Heidelberg Catechism 50 thero

Tate wa magodimong o re nea borotho bja ka mehla
Thero mo Thapelo ya Morena (Heidelberg Catechism 50)
Palo ya Beibele: Psalme 104
Timanathero: Thapelo ya Morena: Heidelberg Catechism 50
Basemane le basetsana, ana le setse le jile borotho lehono? Borotho e tswa
kae? O hloka borotho letsatsi le latsatsi go hwetsa maatla a go ya sekolong
goba go bapala go ba go ya kerekeng. Ka tsela yeo re kgopela Tate wa
magodimong o re nee lehono borotho bja rena bja ka mehla. Ga re ithapelele
rena fela. Ga re rapele ra re o nee borotho bja ka mehla. Empa: re re o RE nee...
ge re rapelela borotho, ga re re borotho fela empa re dijo tse dingwe bjalo ka
bogobe, potatoes, dienywa, nama, le tse dingwe. Re rapelela tsohle tseo di
hlokago ke mebele ya rena. Gomme re rapelela gape tseo re di hlokago mo
bophelong bjalo ka diaparo goba dipuku goba tsa go ngwala ge re ya sekolong,
le tshelete ya go namela, goba ge re eya mosomong, bjalo bjalo. Mohlomongwe
go bonagala e ke tshelete ka moka e tswa dipotleng tsa batswadi ba rena.
Empa ga go bjalo. Nnete ke gore e tswa go Modimo. Modimo o re neile
batswadi ba gago bo itekanelo le maatla go kgona go soma le go humana
tshelete.
Ge re rapela, o re nee borotho bja ka mehla, kgopelo yeo e re ruta gape gore re
se ke ra nyaka go ba le tsohle. Re kgopela fela seo re se hlokago. Gomme ge se
kgahla Modimo gore nea go fetisa, ka go rata re ka lebogela seo. Ga re se ke ra
lebala go leboga Modimo ka seo! Ke Tate wa rena, gomme o hlokomela bana
ba gagwe!
Tabataba: Tate wa magodimong o re nea borotho bja ka mehla
1 bo rapelele ka mehla
2 bo somele ka mehla
1 bo rapelele ka mehla
Mohlomongwe batswadi ba bantsi ba ipotsisa gore: re na le bana, ana re ka
humana dijo tse lekanego go ka ba godisa? Ge ba gola, le ge ba ya sekolong, ga
ba hloke borotho fela, empa diaparo le dipuku, le tshelete ya maeto, le tshelete
ya dihlare ge ba lwala le tse dingwe. Gomme ka mehla re a ipotsisa: ana re tlo
kgona go lefela ditokela tsa kgwedi?? Go bonagala e ke bana ba na le
monagano wa gore tshelete ya mme le tate e ka hloka. Gomme Morena Jesu
Kriste o ruta ka bobedi batswadi le bana go rapela: o re nee borotho bja ka
mehla. Re tsea maema re a bea magetleng a Modimo! O ka re hlokomelela
dinyakwa tsa rena. Mesomo ya rena le maitapiso a rena ke lefela, kantle le
tshogofatso ya gago. Re itshepetse mo go Wena, dilo tsohle tse botse di tswa
go wena.
Re badile mo Beibeleng mo Psalomeng kgaolo ya 104. Mang le mang eo a
phelago o lebeletse wena. Le diphoofolo le dinonyana. O hlogisa bjang gore
dikgomo di fule. O hlokomela batho ka borotho. Dihlare ka moka di bopile ke
wena, gomme di tla gola fela ge wena o di nea pula. O bopile ditaba le legohle,
maswika le mafulo a matala gore dipedi di dule go ona. Letsatsi le ngwedi,
ditau, dihlapi, dikwena, le tsohle ka moka di bopile ke wena. Gomme wa di
hlokomela! Gopola fela: gore ke kopanyo eo e makatsago!! Ge re e bapetsa
lefelo la dizoo. Ana o ile wa akanya ka moo lefelo la dizoo le hlokago dijo ka
mehla go fepa diphoofolo. Gomme diphoofolo ka moka di na le dijo tsa tsona.
Tau e ka se kgone go ja bjang. Le thutlwa e hloka mahlare a mantsi a mohlare.
Gomme tlou e hloka go fetisa tshweng. Go mosomo o mogolo go basomi ka
moka ba lefela la dizoo go dira mosomo o ka mehla. Gopola fela se Modimo a
se dirago ka mehla! Ena yo a hlokomelago batho ba lefase dibillione tsa lefase,
le diphoofolo ka moka, le dinonyane tsa legodimong, le dihlapi ka moka tsa
lewatleng, le diphedi ka moka, bjalo bjalo.
Modimo a laetsa lefase, letsatsi le ngwedi, le diplanete ka moka ka tsela yeo di
ka bago le tshepediso ya letsatsi le bosego. Ge e ba leswiswi, batho ba robala,
empa diphoofolo bjalo ka ditau di a tsoga. Ge letsatsi le hlaba gape, ditau di a
boela di a robala, empa motho o a tsoga gore a ye mosomong. Gomme e soma
ka tsela yeo, ka tsela yeo a hlodilego ka gona. Ke ya mohlodi e beile ke yena
mohlokomedi wa lefase. Ge Modimo a bula letsogo la gagwe, re humana dijo,
empa ge a le tswalela, re bolawa ke tlala. Ge a tsea moya wa rena, re a hwa. Ge
a re neela moya, re a tsosoloswa. Se ke nnete, ke ka moo re itshepetsego go
Modimo. Gomme ge re rapela, mo thapelong kgopela ya bone o re nee borotho
bja rena bja ka mehla, gomme re lemoga le go amogela bonnete bjo.
Ka lentsu le borotho re supa tse dingwe go fetisa borotho. Borotho ke sesupo
fela sa dinyakwa tsa rena tsa letsatsi le tsa bophelo ka moka. Gomme ge a re
neela tsona, o lebeletse gore le rena re di somise ka maikarabelo. Ge a re neela
borotho, ga a re re bolahlele ka gare ga matlakala. Ge a re neela koloi, ga a re
re e somise bosaedi, e ka ba re nyatsa melao ya tsela. Ge a re neela bana, ga a
re re bahlakise. Modimo o nyaka tshomiso ya maikarabelo go dimpho tsea a re
neago tsona. Mpho a tlisa maikarabelo. Ge o amogetse se sengwe se se botse
go tswa go Modimo, o amogetse gape maikarabelo a go se hlokomela. Ga re se
ke ra lebala go rapelela maatla le bohlale, bja go somiso dimpho tsa rena ka
tsela ya maleba, gore re hlomphe Modimo.
2 re bo somele ka mehla
Ke maitswaro a mabotse go thoma letsatsi ka thapelo. Bjalo ka go thoma
letsatsi la mathomo la beke ka go ya kerekeng. Mo thapelong ya rena re
kgopela tshegofatso ya Modimo mo letsatsi le le tlago. Re kgopela tshireletso
boitekanelo le maatla a go phetha mesomo ya rena. Thapelo e re isa go seo re
swanetsego go se phetha mo letsatsing, e lego seo Modimo a hlokago gore re
se dire mo letsatsing. Thapelo e re thusa go araba thato ya Modimo letsatsi le
letsatsi. Ka tselo yeo thapelo ka boyona e re kgonisa go thoma mosomo go ka
thoma go dira dilo tsa maleba. Tate wa magodimong o re nea ditshegofatso tsa
gagwe, e ka ba ka seo re se bonago e le ka tsela ya borotho bjo bo lekanego
dijo tseo di lekanego, boitekanelo, tlhabo ya letsatsi, le tse dingwe. Empa ga di
re seo fela gore rena re phuthe matsogo re dule fase. O re nea ditshegofatso
tsa gagwe go ka kgona go phetha maikarabelo a rena. Ka morago ga go phutha
matsogo mo thapelong, go bohlokwa gore o thoma go dirisa matsogo a gago,
ka go dira mosomo wa gago. E mongwe yeo a dirago engwe ya tse, a ka se
kgone go holega moo ditshegofatsong tsa Modimo. Rapela gomme o some. Di a
sepidisana. Ga se gore Modimo o a re hloka, e le ka tsela ya gore kantle re rena
a ka se kgona go re nea dijo. Gape ge re soma re lemoga gore ke ka lebaka la
kgaugelo ya Modimo gore re kgona go soma. Re kgona go soma gobane re
hema moya o ao hlodilego. Re ka kgona fela go somela tebogo ya boitekanelo
bjo a re neago bjona. Ka nnete re phela gobane re hlodile ke Modimo. Gomme
ge re soma le gona ke mpho e tswago go Modimo. Ge Modimo a re bitsa gore
re some o a re kgonisa gape go dira seo.
Nke ke bolele dilo gape bonolo. Gona bjale ge o sa some, mo mahlong a
Modimo seo ga se re gore ga o some. Le ge o sa some, go na le seo Modimo a go
bileditsego sona. Mohlala, ge o le ntate gomme o sa some gonabjale o ka se
dule fela mohlomongwe wa nwa bjalwa, gomme wa lebala mathata a gago.
Aowa, Modimo o go biditse gore o phele, o be tate mo go bana ba gago, go ka
tsenya maatla go ba godisa, o ba thusa le go ba hlahla. Gomme kantle le seo o
swanetse gape go ba motho mo setshabeng, o thusa mosadi wa gago go
hlokomela ntlo, le di bjalo le go ba
Setho se phelago mo kerekeng, o thusa mo mesomong yeo e swanetsego go
dirwa. Mo mahlong a Modimo o na le mosomo ka dinako tsohle! Gomme mo
tshepe, le yena o tla go hlokomela, le ge o se na mosomo wa go phathela. O tlile
go go hlokomela! Mohlomongwe go tswa letsogong la kereke.
Bana beso, ge re rapela: re nee borotho bja rena bja ka mehla, gare inaganele
rena fela. Jesu o re ruta gore re lemoge go hlokomela dinyakwa tsa batho ba
bangwe bao ba phelago le bona. Ge a go segofaditse ka tse dintsi o swanetse go
lemoga gore ditshegofatso tse ga se tsa gago. Modimo o go adimile tsona, a go
bitsa gore o di somise go tswetsa pele mmuso wa gagwe! O bileditswe gape go
hlokomela bahloki, Modimo o nyaka gore re rate baagisane ba rena. Gomme
godimo ga tsohle o nyaka gore re mo tshepe. Ke ka lebaka leo re sa rapele: ra
re: o re nea borotho bja bophelo le mahumo. Empa o re ruta gore re se ke ra
kgopela tsa letsatsi le. Empa go mo tshepa gore le ka moso o tlile go ba gona,
gomme o tlile gore hlokomela! Bjalo ka ge Jesu a boletse mo pukung ya
Matheo 6:33-34: ‘gomme, le se ke la belaela ka tsa ka moso, gobane tsa ka
moso di tlilego ipelaela letsatsi le lengwe le lengwe le na le tsa lona.” “empa sa
mathomo nyaka mmuso wa Modimo, le go loka ga gagwe gomme tsohle di tla
latela ka morago.”
Amen.