Faiga Palota mo Fono a Aoga ….(year)

Appendix A: Faiga Palota mo Fono a Aoga – Faamatalaga mo Matua
Faiga Palota mo Fono a Aoga ….(year)
O le a le fono a aoga a o le a foi lona tiute ?
O aoga uma lava a le malo i Vitoria e tofu ma le fono a le aoga. O se itutino ua aloaia
ma ua tuuina i ai le malosi na te faatulagaina ai taiala taua mo le aoga i totonu o taiala
ua saunia. O lona faia o lea tiute, e mafai ai e le fono a le aoga ona fai sona sao tuu
sa’o i le ituaiga aoaoga e mafai ona maua e tamaiti aoga i lea aoga .
O ai e i totonu o lea fono a le aoga ?
O loo i ai vaega e tolu e ono mafai ona e auai o se sui :
•
O sui e palotaina mai i le vaega o matua. E silia i le tasi vaetolu o sui uma e
mai i le vaega lenei . E mafai ona avea tagata faigaluega i le Matagaluega o
Aoga ma le Atina’eina o Fanau Laiti ( Department of Education and Early
Childhood Development (DEECD) ona avea ma sui o matua i aoga o aooga ai
a latou fanau pe afai e le o faigaluega ai i lea aoga .
•
O sui e palotaina mai i tagata faigaluega a le DEECD. E le silia i le tasi o
vaetolu o le tuufaatasiga o sui uma o le fono a le aoga E tatau lava ona i ai le
pule aoga o se sui o le vaega lenei..
•
O se sui e ono filifilia mai tagata lautele (Community member category).
O sui o lenei vaega e ono filifilia pe afai e autasi le fono e filifilia sea tagata ona
o se tomai faapitoa, agavaa ma se silafia masani .E le mafai ona avea tagata
faigaluega o le DEECD ma sui o le vaega lenei.
E lua tausaga e avea ai sui uma ma sui o le fono. O le afa o sui e litaea i le afa o le
tausaga, ona tele ai lea o avanoa mo le fono a le aoga i taimi o ana faiga palota i
tausaga taitasi.
Aisea e taua tele ai le i ai o sui o Matua ?
E maua mai i matua o loo i ai i le fono a le aoga manatu taua ma o loo i ai ni tomai
aoga e mafai ona fesoasoani i le taitaiina tonu o le aoga. .
E maua foi e matua le loto fiafia ona o so latou sao aoga a o i ai i le fono a le aoga ma
o le a maua foi e a latou fanau o loo aooga ai le lotonuu i le aoga.
E faapefea ona e auai ?
O le ala faigofie lava o lou auai i le palotaina o tofi, e faia i le Kuata 1 i tausaga taitasi
Peitai faato’a fai se palota pe afai e sili atu le aofai o sui faatutu mai nai i lo o avanoa.
Talu ai a la le tulaga lea, e tatau ai ona e mafaufau toto’a i
•
faatu lou igoa ise palota o se sui o le fono a le aoga
•
una’i se tasi tagata e tauva i le faiga palota .
Ou te manaomia se agavaa faapitoa e avea ai ma sui o le fono a le aoga?
School Council Elections – Information for Parents / Samoan
Leai. Pau o le mea e manaomia o le faaalia lea o lou tinou i le aoaoina o lou alo ma ia
e fiafia e galulue faatasi ma isi i le faatulagaina lelei o le lumanai o le aoga.
O le a le mea e fai ina ia ou tauva ai ile palota?
O le a faia e le Pule Aoga se faasalalauga ma valaaulia ni sui faatutu pe a mae’a le
amataina o le kuata muamua i tausaga uma
E tatau ona mae’a uma faiga palota o fono a aoga i le faaiuga o Mati..
Afai e te fia tauva I le faiga palota , e mafai ona e fai i se tagata e faatuina lou igoa o
se sui tauva poo lou faatuina o oe lava o se sui ile vaega o Matua.
E mafai ona faatutu mai tagata faigaluega i le DEECD o loo aooga a latou fanau i le
aoga e le o faigaluega i lea aoga e avea ma sui tauva i le vaega o matua .
A uma loa ona faatumu lau pepa o sui tauva , faafoi mai i le pule aoga i totonu o le
taimi faatulagaina o loo i faamatalaga o le faiga palota. O le a e mauaina se Lisiti o
Pepa Faatumu ( Nomination Form Receipt ) i le meli pe a taunuu mai lau pepa ua
faatumu mo sui tauva.
Afai e silia atu sui tauva nai lo tofi avanoa o le fono, o le a faia loa le palota i totonu o
le lua vaiaso ina ua tapunia le toe faaooina mai o ni sui tauva.
Ia Manatua
•
Fesili i le aoga mo se fesoasoani pe afai e te manao e te tauva i le palota ae e
te le o mautinoa le mea e fai.
•
Mafaufau e te tauva i le faiga palota mo sui o le Fono i lenei tausaga
•
Aua nei galo ona e palota i le faiga palota .
Faafesootai le pule aoga mo ni isi faamatalaga.
School Council Elections – Information for Parents / Samoan