laisene ave ta`avale ab 60: o fesili masani

LAISENE AVE TA’AVALE AB 60:
O FESILI MASANI
O le a lenei mea Laisene Ave Ta’avale AB 60?
I le tausaga 2013 na sainia e le Kovana Brown le pili ma le fa’atonuga o lenei pili mo le Ofisa o le DMV ia latou
tatalaina le laisene ave ta’avale I so’o se tasi e mafai ona ave ta’avale o lo’o nofo mau I Kalefonia e aunoa ma se
Tusi Folau Amerika ma pepa nofo mau fa’atulafono. Tagata ia o lo’o agava’a mo le laisene ave ta’avale AB 60.
O lenei Laisene ave ta’avale AB 60 o le a iai lona ese’esega vaaia I luga o le laisene ma e le mafai ona fa’aaogaina
mo isi tulaga Fa’a-Feterale.
O AFEA E AMATA AI LENEI LAISENE AB 60?
O Ianuari 1, 2015 o le amata ai ona avanoa lenei laisene ave ta’avale AB 60.
O LE A LE TAU MO LENEI LAISENE AB 60?
E tutusa lava le tau o lenei laisene ave ta’avale ma le laisene Class C/M e $33. O le laisene Class C e fa’ataga mo
ave ta’avale e 4 pa’u ta’avale ma le Class M mo latou o fa’aaoga Uila Afi. Mo nisi tau o laisene vaai I le:
http://www.dmv.ca.gov/dl/fees/driverlicense.fees.htm.
O IFEA OUTE MAUA AI LE FESOASOANI MO LE LAISENE AB 60 MA ISI FESOASOANI
FA’ATATAU I LAISENE AVE TA’AVALE?
E maua feso’otaiga ma tali i le Ofisa DMV ma luga o le website e aunoa ma tau:
http://apps.dmv.ca.gov/ab60/index.html
O isi fesili e mafai ona tali vaega o le Drive CA/Maneja CA Coalition. O lenei vaega e fesoasoani tele mo le
lautele e le o iai ni latou pepa nofo mau. Ma o lo’o maua ia fesoasoani i tele gagana ese’ese. Vaai I luga o le:
[email protected]
O ia fesoasoani/feso’ota’iga/fa’asalalauga o lo’o avanoa uma e aunoa ma se totogi. Ua na’o tau o lo’o faailoa I
luga. E leai foi se tau mo le o lo’o fesoasoani I le fa’atumuina o lenei fa’atalosaga (application) AB 60 e fa’asa I
le tulafono. O lenei fa’atalosaga (application) e faigofie lava lona fa’atumuina. Ia tautuana ma mata ala I latou
o lo’o solitulafono I ia ituaiga fa’asalalauga sese. Galue tasi ma lenei Ofisa DMV ma a latou vaega ese’ese e
fesoasoani mo le Laisene Ave Ta’avale AB 60.
O SUEGA UMA E FAIA FA’APERETANIA?
Leai, o lo’o avanoa le suega tusi i gagana ese’ese. O lo’o avanoa fo’i I luga o le televise. E mafai fo’i ona
fa’atalosaga e tu’ugutu mai le suega e le fai-suega a lenei Ofisa DMV.
1
O IFEA OUTE MAUA AI SE FESOASOANI MO LE SUEGA AVE TA’AVALE?
Afai ua ma’ea le tulaga uma o suega ma fa’amanuiaina oe ma le pemita e fautuaina oe ia a’oa’o lau ave ta’avale
ma se o lo’o agava’a ma ua laisene I le ave ta’avale. O le website a le Ofisa DMV o lo’o iai fesoasoani e te
sauniuni ai mo lenei suega. E tele foi A’oa’oga; Kolisi ma Fa’alapotopotoga e iai le fesoasoani e a’oa’o ai lau ave
ta’avale mo se totogi.
E MAFAI ONA OU FA’AAOGAINA SE TAGATA FA’AMATALA UPU I TAIMI O LE SUEGA AVE
TA’AVALE?
E leai. E tatau ona e tali Fa’aperetania ma fa’atino lau suega pe a avatu se fa’atonuga ma fesili. O lo’o iai le
tomai ma le agava’a a le aufaigaluega o le Ofisa DMV mo latou e le lava le gagana Fa’aperetania I le fa’aaogaina
o le tusilima ma le gaoioiga o le tino (body gestures). O le fautuaga ia taumafai ma a’oa’o ona tali fesili I le
Fa’aperetania.
FA’APEFEA LA PE A LE PASIA LE SUEGA TUSI MA LE SUEGA AVE TA’AVALE?
E maua pea le avanoa e toe taumafai iai mo ia suega. E fa’atolu ona mafai ona su’e. Afai e le pasia. E fautua
atu ia sailili I tusi ma mataupu tau ave ta’avale o lo’o avanoa I le computer po’o tusi mai le Ofisa DMV.
O LE A LE ITUAIGA LAISENE AVE TA’AVALE E MAUA I LE AB 60? E AGAVA’A LE AB 60 MO
TA’AVALE TETELE MA UILA AFI?
O le Laisene Ave Ta’avale AB 60 e te agava’a ai mo le Class C, Class M1/M2 (Uila Afi); Class A and B - Ta’avale
e le o fa’aaoga mo Kamupani ma Pisinisi (e pei o trailers, some RV’s).
O A PEPA E MANA’OMIA E AGAVA’A AI MO LE LAISENE AB 60?
Ua uma ona fa’amautuina pepa mana’omia e le Ofisa DMV e agava’a ai mo le Laisene AB 60. Ae peita’i, e mafai
ona iai suiga o ia tulaga ae le i o’o I le amataga o le tausaga fou ia Ianuari 1, 2015. O pepa e mana’omia: 1. Tusi
/Pepa e fa’amaonia ai lou tagata ma 2. Tusi/ Pepa nofo mau I Kalefonia. E lelei foi ona fa’amaopoopo tusi mai
le Konesula; Tusi Folau; Pili o le Uila; Vai ma le Kesi ma Tusi Feagaiga o le Lisi. Afai foi ua te’a aso (expire) le
Tusi a le Konesula e lelei pe a toe fa’afou, aua e fai sina uma ona toe maua mai.
O LE FA’AAOGAINA O LE LAISENE AB 60?
O lenei laisene e te fa’aaoga taimi uma e te ave ai le ta’avale. E aoga e fa’amaonia ai lou tagata i le leoleo. E
fa’asaina I le tulafono ona tete’e e pisinisi, le Malo, tagata talimalo; se porokalama ma fa’alapotopotoga o lo’o
fa’atupeina e le Malo se tagata o lo’o iai le Laisene AB 60. O lenei Laisene AB 60 e te le agava’a ai mo le palota;
e te le agava’a mo penefiti o Malo ma le aia tatau ona faigaluega ai. Ae peita’I afai e te maua se tusi fa’ataga ai
ona e faigaluega e mafai ona fa’aaogaina le Laisene AB 60 e fa’amaonia ai lou tagata pe a ma’ea ona
fa’atumuina le pepa I-9 form.
2
O LE A LE FOLIGA O LENEI LAISENE AB 60?
I luma o le laisene AB 60 o lo’o lomia ai, “FEDERAL LIMITS
APPLY” I luga o le itu taumatau I le itutasi o lo’o iai le Vaega o
lau ave ta’avale (Class). O lo’o lanu tasi upu uma I luma o le
Laisene. I tua o le laisene o lo’o lomia ai upu ia “not valid for
official federal purposes.” O isi tulaga uma a le Laisene AB 60
o lo’o tutusi ma le laisene lautele a le malo.
O I AI NI PUIPUIGA O LENEI LAISENE AB 60?
Ua matua fa’asaina I le tulafono ona tete’e pe agaleaga se Ofisa a le Malo I Kalefonia; pisinisi; tagata faigaluega
a le Malo; porokalama ma fa’alapotopotoga o lo’o fa’atupeina e le Malo ona tete’eina pe agaleaga I le
fa’aaogaina o le Laisene AB 60. Ma, o lo’o sapaia le soligatulafono e le Unruh Civil Rights Act. O lo’o tu’u vaaia
foi e le vaega a le California Research Bureau e fa’amaumau ma ripotia ia tulaga uma I le Ofisa o Faipule ma le
Kovana. O le galuega foi lea o lo’o fa’atino e le vaega a le “The Drive CA Coalition.
O GALUEGA A LEOLEO MO E O LO’O IAI LE LAISENE AB 60?
E le mafai e se Leoleo a le malo ona agaleaga pe tete’eina oe ona o lenei laisene. E le mafai foi se leoleo ona fai
se su’esu’ega, pe taofia; fa’asalaiina se tasi ona lo’o masalosalo i lou tulaga nofo mau. E mafai ona fa’aali lou
laisene I le Leoleo e fa’amaonia ai lou tagata pe a fa’atu oe I luga o le ala.
E fa’alilo ma taofia mau e le Ofisa DMV mea uma e fa’atatau ma taua ia te a’u?
E le mafai e le Ofisa DMV ona tatala atu se tusi po’o pepa fa’amaumau e fa’atatau ma taua I lou tagata. Po’o
lou igoa, tausaga ma tuatusi vagana ai su’esu’ega fa’ale-Malo .
FA’APEFEA ONA OU AUAI?
O lo’o maua pea lou avanoa e te auai I le vaega a le Drive CA Coalition I lou emeli I le:
[email protected] po’o www.driveca.org . Ia fa’alautele foi lou malamalama I le AB 60 I lou vaai
I le website a le Drive CA ma lou alu I se Ofisa DMV.
3