O loo e ufitia Oe i le malamalama e
faapei o se ie: o loo e fofola le lagi faapei o se ie puipui” (Salamo 104:1, 2).
45
“Ia faatalitonuina lou mafaufau, o le faagaioia o le tino, susulu o le la, ma le ea o
faamanuiaga ia ua foai mai e le Lagi ina ia faamaloloina ai tagata mama’i ma faatumau
ai le maloloina o i latou e lē o mama’i.” – Testimonies, vol. 2, p. 534.
Faitauga Fautuaina:
The Ministry of Healing, pp. 274-276.
“Ua uma ona faia e le Alii mea uma lava ina ia tatou maua ai se olaga atoatoa le
fiafia, tamaoaiga, ma tumu i le olioli . . . . O le ola e fesoota’i lea ma le malamalama, ma
afai e leai so tatou malamalama mai i le La o le Amiotonu, e lē mafai foi ona tatou maua
le ola mai ia te Ia. Ae peitai ua uma ona foaiina mai lenei malamalama mo tagata
taitoatasi uma lava, ma e faato’a sau lava le pogisa i o tatou luga pe afai tatou te vavae
ese mai nai le malamalama. Fai mai Iesu, ‘O lē mulimuli mai ia te A’u o le a lē savali o
ia i le pouliuli, ae o le a ia te ia le malamalama o le ola’ (Ioane 8:12). I le lalolagi o loo
siomia ai i tatou e lē mafai ona i ai se ola e aunoa ma le malamalama. Ana faapea o le a
taofia le susulu mai o le la, o le a muta loa le ola o laau uma ma meaola uma. O lenei ata
o loo faailoa mai ai ia i tatou le mea moni, e lē mafai ona tatou maua le ola faale-agaga
seivagana ua tatou tuuina i tatou i lalo o ave o le La o le Amiotonu. Afai tatou te tuuina
se laau o loo i ai ni ona fugalaau i totonu o se potu pogisa, o le a vave lava ona
magumagu ma mate; e faapena foi atonu o loo ia i tatou sina ola faale-agaga, ae e
aveesea mai ia i tatou e ala i lo tatou tumau ai pea i se siomaga o le masalosalo ma le
pogisa.” – Sons and Daughters of God, p. 281.
“O le tauiviga faa-Kerisiano o se taua lea ma se savaliga, ua manaomia ai le
tumau onosai. O le galuega faigata e tatau ona faia, ma o i latou uma lava ua avea ma
fitafita i le au tau a Keriso o loo i ai nei manatu sese o le olaga faafiafia ma le
faafifilemu, ae fetaia’i loa ma tofotofoga, e masani lava ona faamaonia le leaga tele i lo
latou olaga faa-Kerisiano. E lē tuuina mai e le Atua le taui ia i latou sa ola i o latou
olaga atoa lava i le lalolagi lenei i fiafiaga ma le soona faamalieina o o latou lava
tuinanau.” – Manuscript Releases, vol. 14, p. 28.
Ulua’i Aso ____________________________________________ Fepuari 11
1.
I LE ASO LONA FA
a.
O le a le mea na foafoaina i le ulua’i aso o le foafoaga? Kenese 1:3.
b.
O le a le mea na foafoaina i le aso lona fa? Kenese 1:16.
c.
E faapefea ona tatou iloa o le malamalama o le la e aoga mo le ola maloloina
sili ona lelei? Kenese 1:18.
46
“O le la o se foma’i lea ua foaiina mai i le Atua.” – Manuscript Releases, vol. 20,
p. 25.
“O le auala ua matou faailoa atu o le a lē faamanu’alia ai outou pe taofia ai foi le
ola mai ia te outou. O le a outou maua mai ai le ola maloloina. Tou te lē manaomia le
soona gaioi ma le faatautala e aunoa ma le mafaufau faaeteete; amata muamua lava ma
le faautauta ina ia tele le ea e maua ma le faagaioia o le tino, ma faaauau pea la outou
toe fuata’iga seia o’o ina avea outou ma tagata aoga, o se faamanuiaga i o outou aiga ma
tagata uma lava o loo siomia outou. Ia faatalitonuina lo outou malamalamaaga o le
faagaioia o le tino, susulu o le la, ma le ea o faamanuiaga ia ua foai mai e le Lagi ina ia
malolosi ai tagata mama’i ma faatumauina ai i le ola maloloina i latou e lē o mama’i. E
lē o taofia e le Atua mai ia te outou nei manuia maua fua mai i le lagi, a ua outou
faasalaina e outou, outou lava e ala i le tapunia o a outou faitotoa i nei faamanuiaga. O
nei auala malolosi ae faigofie, a faaaogaina faalelei, o le a fesoasoani ai i le natura ina ia
faatoilalo faigata moni lava, pe afai e tulai mai ni faigata faapea, ma o le a foai mai ai le
ola maloloina i le mafaufau ma le malosi i le tino.” – Testimonies, vol. 2, p. 535.
d.
O ai e foai mai i ai e le Atua Ana faamanuiaga? Mataio 5:45.
“O Lē na foai maia Lona ola ina ia tatou lē fano, o Ia lea o le Faia’oga Faale-lagi,
ma Na te faatonu atu foi i faamanuiaga taitasi uma lava o le lalolagi faale-natura, le timu
e pa’ū i luga o le fogaeleele, o le sau, ma le susulu matagofie a le la, lea e foaiina uma
mai i ē e loto faafetai ma i latou e lē loto faafetai. O tamaoaiga o le foai a le Atua e
tautala mai i tagata taitasi uma lava, faamautuina ai le molimau a Keriso i le agalelei tele
o Lona Tama.” – The General Conference Bulletin, October 1, 1899.
Aso Gafua ________________________________________________ Fepuari 12
2.
O AVE E FAAMALOLOINA AI
a.
E faapefea ona faamatalaina e le Tusi Paia le malamalama o le la? Failauga
11:7. O le a le faamanuiaga o loo tatou maua mai i le La o le Amiotonu? Malaki
4:2.
“E matua faamanuiaina lava ma aoga ave o le malamalama mai i le La o le
Amiotonu o Lē o loo sasaaina ifo nei Ana ave faamalamalamaina ma le faamaloloina ai
i luga o tagata taitasi uma lava o le a tatalaina aga’i i le lagi faamalama o le loto.” – The
Upward Look, p. 257.
“O Keriso o le vaipuna lea o le ola. O le mea o loo manaomia e le toatele o le
mauaina lea o se malamalamaaga sili atu ona manino e faatatau ia te Ia; latou te
manaomia ina ia a’oa’oina i latou ma le onosai ma le agalelei, ma le finafinau i le auala
e mafai ai ona tatala atu le tagata atoa lava i vailaau faamalolo a le lagi. A
faamalamalamaina e le susulu o le la o le alofa o le Atua potu faapogisaina o le loto, o le
47
a muta loa le vaivai lē onosai ma le loto lē faamalieina, ma o le a foai atu loa e le
olioliga faamalieina le malosi i le mafaufau ma le ola maloloina ma le malosi i le tino.”
– The Ministry of Healing, p. 247.
“O galuega [aoga] e [fetaui i le malosi o le tagata lava ia] ma le faaaogaina
saoloto o le ea ma le susulu o le la, e toatele tagata mama’i o le a mafai ona toe maua ai
le ola maloloina ma le malosi.” – Ibid., p. 246.
b.
O a faamanuiaga e finagalo le Atua e foai mai ia i tatou e ala i le tatalaina o o
tatou mata i le malamalama o le upu moni? Galuega 26:18; Mareko 4:26-28. O a
faamanuiaga e maua e laau (plants) ma tagata mai i le la?
“O le tatupu lē ola lelei o le fatu o loo tauivi i lona tupu a’e i le malūlū o le
amataga o le tau e fuga ai laau (spring), e tupu a’e ai le lau laau lanumeamata atoa faalenatura pe a mavae ona ia olioli i ni aso i ave maloloina o le la e foaiina mai ai le ola. Alu
i fafo i le malamalama ma le mafanafana o le matagofie o le la, . . . . ma faasoa faatasi
ma vao o le fanua lona malosi-ola faamaloloina ai.” – My Life Today, p. 138.
c.
O ai ma o a a tatou puna o le malamalama faale-agaga? Salamo 27:1;
Faataoto 6:23.
Aso Lua _______________________________________________ Fepuari 13
3.
MAFANAFANA MA LE MATAGOFIE
a.
O le a le mea e tupu pe afai tatou te lē faatauaina ma tatou lē savavali i le
malamalama faale-agaga? Ioane 12:35; 1 Ioane 1:5.
b.
E faapefea ona tatou faaaogaina le susulu o le la e avea o se auala o
faamalologa? O faapefea ona faamanuiaina i tatou a’o oso a’e le “fetu ao” i totonu
o o tatou loto (2 Peteru 1:19)? Ioane 8:12; 17:13; 16:33.
“O tagata mama’i e masani lava ona latou taofia i latou mai i lo latou mauaina o
le susulu o le la. O le tasi lenei o auala a le natura e sili ona faamaloloina ai. O se fofō e
sili ona faigofie, ma e lē o se vailaau taatele foi, le olioli i ave o le la a le Atua ma
faamatagofieina ai o tatou aiga ma fale i lona susulu . . . . O lo tatou lava valea ua
ta’ita’ia ai i tatou ina ia taofia i tatou mai i mea e sili ona taua, mai i faamanuiaga ua foai
mai e le Atua ma a faaaoga faalelei, e lē mafuatia lona aoga mo le toe faafoisia ai o le
ola maloloina. Afai tou te mananao i o outou aiga ina ia fiafia ma i ai i se tulaga e fia o
mai i ai tagata, ia faamalamalamaina i le ea ma le susulu o le la. Ave ese a outou ie
faamalama mamafa, tatala faamalama, ave ese pola, ma olioli ai i le susulu matagofie o
le la, tusa lava pe alu ese ai le lanu o a outou kapeta. Atonu o le a aveese e le susulu taua
o le la lanu o a outou kapeta, ae o le a aumai ai se lanu maloloina i alafau o a outou
48
fanau. Afai o ia te outou le Atua ma o loo ia te outou loto finafinau ma le alofa, o se fale
maulalo e faapupulaina e le ea ma le susulu o le la, ma faafiafiaina e le tali o le uiga tali
malō le lē faapito, o le a avea lea o se lagi i lalo nei i o outou aiga, ma le tagata
faimalaga vaivai.” – Testimonies, vol. 2, p. 527.
c.
Afai ua tatou taliaina Keriso, le malamalama lea o le lalolagi, e faapefea ona
tatau ona tatou faasusuluina atu le malamalama i isi? Salamo 42:11; Mataio 5:16.
“O loo i ai lesona e tele lava e tatau ona a’oa’oina e tagata o le Atua. O le a latou
maua le filemu atoatoa lava pe afai o le a latou faatumauina le mafaufau ia te Ia o Lē e
poto tele e lē mafai ona sese ma e agalelei tele e lē mafai ai ona ia faamanu’aina i latou.
E tatau ona latou pu’eina le ata o fofoga fiafia o le Atua, ma faasusulu atu i isi. E ao ona
latou vaavaai pe o le a le tele o le susulu o le La e mafai ona latou aumaia i olaga o i
latou o loo siomia i latou. E tatau ona latou faalatalata ia Keriso, matuā latalata lava o
lea ua latou nonofo faatasi ai ma Ia e faapei o Ana fanau laiti, i le loto gatasi fiafia ma le
paia. E lē tatau lava ona latou faagaloina a’o latou maua mai le alofa o le Atua, o loo
latou i lalo o le tiute sili ona paia ina ia latou faasoa atu i isi. E faapena ona mafai ona
latou tuuina atu se aafiaga o le olioliga, e faamanuiaina ai i latou uma lava e o mai i
totonu o lona siomaga, ma faapupulaina ai o latou ala.” – Medical Ministry, p. 45.
Aso Lulu _______________________________________________ Fepuari 14
4.
UPU I TAGATA POPOTO
a.
O a lesona e tatau ona a’oa’oina e alii ma tama’ita’i uma lava mai i le aafiaga
o le la i le mutia ma fugalaau? Iakopo 1:10, 11. O le a le uiga o loo faatusa ai le
Kerisiano moni i se niu (palm tree) i le toafa? Salamo 92:12; Ioane 6:35; 7:37.
“Vaai i le tagata faimalaga vaivai o savali i luga o le oneone vevela o le toafa, i le
leai o se ufiufi e puipuia ai o ia mai i ave o le la vevela. Ua uma lana vai, ma ua leai se
mea e faamalieina ai lona galala i le fia inu. Ua amata ona fula lona laulaufaiva; ua ia
tautevateva e faapei o se tagata onā. O vaaiga o lona aiga ma uo ua pasi ane nei i lona
mafaufau auā ua ia talitonu ua ia sauni e fano. Ae faafuase’i lava ona ia vaai atu i se mea
mamao lava, o tulai mai i luga a’e o le laueleele oneone tuufua, se niu, lanu meamata
ma ola lauolaola. O le faamoemoe ua toe faafouina ai nei lona malosi; ua ia faamalosi
atu pea i luma ma lona iloaina, o le mea o loo aumaia le malosi ma le ola fou i le niu o
le a faamālūina ai foi lona toto vevela ma aumai ai ia te ia le ola faafouina.
“E faapei o le niu i le laueleele oneone tuufua – o se ta’iala ma se mapusaga i le
tagata malaga vaivai – e ao foi ona tatau ona faapena le Kerisiano i totonu o le lalolagi.
E tatau ona ia taitaia agaga vaivai o loo tumu i le atuatuvale, ma sauni e fano i le
laueleele tuufua o le agasala, i le vai ola. E tatau ona ia faasinoina ona uso a tagata ia te
49
Ia o loo tuuina mai i tagata uma lava le valaaulia, ‘Afai e fia inu se tasi, inā sau ia o ia ia
te A’u, ma inu ai’ (Ioane 7:37).” – In Heavenly Places, p. 240.
b.
O a ituaiga ofu faale-agaga tatou te manaomia ina ia tatou laasia ai
“laueleele tuufua” o lenei lalolagi? Faaaliga 3:18; 19:8; Sakaria 3:3, 4.
“E lē tatau ona tuua tagata ina ia tautevateva i lo latou ala i le pogisa, ma lē iloa ai
mea o loo i o latou luma, ma lē saunia ai mo faafitauli tetele o le a o’o mai. O loo i ai se
galuega e tatau ona faia i le taimi lenei i le saunia o se nuu e tulai i le aso o puapuaga,
ma e tatau i tagata uma lava ona faatino le latou vaega i lenei galuega. E tatau ona
faaofuina i latou i le amiotonu a Keriso, ma faapena ona puipuia i latou e le upu moni
ina ia latou lē taliaina ai faaseseega a Satani e avea ma faaaliga moni o le mana o le
Atua.” – Selected Messages, bk. 3, p. 389.
c.
O le a le mafuaaga na ala ai ona tuua i tatou e le Atua i luga o lenei lalolagi?
Filipi 2:15, 16; 1 Peteru 2:9.
Aso Tofi _______________________________________________ Fepuari 15
5.
FOAI FUA MAI I TAGATA UMA
a.
O le a le mautinoaga e mafua ai ona aoga le olaga i lenei lalolagi? Salamo
27:1; Roma 8:31.
“Ou te faamoemoe o le a outou tumau i lalo tonu lava o ave tuusa’o mai o le La o
le Amiotonu, ina ia susulu mai ai ma le malamalama ave pupula mai i fofoga o Iesu
Keriso i o outou loto, ma ia outou faasusuluina o latou ave pupula i isi.” – The Ellen G.
White 1888 Materials, p. 710.
b.
O le a le meaalofa faale-lagi sili ona taua ua tuuina mai ia i tatou, o le a foi
tuutuuga ua ofo mai ai ia i tatou? Isaia 55:1, 7; Luka 14:33.
“E lē mafai e tupe ona faatauina lea meaalofa, e lē mafai e le mafaufau ona
malamalama i ai, e lē mafai e le malosi ona maua; ae peitai ia i latou uma lava o le a
taliaina, ua foai fua mai nei i ai le alofa tunoa matagofie o le Atua. Ae o le a lagona e
tagata lo latou manaoga, ma, o le lafoaia o le faalagolago atoa lava o le tagata ia te ia
lava, latou te taliaina ai le faaolataga o se meaalofa. O i latou e ulufale atu i le lagi o le a
latou lē ufitia puipui (walls) o le lagi i la latou lava amiotonu, o le a lē tatalaina mai foi
ona faitotoa ia i latou ona o a latou taulaga tetele o auro ma ario, ae o le a latou maua le
faatagaga e ulufale atu ai i maota e tele o le fale o le Tama e ala i le amiotonu o le
satauro o Keriso.” – God’s Amazing Grace, p. 179.
50
c.
O le a le ituaiga susulu o le la e tatau ona i ai i totonu o o tatou aiga? Efeso
4:32.
“O le aiga o se nofoaga lea e tatau ona nofo ai le uiga fiafia (cheerfulness),
faaaloalo, ma le alofa; ma o le nofoaga e nofo ai nei alofa tunoa, o le a nofo ai foi iina le
fiafia (happiness) ma le filemu. Atonu e osofaia mai e faafitauli, ae peitai o nei mea
uma, o le olaga lea o le aiga tagata. Ia faatumauina e le onosai, agaga faafetai, ma le
alofa le susulu o le la i totonu o le loto, e ui lava ina atonu e pogisa (i faafitauli) le aso
atoa lava. O aiga faapena e nonofo ai agelu a le Atua.” – The Ministry of Healing, p.
393.
Aso Faraile _____________________________________________ Fepuari 16
1.
Aisea e foai mai ai e le Atua i tagata uma lava le susulu o le la?
2.
O le susulu o le la e fasimatea ai siama ninii. O le a le agasala o le a aveesea e le
malamalama ma ii le Alo o le Atua ma ii o tatou olaga?
3.
O o’u savali ea i le malamalama uma lava ua faaalia mai ia te a’u ma ii le Atua?
4.
E mafai ea ona tele tele le malamalama out e maua ma ii le Atalii o le
malamalama/
5.
Ua ou talia moni ea le meaalofa o Keriso, ma o moni ea lo’u agaga faafetai?
O le Malamalama Tele e Susulu. “E lē o le leai o se malamalama lea ua fano ai nei
tagata o le Atua . . . O le Malamalama, le malamalama taua, o loo susulu mai i luga o
tagata o le Atua; ae o le a lē lavea’iina ai i latou seivagana ua latou malilie ina ia
lavea’iina i latou e le malamalama, ma ola atoatoa i le malamalama, ma lafoia atu lea
malamalama i isi o loo i le pogisa. Ua valaau mai nei le Atua i Ona tagata ina ia gaioi. O
le galuega a tagata taitoatasi o loo manaomia o le faaaliina lea o agasala ma le lafoaia o
agasala ma toe fo’i atu i le Alii. E lē mafai ona faia e le isi tagata lenei galuega mo le isi.
Ua faatupulaia le malamalama tau i tapuaiga, ma ua faapena ona faatupulaia ai foi tiute
e fetaui ma ia malamalama faatupulaia. E matua tele le malamalama ua susulu mai i le
ekalesia, ma o le malamalama lava lea o loo faasalaina ai i latou auā latou te mumusu e
savavali i le malamalama. Ana latou tauaso semanu e leai se latou agasala. Ae peitai ua
latou vaai i le malamalama ma ua latou faalogo i le tele o upu moni, ae latou te lē o
popoto ai ma faapaiaina. E toatele latou te lē’i faia lava se laasaga agai i luma i le tele o
tausaga i le malamalamaaga ma le faapaiaina moni. O i latou o pipili faale-agaga. E
aunoa ma lo latou agai i luma i le atoaga, o loo latou o agai i tua i le pogisa ma le pologa
o Aikupito. O o latou mafaufau e lē o manatunatu i le amio Atua ma le faapaiaina
moni.” – Testimonies, vol. 2, pp. 123, 124.
O LE NAUNAU O LE LAGI I LO TATOU MANUIA. “Ua matua susulu mai lava
ma le pupula ma le malosi le alofa ma le agalelei o le Atua i Lana tausiga i Lana fanau .
51
. . O le lagi atoa uma lava o loo matua loloto lava lo latou naunau i lo tatou manuia, ina
ia aua ne’i puleaina i tatou e Satani ma liua i tatou i lana amio. ‘Auā, faauta, o le a o’o
mai le aso, o le a mu ai e pei o se umu; ona fai ai lea ma tagutugutu o saito o ē
faamaualuluga uma, ioe, atoa ma ē fai amioleaga uma; e susunuina foi i latou i le aso o
le a o’o mai, ua fetalai mai ai Ieova o ‘au; e le faatoeina ai mo i latou se a’a poo se la
laau. A’o outou o ē matata’u i Lo’u igoa o le a alu a’e ia te outou le La o le amiotonu ma
le faamalologa i Ona apaau; o le a o atu foi outou, ma tutupu a’e e faapei o tama’i povi
mai le fale povi’ (Malaki 4:1, 2).” – This Day With God, p. 123.
Lesona 8 ________________________________________ Sapati, Fepuari 24, 2007
“O LOO I AI SE VAI”
“Ua fetalai mai foi o ia ia te a’u, Ua uma ona fai. O A’u le Alefa ma le
Omeka, o le amataga ma le gataaga. O le a ou foai fua atu ia te ia o loo fia inu i le
vaipuna o le vai o le ola” (Faaaliga 21:6).
“E afe ma afe i latou ua feoti ona o le lē maua o le ea mamā ma le vai mamā, sa
latou ono ola pea . . . O nei faamanuiaga latou te manaomia ina ia latou malolosi ai. Afai
latou te mananao e faamalamalamaina i latou, ma lafoa’i vailaau oona, ma faamasani i
latou i galuega faagaioia ai le tino i fafo, ma le ea i totonu o o latou fale, i le tau vevela
ma le tau malulu, ma faaaoga le vai e inu ma taeele ai, o le a faapena foi ona latou
malolosi ma fiafia e aunoa ma le ola i se olaga mafatia ma le faanoanoa.” – Counsels on
Diet and Foods, p. 419.
Faitauga Fautuaina:
Counsels on Diet and Foods, pp. 419-437.
“Ua ia i tatou i le taimi lenei le valaaulia a le alofa tunoa ina ia avea i tatou ma ipu
e faamamaluina, ma tatou te lē manaomia la ina ia tatou popole e faatatau i le uaga/timu
mulimuli; na pau lava le mea e tatau ona tatou faia o le tausia lea o o tatou tino ia mamā
ma saunia ma vaavaai sa’o agai i luga, mo le taliaina o le timu/uaga faale-lagi ma
faaauau pea le tatalo, le uaga mulimuli ia ē afio mai i totonu o la’u ipu. Ia susulu mai i
o’u luga le malamalama o le agelu sili lea ua faatasi mai i le agelu lona tolu; aumai ia te
a’u se vaega i le galuega; ia ou alagaina le feau; ia avea a’u ma tagata faigaluega faatasi
ma Iesu Keriso.’ A faapena ona e sailia le Atua, ou te ta’u atu ia te oe, o loo Ia saunia oe
ma foai atu ia te oe i taimi uma lava Lona alofa tunoa. E te lē manaomia fua le popole. E
te lē manaomia fua ina ia ē manatunatu o loo i ai le taimi faapitoa o loo sau o le a
faasatauroina ai oe, o le taimi e tatau ai ona faasatauroina oe, o le taimi lava lenei. O
aso taitasi uma lava, o itula taitasi uma lava, e tatau ai ona tatou oti; e tatau ona
faasatauroina i tatou, ma a o’o mai loa le taimi o le a o’o mai ai le tofotofoga i tagata o
52
le Atua o loo finafinau, o le taimi lena ua siomia ai oe e aao lavea’i o lo tatou Atua. E
faia e agelu a le Atua se puipui afi (wall of fire) e siomia ai oe ma lavea’i ia te oe. O au
faasatauroga uma lava e oe lava ia te oe o le a lē aoga i le taimi lena. E tatau ona ē
faasatauroina oe e oe lava a’o le’i faia le iuga o tagata uma. O le sekone lava lenei e
tatau ai ona faasatauroina oe, manū o i ai le galuega e faia; manū o mafai ona faaaogaina
tomai ma malosi taitasi uma lava ua foaiina mai. O le sekone lava lenei e tatau ai ona
tatou aveesea ma fufulu mae’ae’a o tatou ipu (tino) mai i mea o loo eleelea ai. O le
sekone lava lenei e tatau ai ona faapaiaina i tatou i le Atua. O le tatou galuega lenei, i le
sekone lava lenei. Aua ne’i ē faatali mo se isi vaega taimi faapitoa mo se galuega
ofoofogia e faia ai; o le taimi, o le sekone lenei. Ou te tuuina atu ai a’u i le Atua i le aso
lenei.” – Manuscript Releases, vol. 1, pp. 179, 180.
Uluai Aso _______________________________________________ Fepuari 18
1.
O LE MANAOMIA O LE VAI
a.
O le a le tasi o manaoga sili ona taua o tagata ola? Ioane 4:7; Faataoto 25:21.
“E tatau ona ou taele so’o, ma inu ma le saoloto i le vai mamā.” – Counsels on
b.
O le a le taua o le vai i lo tatou maloloina faale-tino? Faamasino 15:18.
“O le vai mamā e inu ma le ea mamā e manavaina, . . . e faamalosia ai totoga sili
ona taua, faamamāina ai le toto, ma fesoasoani ai i le natura i lana galuega o le
faatoilaloina o ma’i ma mea leaga faapena o le tino.” – The Review and Herald,
December 5, 1899.
c.
O faapefea ona faamatalaina mai le taua o le vai?
“I le ola maloloina ma ma’i, o le vai mamā o le tasi lea o faamanuiaga sili ona
aoga a le lagi. O lona faaaogaina sa’o e maua ai le ola maloloina. O le vai inu lea na foai
mai e le Atua e faamalieina ai le fia inu o manu ma tagata. A inu saoloto i ai, e
fesoasoani e maua ai mea e aoga i le tino ma fesoasoani ai i le natura ina ia teena
faama’i. O le faaaogaina o le vai i fafo o o tatou tino o le tasi lenei o auala sili ona
faigofie ma sili ona faamalieina ai i le gasolo lelei o le taamilosaga a le toto.” – The
Ministry of Healing, p. 237.
d.
O le a le upu moni faale-agaga o loo faailoa mai e le vai? Ioane 4:10, 14.
“O loo sau pea le alaga a Keriso i le tagata fia inu, ma o loo ole mai ia i tatou i se
mana sili atu ona malosi nai lo lea na tuuina atu ia i latou sa faalogoina lea alaga i totonu
53
o le malumalu i lena aso mulimuli o le tausamiga. O loo matala mai le vaipuna i tagata
uma lava. O ē vaivai ma tigaina ua ofoina mai i ai le vai o le ola e faavavau. O loo alaga
mai pea Iesu, ‘Afai e fia inu se tasi, inā sau ia ia te A’u, e inu ai.’ ‘O lē e fia inu inā sau
ia. Atoa ma lē e mana’o i ai, inā ave fua ia e ia le vai o le ola.’ ‘O sē e inu i le vai Ou te
avatu ia te ia o le a lē toe fia inu ia; o le vai foi o le a Ou avatu ia te ia o le a avea i
totonu ia te ia o se vaipuna e puna a’e i luga i le ola e faavavau’ (Ioane 7:37; Faaaliga
22:17; Ioane 4:14).” – The Desire of Ages, p. 454.
Aso Gafua ______________________________________________ Fepuari 19
2.
O LE MANAOGA INA IA FAAMAMĀINA
a.
O le a le isi galuega a Keriso o loo faailoa mai e ala i le tasi o vaega o le
vasega o le vai? Ioane 13:5, 10; Isaia 1:16.
“Tuaganē ma uso, tatou te manaomia le fuata’iga e tatau ona maua e i latou uma
lava ua toe faatauina, e ala i le faamaāaina o le mafaufau ma le loto mai i ila ma pona
uma lava o le agasala. I olaga o i latou ua toe faatauina e le toto o Keriso, o le a vaaia ai
le olaga faasatauroina o i latou e i latou lava. O le a vaaia le agalelei ma le amiotonu. O
le olaga filemu, le tagata lilo i totonu, o le a tumu ai le olaga i le amio-atua, faatuatua,
agamalu, ma le onosai. E tatau ona avea lenei olaga ma o tatou olaga i aso taitasi. E
tatau ona tatou fausia amio e saoloto mai i le agasala – amio ua fa’aamiotonuina e le
alofa tunoa o Keriso . . . E tatau ona fufuluina o tatou loto mai i mea leaga uma lava i le
toto na faamaligiina ina ia aveesea ai agasala.” – Counsels on Health, pp. 633, 634.
“O le faaaogaina o le vai i fafo o le tino o le tasi lea o auala sili ona faigofie ma
sili ona aoga i le galosoga o le taamilosaga a le toto. O le taele i le vai malulu (cold or
cool) o se auala sili ona lelei lea e faate’i ai musele o le tino. O le taele i vai mafanafana
e tatalaina ai pu ninii o le pa’u o le tino ma faapena ona fesoasoani ai i le lafoaia i fafo o
mea lē mamā mai i le tino. O le taele i vai mafanafana e fa’ato’afilemuina ai neura ma
faapaleni ai le gasolo a le toto.” – The Ministry of Healing, p. 237.
b.
Aisea e taua ai lenei faamamāaga? Salamo 51:7, 9.
“O loo faamamāina e le Atua se nuu ina ia latou maua lima mamā ma loto mamā
ina ia tula’i i Ona luma i le faamasinoga. O le tapulaa e tatau ona siitia maualuga, e tatau
ona faamamāina le manatunatuga o le mafaufau; o lagona leaga faavalea o loo
faatumulia ai faatinoga maulalo mataga e tatau ona lafoaia, ma ia siitia le agaga i
manatunatuga mamā, ma faatinoga paia.” – The Review and Herald, May 24, 1887.
c.
O le a le mea o loo manaomia le fufuluina i totonu o o tatou tagata ola?
Iakopo 4:8.
54
“O le faamamāina e tatau ona amata i totonu o le loto ma le mafaufau ma tafe atu
ai i gaioiga. O amio a le tatou aufaigaluega faamisionare faafoma’i e manaomia ina ia
faaleleia ma faamamāina. O lenei iuga e faato’a mafai lava ona faia pe a tofusia nei
tagata faigaluega i le faatusa faale-lagi, ma sosola ese i le amioleaga o loo i le lalolagi e
ala i tuinanau.” – The Review and Herald, August 20, 1903.
Aso Lua _________________________________________________ Fepuari 20
3.
FA’AMAMAINA ATOATOA
a.
E faapefea ona mafai ona tatou maua le faamamaina atoatoa? Salamo 51:2,
10; 1 Ioane 1:9. E faapefea ona tatou iloa e lē taliaina le gaua’i fa’aafaafa i le Alii?
Mataio 6:24; 22:37; Ioane 16:13.
“O le a tatou faalogo ea i le siufofoga o le Atua e ala mai i Lana Upu, aumaia ai
lapataiga ma olega ma faatonuga, valaauina ai i tatou i se tauiviga fou e ala i se olaga
fou ma le sili atu ona mae’ae’a le tuuina atu o i tatou, i o tatou tomai uma lava ma
malosi ua foai mai? O’u tuaganē ma uso o loo galulue i le galuega paia o le avea ma
fofoga o le Atua, ia mautinoa o loo mamā ma paia le fale oa o le loto.” – Manuscript
Releases, vol. 19, p. 318.
b.
O le a se mea e tatau ona tatou suesueina a’o tatou le’i faalatalata atu i le Alii
i le tatalo? Auega 3:40; 2 Korinito 13:5. O le a le faamamāina faale-tino o loo
manaomia foi? Eperu 10:22; Esoto 19:10; Kenese 35:2.
“O le pa’u o le tino e manaomia ina ia fufuluina ma le faaeteete ma le mae’ae’a,
ina ia faia e pu nini’i o le pa’u o le tino le latou galuega o le aveesea nai i le tino o eleele
ma mea lē mamā; o le mea lea, o tagata vaivai o loo mama’i latou te manaomia moni
lava le aoga ma faamanuiaga o le taele fa’alua i le vaiaso, ma a sili atu foi nai lo le
fa’alua e sili atu lea ona aoga. Pe ma’i pe malosi se tagata, O le manavaina i totonu o le
okesene ma le manavaina atu i fafo o le ea leaga (carbon dioxide) e sili atu ona saoloto
ma faigofie pe afai e taele so’o. O le taele, e faigofie ai ona femigoia’i maso, e faapena
ona faamalosia ai le faiai ma le tino, ua faamaninoina le mafaufau, ma ua malolosi ai
tomai uma lava. O le taele e faanofofilemuina ai neura. E faafaigofie ai le gasologa a le
ea, faavave ai le taamilosaga a le toto, ma aveesea ai mea o loo faalavelave i le tino, ma
galue fesoasoani i le fatu ga’o ma totoga o loo lafoaia ese mai le vai leaga. O le taele e
fesoasoani i le puta ma totoga o loo lafoaia mai le otaota, ma le totoga o loo lomiina
meaai, ma le äte (liver), aumaia ai le malosi ma le ola fou i totoga taitasi. E faaleleia ai
foi le lomiina o meaai, ma e aunoa ma le faavaivaia ai o le tino, e faamalosia ai. E aunoa
ma le faateleina ai o le ma’alili, o le taele, a faia mae’ae’a lelei, e puipuia ai mai i le
malūlū, auā ua faaleleia atili le taamilosaga a le toto ma totoga e nofo ai le tagata i
totonu o le manava (o tinā), le totoga lea o loo sili atu ona omia; auā ua aumaia le toto i
55
le pa’u o le tino, ma ua sili atu ai le faigofie ma le lelei o le tafe a le toto i uaua uma
lava.” – Testimonies, vol. 3, pp. 70, 71.
Aso Lulu _______________________________________________ Fepuari 21
4.
O LE VAI O SE FAAMANUIAGA TELE LAVA
a.
Aisea e maoti tele ai foi le upu a le Atua e faatatau i faatonuga i masaniga
tumamā? 2 Korinito 7:1.
“E manaomia e le Atua le mamā o le loto ma le mamā o o tatou tino, e faapei lava
ona Ia tuuina atu faatonuga i le fanauga a Isaraelu. Afai na matuā maoti lava le Atua i le
faatonuina atu o le olaga tumamā ia i latou sa faimalaga i le vao, o ē sa toeitiiti lava
nonofo i fafo i le ea i taimi uma lava, e lē ititi ifo foi le mea na Te manaomia mai ia i
tatou o ē o loo nonofo i fale e puipui, le nofoaga lea e sili ona maua ai mea lē mamā ma
sili atu ona lē maloloina ona aafiaga.” – Counsels on Health, p. 82.
b.
O le a le mea o loo foaifua mai e le Atua? Salamo 104:10, 11, 13; Mataio 5:45.
“O le Atua o Ia o le puna o le ola ma le malamalama ma le olioli i le lalolagi. E
faapei o ave o le malamalama mai i le la, e faapei o vaitafe o vai e puna mai i se vaipuna
ola, e tafe atu foi faamanuiaga mai ia te Ia i Ana meaola uma lava na foafoa. Ma soo se
mea lava o loo i ai le ola o le Atua i totonu o loto o tagata, o le a tafe atu foi i isi i le
alofa ma faamanuiaga.” – Steps to Christ, p. 77.
c.
O le a le lesona e tatau ona tatou a’oa’oina mai i le fia inu faale-natura?
Salamo 42:1.
d.
O le a le faata’ita’ga e tasi o le taimi sili ona taua e faaaoga ai le tele o le vai?
“Ana avatu le vai i le [toatele o tagata] latou te inu saoloto ai i le taimi latou te
maua ai i le fiva, ma faaaoga foi i fafo o o latou tino, semanu ua leva ona lē toe i ai ni po
ma ni ao uumi o puapuaga, ma laveaia ai le tele o ola taua. Ae peitai e afe ma afe tagata
ua maliliu i fiva vevela leaga ua faaumatiaina ai i latou, seia o’o ina uma le malosi lea
na fafagaina le fiva, ua faaaogaina malosi sili ona taua, ma ua oti ai i le mafatia sili ona
tele, e aunoa ma le fa’atagaina o i latou e inu le vai ina ia faamalūina ai lo latou galala
vevela tele i le fia inu. O le vai lea o loo faatagaina mo se fale-leai-ni-ona-lagona ina ia
tapēina ai le afi matautia, e lē o faatagaina i tagata ola ina ia aveesea ai le afi o loo
faaumatiaina ai totoga sili ona taua.” – Counsels on Diet and Foods, pp. 419, 420.
Aso Tofi ________________________________________________ Fepuari 22
56
5.
O MEA O LOO SUI TULAGA I LE VAI E LEAGA
a.
Ta’u mai mea o le a aofia i le vaega o mea e leaga i le inu. Faataoto 23:20, 21,
29-32; 1 Korinito 3:16, 17.
“O le ti (tea) e ‘ona mo le tino. E lē tatau ona inuina e Kerisiano. O le aafiaga o le
kofe e tutusa lelei lava ma le ti, ae o le aafiaga i le tino e sili atu ona leaga. O lona
aafiaga e soona osofia ai lagona o le tino, ma e faapei lava la ona soona osofia ai neura
ma faamalosia faafuase’i ai le malosi, o le a faapena foi ona matuā faavaivaia ai neura
ma le tino i lalo ifo o le malosi masani.” – Counsels on Diet and Foods, p. 421.
b.
O le a le ituaiga uaina na faaaogaina i le faigāai o le faaipoipoga i Kana ma
na fautuaina foi mo Timoteo? Isaia 65:8; Ioane 2:7-10; 1 Timoteo 5:23.
“O le uaina na faia e Keriso mo le faigāai, ma lea foi sa Ia foai atu i le au soo e
avea ma faatusa o Lona lava toto, o le sua mamā lea o le fua o le vine (grape). O le
uaina lenei o loo tautala agai i ai le perofeta o Isaia ina ua ia tautala e faatatau i le uaina
fou ‘i le fuifui vine,’ ma ia faapea mai ai, ‘Aua le faaumatiaina; auā o loo i ai i totonu se
faamanuiaga’ (Isaia 65:8) . . . O Keriso lea na Ia tuuina atu ia Isaraelu le lapataiga i le
Feagaiga Tuai, ‘O le uaina o le faatauemu lea; o le ‘ava malosi, o le faapisapisao lea; o i
latou uma o e faaseseina ai, e lē popoto i latou’ (Faataoto 20:1). Ma e le’i faia lava e
Iesu lava Ia se vai inu faapea . . . O le uaina lē faamafuina lea sa Ia faia mo le au
valaaulia o le faaipoipoga o se vai inu atoa ma le maloloina. O lona aafiaga e aumaia ai
le tofo ia manao ai i meaai e lelei mo le ola maloloina.” – The Desire of Ages, p. 149.
c.
O le uaina o loo i totonu o le fuifui vine o le sua fou lea o le vine. O le a le mea
e tupu pe afai e utu i totonu o fagu uaina tuai? Mataio 9:17. O le a le uiga o le
lapataiga ua aumaia e Iesu?
d.
E tusa ai ma le faatonuga a le lagi, o le a le ituaiga fua e tatau ona tatou
filifilia?
“O sua o fua o laau (fruit), tuu faatasi ma falaoa, o le a matua lelei lava. O fua
lelei, pula, ma le lē pala o se mea lea e tatau ona tatou faafetai ai i le Atua, auā e lelei i le
ola maloloina.” – Counsels on Diet and Foods, p. 437.
Aso Faraile ______________________________________________ Fepuari 23
1.
O le a le taua o le vai, ma e faafia ona ou manaomia?
57
2.
E taua ea le faamamāina o le tino? E faapefea ona fesootai i lo’u manaoga mo le
faamamāina faale-agaga?
3.
Ua ou ole atu ea ia Keriso ina ia fufulu mai ia te a’u mai i mea leaga uma lava?
Ua ou ole atu ea ia te Ia ina ia faailoa mai ia te a’u mea e manaomia ina ia fufulueseina?
4.
O i ai ea ni mea sese i lo’u olaga i mea o loo o’u inuina/aina poo lē foi o loo o’u
auauna i ai?
5.
Aisea e tatau ai ona ou alo ese mai i soo se mea lava e lē mamā faale-agaga pe
faale-tino foi?
Ua manaomia se toe Faafouga. “E manaomia e a tatou ekalesia se faafouga faaleagaga. O le taimi lenei mo le galuega o le salamo ma le faaalia o agasala ina ia matuā
loloto lava. O le taimi lenei mo tagata o le Atua latou te faatagaina ai le Agaga Paia ina
ia faia galuega mamā ma le mae’ae’a, ina ia se’ieseina ai nai i o latou loto le faapito
uma lava, o mea sese uma lava. Tau ina ia fesoasoani atu le Alii ia te outou ma le
ekalesia atoa lava, o la’u tatalo lea.” – Atlantic Union Gleaner, September 9, 1903.
O Aogā o le Vai. “E toatele latou te le’i iloa lava e ala i lo latou faaaogaina, aafiaga
aoga o le faaaogaina sa’o faalelei o le vai, ma latou te fefefe i le vai. E lē o faatauaina
togafitiga faia i le vai e faapei o le tulaga e tatau ona faatauaina ai, ma o le faaaogaina
ma le poto o le vai e manaomia ai le galuega e lē o naunau le toatele latou te faia. Ae e
lē tatau ona manatu se tasi e i ai se alofaga mo ia mo lona lē malamalama poo lona lē
faatauaina o lenei mataupu. E tele auala e mafai ona faaaogaina ai le vai ina ia aveesea
ai le tigā ma taofia ai faama’i. E tatau ona popoto tagata uma i le faaaogaina o le vai i
togafitiga faigofie faia i le aiga. O tina, faapitoa lava, e tatau ona latou iloa tausi o latou
aiga i le ola maloloina ma ma’i.” – The Ministry of Healing, p. 237.
Aua lava ne’i Faatalalē i le Taele. “O tagata o loo maloloina e lē tatau ona latou
faatalale i le taele. E tatau ona latou taeele so’o fa’alua i le vaiaso. O i latou e lē o
maloloina o loo i ai eleele o mea lē mamā i totonu o o latou toto, ma e lē o i ai le pa’u o
le tino i se tulaga maloloina. O le mano ni mano o pu ninii o le pa’u o le tino, poo tama’i
gutu laiti, lea e manava ai le tino, ua punitia ma ua tumu i otaota mai i le tino.” –
Tauaveina o Faailoga. “O tagata e inuina le ti ma le kofe latou te tauaveina faailoga i o
latou foliga. Ua sesega le pa’u, ma ua foliga mai ua leai se ola o i ai. O le susulu o le ola
maloloina ua lē vaaia i foliga.” – Counsels on Diet and Foods, p. 421.
Taulaga Sapati Muamua ______________________________ Sapati, Mati 3, 2007
Mo Belo Horizonte, Brazil
O Belo Horizonte o le laumua lea o le setete lenei o Brazil o Minas Gerais. O le
aai lona fa lea le telē i Brazil, e sosoo atu ia Sao Paulo, Rio de Janeiro, ma Salvador. O
le igoa o le aai e faaliliuina faapea, “Vaaiga Matagofie.” O le nofoaga aloaia o le aai e
58
ova atu ma le 5 miliona tagata o loo nonofo ai. E ese le mananaia o ona fale e faia a’i
soo se faatasiga lava a le malō poo malō eseese foi.
O le tupu a’e matagofie o le ekalesia i lenei setete o lona uiga ua lē mafai e fale o le
ekalesia ona faamalieina manaoga o le galuega faamisionare ma faatasiga faatala’i. O le
fale tutotonu mo le galuega (Field Conference) i Minas Gerais (o se vaega o le Iuni a
Brazil i Matū) ua laititi tele mo vaega eseese o le galuega i lenei setete.
Na taliaina e le au uso o le Koneferenisi Aoao lenei galuega i Belo Horizonte i ni nai
tausaga talu ai. O le taimi nei o le tatalaina o galuega fou, aemaise ai lava le galuega i
Aferika ma motu o le Caribbean, na mafua ai ona tolopo lenei taulaga. A’o lenei la ua
sau le taimi e tatau ai foi ona faia le fesoasoani i le galuega i Amerika i Saute e tagata
suesue o le a’oga o le Sapati i le lalolagi atoa.
Matou te faafetai atu ia te outou mo la outou taulaga alofa i lenei galuega i le Iuni a
Brazil i Matū.
O lo outou au uso ma tuafafine mai i le Iuni a Brizil i Matū
Lesona 9 _________________________________________ Sapati, Mati 3, 2007
GAIOIGA FAALE-TINO,
O SE FAAMANUIAGA
“O le a ē ai i galuega a ou lima” (Salamo 128:2).
“O le lē galue o se mafuaaga tele lenei o faama’i. O le gaioi o le tino e faaleleia
ma tutusa lelei ai le taamilosaga a le toto.” – My Life Today, p. 130.
Faitauga Fautuaina:
Selected Messages, bk. 2, pp. 322-324.
“E faapefea ona tatou galulue ina ia maua le taui ua ofoina mai ia i latou o loo
faamaoni i le auaunaga a le Atua! E lē o le ola fiafia ea e faavavau e aoga i ai se olaga
atoa o taumafaiga finafinau? O i latou e mulimuli moni lava ia Keriso o le a lē tuua ina
ia lē faaleaogaina a latou taumafaiga. O le a ta’ita’ia i latou ina ia tuu o latou loto i mea
oi luga, ae lē o mea o loo i le lalolagi. O le liua o i latou e le alofa tunoa o le Atua, o le a
natia faatasi ai o latou olaga faatasi ma Keriso i totonu i le Atua. O le malosi o le
Kerisiano moni lava o le a faaaogaina i le mauaina o le malosi faale-agaga. O le a ia
59
faatauaina ana taleni ua foaiina mai, ma o le a ia lagonaina lana matafaioi ina ia faaaoga
taleni ia mo le viiga o le Atua. O le auauna a le Atua o le a ia faatauaina lana taleni ae o
le a ia lē faaputuina. Na te faato’a faatauaina lava lana taleni a’o mafai ona faaaogaina i
le faalauteleina o le malo o le Atua i luga o le laueleele. O le a ia galue e faapei ona
galue o Keriso, ina ia faamanuiaina ai le aiga tagata. O le a ia tuuina ona malosi uma i lo
latou faaaogaina sili ona maualuga, e lē ina ia viia ai o ia lava, a ia faamalosia meaalofa
taitasi uma ina ia faaaoga ai mo le Atua i lo latou tulaga silisili lava. O le a ia lē ‘paie i
pisinisi ma galuega,’ ae ‘finafinau, i le auaunaga i le Alii’ (Roma 12:11).” – The Signs
of the Times, January 12, 1891.
Ulua’i Aso _______________________________________________ Fepuari 25
1.
O LE FIAFIA E FAALAGOLAGO I LE GALUE
a.
O le a le gaioiga sili lava mo le maloloina o le palealii (tagata) o galuega a le
Atua? Kenese 2:8, 15.
“Na foafoaina e le Atua Atamu ma Eva i totonu o Parataiso, ma siomia i laua i
mea uma lava e aoga ma matagofie . . . Na silafia e le Atua o Lē na foafoaina le tagata, e
lē mafai ona fiafia le tagata e aunoa ma galuega. Sa faafiafiaina e Parataiso o la loto, ae
le’i lava ai iinei; e tatau le i ai o a la galuega e faagaioia ai totoga matagofie ma le
ofoofogia o le tino. Na faia e le Atua totoga ina ia faaaogaina. Ana maua le fiafia i le
leai o se galuega e faia, semanu e tuua le tagata e aunoa ma sana galuega, i lona tulaga
paia o le natura paia. Ae peitai o Lē na foafoaina le tagata na Ia silafia le mea o le a aoga
mo lona fiafiaga sili lava, ma o le taimi lava na Ia faia ai o ia na Ia tuu atu ai foi ia te ia
lana galuega filifilia. O le auala la e fiafia ai le tagata, e tatau ona ia galue.” –
b.
Aisea e avea ai se olaga galue o se faamanuiaga? Salamo 128:2.
“O le isi faamanuiaga taua lava o le faagaioia faalelei lea o le tino. O totoga taitasi
uma ma maso taitasi uma e i ai lana galuega e faia i le tino ola. O auvili uma lava i
totonu o le tino e tatau ona avea ma auvili ola, gaioi, ma galue. O galuega matagofie ma
le ofoofogia a le natura e manaomia ina ia tausia i le faagaioia ina ia faataunuuina ai le
sini na foafoaina ai i latou . . .
“A aunoa ma gaioiga faapea e lē mafai ona faatumauina le mafaufau i se tulaga e
mafai ai ona galue. E o’o ina lē gaioi le mafaufau, ua lē mafai ona ia faia le gaioiga maai
ma le vave lea o le a faalauteleina ai lona malosi.” – My Life Today, p. 130.
c.
O le a le faamatalaga a le Upu Tusia e faatatau i le galue ma le faafifilemu
paie? 2 Tesalonia 3:10, 12.
60
“E tatau ona saili e matua galuega mo a latou fanau. E leai lava se isi mea o le a
avea ma puna mautinoa o le agasala nai lo le nofonofo faafifilemu. O galuega faale-tino
lea e aumaia ai le vaivai maloloina i maso, o le a aumaia ai foi se lagona fia ai mo
meaai faigofie, ma le maloloina.” – Counsels on Diet and Foods, p. 243.
Aso Gafua ________________________________________________ Fepuari 26
2.
AUA LE SOONA GALUE
a.
E ui lava ina foafoaina i tatou ina ia tatou galulue, o le a se mea e tatau ona
tatou manatua? Mareko 6:31.
“Ia aumai i galuega o le aso le faamoemoe, loto tele, ma le fiafia e galue. Aua e te
soona galue. E sili atu ona lē faia nisi o mea na fuafuaina mo galuega o le aso nai lo lou
soona galue ma faamanu’alia ai oe, ma leai ai se loto tele e manaomia mo le faatinoina o
galuega o le aso e sosoo ai. Aua le solia tulafono o le natura i le aso lenei, ne’i leai sou
malosi mo le aso e sosoo ai.” – Mind, Character, and Personality, vol. 2, p. 376.
“O le soona galue i nisi o taimi e lē mafai ai ona pulea e le tagata o ia lava. Ae
peitai e le’i faamalosia mai lava e le Alii ni gaioiga faavavevave ma le nunumi. E toatele
tagata latou te aoaoina mai ia i latou avega e le’i tuuina atu e le Tamā alofa Faale-lagi i
luga ia i latou. O tiute Na Te le’i fuafuaina lava mo i latou o loo faavalemalosia ma lē
maua ai se filemu o isi. E finagalo le Atua ia i tatou ina ia tatou iloa tatou te lē o viia
Lona suafa pe afai tatou te tauaveina le tele o avega ma ua tatou vaivai ai, ma faavaivaia
ai o tatou loto ma o tatou mafaufau, ma ua tatou itaita gofie ai ma otegia atu. E tatau ona
tatou tauaveina na o matafaioi lava na tuu mai e le Alii ia i tatou, ma talitonu ia te Ia, ma
faapena ona tausia o tatou loto ia mamā ma alofa ma agalelei.” – Messages to Young
People, p. 135.
“O loo i ai le lamatiaga i tama’ita’i o loo fesootai ma le galuega, o le a manaomia
i latou e soona galulue e aunoa ma ni vaega taimi fetaui e malolo ai. O galuega soona
faia faapenei e lē tatau ona aumaia i luga o le aufaigaluega. O nisi o le a latou lē
faamanu’aina i latou lava, ae o nisi o loo i ai le tomai e filifili lelei ai, o le a mautinoa
lava lo latou soona galulue. O vaega taimi o le malologa e aoga mo tagata uma lava,
aemaise ai lava tama’ita’i.” – Evangelism, p. 494.
b.
A’o tatou saili ina ia faatumauina le maloloina o le tino ma le mafaufau, o le
a le mea e tatau ona avea ma a tatou sini muamua lava i le olaga? Luka 12:30, 31.
“[Mataio 6:28-30]. I le lauga i luga o le mauga o nei upu sa fetalaiina atu i isi e
ese mai nai lo tamaiti ma talavou. Sa fetalaiina atu i le motu o tagata, o i latou ia sa i ai
tane ma tama’itai sa tumu i le popole ma le atuatuvale, ma mafatia i faanoanoaga.” –
Christ’s Object Lessons, p. 19.
61
“O lena taimi o loo faaaogaina i mea lelei o loo fuafuaina i le faamausaliina ma le
faatumauina o le ola maloloina lelei faale-tino ma le mafaufau. E lē mafai ona tatou lē
fefefe e faapipili se vaega e tasi o le mafaufau poo le tino e ala i le soona galue poo le
soona faaaoga foi o soo se vaega lava o le tino. A tatou faia lenei mea, o le a tatou
puapuagatia lava i iuga.” – Child Guidance, p. 395.
Aso Lua ________________________________________________ Fepuari 27
3.
NA FAIA TAGATA I SE FAUSAGA SA’O AGA’I I LUGA
a.
O le a le isi vaega o le maloloina o le tino o loo a’oa’oina i totonu o le Tusi
Paia? Galuega 14:10; Failauga 7:29.
“O le tasi o tulaga e tatau ona sini i ai o le faasa’oina lea o le tino (position), i le
nofo ma le tu foi. Na faia e le Atua le tagata e fa’asasa’o agai i luga, ma Na Te naunau
ia te ia ina ia lē gata ia ia maua le manuia faale-tino aemaise ai foi i le mafaufau ma le
faale-agaga, o le alofa tunoa ma le faaaloalo ma le puleaina o ia e ia lava, o le loto tele
ma le faalagolago ia te ia lava, lea e matua lagolagoina lava e se tino sa’o faapea. Ia
tuuina atu e le faia’oga faatonuga e faatatau i lenei mataupu e ala i faataitaiga ma
faatonuga. Faailoa poo le a le tulaga sa’o e tatau ona tu ma nofo ai, ma ia matua faailoa
atu, e tatau ona usita’ia.” – Child Guidance, p. 364.
b.
E faapefea ona tatau ona tatou savavali sa’o agai i luga i se uiga faale-agaga?
Salamo 7:10; 32:11.
“O mea ola uma lava oi le lagi o loo galulue i taimi uma, ma o le Alii o Iesu, i
Lana galuega o Lona olaga, ua Ia foai mai se faataitaiga mo tagata taitasi uma lava. Sa
Ia femaliua’i solo ‘ma faia galuega lelei.’ Ua faatuina e le Atua le tulafono o gaioiga
usitai . . . O gaioiga e maua ai le malosi.” – My Life Today, p. 130.
c.
I a tatou masaniga uma lava o galuega ma malologa, o le a se mea e tatau ona
tatou faia? Kolose 3:23; Galuega 10:38.
“Tatou te manaomia ina ia tatou liua mai i o tatou olaga sese i le faatuatua o le
Tala Lelei. E lē manaomia e soo o Keriso lo latou taumafai ina ia latou susulu. Afai o le
a latou vaavaai i taimi uma lava i le olaga o Keriso, o le a liua foi i latou i o latou
mafaufau ma o latou loto i le faatusa lava lea e tasi. O le a latou susulu loa e aunoa ma
so latou taumafai o i latou lava ina ia latou susulu. E lē o ole mai le Alii ina ia faalialia
atu sau amio lelei. Ua uma ona Ia faia le taulaga e ala mai i le meaalofa o Lona Alo ina
ia faatumuina o tatou olaga-i- totonu i tapulaa a le lagi. O le taliaina o lenei meaalofa o
le a taitaia ai i se faaaliga o Keriso i le lalolagi. A iloa loa e tagata o le Atua le toe
62
fanaufouina, o le a faaalia loa e lo latou faamaoni, ma lo latou tumau mausali i tapulaa.”
– Counsels to Teachers, Parents, and Students, p. 251.
Aso Lulu ________________________________________________ Fepuari 28
4.
SELESELE FAAMANUIAGA
a.
O a faamanuiaga o se olaga galue? Kenese 2:15; Failauga 5:12.
“E lē gata ina o le a faamalosia totoga o le tino i le gaioi i galuega, ae o le a maua
foi e le mafaufau le malosi ma le malamalama e ala i gaioiga a nei totoga.” –
“O le galue ma le faautauta o le a aumaia ai le toto i luga i le pa’u o le tino, ma
faapena ona malolo ai totoga o loo i totonu. O gaioiga vave i fafo i le ea, faia ma le
fiafia, o le a faaleleia ai le taamilosaga a le toto, avatu ai se pupula maloloina i le pa’u o
le tino, ma auina atu ai le toto ua faamalosia e le ea mamā, i vaega sili ona mamao o le
tino.” – Ibid., vol. 2, p. 530.
“O le lomiina o meaai o le a faaleleia i le faagaioia o le tino.” – Ibid., p. 569.
b.
E faapefea ona tatau ona tatou atia’eina tomai taitasi uma lava na foafoaina
mo i tatou? 1 Korinito 6:20; 1 Tesalonia 5:23.
“O malosi eseese uma lava o loo i le tagata – o le mafaufau ma le agaga ma le
tino – ua foaiina ia i latou e le Atua ina ia faapena ona faaaogaina ina ia ausia le tulaga
silisili ona maualuga o lona faaaogaina. Ae e lē mafai ona avea lenei mea ma mataupu
faapito pe soona fai foi; auā o le amio a le Atua, lea e tatau ona tatou taliaina Lona
faatusa, o le agalelei foai lea ma le alofa. O tomai taitasi uma lava, o uiga taitasi uma
lava, ua foai mai e le Atua foafoa ia i tatou e tatau ona faaaoga mo Lona viiga ma le
siitiaina o o tatou uso a tagata. Ma o le galuega lenei e maua ai lona faaaogaina sili ona
mamā, lelei, ma le fiafia.” – Christian Education, p. 64.
c.
O le a se mea e tatau ona tatou a’oa’oina mai i taaloga o tauvaga o loo
faatinoina i le lalolagi? 1 Korinito 9:24-27.
“I talavou, o le fiafia mo lakapi ma le tele o isi tuinanauga faapito ua
ta’ita’iseseina ai o latou aafiaga. O le mataala ma le tatalo ma le mafuta atu i le Atua i
aso taitasi ua lē faatumauina.” – Manuscript Releases, vol. 6, p. 127.
Aso Tofi _______________________________________________ Mati 1
5.
FAAGAIOIGA FAALE-AGAGA
63
a.
O le a le mea e sili atu ona taua i o tatou olaga nai lo gaioiga faale-tino? 1
Timoteo 4:8, 7.
“Se’ivagana ua a’oa’o le mafaufau ina ia manatunatu i autu faale-tapuaiga, o le a
vaivai ma pipili i lenei itu. Ae a’o manatunatu i mea faale-lalolagi, o le a malosi ai foi i
mea faale-lalolagi; auā o le itu lenei o loo a’oa’oina le mafaufau ina ia manatu i ai, ma
ua faamalosia ai i le manatunatu so’o i ai. O le mafuaaga ua matua faigata tele ai mo alii
ma tamaitai ona ola i se olaga tapua’i i le Atua, ona latou te lē faamasaniina le mafaufau
e manatu i mea tau i le Atua. Ua koleniina le mafaufau e taula’i i le isi itu. Seivagana ua
manatunatu le mafaufau i taimi uma i le mauaina o le malamalamaaga faale-agaga ma le
saili ina ia malamalama i le mea lilo o le amio Atua, e lē mafai ona ia faatauaina mea tau
i le ola e faavavau . . . A vaeluaina le loto, ma tele ina mafaufau i mea o le lalolagi, ae
laititi i mea a le Atua, e lē mafai ona i ai se faatelēina faapitoa o le malosi faale-agaga.”
– God’s Amazing Grace, p. 297.
b.
O le a le mea o loo aofia i le faagaioiga faale-agaga? Ieremia 9:24; Galuega
24:16.
c.
O le a le mea o le a tupu pe afai o le a tatou lē gaioi faale-tino ma le faaleagaga? Faataoto 24:32-34; Mataio 25:26-29.
“[Luka 21:34-36]. O se lapataiga lenei ia i latou o loo fai mai o i latou o
Kerisiano. O i latou ua i ai le malamalama e faatatau i upu moni taua e tofotofoina ai mo
le taimi lenei, ae lē o sauni mo le afio mai o le Atalii o le tagata, latou te lē o taliaina
lenei malamalama. ‘Ia outou, ne’i faamamafaina o outou loto, ma le faaniniva, ma le
onā, ma le popole i mea a le olaga nei, ne’i faafuasei mai lea aso ia e outou.’ E matuā
leai se vaega taimi e faia ai se alofaga mo le paie faale-agaga.” – Counsels to Writers
and Editors, p. 24.
d.
O a faamanuiaga o le finafinau faale-agaga? Roma 12:11, 12; Eperu 6:12;
Filipi 2:14-16.
Aso Faraile _______________________________________________ Mati 2
1.
O o’u faafetai ea mo le malosi ma le avanoa e mafai ai ona galue faale-tino?
2.
O o’u fai faatatau lelei ea i a’u masaniga o galuega? O i ai ea se mea o o’u
manaomia ina ia suia ina ia usitai ai i ala o le Atua?
3.
O faapefea la’u tulai pe a ou savali, nofo, pe moe foi? O le tagata nofo sa’o o loo
faauigaina foi o se tagata faamaoni lea, ma le faatuatuaina. O a’u ea o se tagata faapea?
64
O le a se mea e mafai ona ou faia ina ia faaleleia atili ai lo’u sa’o faale-tino ma le faaleagaga?
4.
O a faamanuiaga ua ou iloa i olaga o i latou o loo galulue ma gaioi faale-tino?
5.
O o’u toaga ea poo paie i a’u gaioiga faale-agaga? E leai se tagata e malō i se
tuuga e aunoa ma le momo’e ai.
Faamalosiga Sa’o. “O loo i ai faamalosi tino e matuā aoga lava i le mafaufau ma le
tino. O se mafaufau faamalamalamaina ma le filifili poto o le a ia maua le tele o auala e
faafiafia ma faamalolo ai le mafaufau, mai i mea e lē gata ina lelei faale-agaga, ae e
aoga foi e faatonu ai. O le faamalosi tino i le ea, o le manatunatu i galuega a le Atua i le
natura, o le a sili ona aoga.” – Testimonies, vol. 4, p. 653.
“O alii ma tamaitai talavou latou te lē manaomia le kirikiti, taaloga faia i le polo,
poo soo se ituaiga fiafiaga lava mo le faamalieina ai o i latou lava, ina ia faama’imau ai
le taimi. O loo i ai mea aoga e tatau ona faia e tagata taitasi uma lava na foafoaina e le
Atua. E manaomia e se tasi mai ia te oe se mea o le a fesoasoani ai ia te ia. E leai ma se
tasi i le foafoaga tele a le Atua na faia ina ia ola faafifilemu ma faalagolago i isi. O lo
tatou fiafia e faatupulaia, ma e atia’eina foi o tatou malosi, a’o tatou galulue i galuega
aoga.” – The Youth’s Instructor, January 31, 1901.
Tausiga Maloloina. “O fanau laiti e mafai ona tutupu a’e i ituaiga foliga eseese, ma e
mafai foi, e ala i masaniga o gaioiga faamalosi tino faia faalelei ma le tulaga o le tino,
ona latou maua ni tino maloloina. O se faafanoga i le ola maloloina ma le olaga o fanau
laiti lo latou nonofo i totonu o potu a’oga, i luga o nofoa malō ma le lē fauina lelei, mai i
le tolu i le lima itula i le aso, ma manava le ea lē mamā ua faatupuina e le tele o tamaiti.
Ua aafia māmā (lungs) vaivai, o le faiai, lea o loo sau ai le malosi o neura o le tino atoa,
ua faavaivaia i le soona faaaogaina a’o le’i o’o ina matua atoatoa le malosi o totoga o le
mafaufau na te gafatiaina le vaivai.” – Selected Messages, bk. 2, p. 436.
Lesona 10 _____________________________________ Sapati, Mati 10, 2007
MANAVA MA LE OLA MALOLOINA
“Na faia a’u e le Agaga o le Atua, o le manava foi a Lē e Ona le malosi uma
ua aumai ai ia te a’u le ola” (Iopu 33:4).
“O le maloloina o le tino atoa lava e faalagolago i gaioiga maloloina a totoga o
loo feaveaia le okesene i le tino.” – healthful Living, p. 30.
Faitauga Fautuaina:
65
“Ala ia, tuaganē ma uso, inā ala ia. Aua tou te toe momoe. ‘Aisea tou te tutū ai
iinei i le aso atoa e leai se galuega e faia?’ Ua valaau mai Iesu ia te outou faapea, ‘Alu e
galue i le aso nei i Lo’u tovine.’ O ai lava ua na maua le Agaga Paia, o le a ia faaalia foi;
auā o ona malosi uma lava o le a faaaogaina i le auaunaga sili ona tele le galuega e faia
ai. O i latou uma lava e taliaina Keriso e ala i le faatuatua, latou te galulue foi. Latou te
lagonaina le avega o agaga. Ua valaau nei le Atua i tagata taitoatasi uma lava ua i ai
se malamalamaaga o le upu moni, lē ua avea ma nofoaga o le upu moni paia, ina ia
tulai ma faailoa atu le malamalama o le lagi i isi. O i latou ua faamalamalamaina e le
Agaga Paia, o le a latou faailoa maia foi le galuega a le Agaga Paia i le olaga ma le
amio. O le a avea i latou ma mea faigaluega o le a faailoa atu ai e le Agaga Paia le
malamalama ma le atamai i isi. O le upu moni matagofie ua faaalia mai ia i tatou i aso
mulimuli nei e tatau ona faaalia atu i isi. ‘O le iuga o mea uma lava ua matua lata tele
mai.’ Ua leva ona fetalai atu le Alii ia te outou i Amerika, ma ia alofa le Atua ia aua
ne’i sau i luga ia te outou le pogisa i le taimi o le malamalama tele lava, ona o lo outou
lē savavali i le malamalama ua foaiina mai. O le pogisa e tutusa lelei lava ma lo outou
malamalama o le a sau moni lava i luga ia te outou, pe afai tou te lē ala mai nei nai lo
outou momoe, ma lūlū ese a outou mea faafiafia lē aoga ma tuinanauga faapito, ma
faatau atu ma le finafinau taleni a lo outou Alii. O ese i fafo mai i o outou fale ua outou
fiafia i ai. Atia’e taleni ua foai atu e le Atua ia te outou, ma ta’u atu i isi mea ua faailoa
atu e le Agaga Paia ia te outou. E finagalo le Atua ia te outou ina ia outou galulue ia
tutusa ma le malamalama ua Ia foai atu.” – The Review and Herald, December 5, 1893.
Ulua’i Aso _______________________________________________ Mati 4
1.
O LE “MĀNAVA O LE OLA” MA LE “MANAVA A LE AGAGA”
a.
O le a le “manava o le ola” lea na maua e Atamu mai i le Atua? Kenese 2:7.
“O le Atua o loo tatou ola ai, ma gaioi, ma tumau ai o tatou tagata ola. O tātā
taitasi a le fatu, o manava taitasi, o le aafiaga lea o Lē na manavaina i pogaiisu o Atamu
le manava o le ola – o le aafiaga lea o le Atua e soifua e faavavau, o Ia o A’U O LĒ E
OLA (The Great I AM).” – The Review and Herald, November 8, 1898.
b.
O le a le “manava a le agaga”? Luka 11:1.
“O le tatalo o le manava lea a le agaga. O le mea lilo lea o le malosi faale-agaga.
E lē mafai lava ona sui tulaga se isi auala o le alofa tunoa, ma faatumauina ai le
maloloina o le agaga. O le tatalo e aumaia ai le loto i le sootaga i le taimi lava lena ma le
Vaipuna o le ola, ma faamalosia ai le tino ma maso o le olaga faale-tapuaiga. Faatalale i
le faatinoina o le tatalo, poo le tatalo foi i se uiga fai faafuasei, i lea taimi ma lea taimi, e
faapei ona fetaui ai ma lou manatu, ma motusia ai loa le lua mafutaga ma le Atua. Ua
66
leai se malosi o tomai faale-agaga, ua leai se maloloina ma se malosi o le olaga faaletapuaiga.” – Gospel Workers, pp. 254, 255.
c.
O le a le masaniga a le perofeta o Tanielu e faatatau i le tatalo? Tanielu 6:10.
O le a le uiga o le tatalo e lē aunoa? 1 Tesalonia 5:17.
“O le tatalo e lē aunoa o le mafutaga lē motusia lea a le agaga ma le Atua, ina ia
tafe mai ai le ola mai i le Atua i o tatou olaga; ma toe tafe atu ai i le Atua mai i o tatou
olaga le amio mamā ma le faapaiaina.” – Steps to Christ, p. 98.
“A’o tatou galulue i a tatou galuega o aso taitasi, e tatau ona tatou siitia a’e le
agaga i le Atua i le tatalo. O nei tatalo lē leoa e alu a’e faapei o se mea manogi i luma o
le nofoalii o le alofa tunoa; ma lē malamalama ai le fili. O le Kerisiano o loo faapena
ona tumau lona loto i le Atua e lē mafai ona faatoilaloina. E leai se faufauga leaga e
mafai ona faaumatiaina lona filemu. O folafolaga uma lava a le upu a le Atua, o le mana
uma lava o le alofa tunoa faalelagi, o oa uma lava a Ieova, ua ta’utinoina mai ina ia
mautinoa ai lona lavea’iga. Na faapena ona savavali le Atua ma Enoka. Ma sa faatasi le
Atua ma ia, o se fesoasoani i taimi uma i taimi uma o manaoga.” – Gospel Workers, p.
254.
Aso Gafua _____________________________________________ Mati 5
2.
MANAVA FAALELEI
a.
O le a le faatonuga na tuuina atu ia Isaraelu o loo faailoa mai ai ia i tatou lo
tatou manaoga ina ia a’oa’oina masaniga tatau ma aoga faale-tino ma le faaleagaga foi? Teuteronome 31:12. I le tele o isi mea, o a mea tatou te manaomia ina ia
tatou a’oa’oina i a tatou fanau?
“Fai atu i [tagata mama’i] ina ia manava i le ea fou. A’oa’o i latou ina ia matua
manava i totonu ia tau lelei le manava, ma ia faagaioia maso o le manava (stomach) i le
mānava ma le tautala. O se a’oga lenei o le a matua taua lava ia i latou.” – The Ministry
of Healing, pp. 264, 265.
“A’o tatau ona puipuia le fanau iti mai i tau (weather) oso faafuase’i, e tatau ona
mataala ina ia latou manava i le ea mamā ma le lelei pe a latou momoe pe savavali foi i
le ao ma le po.” – The Adventist Home, p. 263.
b.
O le a le mea e tupu ia i tatou pe a lē lava le tatou “manava” faale-tino poo le
faale-agaga foi? Salamo 146:4.
“E lē’o lava le ea o loo ē mauaina. O loo galue ‘Brother I’ i totonu o lona
faleoloa, ma matua tuu atu atoa lava o ia lava i lana pisinisi ma faatagaina ai na o si
tama’i vaega lava o le ea ma le faagaioia o lona tino. Ua lē lelei le gasaloga a le toto i
67
totonu o lona tino. E na o le vaega lava i luga o lona māmā o loo ia manava mai ai. E
seāseā ia faagaioia maso o lona manava i le gaioiga o le mānava. O le manava, ate,
māmā, ma le faiai o loo mafatia i le fia mauaina o le ea e ala i le tau lelei o le manava,
lea o le a faafouina ai le toto ma foai atu ai i le toto se lanu pupula lelei, ma na pau lava
lea o le auala e faatumauina ai le toto i le mamā ma foai atu ai le malosi i vaega taitasi
uma lava o le tino ola.” – Testimonies, vol. 2, pp. 67, 68.
“O i latou e lē’i maua se manavaga saoloto o le ea i totonu o o latou potu i le po, e
ala mai lava i lagona mafatia ma le fiva, ma latou te lē iloa poo le a le mafuaaga. O le
ea, le ea sili ona taua, lea sa manaomia e le tino atoa, ae e lē’i mafai ona ia maua . . . E
tatau ona aveesea taitasi mai ie afu ma lavalava uma mai i le moega, ma faataga ia ulu
atu i ai le ea. E tatau ona tatala faamalama, ia tatala ese pola, ma faataga le ea ina ia
taamilo saoloto mo ni itula, pe afai e lē o le aso atoa, i totonu o potu o loo momoe ai. O
lenei faiga o le a mae’ae’a ai le ulu atu a le ea i nei vaega uma, ma o le a aveesea mai ai
‘ona ma mea lē mamā mai i potu.” – Counsels on Health, p. 58.
Aso Lua __________________________________________________ Mati 6
3.
MOE MALOLOINA
a.
E faapefea ona tatou olioli i le ea fou ma momoe lelei i tau malūlū? O le a lo
tatou tiute ia i latou e lē o lava o latou lavalava ona o le mativa? Esoto 22:27; Isaia
58:7; Iakopo 2:15, 16.
“E toatele tagata na a’oa’oina mai a’o latou laiti, o le ea o le po e leaga i le ola
maloloina ma o le mea lea e tatau ai ona lē faatagaina i totonu o o latou potu. Latou te
mama’i ai lava i latou i lo latou punitia o faamalama ma faitotoa o o latou potu moe ina
ia puipuia ai i latou mai i le ea o le po lea latou te fai mai e leaga i le ola maloloina. O
lenei manatu o loo faaseseina ai i latou. O le malūlū o le afiafi atonu e tatau ona puipuia
mai i le malūlū e ala i le faateleina o ofu, ae e tatau ona latou faatagaina le ea mo o latou
māmā.
“I se afiafi (autumn evening) sa matou malaga ai i se taavale tumu lava, sa lē
mamā ai lava le ea i totonu o le taavale i le manava a tagata e toatele. O le ea sa
manavaina mai i fafo e le tele o māmā ma tino sa o’o mai ai ia te a’u se lagona ma’i sili
ona leaga. Sa ou tuuina i luga la’u faamalama ma sa ou olioli i le ea fou, ae valaau mai
loa se tama’itai i se leo finafinau lava ia te a’u: ‘Tu’u i lalo le faamalama. O le a ē
malūlūina ma ma’i, auā o le ea o le po e matua lē maloloina lava.’ Sa ou tali atu:
‘Tama’ita’i, e leai se isi lava ea o tatou maua i totonu o le taavale lenei poo fafo foi, e na
o le ea lava o le po. Afai e te musu e manava le ea o le po, e tatau la ona aua loa ne’i ē
toe manava. Ua foai mai e le Atua mo Ana meaola le ea e manava ai i le ao, ma le ea
lava lea e tasi e malūlū teisi atu, mo le po. I le po e lē mafai ona ē manavaina se isi lava
mea a ua na o le ea o le po. .’ E toatele tagata o loo mafatia i faama’i ona latou te
mumusu e taliaina i totonu o o latou potu i le po le ea o le po. O le ea saoloto mamā o le
68
lagi o le tasi lea o faamanuiaga sili ona taua e mafai ona tatou olioli ai.” – Testimonies,
vol. 2, pp. 527, 528.
b.
O le a le folafolaga na tuu mai ia Isaraelu i lo latou usitai i le Alii?
Teuteronome 7:11-15. E faapefea ona tatou galulue faatasi ma le Alii pe afai tatou
te mananao tatou te tofusia i le folafolaga lava lea e tasi ?
“O fafo, siomia i mea matagofie na faia e le Atua, manavaina ai le ea fou ma le
maloloina ai, o le nofoaga sili lava lea e mafai ona ta’uina atu ai i tagata mama’i le ola
fou i totonu ia Keriso. O iinei e mafai ona a’oa’oina ai upu a le Atua.” – Counsels on
Health, p. 251.
“O le ea vevela e sau mai i se ogaumu, (stove) e leaga, ma ana leai le ea lea e sau
i totonu mai i va o faamalama, o le a ‘ona le ea vevela lea ma faaumatia ai le ola. O le
vevela o le ogaumu (stove) e faaumatia ai le lelei o le ea, ma faavaivaia ai māmā (lungs)
. . . O tagata mama’i o loo faavaivaia e faama’i, ma latou te manaomia le ea mamā atoa
uma lava e mafai ona latou maua ina ia faamalosia ai totoga taua ina ia tetee atu ai i
faama’i.” – Spiritual Gifts, vol. 4a, p. 152.
Aso Lulu ________________________________________________ Mati 7
4.
EA MAMĀ FAAFEAGAI MA LE EA LĒ MAMĀ
a.
O le a le ituaiga nofoaga o le nofoaga sili lava lea mo le manuia ai mai i
faama’i?
“Ana [mafai ona aveina i se itumalo fai faatoaga le toatele o i latou o loo nonofo i
aai], ma siomia ai i latou i laufanua lanumeamata, o togavao ma mauga maualalalo ma
vaitafe, le vanimonimo manino ma le ea fou ma le mamā o le vao, o le a foliga mai ua
toeititi lava a faapei o le lagi . . . O le a latou faalogo i Lona siufofoga o fetalai mai i o
latou loto e faatatau i Lona filemu ma Lona alofa e ala mai i le natura, ma o le a tali atu
le mafaufau ma le agaga ma le tino i le mana faamalolo o loo aumaia ai le ola.” – The
b.
O a ituaiga nofoaga e sili ona leaga mo le faasolo manuia ai o i latou o loo
mama’i?
“O le pisapisao ma le mau leo eseese ma le nunumi o aai, . . . e sili ona faavaivaia
ma mafatia ai tagata mama’i. O le ea, tumu i asu ma pefu, faatasi ai ma le mau ea
(gases) oona, ma siama o faama’i, o se faafanoga lea i le ola.” – The Ministry of
Healing, p. 262.
“Afai e fau se fale i se nofoaga e siomia ai e le vai, ma tumau ai le vai mo sina
taimi, ona mago ese ai lea, ona alu a’e ai lea o se ea ‘ona, o le a i’u loa i le fiva ma le
69
ma’i lili ona o le ova tele o le fiva, tigā le fa’a’i (throat), fa’ama’i o le māmā, ma fiva.” –
Counsels on Health, pp. 58, 59.
c.
A’o tatou faatusatusaina le Isaia 24:5 i le Faaaliga 16:17, o le a le ituaiga
leaga lea o le a tatou vaai atu i ai i aso mulimuli nei?
d.
O le a le faatonuga na tuuina atu ia Lota e mo aso foi nei e faatatau i le ea
leaga i aai? Kenese 19:17.
“O aso sili ona leaga o loo i o tatou luma, ma o loo matua telē le manaoga mo
aiga ina ia o ese mai nai i aai ma o atu i nofoaga i tua i le vao . . . Ia o ese atu i tua i
nofoaga i le vao i latou o loo mafatia ma lē o maloloina o latou tino.” – Home and
Church School Manual (1900), p. 42.
Aso Tofi ________________________________________________ Mati 8
5.
MOE FAALE-AGAGA
a.
O le a le mea e lē masani a’i i le Galuega 20:9 o loo toe faia foi e le toatele i le
taimi o tapuaiga? Aisea e matua leaga tele ai le moe faale-agaga? Mataio 25:5, 1
Tesalonia 5:6-8; 1 Peteru 4:7.
“O le faatalale i le aveesea o le ea leaga i fafo ma le aumaia o le ea mamā i totonu
o le fale o le mafuaaga lea mo le tele o le vaivai ma le īvā o loo faaumatiaina ai le
aafiaga o le tele o lauga ma faigata ma lē taua ai le galuega a le faia’oga.” – The
“Na osofia faalua a’u i se manatu a’o o’u tautala, ina ia suia le gaioiga, ma faatutū
uma i luga tagata ma usu se pese; auā ua matuā foliga mai ua loloto lava le moe gase ua
o’o mai i luga o tagata, o ē sa una’ia ina ia galulue malolosi i le vaiaso. Sa tatalaina
faamalama i le tele o taimi e mafai ai” – The Review and Herald, September 27, 1887.
b.
O le a le mea e mafai ona tatou faia ina ia alo ese mai ai i le “moe faaleagaga”? Roma 13:11.
“O loo faasino mai pea lava pea e le Alii le galuega e tatau ona faia e le ekalesia i
Battle Greek ma i latou o loo i Amerika atoa. E tatau ona latou ausia se tapulaa sili atu
ona maualuga i le agai i luma faale-agaga nai lo le tapulaa lea ua latou ausia. E tatau ona
latou ala mai nai le moe ma o i fafo atu o le togalauapi, ma galulue ai mo agaga ua sauni
e fano.” – Testimonies, vol. 8, pp. 70, 71.
“Ia ala mai nei ekalesia taitasi uma lava nai le moe; ia au faatasi tagata o le
ekalesia i le alofa o Iesu ma le alofa mo agaga o loo fano, ia latou o atu uma i o latou
70
tuaoi, ma faasino atu i latou i le ala o le faaolataga. O lo tatou ta’ita’i o loo ia te Ia le
mana uma lava i le lagi ma le lalolagi.” – Lake Union Herald, December 30, 1908.
“Ia ala mai nei ekalesia uma lava ma tuu ese lo latou faamaualuga fiatagata ma le
faalialiavale ma le faale-lalolagi. Ia latou faamaulaloina nei o latou loto i luma o le Atua
e ala i le salamo ina ua latou siitiaina ni nai avega laiti lava mo Keriso.” – The Review
and Herald, December 7, 1886.
“O loo i ai se galuega e tatau ona faia i totonu o ekalesia. E tatau ona agai i luma
se molimau ese. Ua matua faateia lava a’u. O loo i ai le loto faapito ma agasala, lē
faamaoni, lē talitonu, faitio ma le su’esu’e masei i ekalesia uma lava. Ua o’o nei i le
taimi e ala ai mai le moe. Outou nā ua leva ona leiloa ese mai le agaga o le tatalo, ia
tatalo nei, tatalo ma le finafinau. Ia Ē alofa mai i Lau galuega mafatia; alofa mai i le
ekalesia, alofa mai i tagata taitoatasi, Oe le Tama o le alofa. Ave ese nai ia te i matou
mea leaga uma lava, aua ne’i faia o matou loto; ae aua ne’i aveesea Lou Agaga Paia nai
ia te i matou.” – East Michigan Banner, March 15, 1905.
Aso Faraile ______________________________________________ Mati 9
1.
Ua ou faafetai ea i lo’u Atua foafoa mo le foaiina mai ia te a’u o le manava ola ou
te ola ai i le aso lenei?
2.
Ua ou a’oa’o ea ina ia ou tatalo i taimi uma e leai se mutaaga, e faapei ona ou
manava?
3.
O o’u malamalama ea ma faatino le lelei i totonu o la’u mānava e ala i le
faaaogaina o le maso o lo’u manava (diaphragm)?
4.
O o’u moe ea ma le ea fou i totonu o lo’u potu?
5.
O o’u manavaina ea soo se mea lava e ‘ona, ma afai o o’u faia lenei mea, o le a se
mea e mafai ona ou faia ina ia suia ai lenei masaniga?
6.
O o’u ala ea i le taimi o tapuaiga poo a’u ea o se tagata-paia moe?
E manaomia e le agaga le tatalo. “E tatau ona tatou tatalo i totonu o le li’o o le aiga,
ma o le mea e sili ona taua e lē tatau ona tatou faatalale i tatalo lilo, auā o le ola lenei o
le agaga. E lē mafai e le agaga ona tupu lauolaola pe afai o loo faatalalē i le tatalo.” –
Steps to Christ, p. 98.
Tapa’a ma le Faiai. “O le faaaogaina o le tapaa o se masaniga lea o loo aafia so’o ai
neura o le tino i se tulaga sili atu ona malosi nai lo le faaaogaina o le ava malosi . . . O le
tapaa . . . e aafia ai le faiai ma gase ai lagona, e lē mafai ai e le mafaufau ona
malamalama lelei i mea faale-agaga, aemaise ai lava upu moni ia o le a fa’asa’o ma
a’oa’iina ai tuinanauga leaga.” – Child Guidance, pp. 403, 404.
O le Ǒna o Tapaa. “O le tapaa o se ‘ǒna lea e sili atu lona taufaasese ma le leaga, e i ai
lona aafiaga oso faafuase’i ai le malosi o neura, ona faagaseina ai lea o neura o le tino. E
sili atu lona matautia auā o ona aafiaga i le tino e faifai malie lava, ma e faigata lava ona
71
iloa i le amataga. E tele ma tele tagata ua feoti i ona aafiaga oona.” – Spiritual Gifts, vol.
4a, p. 128.
Ea i totonu o le Falesa. “O a tatou ekalesia e manaomia ina ia toe fuata’iina i le
mataupu e faatatau i le alu i fafo ma le sau o le ea i totonu o le fale tapua’i. E matua
faafanoina lava mo i latou e vaivai o latou fatu lo latou lauga i totonu o falesa e ‘ǒna le
ea o loo i ai e ala i le ea feula mai i fafo e tino o tagata. E tatau ona fai lelei se faiga ina
ia alu ai i fafo ma sau saoloto i totonu le ea i totonu o fale a a tatou ekalesia, ina ia
mamā i taimi uma e mafai ai, le ea lea o loo manavaina e i latou o loo nonofo ai mo le
lua itula i taimi uma.” – The Gospel Herald, January 1, 1901.
Faamanuiaga o Galuega Faia i Fafo. “Ia galulue alii ma tamaitai i laufanua ma
faatoaga o laau. O lenei galuega o le a aumaia ai le ola maloloina ma le malosi i neura
ma maso. O le nofo i totonu o le fale ma teufatuina ai se tino ma’i o se pisinisi leaga tele
lenei. Afai o le a faagaioia lelei e i latou o loo mama’i neura ma maso i le ea, o le a toe
faafouina lo latou soifua.” – Manuscript Releases, vol. 19, p. 230.
Lesona 11 ________________________________________ Sapati, Mati 17, 2007
MALOLOGA MO TAGATA VAIVAI
“Ia outou o mai ia te A’u, outou uma o galulue ma mafatia i avega, o le a Ou
foai atu ia te outou le malologa” (Mataio 11:28).
“O le moe, le fofo matagofie a le natura, e faamalosia ai le tino vaivai ma saunia
ai le tino mo tiute o le aso e sosoo ai.” – The Adventist Home, p. 289.
Faitauga Fautuaina:
The Desire of Ages, pp. 359-363.
My Life Today, pp. 143, 144.
Steps to Christ, pp. 46, 47.
“Na silafia foi e [Keriso], ua vaivai [le au so’o] i a latou galuega, ma sa latou
manaomia ina ia latou malolo . . . ‘Ona Ia faapea atu lea ia i latou, ia outou o ese mai i
se nofoaga tuufua, ma malolo mo sina taimi.’ O Keriso e tumu i le alofa ma le
mutimutivale mo i latou uma lava o loo galulue i Lana galuega. Na Te finagalo e faailoa
mai i Ona soo e lē finagalo le Atua i le taulaga, a’o le alofa. Sa latou tuuina atu o latou
agaga atoa lava i le galuega mo tagata, ma o lenei galuega sa matua mafatia ai lava lo
latou malosi faale-tino ma le mafaufau. O lo latou tiute lo latou malolo . . . O le
malologa lea na faia e Keriso ma Ona soo e lē o se malologa faamalieina ai i latou lava .
. . . E ui lava ina mafai e Keriso ona faia vavega, ma faamalosia Ona soo ina ia faia
vavega, ae na Ia faatonu atu i Ona so’o vaivai ina ia o ese mai agai atu i le vao ma
malolo ai. Ina ua Ia fetalai mai ua tele le seleselega, a ua laiti le aufaigaluega, Na te le’i
72
una’ia atu i Ona soo le taua o le galue e aunoa ma se malologa, ae na Ia fetalai atu e pei
ona aumaia i le [Mataio 9:38] . . . E lē o se gaioiga poto le i ai i taimi uma i lalo o
mafatiaga o galuega ma fiafiaga, e o’o lava i le auauna atu i manaoga faale-agaga o
tagata; auā o le auala lenei e lafoaia ai le olaga faapaiaina o le tagata lava ia, ma soona
faaaluina ai malosi o le mafaufau ma le agaga ma le tino. E manaomia le faafitia e so’o
o Keriso o i latou lava, ma faia taulaga ofo; ae e tatau foi ona faautauta ne’i avea le ova
tele o lo latou naunau ma mea e faaaoga ai e Satani lo latou vaivai faale-tagata, ma
faaleagaina ai le galuega a le Atua.” – The Desire of Ages, pp. 359-362.
Uluai Aso _________________________________________________ Mati 11
1.
E FOAI MAI E LE ATUA I LANA FANAU PELE LE MALOLOGA
a.
O le a le vaega o le olaga e faaaluina ai le tusa ma le tasi o vae tolu o le taimi
o loo e ola ai? Salamo 4:8.
b.
O le a le faatai’taiga o loo faailoa mai ai le mafuaaga e foai mai ai e le Atua ia
i tatou le moe? Mataio 26:45.
“O le a faafoisia e le natura le malosi [o le fanau] ma faamalosia i a latou itula e
momoe ai, pe afai e lē solia ona tulafono.” – Healthful Living, p. 69.
c.
O le a le faata’ita’iga ua ia’i tatou i le olaga o Iesu e faatatau i le manaoga
faale-tino o le malologa? Luka 8:23; Mareko 4:38.
“Sa tuusa’olotoina le Faaola mai i le mamafa o manaoga o le motu o tagata, ma o
lona mafatia i le vaivai ma le fia ai, na Ia taoto ai i lalo i totonu o le vaa, ma vave lava
ona moe loa.” – The Desire of Ages, p. 334.
“I le ala i Kalilaia na pasi atu ai Iesu i Samaria. O le aoauli na Ia o’o atu ai i le
vanu matagofie o Sekema. I le amataga o lenei vanu sa i ai le vaieli o Iakopo. O Lona
vaivai ona o Lana Malaga, na Ia nofo ai i lalo iinei a’o o atu Ona soo e faatau mai ni
meaai.” – Ibid., p. 183.
“Ua oo mai le afiafi a’o valaau atu Iesu i ona so’o e toatolu o Peteru, Iakopo ma
Ioane ina ia o mai ia te Ia, ma ta’ita’i atu i latou i totonu o le laufanua, ma agai mamao
atu i luga i se ala gaoā, i se itu mauga tuufua. Sa faaaluina e le Faaola ma Ona soo le aso
i le faimalaga ma a’oa’o atu, ma ua faaopoopo atu lenei a’ega i luga o le itu mauga i lo
latou vaivai. Ua siitia e Keriso avega mai i mafaufau ma tino o le toatele o tagata
mafatia; Ua Ia auina atu le ola matagofie i o latou tino vaivai; ae peitai o Ia foi o loo i le
tino faale-tagata, ma ua Ia vaivai faatasi ai ma Ona soo i le savaliga agai i luga i le itu
mauga.” – Ibid., p. 419.
Aso Gafua ______________________________________________ Mati 12
73
2.
VAVE ONA MOE, VAVE ONA ALA
a.
O le a le fautuaga lelei ua ia i tatou e faatatau i le moe? Salamo 127:2.
b.
E faapefea ona tatou faamatalaina le “vave ona moe” i se lalolagi e mafai ona
ala i le po atoa? Salamo 104:20-23.
“Ona o le galuega o le fausiaina a’e o le tino e faia i itula o le malologa, o le mea
lea e aoga ai, aemaise ai lava i talavou, e tatau ona moe i taimi faatulagaina ma ia lava
foi le moe.” – My Life Today, p. 143.
“E tatau ona a’oa’o e [fomai] o le suesue i le te’a o le 9:oo i le po, e leai ma se
mea lelei e maua ai ae tele le lelei e leiloa ai.” – Manuscript Releases, vol. 8, p. 330.
“Ou te iloa mai i molimau e tuuina mai ia te a’u i lea taimi ma lea taimi mo le
aufaigaluega o le mafaufau, e sili atu ona tele le aoga o le moe a’o le’i o’o i le sefulu
lua i le po nai lo le te’a o le taimi lea. O le lua itula e moe lelei ai a’o le’i ta le sefulu lua
e sili atu ona tele lona aoga nai lo le fa itula pe a te’a le sefulu lua.” – Ibid., vol. 7, p.
224.
“I totonu o a tatou a’oga e tatau ona tapēina moli i le afa o le iva.” – Counsels to
Parents, Teachers, and Students, p. 297.
c.
O le a le finagalo o le Atua e faatatau i le faanunumiina poo le suia foi o Lana
fuafuaga? Iopu 17:12.
“O nisi o talavou e matua tetee lava i pulega ma a’oa’iga. Latou te lē amanaia
tulafono o le aiga i lo latou ala i se itula faatulagaina. Latou te taooto i moega mo nisi o
itula ina ua leva ona ao, i le taimi e tatau ona gaioi uma ai tagata. Latou te faamumūina
le suau’u i le tulua o po ma ao, ma faalagolago i malamalama lē moni e suitulaga i le
malamalama ua faia e le natura i itula tatau . . . O lo tatou Atua o se Atua o faatulagaga
lelei, ma Na Te faanaunau ina ia filifili Lana fanau ina ia aumaia i latou i Lana
faatulagaga ma Lana koleniga. E lē sili atu ea ona lelei, le talepeina o lenei masaniga o
le liliuina o le po e avea ma ao, ma le avea o itula fou o le taeao e avea ma po? Afai o le
a fausia e talavou masaniga o le tausi i taimi faatulagaina ma le faatulagaina lelei, o le a
faaleleia atili i latou i le ola maloloina, i le agaga, i o latou mafaufau, ma o latou uiga
ma manatu.” – Child Guidance, pp. 111, 112.
d.
O a mea e faatagaina? Luka 6:12; Ioane 3:1, 2; 19:39.
Aso Lua __________________________________________________ Mati 13
3.
O LE VAIVAI
74
a.
O le a le mea tatou te manaomia pe a tatou vaivai? Kenese 18:4; Ioane 4:6.
“Na manaomia soo o Iesu ina ia a’oa’oina i le auala e tatau ai ona latou galulue
ma le malologa e tatau ona latou faia. O le aso lenei o loo manaomia ai le au faigaluega
a le Atua ina ia latou faalogo i le faatonuga a Keriso ina ia latou o ese mai ma malolo
mo sina taimi.” – My Life Today, p. 133.
b.
O le a le mea sili lava ona lelei e puipuia ai le vaivai? Mareko 6:31.
“O se mea sese tele le faafaigaluegaina o se faifeau i taimi uma lava i galuega
faapisinisi, ma alu ai i lea nofoaga i lea nofoaga, ma ala i le leva o le po i fonotaga a le
komiti ma le komiti tumau foi (board meetings). O lenei masaniga e aumaia ai i luga ia
te ia le vaivai ma le faavaivai.” – Gospel Workers, p. 271.
c.
O le a le mea o loo faalavelaveina ai le moe?
“Afai e tausamiina se meaai lona tolu, e tatau ona māmā, ma e tatau foi ona aina i
ni itula a’o le’i alu e moe. Ae o le toatele o tagata, o le a lē aoga faitioga a le manavavaivai mo lona mafatia. E tele meaai e faamalosia atu i ai, ma toe faagaioia ai foi totoga
o loo lomiina meaai, ina ia faatinoina le galuega lava lea e tasi i taimi o loo moe ai. E
faapena ona faalavelaveina ai le moe i miti lē lelei, ma ala a’e ai i le taeao i se tulaga
vaivai. Ona i ai lea o se lagona o le vaivai ma le lē lagonaina o se fia ai. Ua lagona e le
tino atoa lava le leai o se malosi. Ua matua faavaivaia lava totoga e lomiina meaai i se
taimi puupuu lava, auā ua leai se taimi e malolo ai. O tagata faapena ua avea ma tagata
itaita gofie ma maua i ma’i o le manava, ma latou te manatunatu pe aisea ua faapea ai i
latou. O le galue o totoga e lomiina meaai i le po atoa, ua aumaia ai le iuga mautinoa
lava.” – Healthful Living, p. 165.
d.
E faapefea ona aafia isi i le vaivai o i tatou lava? Teuteronome 25:18; Esoto
17:11, 12.
Aso Lulu _______________________________________________ Mati 14
4.
O LE MALOLO E LĒ NA O LE MOE
a.
O le a le mea tatou te manaomia e ese mai nai lo le malolo mai i galuega?
Esoto 33:14; Mataio 11:28-30; Luka 10:5, 6.
“Ua uma ona tautino mai le Atua Na Te tausia le masini ola [o o tatou tino] i
gaioiga maloloina pe afai o le a usitai le tagata i Ana tulafono ma galulue faatasi ma Ia.”
– Healthful Living, p. 31.
75
b.
O le a le aiaiga e mafai ai ona tatou olioli i le malologa a Keriso? Ioane 14:27;
2 Korinito 12:9, 10. O le a le amo a Keriso e foaiina mai ai ia i tatou le malologa?
Isaia 48:17, 18; Ieremia 6:16.
“A osofia oe e faaosoosoga, pe a foliga mai ua siomia lou agaga e popolega,
atuatuvale, ma le pogisa, vaai i le nofoaga na ē vaai muamua ai i le malamalama.
Malolo i le alofa o Keriso ma lalo o Lana tausiga alofa. Pe a tauivi le agasala mo le
manumalo i totonu o lou loto, pe a faapuapuagatia mai e le lagona agasala lou agaga ma
faamamafatia ai lou malamalamaaga, pe a faapogisaina e le lē talitonu lou mafaufau,
manatua, o le alofa tunoa o Keriso e lava lea e faatoilalo ai le agasala ma tafiesea ai le
pogisa. O lo tatou ulufale atu i le talanoaga ma le Faaola, ua tatou ulufale atu ai i le
nofoaga o le filemu.” – The Ministry of Healing, p. 250.
c.
O le a le mea o loo taofia maia i tatou mai i lo tatou ulufale atu i Lona
malologa? Roma 6:20; Salamo 95:9-11; Eperu 3:17, 18.
“E toatele e faatasi atu i sauniga faale-lotu, ma e faafouina ma faamafanafanaina e
le upu a le Atua; ae o le faatalale i le mafutaga ma le Atua, mataala, ma le tatalo, ua
aveesea ai nai ia te i latou le faamanuiaga, ma latou iloa ai ua sili atu lo latou mativa nai
lo le taimi latou te le’i maua ai le faamanuiaga. E tele taimi latou te manatu ai ua sauā
tele le Atua ia i latou. Latou te lē o iloa o le sese, o i latou lava. O le vavaeeseina o i
latou mai ia Iesu, ua latou teena ai le malamalama o Lona faatasi mai.” – The Desire of
Ages, p. 83.
d.
E faapefea ona mafai ona ou ulufale atu i Lona malologa? Eperu 4:11, 16.
“Talia nei le Agaga Paia mo lou malamalama faale-agaga, ma mulimuli loa i ai i
Lana taitaiga ina ia ē iloa le Alii. Alu agai i luma i le mea o loo taitai i ai oe e le Alii, ma
faia le mea ua Ia folafola mai. Faatali i le Alii, ma o le a Ia faafouina lou malosi.” –
Selected Messages, bk. 2, p. 230.
Aso Tofi ____________________________________________________ Mati 15
5.
O LE TAAMILOSAGA O LE ASO LONA FITU
a.
O le a le faamanuiaga i vaiaso taitasi ua foai mai e le Atua ia i tatou ina ia
tatou maua ai le malologa faale-tino ma le mafaufau? Esoto 20:10, 11.
b.
E faapefea ona fesootai le malologa o le Sapati ma lo tatou faaolataga? Esoto
31:13; 1 Tesalonia 5:23; Mareko 2:27, 28.
76
“Ia i latou uma lava o loo taliaina le Sapati e avea ma faailoga o le mana foafoa
ma le mana faaola o Keriso, o le a avea lea ma fiafiaga. O lo latou vaaia o Keriso i
totonu o le Sapati, latou te fiafia ai ia te Ia. O le Sapati e faasinoina i latou i galuega o le
foafoaga o se faamaoniga o lona mana malosi i le faaolataga. A’o aumaia i le mafaufau
le filemu o Etena ua leiloa, e ta’u mai foi e le Sapati le filemu e toe maua e ala i le
Faaola. Ma o mea taitasi uma lava o le natura o loo toe faaleoina mai Lana valaaulia, ‘O
mai ia te A’u, outou uma o loo galulue ma mafatia i avega, ma o le a Ou foai atu ia te
outou le malologa’ (Mataio 11:28).” – The Desire of Ages, p. 289.
“O le Sapati o se sootaga auro lea e faatasia ai le Atua ma Ona tagata.” –
Maranatha, p. 244.
c.
E tatau ea ona tatou faamalieina le tatou moe i le aso Sapati? O le a le uiga o
le malolo i le Sapati? Isaia 58:13; Mataio 12:12; Galuega 16:13.
“E lē tatau ona manatu se tasi o loo ia saoloto i le faaaluina o taimi paia i se faiga
lē aoga. E lē fiafia le Atua i tagata tausi Sapati pe a latou momoe i le tele o itula o le
Sapati. Latou te lē viia lo latou Atua foafoa i le momoe faapea, ma o le latou
faata’ita’iga, latou te fai mai ai o aso e ono, e taua tele o le mea lea latou te lē malolo ai.
E tatau ona latou saili le tupe, e ui lava ina sailia e ala i lo latou gaoi ai ia i latou lava i le
moe lea latou te manaomia, lea latou te faaatoaina e ala i lo momoe i taimi paia. Ona
latou faia lea o alofaga mo i latou lava e ala i lo latou faapea mai, ‘Na foaiina mai le
Sapati e avea o se aso o malologa. O le a lē lafoaia la’u malologa i lo’u alu i le lotu, ona
ou te manaomia le malologa.’ O tagata faapena o loo latou faaaogaseseina le aso
faapaiaina. E tatau ona latou faafiafiaina o latou aiga, ae faapitoa ai lava i lena aso, i le
tausiaina o lea aso ma faatasi i le fale tatalo ma le toaititi poo le toatele foi, poo le a lava
le toatele poo le toaititi o tagata. E tatau ona latou tuu atu atoa o latou taimi ma o latou
malosi i gaioiga faale-agaga, ina ia faatasi mai le aafiaga faale-lagi o loo i le Sapati ia i
latou i le vaiaso atoa. Mai i aso uma lava o le vaiaso, e leai lava se aso e sili ona lelei
mo manatunatuga ma lagona faale-lagi e faapei o le Sapati.” – Testimonies, vol. 2, p.
704.
Aso Faraile ______________________________________________ Mati 16
1.
E faapefea ona ē faavaeina se paleni lelei i le va o gaioiga ma le malologa?
2.
O lava ea le moe o loo o’u maua? Afai e leai, o le a le mea o le a ou suia ina ia
lava ai la’u moe?
3.
E faapefea ona aafia a’u ma i latou o loo siomia a’u i le lē lava o le moe?
4.
O o’u faaavanoaina ea le taimi e malolo ai ina ia faamalosia faale-tino a’u, faalemafaufau, ma le faale-agaga?
5.
O o’u maua ea faamanuiaga e finagalo le Atua ou te maua i vaiaso taitasi?
77
O se Lamatiaga i Gaioiga ma Galuega soona faia faataalise. “I le fua a a’oa’o Iutaia
o le atoaga o le latou tapuaiga le faataalise i taimi uma i galuega. Sa latou faalagolago i
ni faatinoga i le vaaiga i fafo ina ia faailoa mai ai le sili atu o lo latou amio lelei. Na
faapena ona latou vavaeeseina o latou agaga mai i le Atua, ma fausia a’e loa i latou i
luga i le faalagolago ia i latou lava. O aafiaga lava ia o loo i ai i le taimi nei.” – The
Desire of Ages, p. 362.
Taimi mo Manatunatuga Faale-agaga. “E ui lava ina puupuu le taimi, ma o loo matua
tele le galuega e tatau ona faia, e lē finagalo malie le Alii i le faaumiumiina o a tatou
galuega o le a leai ai se taimi mo a tatou malologa, mo le suesueina o le Tusi Paia, ma
talanoaga ma le Atua . . . Ina ua fetalai faapea Iesu ua tele le saito a ua toaititi le au
faigaluega, na Te le’i una’iina atu i Ona soo le taua o le galulue e aunoa ma se malologa
. . . Ua Ia faailoa atu i Ona soo ua matua tofotofoina lava lo latou malosi, ma o le a lē
agavaa i latou mo galuega o le lumanai seivagana ua latou malolosi teisi . . . I le suafa o
Iesu, fai fuafua lo outou malosi, a uma ona faafouina outou i le malologa, o le a mafai
loa ona outou faia galuega sili atu ona lelei ma sili atu ona tele.” – My Life Today, p.
133.
Malologa ma Faafitauli o le Manava. “Afai e faamalieina i se taimi umi lenei
masaniga o le [tuai ona ai i le afiafi, i le taimi o le a alu ai e moe], o le a matua
faaleagaina lava le ola maloloina. O le a lē mamā le toto, o le a sesega foliga, ma o le a
masani foi ona vaaia mea e oso mai i le tino. O le a masani foi ona ē faalogoina faitioga
o tigā oso so’o i le manava; ma a’o ē faia au galuega, o le a matua vaivai lava le manava
o le a lē manao ai e galue, ma malolo loa. E foliga mai ua lē malamalama i nei gaioiga o
loo faia; auā o le lafoaia o mea nei, e foliga mai ai ua latou maloloina . . . A uma ona
faia le galuega a le manava (stomach) lea ua matua ova le galue, ua matua vaivai loa,
ona tupu ai lea o le lagona matapogia. O iinei o loo faaseseina ai le toatele o tagata, ma
latou manatu ai o le manaomia o le meaai lea o loo mafua ai lenei ituaiga lagona, ma e
aunoa ma le faatagaina i le manava o le taimi e malolo ai, latou te toe tuuina atu i ai isi
meaai, lea e aveesea ai le lagona matapogia mo sina taimi.” – Healthful Living, p. 165.
O LIPINE LANU MOANA
“O le a ou matua olioli i le Alii, o le a olioli lo’u agaga i lo’u Atua; auā ua Ia
faaofuina a’u i ofu o le olataga, ua Ia ufiufiina a’u i le ofu talaloa o le amiotonu”
(Isaia 61:10).
“E lē mafai ona fuatia le tele o mafatiaga faale-tino ua faatupuina e ofu lē
maloloina ma lē tusa ai ma le natura. E tele tagata ua avea ma tagata mama’i i o latou
olaga atoa ona o lo latou usitai i manaoga o suiga o lavalava (fashion). E tele lagona
78
leaga ma tino suia i faama’i, (cancers) ma isi faama’i matautia, o isi nei o mea leaga ua
tulai mai ona o suiga o ofu.” – Testimonies, vol. 4, pp. 634, 635.
Faitauga Fautuaina:
Counsels on Health, pp. 91-93.
Selected Messages, bk. 2, pp. 465-472.
“O le fili o mea lelei uma lava na faaosoosoina le fafauina o suiga lē
mafaamutalia o lavalava. E leai lava se isi mea na te faanaunau i ai nai lo le aumaia o le
faanoanoa ma le faalumaina i le Atua e ala i le galuea’iina o le malaia ma le faafanoga o
tagata. O le tasi o auala e sili ona ia faataunuuina ai lenei galuega o faufauga ia i le suiga
i lavalava e faavaivaia ai le tino, ma faavaivaia ai le mafaufau ma faaitiitia ai le agaga.”
– Counsels on Health, p. 91.
“Fai mai le aposetolo e ala mai i le Agaga Paia, ‘Ua faia i tatou o se vaaiga i le
lalolagi, i agelu, ma tagata’ (1 Korinito 4:9). O loo maitauina e le lagi atoa uma lava
aafiaga o loo tuu atu i le lalolagi e i latou o loo fai mai o i latou o soo o Keriso. O’u uso
e, o lou ofu o loo molimau atu mo Keriso ma le upu moni paia po o loo molimau foi mo
le lalolagi. O le fea itu o loo molimau ai ou ofu? Manatua e tatau ona tatou tali uma atu
lava i le Atua mo le aafiaga tatou te tuuina atu.” – Testimonies, vol. 4, p. 641.
“O le ofu ma lona taatia mai i luga o le tagata e tele lava ina iloa ai le amio a le
tane poo le tamaitai. Tatou te iloa le amio a se tagata e ala i le ituaiga ofu na te ofuina. O
se tamaitai agamalu ma le amio Atua o le a faapena foi ona ofu faapena. O se uiga
faaleleia, o se mafaufau a’oa’oina, o le a faaalia i le filifiliga o se ofu faigofie ma le
fetaui.” – Child Guidance, p. 413.
Uluai Aso _____________________________________________ Mati 18
1.
O LE FAAILOGA E ILOA AI LE MEA O LOO I LE MAFAUAFU
a.
I Isaraelu anamua, o le a le mea na faatonuina mai e le Atua ina ia iloa ai o i
latou o Ona tagata filifilia? Numera 15:38-41.
“O le fanauga a Isaraelu, ina ua mavae ona aumaia i latou nai Aikupito, na
faatonuina i latou ina ia tofu ma le lipine lanu moana faigofie i le lau o o latou ofu, ina
ia iloa ai i latou mai i malo o loo siomia i latou, ma faapena ona iloa ai o i latou o tagata
faapitoa o le Atua. E lē o manaomia e tagata o le Atua i le taimi lenei se faailoga
faapitoa e tuu i o latou ofu. Ae peitai i le Feagaiga Fou o le tele lava o taimi e faasino
lava i tatou ia Isaraelu anamua e avea ma faataitaiga. Afai na avatu e le Atua faatonuga
maoti faapena i Ona tagata anamua e faatatau i o latou ofu, o le a lē amanaia ea e le
Atua ofu o Ona tagata i lenei tupulaga? E lē tatau ea ona i ai se eseesega i o latou ofu
mai i ofu o le lalolagi? E lē tatau ea ona saili tagata o le Atua, i latou o Lana oa taua, ina
ia viia le Atua i o latou ofu? Ma e lē tatau ea ona avea i latou ma faataitaiga i ofu, ma o
79
o latou ofu faigofie latou te a’oa’iina ai le faalialiavale, fia iloa faamaualuga, ma le
faatautala soona fai o Kerisiano faale-lalolagi, fiafia i fiafiaga? E finagalo le Atua i le
mea lenei mai i Ona tagata. O le faamaualuga faalialiavale o loo a’oa’iina i totonu o
Lana upu.” – The SDA Bible Commentary [Ellen G. White Comments], vol. 1, p. 1114.
b.
E faapefea ona faailoa mai e tusi o loo mulimuli mai o o tatou foliga vaaia i
fafo e iloa ai lē o loo tatou auauna i ai? 1 Timoteo 2:9, 10; Faaaliga 17:4; Sefanaia
1:8; Mataio 22:11.
“O foliga i fafo e masani lava ona iloa ai le mea o loo i le mafaufau, ma e tatau
ona tatou faautauta poo a faailoga o loo tatou faailoaina atu mo le lalolagi mo lo latou
faamasinoina o lo tatou faatuatua.” – Messages to Young People, pp. 346, 347.
“Ua manaomia nei se molimau manino ma le tuusa’o i le taimi lenei, e faapei ona
aumaia ai i totonu o le Upu a le Atua, e faatatau i le faigofie o o tatou ofu. E tatau ona
avea lenei mataupu ma a tatou avega.” – Selected Messages, bk. 3, p. 253.
c.
O a ituaiga ofu ua ofo mai e Keriso ia i tatou ma aisea foi? Faaaliga 3:18. O a
faamatalaga a le toatele o Kerisiano e ala i o latou uiga? Isaia 4:1.
Aso Gafua ___________________________________________________ Mati 19
2.
OFU MO LE OLA MALOLOINA
a.
E i ai ea se aafiaga o o tatou ofu i o tatou ola maloloina?
“O le isi mea leaga lava o le ofuina lea o laulavalava ina ia tauaveina lona
mamafa e le vaega o le puimanava (hips). O lenei mamafa tele, oomi atu i totoga o loo i
totonu, e tosoina ai totoga i lalo ma mafua ai ona faavaivaia le manava ma se lagona
vaivai, ma mafua ai ona punou lē o loo ofuina, ma atili omia ai māmā, ma faigata ai ona
manava sa’o . . .
“E aoga mo le ola maloloina le i ai o le avanoa mo le fatafata e faalautele ai i lona
tulaga atoa lava ina ia mafai ai e māmā ona matua tau lelei lo latou manava. A taofia le
gaioiga a māmā, e faaitiitia foi le tele o le okesene e sau i totonu. E lē o faamalosia lelei
le toto ma o otaota, mea oona ia e tatau ona lafoese maia e ala i māmā, o loo tumau pea i
totonu.” – Counsels on Health, pp. 91, 92.
b.
O le a se mea o loo seāseā faatinoina e tamaitai ma alii? 1 Timoteo 2:9, 10.
“O le ola maloloina atoatoa lelei e faalagolago lea i le lelei atoatoa o le
taamilosaga a le toto. E tatau ona matua maitauina lelei vaega o loo mamao ese ina ia
faaofuina faalelei e faapei o le fatafata ma vaega o le fatu.” – My Life Today, p. 145.
80
“Na fafauina e Satani suiga i ofu lea e faaaliali ai lima ma vae, ma tulei ese mai ai
le toto mai i lana taamilosaga masani.” – Testimonies, vol. 2, p. 532.
c.
O a isi fautuaga e aoga e puipuia ai le ola maloloina o fanau iti ma tagata
matutua?
“O le isi mafuaaga tele o le oti i tamaiti ma talavou ona o le masaniga lea o le faatelenoaina o o latou ogalima ma tauau. O nei ituaiga ofu e tatau ona matua a’oa’iina
lava. Ua ma’imau ai ola o le afe ma afe o tagata. O le ea, faataeleina ai ogalima ma lima
atoa ma ‘ao’ao, e malūlūina ai nei vaega o le tino o loo sili ona latalata i totoga sili ona
taua, faaleagaina ai le gasologa maloloina a le toto, ma tupu ai faama’i, aemaise ai lava
faama’i o māmā ma le fai’ai.” – Healthful Living, p. 148.
Aso Lua __________________________________________________ Mati 20
3.
ESEESEGA MANINO
a.
E ese mai i o tatou ola maloloina faale-agaga, o le a se isi mea e aafia tuusa’o
lava e o tatou ofu? Mataio 5:27, 28.
“O le poloaiga [lona fitu] o loo faasaina ai e lē gata o gaioiga o uiga lē mamā, a’o
manatunatuga leaga foi o lagona o le tino ma mana’ona’oga leaga, poo soo se faatinoga
lava e tauau ina oso a’e ai nei lagona.” – Patriarchs and Prophets, p. 308.
“A aveesea loa uiga amio-Atua o tamaitai, ua lē toe leaga loa i o latou mafaufau
ma o latou loto lagona ma uiga ma faatinoga ia e sili ona maualalo. Aue, se iuga
matautia le leaga o aafiaga o tamaitai mo le leaga e mafai ona molimauina i totonu o le
lalolagi i le taimi lenei!” – The Adventist Home, pp. 58, 59.
b.
Afai tatou te oofu i ni ofu e feteena’i ma le faatonuga a le Atua, o le a Sana
silafaga i le tatou agasala? Teuteronome 22:5.
“O loo ua matua faatupulaia lava le uiga o le faaofuina o tamaitai i ofu ma o latou
vaaiga i fafo ia latalata lava faapei o ofu o tane i le latalata e mafai ai ma ia faata’ita’ia o
latou ofu ia faapei lava o ofu o tane, a ua faaigoaina lea mea e le Atua o le mea inosia . .
. Na fuafua le Atua ina ia i ai le eseesega i le va o le ofu o tane ma tamaitai, ma Na Ia
silafiaina le taua tele o lenei mataupu o lea na Ia aumai ai faatonuga tuusa’o lava e
faatatau i ofu; auā o le ofu e ofuina e tane ma tamaitai o le a tupu ai le nunumi ma le
faateleina o soligatulafono.” – Child Guidance, p. 427.
c.
O le a le valoaga ua lapataia mai ai i tatou e faatatau i iuga faale-agaga o le
taliaina o faatosinaga ma le faalialia i le tino? Isaia 3:16-24.
81
“O le valoaga a le Isaia e 3 na faailoa mai ia te a’u e faatatau i aso mulimuli nei,
ma ua aumaia a’oa’iga i afafine o Siona o ē ua na o le manatunatu lava i le vaaiga i fafo
ma le faalialiavale. Faitau le fuaiupu e 25: ‘O ou tane o le a pa’ū’ū i le pelu, ma ou
tagata totoa i le taua.’ Na faailoa mai ia te a’u o le a matua faataunuuina moni lava lenei
tusi.” – Testimonies, vol. 1, p. 270.
d.
O le a le fofo mo lenei tulaga? Esekielu 36:26, 27.
“Faamamā le vaipuna, ona mamā ai lea o le vai e tafe mai ai. Afai e sa’o le loto, o
le a sa’o foi au upu, o lou ofu, ma au gaioiga.” – Testimonies, vol. 1, p. 158.
Aso Lulu __________________________________________________ Mati 21
4.
LAPATAIGA MA OLEGA
a.
O a vaega o ofu e i ai lo latou aafiaga taua lava i lo tatou maloloina faale-tino
o loo masani lava ona lē amanaia? Luka 15:22. O a ituaiga tau (weather) e tatau
ona matua mataala lava i ai? Salamo 147:16, 17.
“E tatau ona puipuia vae mai i le malūlū ma le susū e ala i le faaaogaina o totini
vae mafanafana, ma seevae e mafiafia lalo (thick-soled shoes) ma faigofie ona ofi lelei i
ai.” – Pacific Health Hournal, May 1, 1905.
“O o tatou lima ma vae e tatau ona puipuia faalelei mai i le malūlū ma le susū, ina
ia mautinoa ai le gasologa lelei a le toto ia i latou, faatasi ai ma ona faamanuiaga uma
lava. . . . O le puipuiga sili lea ona mautinoa mai i ma’i o le malūlū, mai i le tale, o le
punitia o le faiai ma māmā, o le fula o le ate, fatu ga’o, ma māmā (lung), ma isi faama’i
e selau ma selau.” – The Health Reformer, May 1, 1872.
b.
O a nisi o auala faapaupau e matua inosia lava i le Alii? Esoto 32:25; 2 Tupu
9:30; 1 Ioane 2:15. O le a le lesona e tatau ona tatou a’oa’oina mai i agelu o loo tutu
i luma o le Atua? Isaia 6:2, 3.
“O suiga i ofu (fashion) ua pa’ū maulalo ai le malamalamaaga faale-mafaufau ma
aveesea ai le olaga faale-agaga o o tatou tagata. O le usitai i suiga o lavalava ua matuā
taatele lava i a tatou ekalesia Aso Lona Fitu O Le Toe Afio Mai ma ua sili atu le malosi
lea nai lo se isi lava malosi ua vavaeeseina ai o tatou tagata mai i le Atua. Ua faailoa
maia ia te a’u o a tatou tulafono faale-ekalesia e vaivai tele. O faatinoga uma lava o
le faalialiavale faamaualuga i ofu, lea e faasaina i totonu o le upu a le Atua, e tatau ona
lava lava le mafuaaga lea mo le faia ai loa i ai o le faasalaga a le ekalesia. Afai e faaauau
pea, e ui lava i lapataiga ma olega ma aioiga, ina ia mulimuli pea i le manaoga sese o le
loto, e mafai ona avea lea ma faamaoniga e iloa ai e matuā lē’o faata’ita’i atu lava le
loto ia Keriso. O le a’u, ma e na o le a’u lava, o le autu lea o naunautaiga, ma o le
82
Kerisiano faapena e toatasi, o le a ia ta’ita’i eseina isi e toatele mai i le Atua.” Testimonies, vol. 4, pp. 647, 648.
c.
E tusa ai ma talaaga faasolopito, o seevae muli-uumi na fafauina mo le
pisinisi o fefaataua’iga o fafine talitane, o seevae muli-uumi e foafoaina ai se suiga
lē moni o le gauga i le tua (spine), ma faapena ona tosina ai le vaai ma mafaufau i
nisi o vaega o le tino. O mata o ai o loo latou faatosinaina, o mata o ai o loo latou
faaosoosoina? 2 Peteru 2:12-14.
Aso Tofi _____________________________________________ Mati 22
5.
FAILAUGA OLA
a.
O le a se mea e tatau ona tatou faia a’o tatou faataita’ia se ofu ina ia iloa pe
tusa ai ma le Upu a le Atua? Salamo 139:23, 24.
“O a tatou upu, o a tatou gaioiga, ma o tatou ofu, o failauga ia i aso taitasi, o loo
faaputu faatasi ma Keriso po o loo faasalalau solo. E lē o se mataupu māmā (light) lenei
e ono lafoaia i ni uiga ataata faaulaula. O le mataupu e faatatau i ofu ua manaomia ai
manatunatuga loloto lava ma le tele o le tatalo. E toatele tagata lē talitonu ua latou
lagona latou te lē o faia le mea sa’o e ala i le faatagaina o i latou ia avea ma pologa i
suiga i ofu; ae a latou vaai loa i se tasi e maualuga lava ana faaupuga o le amio Atua o
ofu e faapei o ofu o le lalolagi, ma fiafia ia i latou e amio faale-lalolagi ma uiga māmā
faavalea, ona latou filifili loa lea e lēai se sese i le ofuina o ofu faapea.” – Testimonies,
vol. 4, p. 641.
b.
O le a se mea e tatau ona tatou faia pe afai e lē o mautinoa lo tatou
malamalamaaga lelei i ni ofu? Iakopo 1:5; Filipi 3:15, 16.
c.
O le a se mea e tatau ona tatou manatua e faatatau i le amio a lo tatou Atua?
Esoto 20:5; Malaki 3:6.
d.
Afai tatou te mananao moni lava ina ia faaofuina i tatou i le amiotonu a
Keriso, o le a se mea o le a maitauina e isi? Galuega 4:13.
“O o tatou ofu e tatau ona faigofie, auā a tatou asiasi atu i tagata matitiva, o le a
latou lē mamā i le eseesega o le vaaiga i o tatou ofu ma o latou ofu.” – Gospel Workers,
p. 189.
“Na ou vaaia o upu, ofu, ma gaioiga e tatau ona molimau uma lava mo le Atua. O
le a tuuina atu loa se aafiaga paia i luga o tagata uma, ma o le a iloa e tagata uma, sa
latou faatasi ma Iesu. O le a vaai tagata lē talitonu o le upu moni o loo tatou tautinoina
atu e i ai lona aafiaga paia, ma o le talitonuga ma le faatuatuaga i le afio mai o Keriso e
83
aafia ai le amio a le tane poo le tamaitai. Afai e manao se tasi ina ia molimau lona
aafiaga mo le upu moni, ia latou ola ai la, ma faapena ona faataita’i i le Faaa’oa’o
agamalu.” – Messages to Young People, p. 128.
Aso Faraile _______________________________________________ Mati 23
1.
O ai o loo molimau agai i ai o’u ofu? O lelei ea lo’u ofu, ma faasino atu ia Iesu
poo o’u siitiaina ea a’u?
2.
O o’u ofu ea i ofu ou te maua ai le ola maloloina? O o’u mafanafana ea ma ufitia
lelei lo’u tino?
3.
O o’u ofuina ea se ofu e mafai ona tautevateva ma pa’ū ai se tasi?
4.
Ae faapefea o’u seevae, o le faiga o lo’u ulu, ma o’u foliga? O o’u savali ea i ala
o le Atua?
5.
O o’u naunau ea e fesili atu ia Keriso ina ia afio mai i lo’u potu ma faailoa mai ia
te a’u soo se mea lava e lē o faailoaina atu ai Lana amio tonu?
Ia Ola Maloloina. “E tatau ona maloloina le ofu i taimi uma lava. ‘Nai lo mea uma
lava’, e finagalo le Atua ia i tatou ina ia tatou ‘maloloina’ – maloloina o le tino ma le
agaga. Ma e tatau ona avea i tatou ma tagata faigaluega faatasi ma Ia mo le maloloina o
le agaga ma le tino. O le maloloina o le agaga ma le tino e maua i le ofuina o ofu
maloloina.” – Child Guidance, p. 398.
Leai ni Ofu Fufusi. “O ofu uma lava e tatau ona faigofie ona ofi lelei, e lē tatau ona
faalavelave ma taofia ai le taamilosaga a le toto, poo le taofia ai foi o le tau lelei o le
manavaina o le ea. O ofu uma lava e ofuina e tatau ona matua ‘ō’ō (loose) lava ina ia
faapena foi ona faigofie le siitia a’e i luga o lima o le ofu pe a sii i luga lima.” –
Counsels on Health, p. 93.
Taamilosaga Atoatoa ona Lelei a le Toto. “E matua lē mafai ona maua le ola
maloloina pe afai e fai ma masani le faamalūlūina o vae ma lima; aua afai e laititi tele le
toto ia i latou (vae ma lima) o le a tele tele le toto i isi vaega o le tino. O le ola maloloina
e manaomia ai se taamilosaga paleni lelei a le toto; ae e le mafai ona maua lenei
manaoga pe afai e faatolu i le fa’afa le tele o ofu o loo ofuina i le tino, i le vaega o loo i
ai totoga e sili ona taua nai lo ofu o loo i vae ma lima.” – Ibid.
84
O SE UIGA FAAFETAI
“Ia faafetai i mea uma lava: auā o le finagalo lea o le Atua i totonu ia Keriso
Iesu e faatatau ia te outou” (1 Tesalonia 5:18).
“O galuega lelei o se faamanuiaga faalua, e faamanuiaina ai ē o loo foaiina ma lē
o loo taliaina le agalelei. O le malamalamaaga o le faia o mea sa’o o le tasi lea o vailaau
sili ona aoga mo tino ma mafaufau mama’i. A saoloto ma fiafia le mafaufau mai i se
lagona o se tiute lelei ona faia ma le lagona faamalie loto o le foaiina atu o le fiafia i isi,
o le aafiaga fiafia, ma le siitiaina e aumaia ai le ola fou i le tagata atoa lava.” – The
Faitauga Fautuaina:
The Ministry of Healing, pp. 241-259.
“O le alofa o loo sasaa mai e Keriso i le tagata atoa lava o se mana lea e
faamalosia ai. O totoga sili ona taua taitasi – le faiai, fatu, neura – e pa’i mai i ai le alofa
ma le faamalologa. O le alofa lea o loo osofia ai malosi silisili lava o le tagata ina ia
galue. E faasaolotoina ai le agaga mai i le lagona agasala ma le faanoanoa, popole ma le
atuatuvale o loo faapologaina malosi o le ola. O le alofa lea e aumaia ai le filemu ma le
lē gaoiā.E totōina ai i totonu o le loto le olioli e le mafai ona faaumatia e se malosi
faale-lalolagi – olioli i le Agaga Paia – olioli e maua ai le ola ma le ola maloloina. O
upu a lo tatou Faaola, ‘O mai ia te A’u, . . . ma o le a Ou foai atu ia te outou le
malologa’ (Mataio 11:28), o se vailaau lea mo le faamaloloina o ma’i faale-tino,
mafaufau, ma le faale-agaga. E ui lava ina aumaia e tagata puapuaga i o latou lava luga
e ala i a latou lava amioga sese, e silasila mai le Atua ia i latou ma le alofa. E mafai ona
latou maua le fesoasoani i totonu ia te Ia. O le a Ia faia mea tetele mo i latou e talitonu ia
te Ia.” – The Ministry of Healing, p. 115.
“O ave taitasi uma lava e susulu atu i isi o le a toe lafoia mai i o tatou lava loto. O
ituaiga upu alofa taitasi uma lava e tautalagia atu i ē o faanoanoa, o gaioiga taitasi uma
lava e fesoasoani ai i ē o mafatia, o meaalofa taitasi uma lava foi e fesoasoani ai i
manaoga o o tatou uso a tagata, e foaiina ma faia ma se manatu e tasi mo le viiga o le
Atua, o le a i’u i le manuia i lē na foa’iina. O i latou o loo faapena ona galulue, o loo
usitai i se tulafono a le lagi ma o le a latou maua le ioega a le Atua. O le fiafiaga o le
faia o mea lelei mo isi e aumaia ai se malosi i lagona e tafe mai i neura, faafouina ai le
gasologa a le toto, ma maua ai le ola maloloina faale-mafaufau ma le faale-agaga.” –
Uluai Aso ______________________________________________ Mati 25
85
1.
O SE LOTO FIAFIA
a.
O loo i ai se isi mea e aoga mo lo tatou ola maloloina faale-tino, faale-agaga,
ma le mafaufau o le a aafia tonu ai foi le tatou molimau i le lalolagi. O le a lea mea?
Salamo 5:11.
“O le aafiaga a le mafaufau i le tino, ma le aafiaga a le tino i le mafaufau, e tatau
ona faatauaina. O le malosi taua o le faiai, e faatelēina e ala i le faaaogaina o le
mafaufau i galuega, e faamalosia ai le tino atoa lava, ma faapena ona avea o se
fesoasoani sili ona taua i le teena o faama’i. O lenei malamalama e tatau ona matua
faamanino lava. O le malosi o le loto e fai a’i filifiliga ma le taua o le puleaina o le
tagata e ia lava, i le faatumauina ma le toe faafoisiaina o le ola maloloina, o iuga
faanoanoa ma le leaga o le ita, loto lē malie, faapito, ma le uiga lē mamā, ae, i le isi itu,
o le mana ola e maua i le fiafia, lē faapito, loto faafetai, e tatau foi ona faailoaina. O loo
i ai se mea moni i le suesue e faatatau i meaola – mea moni e tatau ona tatou manatunatu
i ai – i le tusi o [Faataoto 17:22].” – Education, p. 197.
“Pe a tatou faanoanoa, ua tatou faailoa atu i mafaufau o tagata e lē finagalo malie
le Atua pe a tatou fiafia, ma o lenei uiga ua tatou molimau pepelo ai i lo tatou Tama oi
le lagi . . . Ae peitai a tatou galulue i le galuega a le Atua, e tatau ona tumu le loto i le
agaga faafetai; auā e lē o tuua le Kerisiano ina ia savali i ala lē mautinoa, e lē o tuua o ia
i manatu faanoanoa lē aoga ma tiga. Afai tatou te lē maua fiafiaga o lenei olaga, e mafai
lava ona tatou olioli i lo tatou vaavaai atu i le olaga oi lumanai.” – The Review and
Herald, January 14, 1890.
b.
O lona uiga ea e tatau ona tatou faafiafiaina i tatou ma isi, i uiga māmā ma
uiga valea, fai tala ula, ma le fai tala malie? Efeso 5:4.
c.
E faapefea ona mafai ona tatou maua se olioli loloto i o tatou loto? Kalatia
5:22-25; Salamo 43:5; Eperu 13:6.
“E tatau ona suesueina le Upu a le Atua ma usitai i ai, ona maua loa lea e le loto
le malologa ma le filemu ma le olioli, ma o le a agai loa i le lagi o tatou faanaunauga; ae
a tuu esea le upu moni mai i le olaga, i le lotoä i fafo, e lē o faamafanafanaina le loto i le
afi mumū o le agalelei o le Atua.” – Testimonies, vol. 5, p. 547.
Aso Gafua _______________________________________________ Mati 26
2.
MALOLOINA FAALE-MAFAUFAU
a.
E faapefea ona aafia faale-tino i tatou i o tatou manatunatuga? Faataoto
17:22; 2 Timoteo 1:7.
86
“O loo i ai se sootaga lilo matagofie lava i le va o le mafaufau ma le tino. La te
fetalia’i le isi i le isi. O le tausia o le tino i se tulaga maloloina ina ia fausiaina a’e lona
malosi, ina ia galulue faatasi vaega taitasi uma o le masini ola, e tatau ona avea lea ma
suesuega muamua lava o o tatou olaga. O le faatalale i le tino o le faatalale foi lea i le
mafaufau. E lē mafai ona maua le viiga o le Atua pe afai e mama’i tino ma pipili
mafaufau o Lana fanau.” – Testimonies, vol. 3, pp. 485, 486.
“O loo i ai le sootaga vavalalata lava i le va o le mafaufau ma le tino, ma o le
auala e ausia ai se tapulaa maualuga lava faale-agaga ma le mafaufau, e tatau ona usitaia
tulafono o loo pulea ai o tatou tagata ola.” – Patriarchs and Prophets, p. 601.
“O aafiaga taitasi uma lava o loo aafia ai le ola maloloina o le tino e i ai foi lona
aafiaga i le mafaufau ma le amio.” – Child Guidance, p. 408.
b.
O a mea e tatau ona tatou faatumuina ai o tatou mafaufau? Filipi 4:8
c.
E faapefea ona ou maua le filemu pe afai o loo i ai tofotofoga ma mea e
faavaivaia ai a’u? Filipi 4:6, 7; Salamo 130:5, 6; A’uega 3:26.
“Matua, faaputu mai ave o le malamalama faale-lagi o loo susulu atu i o outou
ala. Savavali i le malamamala e faapei ona i ai o Keriso i le malamalama. A’o e
tauaveina le galuega o le lavea’iina o lau fanau ma le faatumauina o lou tulaga i le ala
tele o le faapaiaina, o le a o’o mai tofotofoga sili ona tofotofoina ai oe. Ae aua e te
faavaivai. Pipii ia Iesu. Ua Ia fetalai mai, ‘Ia taofi e ia Lo’u malosi, ina ia lelei o ia ma
A’u; ma o le a lelei o ia ma A’u’ (Isaia 27:5). O le a tulai mai mea faigata. O le a ē
fetaiai ma mea faigata. Vaai i taimi uma lava ia Iesu. A tulai mai se faafitauli faafuasei,
fesili faapea, le Alii e, o le a le mea o le a ou faia nei?” – The Adventist Home, pp. 207,
208.
Aso Lua _____________________________________________________ Mati 27
3.
TAGATA MAFATIA FAANOANOA
a.
O le a le mea e faia e le faanoanoa, faanoanoa ona o se mea leaga na fai,
atuatuvale, ma le lagona agasala, i le tino? Faataoto 12:25.
“O Satani o ia lea na amata ai le agasala; ma o loo tau le fomai (physician) ma
lana galuega ma lona malosi (o Satani). O ma’i o le mafaufau ua taatele i soo se mea. O
le iva o vae sefulu o faama’i o loo puapuagatia ai nei tagata, o loo iinei lo latou faavae.
Atonu o nisi o faafitauli ola i le aiga, e faapei o se papala aati, o loo ua matua sosolo atu
i le agaga ma faavaivaia ai malosi o le ola. O le faanoanoa salamo mo le agasala o nisi o
taimi e faaleagaina ai le tino ma faalē-paleni ai le mafaufau.” – Testimonies, vol. 5, pp.
443, 444.
87
b.
O a nisi o mafuaaga o se uiga faanoanoa? Salamo 55:4, 5; Mataio 6:34.
“E le finagalo le [Atua] ia i tatou ina ia tatou ola i se olaga puapuagatia o o tatou
agaga. E lē tatau ona tatou vaavaai i vao tuitui ma laau talatala i lo tatou olaga. E tatau
ona tatou o mai i le faatoaga o le Upu a le Atua, ma tau mai lili, rosa, ma lanu piniki
manogi o Ana folafolaga. O i latou e vaavaai i faigata i o latou olaga o le a tautala foi i
le masalosalo ma le faavaivai, auā latou te lē o vaavaai ia Iesu, le Tama’i Mamoe a le
Atua, o Lē na te aveesea le agasala a le lalolagi.” – Manuscript Releases, vol. 4, p. 160.
c.
O le a le fofo mo le uiga faanoanoa ma le popole? Salamo 51:6-12; 55:16-18;
61:2-4; 77:11, 12.
d.
O afea e tatau ona tatou manatua faapitoa ai lava ina ia tatou fiafia ma aisea
foi? Salamo 128:2.
“O i latou e faagaeetia gofie, popole, pe faataalise foi, o le a lelei lava ia i latou
ona latou lē aai seivagana ua latou maua le malologa ma le filemu i o latou mafaufau ma
tino; auā o totoga sili ona taua, ia ua matua vaivai lava i le soona galulue, e lē mafai ona
latou aumaia vai (digestive fluids) ia e aoga mo le lomiina o meaai.” – Counsels on
Aso Lulu ____________________________________________ Mati 28
4.
O LE TAPULAA OLA
a.
O le a le mea o loo vaavaai ma naunau i ai le Atua? Levitiko 26:12; 2
Korinito 6:16; Isaia 57:15; 66:2.
“O i latou e a’oa’oina tapulaa o le toe fuata’iina o le ola maloloina e tatau foi ona
latou malamalama i faama’i ma o latou mafuaaga, ma malamalama o gaioiga taitasi uma
lava a le tagata e tatau ona tutusa lelei ma tulafono o le ola. O le malamalama ua foai
mai e le Atua e faatatau i le toe fuataiina o le ola maloloina e mo lo tatou faaolataga ma
le faaolataga o le lalolagi. E tatau ona a’oa’oina alii ma tamaitai e faatatau i le tino o le
tagata, lea na foafoaina e lo tatou Atua foafoa e avea ma Ona afioaga ma o loo Ia
finagalo foi ina ia avea i tatou ma auauna tausi-mea faamaoni. ‘Auā o outou o le
malumalu o le Atua soifua; e faapei ona fetalai mai o le Atua, o le a Ou nofo i totonu ia i
latou, ma Ou savali i totonu ia i latou; o le a fai foi A’u ma o latou Atua, o le a fai foi i
latou ma O’u tagata’ (2 Korinito 6:16).” – Counsels on Health, p. 479.
b.
O ai ma o le a foi le mafuaaga e ala ai ona finagalo le Atua e nofo i totonu o o
tatou tino? Ioane 16:13.
88
c.
O le a faapefea ona aafia ai i latou o loo siomia i tatou i lenei afioaga o le
Atua? Malaki 3:16; Efeso 5:19, 20; Eperu 10:24, 25.
“O loo tatou i totonu o se lalolagi o puapuaga. O faigata, tofotofoga, ma
faanoanoaga o loo faatali mai ia i tatou i le ala uma lava agai atu i lo tatou aiga faalelagi. Ae peitai o loo toatele o loo faaluaina le mamafa o avega o le olaga e ala i lo latou
manatunatu i taimi uma i puapuaga. A latou fetaia’i ma faigata poo faanoanoaga latou te
manatu o loo agai mea uma lava i le faafanoga, ma latou manatu ai o lo latou olaga e sili
ona faigata nai lo olaga o tagata uma lava, ma ua latou o’o moni mai lava i le mativa. E
faapena ona latou aumaia le malaia i o latou lava luga ma lafo atu ai se ata pogisa e
siomia ai i latou. O le olaga lava ia ua avea ma avega ia i latou. Ae e lē tatau ona
faapena. O le a manaomia se taumafaiga finafinau ina ia suia ai manatunatuga o o latou
mafaufau. Ae e mafai ona faia le suiga. O lo latou fiafiaga, mo le olaga lenei ma le olaga
o le a sau, e faalagolago i lo latou taulai atu o o latou mafaufau i manatu fiafia. Ia latou
vaai ese mai nai le ata pogisa, le ata lea o manatunatuga lē moni o le mafaufau, i
faamanuiaga ua folasia e le Atua i o latou ala, ma vaai atu i luma atu o nei faamanuiaga i
mea e lē o vaaia ma mea tau i le ola e faavavau. Mo tofotofoga taitasi uma lava, ua
saunia ai foi e le Atua le fesoasoani.” – The Ministry of Healing, pp. 247, 248.
Aso Tofi _____________________________________________ Mati 29
5.
O LE FUAFUAGA A LE ATUA
a.
Aisea na foafoaina ai e le Atua le tagata? Faaaliga 4:11.
“Se alofa lē ma-fuatia – e matua tele na’ua! Na foafoaina e le Atua le lalolagi ina
ia faatelēina ai le lagi. Na Te manaomia se aiga sili atu ona telē o tagata foafoaina.” –
The SDA Bible Commentary [Ellen G. White Comments], vol. 1, p. 1081.
b.
O le a le tatou vaega e faia o loo manaomia ina ia mafai ai ona Ia afio i
totonu ia i tatou? 2 Korinito 6:17, 18; 7:1; Ioane 14:21, 23; Galuega 5:32.
“O le aiaiga o le taliaina i totonu o le aiga o le Atua, o le vavae ese mai lea nai le
lalolagi, vavae ese mai i ona aafiaga leaga uma lava. E lē tatau lava ona i ai se sootaga o
tagata o le Atua ma le ifo i tupua i soo se foliga lava ma soo se ituaiga ifo i tupua lava. E
tatau ona latou ausia se tapulaa sili atu ona maualuga. E tatau ona iloa gofie i tatou mai i
le lalolagi, ona fetalai mai lea o le Atua, “O le a Ou talia outou e avea ma tagata o Lo’u
aiga faa-tupu, o fanau a le Tupu faale-lagi.” E tatau ona iloa gofie i tatou i a tatou
faatinoga ese mai i le agasala ma tagata agasala. O lo tatou tagata-nuu moni o loo i le
lagi lea.” – Fundamentals of Christian Education, p. 481.
c.
E faapefea ona mafai ona faatinoina Ana faatonuga uma lava? Roma 8:7-14.
89
“Aua ne’i lē amanaiaina e soo se tasi o loo tautinoina le amio atua le ola
maloloina o le tino, ma faaseseina ai e i latou i latou lava i le manatu o le lē faifaatatau
lelei, e lē o se agasala lea, ma o le a lē aafia ai lo latou olaga faale-agaga. O loo i ai se
sootaga vavalalata lava i le va o le natura faaletino ma le faale-agaga.” – Counsels on
d.
Afai tatou te faia le faatonuga ua fetalai mai ai le Atua, o le a le taui o loo
faatali mai mo i tatou? Isaia 64:4; 1 Korinito 2:9.
“Ia matua faatauaina lava i le mafaufau, o le autu tele e tatau ona maua e ala i le
[Falema’i i Battle Creek] e lē gata i le ola maloloina, ae faapena ai foi ma le atoatoa, ma
le agaga o le faapaiaina, lea e lē mafai ona ausia i tino ma mafaufau mama’i. O lenei
autu e lē mafai ona maua pe afai e na ona galulue mai i manatu faale-lalolagi.” –
Aso Faraile _____________________________________________ Mati 30
1.
O ia te a’u ea se loto fiafia poo se loto faanoanoa?
2.
O a manatu ou te manaomia ina ia suia ina ia mafai ai ona ou manatunatu i mea
lelei?
3.
E faapefea ona tatou tuuina atu o tatou popolega i le Atua ina ia tuu saolotoina ai i
tatou mai i nei mea o loo tatou matata’u ai?
4.
O a mea e mafai ona ou vivii ai i le Atua i le aso nei?
5.
O o’u manao moni ea ina ia afio le Alii i totonu ia te a’u, o le a foi le mea e tatau
ona ou suia ina ia avea ai lea suiga ma mea moni i lo’u olaga?
Tapunia o le Lagi. “Afai tatou te oofu i ofu faigofie ma le faaalia ai o le agamalu ma le
amio-atua, e aunoa ma le faatutusa ma suiga-o-ofu (fashion); afai e folasia a tatou laulau
‘ai i taimi uma lava i meaai faigofie, maloloina, ma alo ese mai i meaai taugata ma le
soona fai; afai e fausia o tatou fale i fausaga faigofie ma faa-meafaleina i se tulaga
faigofie faapena, o le a faailoaina ai le mana faapaiaina o le upu moni ma o le a i ai sona
aafiaga lelei i tagata lē talitonu. Ae peitai a’o tatou liua atu i le lalolagi i nei vaega uma,
ma nisi o taimi tatou te saili ai ina ia sili atu i tatou nai lo tagata o le lalolagi i ofu ma
teuga soona fai, o le a laititi lava poo le a leai foi se aafiaga o le laugaina o le upu moni.
O ai o le a talitonu i le upu moni paia mo le taimi lenei pe afai o i latou o loo tautino mai
e talitonu i le upu moni latou te teena lo latou faatuatua i a latou galuega? E lē o le Atua
lea ua tapunia faamalama o le lagi ia i tatou, ae o lo tatou lava liua atu i tu ma aganuu a
le lalolagi.” – Testimonies, vol. 5, p. 206.
O le Tapuaiga a Keriso. “O loo i ai foi a’oa’oga sese, e faapei o le a’oa’oga e faatatau i
le afi e mu e faavavau ma le puapuagatiaina e faavavau o tagata agasala, auā, o le
90
aumaia o manatu faauigaseseina e faatatau i le amio a le Atua, ua tulai mai ai foi le iuga
lava lea e tasi i mafaufau maaleale. Ua matua faaaogaina e tagata lē faamaoni nei
mataupu sese, ma aumaia ai le valea i le tapuaiga; ae o se faaupuga leaga tele lenei ma o
ni a’oa’oga o le a latou lē mananao latou te fetaia’i i le aso o le faamasinoga. O le
tapuaiga a Keriso, e aunoa ma le avea o se puna o se faaseseega, o le tasi lea o ona fofō
sili ona lelei; auā o le fofō sili ona malosi lea o neura.” – Ibid., p. 444.
O Lenei Lesona E Lē na o Se A’oa’oga Faale-mafaufau. “O le faapaiaina moni lenei.
E lē na o se a’oa’oga faale-mafaufau, poo se lagona oso, poo ni ituaiga upu, ae o se
tapulaa ola, ma gaioi, e ulufale mai i le olaga i aso taitasi. E manaomia ai a tatou
masaniga o le ai, inu, ma ofu ina ia faia ina ia faatumauina ai le maloloina o le tino,
mafaufau ma le agaga, ina ia mafai ai ona tatou tuuina atu i le Alii o tatou tino – e lē o
se taulaga ua faaleagaina e masaniga sese, ae ‘o se taulaga ola, e paia, taliaina e le Atua’
(Roma 12:1).” – Counsels on Diet and Foods, pp. 57, 58.
91

O Lesona Faale-Tusi Paia o le Sapati, o se suesuega faale

Transcript

Documenti analoghi

Samoa

o Vaega Faapitoa Tau Faigafaiva o Atumotu o Amerika Samoa e

Ne ‟i Solo le falute! - Tala o le Vavau o Samoan Mythology

Aokuso - The Church of Jesus Christ of Latter

O - The Church of Jesus Christ of Latter

Iuni - The Church of Jesus Christ of Latter

E - The Church of Jesus Christ of Latter

O - The Church of Jesus Christ of Latter

Oketopa - The Church of Jesus Christ of Latter

STA-Annual-Report-20..

Saunoaga o le Konafesi Aoao - The Church of Jesus Christ of Latter

Novema 2014 O Le Liahona - The Church of Jesus Christ of Latter

Saunoaga o le Konafesi Aoao - The Church of Jesus Christ of Latter

Novema 2013 O Le Liahona - The Church of Jesus Christ of Latter

aoaoga a peresitene o le ekalesia - The Church of Jesus Christ of

VILLAGE FONO AMENDMENT BILL 2015 TULAFONO TAU FAAOFI

O le Finauga Tele i le Va o Keriso ma Ana Agelu ma Satani ma Ana

FAAMATALAGA E UIGA ILE AUMALAGA A LEOLEO SAMOA MO