Bando in lingua friulana

C.I.S.I
Comune di
Gorizia
Comune di Gradisca d’Isonzo
Comune di Grado
Ministero dell’istruzione,
dell’università e della ricerca
Ufficio Scolastico Regionale per il
Friuli Venezia Giulia
Ufficio V – Ambito territoriale per
la Provincia di Gorizia
PALI TEATRÂL
STUDENTESC
tra lis Scuelis Secondariis Superiôrs
dai Comuns de Bioregjon dal Lusinç
XVIII Edizion
BANT DI CONCORS
2012/2013
1
1. FINALITÂTS E MODALITÂTS
La Provincie di Gurize e promôf, pal an scolastic 2012/2013, la edizion XVIII dal PALI
TEATRÂL STUDENTESC. Il progjet, organizât di Mattatoioscenico e fat in colaborazion
cu la Associazion ARTerrante, la Associazion Grup Aree di Ricercje DobiaLab e il Forum
Zovins Provinciâl, al à la partecipazion dai Comuns di Gardiscje, Grau e Gurize. Si avâl
infin de poie de Consulte provinciâl dai students de provincie di Gurize, de Regjon
Autonome Friûl Vignesie Julie, dal MIUR Ufici V - Ambit Teritoriâl pe Provincie di
Gurize, de Fondazion Casse di Sparagn di Gurize e dal Consorzi Servizis Integrâts dal
Lusinç. A colaborin al avigniment ancje il Gimnazija di Nova Gorica e il comun di Nova
Gorica.
La iniziative si da come obietîf il consolidament di un laboratori multiculturâl permanent
ancje tignint cont de cjadude dal confin storic tra Italie e Slovenie, là che i zovins che a
vivin inte BioRegjon dal Lusinç si autoeduchin, cui lengaçs specifics dal teatri, ai valôrs de
convivence europeane. Il Pali Teatrâl Studentesc al è la uniche esperience in Italie là che a
vegnin coniugadis la dimension transfrontaliere e il decentrament teritoriâl.
Lis sedis che a ospitaran lis rapresentazions in concors a vignaran decentradis, in maniere
coerente cu lis logjichis organizativis, su dut il teritori provinciâl e inte citât di Nova
Gorica.
Lis produzions a vignaran presentadis al public in maniere indicative inte setemane
cjapade dentri tra il 15 e ai 20 di Avrîl dal 2013.
I spetacui a vignaran valutâts di une comission judicadore che e assegnarà chescj premis:
1.
Prin Premi al Miôr spetacul;
2.
Premi "Agati" ae Miôr Regjie (cul contribût dal Consei Provinciâl di Gurize);
3.
Grant Premi de Jurie Zovine;
4.
Premi Speciâl ae Inovazion (assegnât de direzion artistiche de manifestazion al
spetacul che al sarà miôr pal ûs di tecnologjiis, tecnichis o preparazions inovativis in
cjamp teatrâl e senic);
5.
Premi Speciâl al Miôr Grup Tecnic (assegnât de direzion tecniche de
manifestazion al grup di students che al mostrarà plui competencis tecnichis e la plui
indipendence dilunc de preparazion e de rapresentazion);
6.
Premi ae Miôr interpretazion feminine;
7.
Premi ae Miôr interpretazion masculine;
8.
Menzon speciâl pal miôr percors educatîf;
9.
Premi Imagjin (assegnât de direzion artistiche de manifestazion al prodot
multimediâl che al sarà miôr pe promozion di un dai spetacui in concors);
10.
Premi Speciâl de Consulte provinciâl pe Pâs;
11.
Premi “Altris Espressivitâts” (par meti in vore une colaborazion avantazose cu la
Rassegne Teatrâl “Altris Espressivitâts” la direzion artistiche di cheste iniziative e
individuarà tra ducj i spetacui chel che al pant miôr i principis e i fins de iniziative par
metilu dentri di cheste rassegne intune matinèe pes scuelis de Bioregjon dal Lusinç)
2. REGOLAMENT DAL CONCORS
Al concors a podaran partecipâ i students des Scuelis Mediis Superiôr de Bioregjon dal
Lusinç (Liste Comuns - zonte “C”). Ogni scuele (o grup di scuelis) e podarà concori
cuntun sôl “curt teatrâl” che al varà di debutâ tant che Prime Assolude in ocasion de
edizion decime otave dal PALI TEATRÂL STUDENTESC.
2
Ogni scuele (o grup di scuelis) e podarà ancje avalêsi di colaborazions di altris scuelis
superiôrs dal FVJ che par istituzion a àn fins incentrâts su la interculturalitât e/o Ents di
Formazion che a vedin inte stesse suaze une struture organizative internazionâl.
Ogni scuele (o grup di scuelis) e sielzarà un insegnant e un student referent che a varan di
tignî i contats cu la organizazion.
Ogni scuele (o grup di scuelis) e podarà avalêsi di esperts, consulents e/o colaboradôrs
esternis dome intal percors di preparazion dal prodot teatrâl. Chestis consulencis a varan
di jessi declaradis, esplicant parts e funzions, inte schede di adesion definitive (mod. B).
Chescj no podaran partecipâ in maniere direte al spetacul presentât intes seradis
conclusivis.
No podaran nancje cjapâ part al spetacul in nissun câs:
1.
Docents e personâl scolastic;
2.
Students che a frecuentin Scuelis che no son de aree teritoriâl dite parsore.
La durade di ogni curt teatrâl e varà di jessi di 30 minûts, cun tolerance di +/- 5 minûts
prins, a pene de esclusion. La misurazion uficiâl de durade di ogni spetacul e vignarà fate
dal garant dal Pali o di un so delegât. Cheste no si pues sindicâ. Tal câs che la durade e
ledi fûr dai tiermins fissâts, la Jurie no podarà in nissun câs assegnâi ae rapresentazion il
Prin Premi al Miôr Spetacul.
Ogni grup al varà di fâ pe Edizion decime otave dal Pali Teatrâl Studentesc une schede
esplicative multilengâl (2 lenghis a sielte tra talian, furlan, sloven e inglês) dal spetacul
che e sarà dade fûr al public prime de rapresentazion. Inte schede esplicative si scuen meti
la liste dai nons e dai cognons dai interpretis e i lôr personaçs (la liste i covente par fuarce
ancje ae jurie pe assegnazion dai premis ae miôr interpretazion masculine e feminine). La
mancjade realizazion di cheste schede e puartarà ae esclusion dal Istitût dal Prin Premi al
Miôr Spetacul.
2a) Incuintris preliminârs
A son previodûts chescj incuintris preliminârs cul fin di meti in contat lis diviersis Scuelis
fra di lôr e cu la organizazion, secont cheste liste:
Kick Off Meeting, lunis ai 3 di Dicembar dal 2012 aes 16.15 - Sale dal Consei di Palaç Torian dal
Comun di Gardiscje in vie Ciotti n. 49
prin incuintri, miercus ai 30 di Zenâr dal 2013 aes 18.00 sale tal prin plan dal palaç Mont di
Pietât, Vie Dante 29, Gardiscje
secont incuintri, lunis ai 18 di Març dal 2013 aes 18.00 sale tal prin plan dal palaç Mont di Pietât,
Vie Dante 29, Gardiscje
Par vie de impuartance dai incuintris, si invide ogni Istitût a partecipâ cuntun so
rapresentant.
2b) Preiscrizions
Dentri des oris 15.00 di miercus ai 30 di Zenâr dal 2013 i grups concorints, midiant dal lôr
referent, a varan di fâ rivâ la schede mod. A zontade, par pueste eletroniche ae direzion
[email protected].
2c) Iscrizion definitive
Dentri des oris 15.00 di miercus ai 27 di Fevrâr dal 2013 i referents di ogni Istitût a varan
di fâ rivâ la schede di adesion definitive mod. B scrite cul ordenadôr e mandade par
pueste eletroniche a cheste direzion: [email protected].
3
A van ancje zontadis une o plui fotos dal grup e/o une sene dal spetacul in preparazion in
formât retangolâr in b/n o colôrs, in formât .jpg. (Dut il materiâl consegnât al vignarà
doprât a discrezion complete de organizazion; tescj, fotos o altri no saran tornâts indaûr).
Dopo che lis schedis definitivis a saran rivadis dutis la organizazion e fissarà l'ordin des
esibizions (e des provis gjenerâls) dai grups, tignint cont des esigjencis tecnichis.
Il calendari definitîf des provis gjenerâls e des esibizions al vignarà comunicât aes scuelis
tal secont incuintri di lunis ai 18 di Març dal 2013.
Simpri lunis ai 18 di Març dal 2013, tal secont incuintri preliminâr cu lis Scuelis, a varan
di jessi consegnadis lis liberatoriis pal ûs des imagjins (mod. D in zonte) di ducj i
partecipants al concors. Ducj i dâts doprâts a saran tratâts in conformitât cu la normative
in vore su la privacy ai sens dal D. Legj. 196/2003. Lis liberatoriis a van consegnadis ae
segretarie organizative de manifestazion.
Dentri di miercus ai 10 di Avrîl dal 2013 e varà di rivâ ae Associazion MattatoioScenico
midiant fax (+39 0481 961345)
1 - La declarazion - “ZONTE E” - firmade dal insegnant e dal student referents
cuintrifirmade dal Dirigjent scolastic che al atesti che a son stâts rispietâts i ponts dal
Regolament dal Pali Teatrâl Studentesc e la disponibilitât a rapresentâ il spetacul intai lûcs
e intes datis prefissadis, cjapansti, in câs, la responsabilitât dal traspuart des senografiis.
2d) PREMI IMAGJIN
La sezion dal concors dite “Premi Imagjin” e je une iniziative, vierte a ducj i students dai
Istitûts Superiôrs che a partecipin al Pali Teatrâl Studentesc, che e previôt la realizazion
di materiâi multimediâi e fotografics che a vedin tant che obietîf principâl la promozion
dal spetacul metût in sene de lôr scuele (o dal lôr grup di scuelis), cun anticipazions,
retrosenis e imagjins des provis.
Dentri dai 10 di Avrîl dal 2013, chei che a vuelin concori al “Premi Imagjin”, a scuegnin
fâ rivâ par pueste (ae direzion: Ass. Cult. Mattatoioscenico, Vie Dante 29, 34072 Gardiscje,
GO):
Un dvd/cd dâts, cun chescj materiâi (sielzi almancul un, o ducj i doi):
- un video di max. 2 minûts;
- une galarie fotografiche di max. 20 fotos.
Si consee a fuart di tradusi/sottitulâ in lenghe inglese ducj i tescj contignûts intal materiâl
mandât.
Ducj i materiâi selezionâts a vignaran cjariâts te Pagjine Facebook dedicade al avigniment
e intitulade “Palio Teatrale Studentesco/Sreèanje šolskih Gledaliških Skupin/Pali
Teatrâl Studentesc” (www.facebook.com/palioteatrale).
2e) TECNICHE E REALIZAZION SENIS
Par che si puedi judâ lis preparazions al covente comunicâ dentri dai 27 di Fevrâr dal 2013
intune cu la schede di adesion definitive mod. B, la schede tecniche dal spetacul.
Eventuâls variazions di fâ ae schede di adesion definitive (mod. B) a saran di comunicâ ae
organizazion dentri dal incuintri di lunis ai 18 di Març dal 2013. Modificazions sucessivis
no vignaran cjapadis in considerazion.
Par motîfs di sigurece e esigjencis di montaç i Istitûts a varan di ideâ e fâ eventuâls
senografiis cun elements sempliçs, di podê traspuartâ cun facilitât. Si pues previodi di
doprâ la gridele par ogjets sempliçs e lizêrs dome dopo de verifiche cul responsabil tecnic
di Mattatoioscenico.
2f) COMISSION JUDICADORE/JURIIS
4
La Comission judicadore dal concors e sarà costituide cussì.
A - Une Jurie Tecniche/ artistiche componude di:
* un educadôr individuât de Provincie;
* trê components individuâts de Direzion Artistiche tra critics, studiôs, e operadôrs dal mont de
culture;
* un rapresentant dal CISI di Gurize.
Tra i components individuâts de Direzion Artistiche, al vignarà nomenât un President di
Jurie, che il so vôt, in câs di paritât, al prevâl.
B - Une Jurie Zovine componude di un student de Consulte Studentescje Provinciâl in
rapresentance di ogni Scuele partecipante taliane e di un rapresentant di ogni Scuele
partecipante slovene, che il so vôt al confluìs, in mût misurât, tignint cont dal scheme
zontât, cul vôt gjenerâl de Jurie Tecniche/Artistiche.
C - Une Jurie dal Public e componude dai spetatôrs des seradis finâls dal Pali Teatrâl
Studentesc, che il so vôt al confluìs, in mût misurât, secont il scheme zontât, cul vôt
gjenerâl de Jurie Tecniche/Artistiche e Zovine.
I components de Jurie Tecniche/Artistiche e Zovine a varan di garantî la presince par dutis
lis seradis.
2g) MONT PREMIS
PRIN PREMI AL MIÔR SPETACUL
Premi "Agati" ae miôr regjie
Grant Premi de Jurie Zovine
Premio Speciâl ae Inovazion
Premi Speciâl al Miôr Staff tecnic
Pali + Targhe
1.000 € + Cope
Targhe
Targhe
Targhe
Miôr interpretazion feminine
Targhe + materiâl
multimediâl culturâl metût
a disposizion de Consulte
Provinciâl dai Students de
provincie di Gurize
Targhe + materiâl
multimediâl culturâl metût
a disposizion de Consulte
Provinciâl dai Students de
provincie di Gurize
Targhe + materiâl
multimediâl metût a
disposizion de Associazion
Mattatoioscenico
Targhe + materiâl
multimediâl metût a
disposizion dal Consorzi
Servizis Integrâts dal Lusinç
Targhe
Targhe
Miôr interpretazion masculine
Premi Imagjin
Premi “Altris Espressivitâts”
Premi speciâl de Consulte Provinciâl pe Pâs
Menzon Speciâl pal Miôr Percors Educatîf
5
2h) IL GARANT
Il Garant dal Pali al è preponût ae verifiche dal plen rispiet des proceduris
regolamentârs. Al è il dirigjent de Direzion Culture e Creativitât (Gurize, Corso Italia n.
55 - 34170 GURIZE - Tel. 003904815456721 Fax 00390481546719 email:
[email protected]. Il Garant al fâs une funzion arbitrâl tal câs che a sedin
dubis interpretatîfs su lis liniis regolamentârs; al ricêf e al valute cun plene potestât
eventuâi reclams che a puedin jessi puartâts indevant.
I reclams a podaran jessi acetâts dome se presentâts al Garant dentri des oris 24.00 de
serade conclusive dal Pali (ai 20 di Avrîl dal 2013).
I parês e i judizis dal Garant no si puedin sindicâ e a son definitîfs.
2i) CLAUSULE ESCLUSIVE
La inosservance o la no acetazion di dut il Bant o di part dal Bant di Concors e dal
Regolament a impediran la partecipazion al Pali Teatrâl Studentesc.
2k) DISPOSIZIONS FINÂLS
I partecipants – ai sens dal D.Lgjs. dai 30 di Jugn dal 2003, n. 196 “Codiç in materie di
protezion dai dâts personâi” – a autorizin la Associazion Culturâl Mattatoioscenico
(organizadore dal avigniment) al tratament dai dâts personâi, e ancje ae publicazion dai
materiâi audiovisîfs mandâts e di chei realizâts intai dîs dal avigniment (fotos, filmâts,
intervistis, e v.i.).
3. SERVIZIS ACESSORIS
3a) LABORATORIS DI “MAIEUTICHE”
A son previodûts chescj incuintris di “maieutiche dolciane”, propedeutics al percors
educatîf sotindût a Pali Teatrâl, dedicâts ai insegnants, ai operadôrs tecnics, ai consulents
artistics, par cure di Paola Cosolo Marangon, che a vignaran fats inte Sale dal Consei di
Palaç Torian dal Comun di Gardiscje in vie Ciotti n. 49, in chestis zornadis:
prin incuintri, lunis ai 14 di Zenâr dal 2013 des oris 15.00 oris 19.00
secont incuintri, lunis ai 21 di Zenâr dal 2013 des oris 15.00 oris 19.00
E sarà cure dal Ufici Politichis pai Zovins de Provincie di Gurize (tel. 00390481546721 int.
113 - email [email protected]) tirâ sù lis adesions, dentri dal mês di Dicembar
2012.
Ae conclusion dai laboratoris di maieutiche, al vignarà dât un atestât.
Si vise che il bant complet al pues jessi domandât in formât digjitâl ae direzion di pueste
eletroniche: [email protected]
Lis traduzions a son par cure dal Ufici identitâts linguistichis de Provincie di Gurize.
Gurize, ai 10 di Dicembar dal 2012
6
PALI TEATRÂL STUDENTESC TRANSFRONTALÎR
EDIZION XVIII
ZONTE A
SCHEDE DI PREADESION
(par evitâ eventuâi erôrs di trascrizion, il MODEL A al varà di jessi scrit cul ordenadôr, e
mandât par pueste eletroniche ae direzion: [email protected] dentri des oris
15.00 dai 30 di Zenâr dal 2013)
DENOMINAZION ISTITÛT:
.............................................................................................................................................................
SEDE (VIE, CAP, COMUN, PROVINCIE):
.............................................................................................................................................................
NUMAR DI TELEFON:
.............................................................................................................................................................
NUMAR DI FAX:
.............................................................................................................................................................
DIREZION DI PUESTE ELETRONICHE:
.............................................................................................................................................................
INSEGNANT REFERENT
STUDENT REFERENT
Cognon e non
Cognon e non
......................................................................
......................................................................
Vie
Vie
.....................................................................
.....................................................................
Citât
Citât
.....................................................................
.....................................................................
Tel
Tel
......................................................................
......................................................................
email
email
.....................................................................
.....................................................................
7
DÂTS INDICATÎFS SUL LAVÔR PROPONÛT
………………………………………………………………………………………………
………………………………………………………………………………………………
………………………………………………………………………………………………
………………………………………………………………………………………………
………………………………………………………………………………………………
DÂTS INDICATÎFS SUL LAVÔR DI GRUP
………………………………………………………………………………………………
………………………………………………………………………………………………
………………………………………………………………………………………………
………………………………………………………………………………………………
Students impegnâts n. .......
Docents impegnâts n. .......
Colaboradôrs esternis impegnâts n. .......
Durade previodude dal spetacul: .......
8
PALI TEATRÂL STUDENTESC TRANSFRONTALÎR
EDIZION XVIII
MODEL B
SCHEDE DI ADESION DEFINITIVE
(par evitâ eventuâi erôrs di trascrizion, il MODEL B al varà di jessi scrit cul ordenadôr, e
mandât par pueste eletroniche ae direzion: [email protected] dentri des oris
15.00 di miercus ai 27 di Fevrâr dal 2013)
DENOMINAZION ISTITÛT:
SEDE (VIE, CAP, COMUN, PROVINCIE):
NUMAR DI TELEFON:
NUMAR DI FAX:
DIREZION DI PUESTE ELETRONICHE:
DIRIGJENT SCOLASTIC: (cognon e non)
INSEGNANT REFERENT: (cognon e non, direzion di pueste eletroniche, numar di
celulâr)
STUDENT REFERENT: (cognon e non, direzion di pueste eletroniche, numar di celulâr)
JURIE ZOVINE: (cognon e non, direzion di pueste eletroniche, numar di celulâr)
DOCENTS IMPEGNÂTS: (cognon e non, specificant i rûi)
COLABORADÔRS ESTERNIS IMPEGNÂTS: (cognon e non, specificant i rûi)
TITUL E DURADE DAL SPETACUL: (si domande di specificâ: “Gjavât di:” o “Test
origjinâl di:”)
SINOSSI IN PLUI LENGHIS:
(sezion di scrivi dome se lis funzions a son fatis di students)
AUTÔR DAL TEST: (cognon e non)
REGJIE: (cognon e non)
ASSISTENT AE REGJIE: (cognon e non)
ORGANIZAZION: (cognon e non)
INTERPRETIS: (cognon e non, specificant i personaçs)
DANZE: (cognon e non)
SENIS: (cognon e non, specificant lis funzions)
COSTUMS: (cognon e non, specificant lis funzions)
SUN: (cognon e non, specificant lis funzions)
LÛS: (cognon e non, specificant lis funzions)
GRUP TECNIC: (cognon e non, specificant lis funzions)
VIDEO DAL VÎF/PROIEZIONS: (cognon e non, specificant lis funzions)
SEZION PREMI IMAGJIN: (cognon e non, specificant lis funzions)
SCHEDE TECNICHE DAL SPETACUL: (dimensions palc, lûs, audio, eventuâl materiâl
senic, altri...)
9
PALI TEATRÂL STUDENTESC TRANSFRONTALÎR
EDIZION XVIII
ZONTE C
DEFINIZION GJEOGRAFICHE DE AREE TRANSFRONTALIERE CHE E FORME LA
BIOREGJON DAL LUSINÇ
La aree interessade dal intervent e je, in struc, il bacin orografic dal Lusinç, cjapant dentri,
inte part alte dal cors, i comuns che a son di ca de linie spartiaghis, intant che par ce che al
tocje il bas cors (di Gurize al mâr) i comuns che a fasin part de dal teritori aministrât de
Provincie di Gurize. Un tant, escludint i teritoris dai bacins de Tor e dai siei afluents, in
considerazion de complessitât de aree drenade dal flum, sedi sot di profîi propit sientifics,
sedi storics, sedi culturâi.
Par une analisi plui detaiade des cuistions complessivis che la definizion dal bacin dal
Lusinç e à metût e e met a gjeografs e sienziâts di variis dissiplinis, al somee di just
rimandâ al compendi plen di informazions e rigorôs publicât de Provincie di Gurize intal
1980: " IL LUSINÇ. GJEOGRAFIE FISICHE, STORICHE E ECONOMICHE DI UN FLUM
INTERNAZIONÂL", dulà che dutis lis cuistions complessis su chest flum particolâr a
vegnin ben evidenziadis dai plui grancj studiôs dal setôr. In maniere operative, i comuns
interessâts al progjet a son chescj:
CORS ALT:
1.NOVA GORICA, 2. SEMPETER - VRTOJBA, 3. MIREN - KOSTANJEVICA, 4. KANAL,
5. BRDA, 6. BOVEC, 7. KOBARID, 8. TOLMIN, 9. IDRIJA, 10. CERKNO, 11.
AJDOVSCINA, 12. VIPAVA, 13. KOMEN
CORS BAS:
1.COMUN DI CAPRIVE, 2. COMUN DI CORMONS, 3. COMUN DI DOBERDÒ, 4.
COMUN DI DOLEGNE, 5. COMUN DI FARE, 6. COMUN DI FOIAN REDIPULIE, 7.
COMUN DI GURIZE, 8. COMUN DI GARDISCJE, 9. COMUN DI GRAU, 10. COMUN DI
MARIAN, 11. COMUN DI MIGJEE, 12. COMUN DI MONFALCON, 13. COMUN DI
MORÂR, 14. COMUN DI MOSSE, 15. COMUN DI ROMANS DAL LUSINÇ, 16. COMUN
DI RONCJIS DI MONFALCON, 17. COMUN DI SEGRÂT, 18. COMUN DI SANT
CANZIAN DAL LUSINÇ, 19. COMUN DI SANT FLOREAN DAL CUEI, 20. COMUN DI
SANT LURINÇ DAL LUSINÇ, 21. COMUN DI SANT PIERI DAL LUSINÇ, 22. COMUN
DI SAVOGNE DAL LUSINÇ, 23. COMUN DI STARANZAN, 24. COMUN DI TURIAC,
25. COMUN DI VILÈS.
10
PALI TEATRÂL STUDENTESC TRANSFRONTALÎR
EDIZION XVIII
ZONTE D
(di consegnâ tal secont incuintri cu lis scuelis previodût ai 18 di Març dal 2013)
LIBERATORIE PAL ÛS DES IMAGJINS E DAI VIDEOS
Denominazion Istitût .........................................................................................................................
Classe e Sezion.......................................................................
(SEZION COMPILADE DAL/DE STUDENT/ESSE)
Jo (cognon e non) .................................................................................................................
Nassût/ude a.....................................................................................................................................
Provincie ...........
al/ai.......................................... Resident/e in vie.............................................................. N.........
Comun.................................................................. Provincie ..............
(SEZION COMPILADE DAL GJENITÔR CHE AL ESERCITE LA PATRIE POTESTÂT, IN
CÂS DI STUDENT/ESSE MINÔR DI ETÂT)
Jo (cognon e non) .................................................................................................................
Nassût/ude a.....................................................................................................................................
Provincie ...........
al/ai.......................................... Resident/e in vie.............................................................. N.........
Comun.................................................................. Provincie ..............
O concêt ae Provincie di Gurize (ent promotôr dal avigniment), ae Associazion Culturâl
Mattatoioscenico (organizadôr dal avigniment), e a Studio 14 (aziende incjariade de
Associazion Mattatoioscenico di fâ lis ripresis fotografichis e video de manifestazion) la
autorizazion di publicâ materiâl fotografic e video che al ritrate il/la student/esse dit/e
parsore intant des ativitâts dal Pali Teatrâl Studentesc tra lis Scuelis Secondariis Superiôrs
dai Comuns de Bioregjon dal Lusinç.
Cheste domande e jentre tai fins dal progjet di creâ une rêt efetive tra lis scuelis de
Bioregjon dal Lusinç, di favorî la difusion des informazions sul Pali Teatrâl Studentesc e
infin di meti in comunicazion i fantats traviers i struments plui dongje di lôr.
In particolâr duncje o concêt ae Provincie di Gurize, ae Associazion Culturâl
Mattatoioscenico, e a Studio 14:
1.
La autorizazion a publicâ tal social networks fotografiis e videos che a ritratin il/la
student/esse tes provis teatrâls e tai spetacui in Concors.
2.
La autorizazion a proietâ, dilunc de serade conclusive dal Pali Teatrâl Studentesc, i
videos e lis fotografiis des ripresis fatis dilunc des provis teatrâls dai students che a
partecipin al Concors.
O autorizi la publicazion dai dâts personâi inte forme che e ven domandade dai social
networks, che o aceti par ce che al tocje lis esigjencis di privacy.
11
O autorizi, su la base des esigjencis tecnichis, eventuâls modificazions des imagjins
furnidis cul gno plen consens ae publicazion, che si puedin fâ e meti in esposizion a gratis.
Ur gjavi infin ai responsabii de Provincie di Gurize, de Associazion Culturâl
Mattatoioscenico e di Studio 14 ogni responsabilitât suntun ûs scoret dai dâts personâi
furnîts e des fotos de bande di tierçs.
Cheste liberatorie e à durade ilimitade.
Dade: ........... /............. /...........................
________________________________________________ (Firme student/esse)
________________________________________________ (Firme dal gjenitôr in câs di
student/esse minôr)
12
PALI TEATRÂL STUDENTESC TRANSFRONTALÎR
EDIZION XVIII
ZONTE E
DECLARAZION DI CONFORMITÂT AL BANT
Denominazion Istitût........................................................................................................................
Sede (Vie, CAP, Comun, Provincie)................................................................................................
Jo (cognon e non) ................................................................................................
Nassût/ude a............................................................................................ Provincie ...........
il/ai.......................................... Resident/e in via............................................................
Comun................................................. Provincie ....................
Codiç Fiscâl......................................................................................................................................
tant che Referent pe ativitât teatrâl dal Istitût dit parsore
O DECLARI
che a son stâts rispietâts ducj i ponts dal Regolament dal Pali Teatrâl Studentesc e o declari
ancje che l'Istitût al è disponibil a rapresentâ il spetacul intai lûcs e intes datis prefissadis,
impegnantsi a cjapâsi la responsabilitât dal traspuart des senografiis.
_______________________________________ (Firme Docent/e – Student/esse referent/e)
______________________________________ (Firme Dirigjent/e Scolastic/he)
Date: ........... /............. /...........................
13
MODALITÂT DI VÔT PAR ASSEGNAZION PREMI
“MIÔR SPETACUL”
Pe edizion XVIII dal Pali Teatrâl Studentesc, il premi “Miôr spetacul 1n classificât” al sarà
assegnât tignint cont dai ponts dâts de Jurie Tecniche/Artistiche (componude di cinc
zurâts) integrât cui ponts derivâts dal spoi des schedis consegnadis ae Jurie Zovine
componude di un student par ogni Scuele partecipante, secont lis modalitâts dal pont 3f
dal Bant (nominatîfs di comunicâ dentri dai 12 di Març dal 2013 par pueste eletroniche a:
[email protected]) e de Jurie dal Public.
Definizion ponts Jurie Tecnic/Artistiche
Ogni singul zurât, par determinâ il spetacul 1n classificât al varà a disposizion ponts (di 6 a
10) che al assegnarà, mantignint une valutazion globâl dal spetacul, a ogni spetacul.
Ae fin des seradis ogni spetacul al varà fat i siei ponts e a podaran jessi ancje situazions di
paritât.
Intal esempli ripuartât sot (esempli 1) il vincidôr, pe Jurie, al sarà il 2nt spetacul in concors
cuntun totâl di 41 ponts.
Definizion ponts Jurie Zovine.
Dutis lis seris a saran distribuidis ae Jurie Zovine, lis schedis pe valutazion dai spetacui.
La Jurie Zovine e varà a disposizion ponts, di 6 a 10, che e assegnarà secont dal so judizi.
Ae fin de serade al sarà fat il spoi des schedis e a saran determinâts i ponts dai spetacui.
I ponts, calcolât cun medie matematiche, si otignaran fasint la sume algjebriche dai ponts
singui di ogni schede e dividint il totâl pal numar des schedis racueltis. Eventuâls schedis
blancjis, nulis e no consegnadis no vignaran tignudis in considerazion intal cont de
medie. I ponts cussì otignûts a saran moltiplicâts par doi (valôr di 2 zurâts) e a laran a
zontâsi ai ponts assegnâts de Jurie.
Cuntune situazion di chest gjenar il spetacul vincidôr dal Pali al sarà il 1n spetacul in
concors (esempli 1).
Definizion ponts Jurie dal Public.
Dutis lis seris a saran distribuidis ae Jurie dal Public, costituide dal public presint dilunc
des seradis, n. 100 schedis pe valutazion dai spetacui. La Jurie dal Public e varà a
disposizion ponts, di 6 a 10, che al assegnarà secont dal so judizi. Ae fin de serade al sarà
fat il spoi des schedis e a saran determinâts i ponts dai spetacui.
I ponts, calcolâts cun medie matematiche, si otignaran fasint la sume algjebriche dai ponts
singui di ogni schede e dividint il totâl pal numar des schedis racuetis. Eventuâls schedis
blancjis, nulis e no consegnadis no vignaran tignudis in considerazion intal cont de
medie. I ponts otignûts cussì (valôr di 1 zurât) a laran a zontâsi ai ponts assegnâts de Jurie
Tecniche Artistiche.
Cuntune situazion di chest gjenar il spetacul vincidôr dal Pali al sarà il 1n spetacul in
concors (esempli 1).
La definizion di chei altris premis e dome di competence de Jurie Tecniche/Artistiche,
salve la assegnazion dal Grant Premi de Jurie Zovine.
Esempli 1
JURIE
TECNICHE/ARTISTICHE
I spetacul
II
spetacul
III
spetacul
IV
spetacul
14
I zurât
II zurât
III zurât
IV zurât
V zurât
totâl
9
7
6
8
10
40
I spetacul
Spoi schedis Jurie Zovine
Ponderazion Jurie Zovine
Totâl Jurie Zovine
Spoi schede Jurie Popolâr*
Ponderazion Jurie Popolâr
Totâl Jurie Popolâr
Jurie Tecniche/Artistiche **
totâl
9
2
18
6
1
6
40
64
10
8
6
8
9
41
II
spetacul
7
2
14
7
1
7
41
62
9
7
7
8
7
38
III
spetacul
8
2
16
8
1
8
38
62
6
8
7
10
8
39
IV
spetacul
6
2
12
7
1
7
39
58
(*) NOTE - N. 20 schedis
(**) NOTE - In câs di paritât
dal prevâl il vôt dal
President de Jurie
Tecniche/Artistiche
15