FINANZIERE Me ricordo, co` iero `ssai picio / che mia mama, con

FINANZIERE Me ricordo, co` iero `ssai picio / che mia mama, con

FINANZIERE
Me ricordo, co' iero 'ssai picio / che mia mama, con siora Teresa,
le partiva de matìna / pe' ndar in Jugo a far la spesa.
Alla guida Vinicio Busàni / pensionato benestante
co' na millecento nera / che xe un'auto 'ssai importante!
E quando i 'riva al confìn / i tira zo el finestrìn:
“Finanziere, finanziere / cossa devo dichiarare?
Quanta tràpa posso avere / quanta carne possò portare?
Cossa solo mezzo chilo? / Me dispiasi, che pecato...
qualche volta passo lisso / e me 'vanza anche pe'l gato!”
Con la carne nel regipèto / e la tràpa in tel baùl
a Busàni, poverèto / zà ghe trema un poco el cùl!
“Passaporto, per piacere / lei signora, che dichiara?”
“Solo un poca de benzina / là de noi la costa cara...
finanziere, finanziere / cossa la me sta palpando?
Qua xe tuta roba mia / no xe niente de contrabando!”
A 'sto punto sior Busàni / che zà stava un poco mal
tutintùn el te va insieme / e i lo porta in ospedàl!
Sequestrata millecento / sul confin de Caresana
iera scrito sui giornali / che i portava... marijuana!
“Finanziere, finanziere / cossa devo dichiarare?
Quanta tràpa posso avere / quanta carne posso portare?
Cossa solo mezzo chilo? / Me dispiàsi, che pecàto...
qualche volta passo lisso / e me vanza anche pe'l gato!
Qualche volta passo lisso / e me vanza anche pel gato!”