Sighit - Collettivo "Peppino Mereu" Tonara

Transcript

Cuncursu de poesia Peppinu Mereu
Poesias
Pro custa terra rosas e beranos
Collettivu Peppinu Mereu - Tonara
II Cuncursu de poesia Peppinu Mereu
Collettivu Peppinu Mereu – Via della Regione 08039 Tonara
Casella postale 12 – e-mail: [email protected]
URL:www.peppinumereu.it
©2008 Collettivo Peppino Mereu – Tutti i diritti riservati
Pag. 2
COMUNU
DE TONARA
PROVINTZIA
DE NUORO
COMUNIDADE
MONTANA N.12
BARBAGIA
MANDROLISAI
“Pro custa terra rosas e beranos"
2u Cuncursu Peppinu Mereu
BANDU 2008
u
Su Sòtziu culturale “Colletivu Peppinu Mereu” ètat su bandu po su 2 Cuncursu Peppinu Mereu.
S’idea est de afortigare s’iscritura e sa connoschèntzia de sa poesia in sardu.
Su cuncursu est dividìu in tres setziones.
Sa prima setzione est po is classes de s’I.T.I. de Tonara e de is Iscolas maternas, elementares e mèdias
de is Comunes de Aritzo, Atzara, Austis, Brebì, Dèsulu, Gadone, Meana, Ortueri, Ovodda, Sòrgono, Teti,
Tìana, Tonara.
Sa ‘e duas setziones est po totus is chi olent pigare parte.
Po partecipare est a presentare una poesia in rima o in versos liberos, in cale si siat variedade de sardu,
chi non siet istetia pubblicada prima.
A su primu postu s’ant a premiare duas poesias, una in rima e una in versos liberos.
Su primu premiu € 600,00
Su ‘e duos € 400,00
Su ‘e tres € 200,00.
Sa ‘e tres setziones est solu po is tonaresos.
Po partecipare est a presentare una poesia in rima o in versos liberos, iscrita in tonaresu e chi non siet
istetia pubblicada prima.
Su primu premiu € 400,00
Su ‘e duos € 200,00
Su ‘e tres € 100,00.
In sa poesia si podet foeddare de unu tema seberau a pragere.
Sa poesia si nne depet ispedire in deghe copias, ponenno sa setzione foras de sa busta e chentza
mittente, a-i cust’indiritzu:
Segreteria de su Cuncursu: Collettivo Peppino Mereu Casella Postale 12 08039 Tonara (Nu).
Po partecipare ddu at tempus finas a su 20 ‘e magiu 2008.
Is premios s’ant a cunsignare in su Teatru comunale de Tonara.
Su bandu, su regulamentu e s’ischeda po s’iscritzione a su Cuncursu si podent istampare da-e su situ
www.peppinumereu.it.
Po ateras informatziones si podet mutire ai custos numeros: Tel. 3203312724
Tel. 3476822574.
Pag. 3
Sa Giuria
Antonietta Dettori
Franca Piras
Tonina Paba
Attilio Loche
Paolo Pillonca
Pierluigi Lacroce
Peppe Carboni
Pag. 4
A BABBU de Raimonda Sau
Segunnu premiu – Versos in tonaresu
Sa berrit’apiccau as a su tzou
fininno ses s’ierru in su foggile
morind’e frittu dae s’impuddile
pippiu pittiu ses torra de nou;
t’amentas solu de pasch’e abrile
canno ponias un’estire nou,
de turrones e durtzes unu mou
e de amigos prenu su cortile.
Torrau innocente chentza jogu
non ischis prus cun chie foeddare,
is pippios si fuin de su fogu
i mannos tenent’atter’e pentzare:
como prus non perdes sa passentzia,
tottu bies cun indifferentzia.
Pag. 5
A BOIS ANGHELEDDOS DELICADOS de Antonello Arba
Da chi nos das sos fìzos oh natura
daenolos sanos e pienos de allegria
non garrigos de males e isventura
daenolos privos de ogni maladia
de modu chi dae sende minoreddos
connoscant giogu e non angustia
ghit’ant de iscontare mìschineddos?
lassa chi vivant in serenidade
comente meritant sos angheleddos
daelis su donu de sa sinceridade,
faghelos crescher fortes e briosos
e non Iis neghes sa felicidade!
ma si ti parent troppu e infadosos
sos desizos chi tenzo in coro meu
pedi azzudu a sos santos gloriosos
pedi azudu a s’Onnipotente Deu
e soe seguru chi ti tendent sa manu
issos chi abaidant a su mundu intreu
soe seguru chi Deus Soveranu,
Miraculosu e Supremu Creatore
azudat dogni coro a viver sanu.
S’azudu de pedire a Deu Salvadore
pro custos angheleddos delicados
est unu mundu pienu de amore:
chin campos de fiores profumados
pro bi poder currere e giogare
e milli e pius donos incantados
ma si ancora ti potho infadare
un ultimu desizu Deus Virtuosu
e ti prego de mil’accansare,
Iassalos chi appant dogni gosu,
azzende d’amore eternu sa fiama,
siat dogni pippiu bundanziosu
de carignos dados dae babbu e dae mama.
Pag. 6
A CICITU de Serafino Saba
De Tonara ses unu vantu
De sa zona ses balenti cantadori
De poesias canzonis espertu cumponidori
Chi ti prascidit a fait connosci cun su cantu
Cosas bellas chi toccat’a imparai
Montanaru s’esempiu t’at donau
Peppinu t’ispirat su cumponimentu
Zertu! In donascioni tui d’as tentu
Cun coru po is aterus d’as usau
Po rendit grazias e de grazias a torrai
Liggendi Galusè is poesias tuas app’ascurtau
Conoscendi logus familaris e parentis
De is penzamentus tuus riconoscentis
Deu puru senz’essiri acunnotau
De ti hai connotu mi pozzu bantai
Sì, po is cosas chi has iscrittu
Ma in prus po hai partezipau
At unu incontru de aterus fradis invitau
Cumprendendi d’essiri fradis o Cicitu
De Deus, po’ in terra at Issu ringraziai
Happu tentu meda prescei scirendi
Chi de s’Eucaristia ses straordinariu ministru
Portendi a is aterus in s’Ostia Gesù Cristu
E cun fueddus is doloris cunfortendi
Donendi at s’anima su modu de si salvai
Tottu custu dopu chi has connotu
Deus me is fradis de su Cursillu
De mei non has at’ bollit cunzillu
Poita chi donat s’anima e su coru tottu
Aggiudat sa nostra e is ateras gruscis a tirai
De t’agatai sanu mi bollu augurai
Su salludu chi ti mandu arriciast cun prescei
Me is preghieras tuas regordadit de mei
In modu chi Deus si pozzat aggiudai
A sighiri s’opera cun sa Speranza e sa Fidi
In modu chi nos pozzaus fairi lassend’a Issu a dizidi.
Pag. 7
A DEISEGUS A SA PORTITA de Giovanni Maria Pala
Lassal’abberta sa portita,
lassa ch’intret isprinna ‘e sole,
dai troppu tempus so appitta
de tebiu raiu chi mi consòlet
como chi, cun tzertesa,
est arrivida sa etzesa.
Irghinzila cussa portita
cantu bastat pro chi sa vida
mi potet faghere una visita
disizada che bon’amiga,
mi mustret tottu sos colores
chi an in premiu sos fiores.
Falala, como, sa portita,
lassami su carignu ‘e s’appasigu,
sa sera incabasciada e fritta
m’approntat, belenosa, unu garrigu
chi, so seguru, no appo a rescìre
in palas, irbriadu, a lu ighìre.
Cunzala cun su ganzu sa portita,
serrala e dalli unu gjiru ‘e iae,
pro cantu cussa etza malaitta,
cumpiaghendesi de sa mia piae,
che padrona intrat, chena tzoccare,
ch’est arrivìda s’ora de andare.
Su balcone est oramai irbarrizadu,
brincadu ch’est s’istantarolu,
su logu desertu e abbandonadu,
ingjieladu e tristu in donzi agnolu,
su corpus sutta ‘e terra sepellidu
s’anima in biazu chirchende annidu.
Pag. 8
A GIOVANNANGELA de Augusto Marini
Ancora est sepultada in Gennargentu
S’isposa de Stochinu su bandidu,
da ‘e chi est morta, hat Iassau avvilidu
cuss’animu chi giai fiad’in turmentu.
Como carinniendi d’est su ‘entu
A cussu corpus siccu, nudu e fridu,
in roccas silenziosas est siddidu
non bi sunu preghieras, ne’ lamentu.
Inue ses non l’ischi’ perunu
l’ischidi solu su Divinu Amore,
sos anzelos e sos santos suos.
Cussas arrocas solas fianta e sunu
ma ispero chi bi siada unu fiore
a crescher supra cussos ossos tuos.
Pag. 9
A IS ANZIANUS de Carmen Sanna
Candu si càstiu
o caru becitteddu,
o cara becittedda,
mi bèidi de pensai
a sa vida chi ei’ passau
e a cantu problemas
ei dèppiu affròntai.
Giài de pitticcheddus
toccada a traballai
gràisi fianta is traballus
si segàda sa schia
ma tottu pigaiaisi
cun prèsciu e alligrìa:
cantendi cantendi
sa fa n’di tiraiaisi,
bodendi sa spiga,
sa bingia marrendi,
pascendi is brabeis,
bittendi sa linna,
pipius càstiendi,
e u ‘otta a sa scida
toccàda a fai su pai,
troppu sa cosa ‘e fai!
Andai a iscolla
fudi troppu bellu
puetta de su traballu
fu meda pru’ ligeru.
Sa gherra ei passau
troppu sa timorìa,
azziccausu si cuaiàisi
m’ein’sa figumurisca.
A chi fudi militari
o arricchiamau
obùru presoneri,
is bombas de accanta
ei dèppiu supportai,
po medas’annus
attesu a sa famiglia
mammas pobidas e fillus
in domu aspettendi...
cantu daboris
ei’ deppiu suportai!
Pag. 10
In moi ca seisi beccius
in pagusu s’àscuttanta,
chi si nàrada larediaus
o antigus de bidèas,
ma su coru de s’anzianu
è preu de sabiesa
e a co’ ‘e ‘a ‘eccesa
puru sa mobedìa
tòccada a imprassài,
custu no’ è propiu giustu
a postis de ua’ vida
passada a trumantai.
Pag. 11
A MINNANNA VALENTINA de Maddalena Spano Sartor
Calda e assiguranti era
la to’ mani supra
a li me’ parui di stedda.
Folti e prutettiva la to’ passona
abblandaa li me’ schessitai affittivi
cu un babbu e una mamma troppu impignati
da la pilea di campà.
Pal me sciuarai
li fiori più beddi,
la meddu fruttula.
M’appiccai a l’alburi
la bancicaiola
pa’ fammi bulà.
“Una dì bolarai
che una runduledda!”
La solti m’ha cilcinatu l’ali,
ma hagghju sanu lu cori,
una neula pulpurina lu cigni
prutigghjendilu candu
la timpesta ghjabbosa.
Hagghju li me’ agnati d’umbra,
palchì la ‘ita è fatta
di luci e umbri
ma puru di grillandi
di soli in una allegra
dansa di stelli.
Pag. 12
A PEPPINU MEREU de Francesca Dessì
Sa losa tua no est ismentigada
ma est prena de frores che giardinu
ca sa poesia tua est apprezzada
e lastimau su breve tuo destinu
Ogni poeta iscriede versos bellos
po onorare a tie, caru Peppinu
funti violas rosas e gravellos
chi essint ispontaneos de su sinu
Mancari siat male cuncordada
arritzi dae me puru una poesia
cun meda affettu a tie dedicada
In mesu a frores bellos est naschia
pitica e umìle, ca no est coltivada
est po sa losa tua custa” ZINZIA.”
Pag. 13
A PEPPINU MEREU SU POETA de Maria Murgia
A Peppinu Mereu su poeta
dedico custa sarda poesia
chi sa metrica poi no est perfetta
ddu lasso giudicare a sa giuria
mente finì e grand’intelletu
sa bellesa ‘e Tonara à decantau
versos prenos de profundu affetu
a sa idda natìa à dedicau
iscriendo de montes e funtanas
abbas ciaras friscas cristallinas
arregordos de festas paesanas
femminas bellas chi parian reginas
À denunciau s’ingiustizia sociale
sa poberesa contro s’opulenzia
ca à sufriu po custa differenzia
chi a su coro t’à fattu tanti male
e in i versos tuos su lamentu
po s’abbandonu ‘e sa bona sorte
su coro prenu ‘e trumentu
po sa vida minada de sa morte
mamma morta chi fusti in pìzinnia
pagu tempus e babbu puru è mortu
de issos mancau t’è su cunfortu
às connotu bisongiu e carestia
ma in sa poesia tua tanti cura
a lodare principios de valore
amicizia sinceridade amore
chi in sa vida sun gioia o amargura
como Mereu chi torràsa a naschire
a Tonara non da connosches prusu
asfaltu in su caminu e Montesusu
in macchina ias’arziare
non bendente prus turra nè tazzeri
non c’à carretta n’è carrettone
ma prosperosa industria e turrone
po su gosu nostranu e furisteri
is poesias bellas chi às’iscritu
ant’ abbarrare a eterna memoria
cun’ issas ses passau a sa gloria
de fama e de onorese às dirittu
ses mortu giovaneddu ma fus mannu
de coro e de animu piedosu
como sa gloria e s’eternu riposu
godi cun mamma e babbu senz’affannu
Pag. 14
A PIPPINU MEREU de Pascale Puligheddu
Car’istimadu Pippinu Mereu
vivimos tempos senza recreu
e non tenimos atteru isettu
si non de patire ispissu s’aprettu.
Ca nos cumandat razza indigesta
de arrogantes puddos de casta
chi non nos lassan mancu sos ojos
pro podes pranghes supra sos mojos.
Pusillanimes politicos senz’isprene
nos suno ispurpande de cada bene
a sero si picciulan in televisione
ma jai s’attovian pro colazione.
Prus non s’ammentana su do ut des
e non dividini mai pro tres
gai su governu chin s’opposizione
intrega si che pappan sa ratzione.
A su populu chi a’ sempes dadu
in su bisonzu si l’ana irmentigadu
sarvu a li torrare su titulu de sovranu
cando a sa buscia ghettat sa manu.
E tue Pippinu avias s’illusione
de una grande nvoluzione
chi dae sas urnas elettorales
esseret toccau tottu sos littorales.
Mancu credimos prus in su votu
sos chi amos connotu su terremotu
in custu aprile duamizaeotto
su credo est mortu de Giagu Siotto.
E dae su nazionale isconcuassu
Si ch’essit lichidu su solit’assu
arsu chi a’ fattu iscopa a re bellu
e si ch’a’ piccau primera e lillu
Sos oros mai li suno mancaos
ma chin sa politica los a’ moltiplicaos
issu chi tramudat s’abba in binu
e su poveru che lu torrat mischinu.
nos podede narres su chi chere’
ca de s’informazione est su mere
duncas si una die de carchi cosa est certu
s’incras a s’idea contraria est apertu
Atteras duas vortas pro nos sarvare
nos a’ lassau che naufragu in mare.
Como a s’economia cheret ponnere ala
chissai chi no andet tottu in ora mala.
Comente vies su mundu chi as lassau
Pippinu, in tribulias l’appo accattau
E si mancu como at a cambiare
pro more tua sigo a protestare.
Pag. 15
A RENATO PODDIE de Giovanni Sulis
Dae meda is noe sorre(s)
no assignanta diploma
ca totale es sa mancanza
de poesia unu branu
e nieddu es s’avvenire;
ca po cussu rimpiantu
tegno, ca seo in parte,
po me fis sa menzus cosa
asi tott’is abitantes
da sentin sa nostalgia
ca po minor’e po mannu
fia gioia e recreu
mentres como intenno fissu
e solamente lamentos
dae meda is noe sorre(s)
a Renato is complimentos
ca du epeus a issu
ch’in sa idda de Mereu
nessi una orta s’annu
foeddanta ‘e poesia
ma est troppu paga cosa
po is medas amantes
de sa nobile arte
ma dae oe ispero tantu
custos convegnos a sighire
e meda prus fittianu
asi resta s’isperanza
mancari sia giai in coma
de non da lassare morre.
Pag. 16
A SA LIMBA de Maria Giovanna Carboni
Su millenoeghentobarantotto
ibettat in memoria
pro sa Costituzione;
in articulos iscrittos
in italianu e latinu,
sa limba de Sardigna
est diventada ufficiale.
Siat puru cun affannos,
cricant is Ischentes
su limmaggiu de alleanza,
dae Tàthari a Casteddu
da Aristanis a Nugòro
in su vocabolariu
sa grammatica esatta,
preguntanno, cun costanza,
po iscriere in poesia
e paris in amistade
a memoria futura;
pro su Sardu est onore,
in limba chistionare.
Su millenoeghentobarantotto
est passau a s’istoria
pro sa Declaratzione
de is Umanos Dirittos;
iscrittu dd’haiat Peppinu
“fizos de un’insigna,
liberos, rispettados e uguales”
Sunt passaos sessant’annos,
de sa terra is Potentes,
paris in adunanza,
cun unu solu foeddu
e s’iscritta de oro,
nant “chi in su ditzionariu,
omnia foeddu s’agattat
e de ogni limba s’usanza;
e s’Umana Zenia,
pro sa sua identidade,
chistat sa sua cultura
e de sa limba su valore;
S’annu de arregordare
siat su Duemilaotto”
Pag. 17
A SA LUNA de Antonio Porcheddu
A tie chi da-e altu nos abbaidas
su chelu nieddu est tottu su tou
sos innamorados, tue ammalias
poi giras sa cara, ed est unu die nou.
Lassas su chelu a su chi solvet sa nie
in colore che a tie, ma pius caldu
nos faghet lughe po pius de mesa die
e in s’istiu si ch’andat pius a taldu.
Sos americanos hana cominzadu un’atter’era
hana postu su primu pè cuntentu
e in sas costas tua, una bandera
po t’ammentare de cussu momentu.
Sos canes maccos faghes baulare,
cando su sole ammuntas ogni tantu
dae tottu su mundu ti faghes ammirare
e nos lassas cun d’una cara ‘e ispantu.
Pag. 18
A SU POETA E GALUSÈ de Antonio Puddu
Mereu de Elicona fis’ isbrigu
parente de Calliope e de Talia
me in s’altura sutta su montigu
in Tonara as tentu sa nadìa
Fisti in versos poeta prodigu
fattu as realtade e fantasia
oe su sardu modernu e antigu
tottus cantan sas tuas poesìa
Es chi su male ta giutt’in ingannos
de giovanu in manera prus molesta
però famosu cun poetas mannos.
De tottu sa Sardigna a manca e dresta
sunu partecipande tantos annos
sos paesanos preparan sa festa
Pag. 19
A TIE CHI TI NARAN POETA de Francesco Delussu
M’intendo s’anima mia ch’est pasande
in terra furistera de appentu
in cue, mancu s’alinu ‘e su entu
che colat po m’ispertare sos cussizos
e biazo chin sa conca ‘e sos disitzos
iscriende su ch’intendo e sò pessande.
Non bido prus s’isteddu ‘e custa sorte
in sos chelos istranzos isconnottos
inue m’ammentana sos annos caricottos
po mi dare cuffortu in carchi luna,
ca m’intendo che fuida sa fortuna
so che presoneri feridu a morte.
Sa prima lughe paret sa prus bella
chi ischidat in cust’anima sas gammas
pintat in su coro cuddas frammas
che un’ìspera chi s’isticchit in sa cala
in die ‘e temporada , die mala
sone toccos fadados de un’istella.
Versos de oro in sa mente chircade
ch’inghiret montes, baddes e pianas
po ch’intrènet in sas grobes fittianas
tesside rimas sardas tintas d’oro
lassade custu messazzu che tesoro
po sos bennidores de s’Umanidade.
lnditammus a mannos e minores
su sensu bonu de custa limba sarda
iscriende intas pacu o a ora tarda
su suntu ch’est mancau in custa era
trocchimulos in zusta camminera
po torrare a connoscher sor valores.
Coronade custa terra ammajadora
faghide donu mannu a sa natura
po la render prus bella prus madura
intrade a mesu ‘e coro a l’istudare
su limbazzu de poder tramandare
canticos de poesia incantadora.
Poetas sardignolos de custa Terra
chi currides che frummene a su mare
in tempestas de entu po chircare
cuddas grobes bellas e profundas
chi las trozican a moda ‘e zertas undas
e las tinghen de paghe non de gherra.
lscrittos distimonzos de Sardigna
ispianana s’istrada chi sighimmus
camminande in cust’era e resessimmus
a trozicare in poddiches sa pinna.
Pag. 20
A TOMMASU ONOFRI de Giorgio Garau
Sa vida t’hat leadu su balente,
in edade tenera e minore,
in d’una notte abbuerada e fritta,
rapidu dae sa manu malaitta,
de mamma no intenniasa su calore,
e babbu, muttias inutilmente,
ispero chi no appese suffridu,
o Anghelu a ogos che i su mare
interradu senza mancu mantu,
ca, ispezzadu an cussu bellu cantu,
ispezzadu an su bellu giogare,
ispezzadu an cussu bellu nidu,
drommi pizzinnu, drommi in sas istellas,
in pizzu de sas nubes, culladu dae sa luna
in mànu a su Divinu Creatore,
ses arribadu cun tottu s’isplendore
e, t’han collocadu in sa prus bella duna,
cantadu dae sas animas prus bellas,
isa sos giogos chi asa disigiadu
curre in sas nues, e ola che istore
paris, cun atteros Anghelos minores,
ca in s’arcu ‘e chelu formaisi sos colores.
T’arribed unu basu cun amore
Tommasu pizzinnu isfortunadu
Pag. 21
A TONARA SU MEU SENTIMENTU de Giovanni Andrea Zucconi
A Tonara su meu sentimentu
l’isprimo cun istima dae coro
pro Peppinu su nobile tesoro
funtana de poeticu talentu
poeta illustre de su Gennargentu
fizzu de sa provincia de Nuoro
mastru c’ha’ meritadu s’albo d’oro
meritat ogni giustu complimentu
custu veru fizzu de s’Elicona
e’ gia’ chentusett’annos ch’est assente
dae sa nobile vida matrona
pro su populu sardu e’ presente
adornadu d’una irde corona
intrecciada de laru fiorente
de Mereu s’illustre musa rara
restat vivente pro s’eternidade
si sos versos affundu valutade
analizzade totus su chi narat
osservade su sensu chi declarat
cun sentimentu de abilidade
aggiunghide sa nobile bontade
c’at dadu custu fizzu de Tonara
Tonara, mama vera de Mereu
mastru de sa poetica cultura
immune dae macchia de neu
impressa restat sa sua figura
dotada de affettu cun recreu
pro s’epoca presente e futura
Pag. 22
A UN’AMIGU TZEGU de Carmelo Sulis
Mai! Severa cundanna hat dadu Corte,
chi si siat in terra riunida,
unu a esser mortu pro sa vida
e biu a esser solu pro sa morte ...
Tottu pro curpa de un’amara sorte
chi as tentu contros accanida.
O Giuanni ti prego d’esser forte
pro supportare serenu s’isfida.
Pro cessare accoitu custu tortu
seo preganno su coro e Gesusu
e prego semper’a nostra Signora.
C’a esser gasi est peus d’esser mortu
ma sos mortos non devent morrer prusu
mentres chi tue morrer dese ancora.
Pag. 23
A ZIU PEPPINU MEREU SU POETA de Antonio Serra
A ‘Ziu Peppinu Mereu su Poèta
Deu nci tengu de siddu rigordai:
Po su cantu cun rima perfètta
Ki’a is Sardus sat boffiu lassai.
E‘ sa Sardigna ddi rendid’onori
Oi ‘Amendiddu ‘po fillu dilettu;
Prusu Tonara ddi tenit amori
Cun prinzipiu de Maternu affettu.
È ‘ Galusè sa boxi ‘indi ‘estendidi
De candu issu s’Acua ddi cantàda:
Issa su sensu beni ‘cumprendidi
Ripassendiddi cudda’ serenada.
Po dd ‘iscaresci s’antiga tristura
È ‘sa pena de candu ddu biada:
Torrendi ‘mali foras ‘de misura
Po ‘sa ‘maladia k ‘issu teniada.
Ma de cantai non si fiat firmau
Mancu ca sa morti portad ‘ananti;
E’ a’unu bratzu ca ddi’ad‘afferrau
Si’ diffendiada ‘ke’ unu Giganti.
Incantendidda cunin sa poesia
Fadend‘ a modu de non si cunfundi:
Si mostrà prenu de’ bell ‘allegria
Issu ‘a s’appèllu po pod’arrespundi.
Pag. 24
ABA DE MAIU de Paola Ibba Miscali
Est proinde,
àfines proede.
Una ucada de aba,
pro sa campagna sidia.
Su maiu froriu,
cuddu de sos amentos meos
de pizzinnia,
est zai ingroghidu;
comente sos ortos et sas campuras,
comente sas coronas de cagaranzu
chi teniamos in sas manos;
giughindelas de domo in domo,
de un’ighinadu a s’ateru.
Cando sa jenna s’aperiat
Cantiamos sa canzone a Maimone:
“aba cheret su laore,
aba cheret su sicau,
Deus siat laudadu”.
Et a su manzanu chitzo
S’intendiat sa pregadoria
De sas feminas et omines
Chi cun fide sinzera
Sighiant sa protzessione
Pro beneigher sos campos.
Et oe. . .no pius Maimone,
no pius Rogaziones de maiu.
Zente sidia invocat:
Una ucada de aba, lughida sinzera
Pro sanare sos males de sa terra.
Pag. 25
ADIOSU AMIGOS ADIOSU de Francesco Angioni
Adiosu amigos adiosu,
no sezzo piùs intre a bois
in su piùghere de sa carrela,
lasso su calore de su fogu
pro sa lughe fritta de sas istellas.
Sos cantos mi sìghin, ammentos
de pizzinnìa tzega,
happo giradu s’ultimu cuzone de su mundu
pèrdidu in sa lughe
de sa ‘ia oscura.
Fia cun a bois hoe
so cun a bois hèris,
s’abba iscavat su piùghere
cancellat sos sìgnos de s’umbra mia
niunu ìschit in ue mi incamino.
Su destinu comente su ‘entu
frantumat in rena
sas roccas de sa vida
e su ‘entu si segat in alènos
comente sos destinos humanos,
movo gherra a s’universu
su grande sambènadu
de su ripudio humanu
tremat a sos tres toccos
de su coro pulsante de sos frades
happo regoltu sa ‘este de sos antenados
m’affiànzat su corpus protettiva
dae sos fendentes de su destinu humanu,
cun issa prego in anti a s’iscala
in anti a sa cascada, in anti a su sepulcru
herede de antenados infeschìdos
comente frizzas in sa memoria,
perunu isparu de cannone hat a sighire sa morte mia
perunu piantu de fèmina hat a sighire sa morte mia
solu sa ‘este candida hat a covaccare sa cara mia.
Adiosu amigos adiosu
dae a mie infidele de sos sonnios bostros
pinto de azzurro sos sonnios mios
tracciende rigas de sàmbene
rituale, in su silenziosu rùere de sos feticcios
creschet s’àrvure de sa fratellanzia
e subra ‘e sos rattos brincat su leopardu
maculadu, salmodiende preghieras
in su notte istelladu,
silenziosu inquilinu de su nudda.
Pag. 26
AMENTOS de Basilio IIio Deidda
Peppe Mereu, su poeta e rima
De cussos de disprezzu e de amore
A sa musa at dad’affett’ e istima
Cantende cun su versu ‘e pecadore
Fit sempre contra, a sa tirannia
Giovanu ma sufrinde, cun dolore
In cuddos annos, de sa giovania
Improvvisende, cun poetas mannos
Fattend’isfida, a sa maladia
Contr’a s’erricu de falsos ingannos
Chi fit egoista e prepotente
Fattende solu dannos supra dannos
Trattaiat s’oziosu, su delinquente
Che una cane fea mossidora
A custu male fit sufferente
Sa limba fit furcada che colora
S’in logu issu bidiat diffettos
Poniat lega onz’una umiliadora
Chistionos cuddos, pius imperfettos
Contr’a cresia e su bigotismu
Pro mala sorte non daiat rispettos
No accettaiat sa dotte ‘e fanatismu
Sempre cheriat esser libertinu
Non che ai cuddos pienos d’egoismu
A s’operaiu li fit vicinu
In su tempus de sa padronanza
D’onzi traitore li fit unu cainu
Contr’a chie usaiat arroganza
Ma poetende, pienu ‘e talentu
Che cane lu teniat a distanza
Anima chi aiat sentimentu
A Tonara at dadu ment’e coro
In d’onzi ora, in d’onzi momentu
Custos fizos ti braman che tesoro
Sias continu ancora de guida
Ti faghen su retrattu cun decoro
Chi Tonara siet semper unida
Cun affettu ti pottat amentare
Animosu tue lo des cunfortare
Cun bramosia dae s’atera vida.
Pag. 27
AMENTOS CHI SUNT GHIA de Giovanni Antioco Mura
Cantigos istuzados in s’ amentu
ghiant intro fitianu caminu,
istiga segura a onzi mischinu
bortant netzessidade in nobilesa,
faghent estrosa fintzas poberesa
prapande su dolore ‘e patimentu.
Poetande ti ses ziradu in tundu
apuntadu cun atrividos bentos,
messazeris de bisonzu e lamentos,
ingiustitzia foras de mesura,
nos amentas chi donzi criadura
gosare depet dultzuras in mundu.
Rimas intessent innidos talentos
parent utios de friscu lentore,
brincant selenas fiore in fiore
ninnadas dae allirgas mariposas,
comente antigas mitzas budantzosas
faghent sentidos fraile ‘e imbentos.
Istasones amenas imprentadas
in s’intragna de buscos e trainos,
si mentovant che terrenos ighinos
crocolande muinant in funtanas,
annestriant istrobosas matanas
cantande impare cun boghes torradas.
A manzanile movinde in padente
s’atopant bivos sonos e colòres,
dechidos rajos de friscos arbòres
nos dant sos menzus afficos de vida,
nobilitant prodizosa arbeschida
estrosos versos in ischida mente.
Cun s’inditu ‘e disizadu iscrariu
mudas in poesia àndala umana,
impitande voluntade galana
ispricas cun sa limba decorosa,
e si faghet sienda allibregosa,
cabizande mindigu lunariu.
Tue s’isteddu giaru ‘e firmamentu
a frades sardos amustras ficada,
discantzas sa traballosa torrada
a terras cun isperas in fiore,
crescant sustentas da crispu suore
irdes pandelas subra Gennargentu.
Pag. 28
AMENTU E SOS SENTIDOS de Mario Serafino Pronteddu
Sentidos de una borta,
C’azis lassadu in su coro una trassa,
Iscanzada una porta,
E mesu prena cuss’umile tassa,
Sonnos de pizinnia,
E casteddoso in artu solu ebbia.
Fini nieddos brundos,
Durches amenos e sentimentosos,
Misteriosos profundos,
Ranchidoso e abortasa ispinosos,
Mudicoso e arcanos,
Chene resone chin modoso istranos.
Fistisi a s’arveschida,
De cust’andala longa e tortuosa,
Mi pariada in creschida,
E a cada passu sempres menzus cosa,
Imbezes pacu bene,
Fit tottu illusione tene tene.
Ma jeo risulanu,
Intas gasi sighidu hapo su contu,
E chi su coro in manu,
Mi so prestadu a donnia cunfrontu,
In sa confusione,
Fipi sicuru de tenner reione.
Za mais presentadu,
Semenes chi su campu sanu hat rodiu,
Non bos’ hapo lassadu,
A mi cunvincher a sa vendetta a s’odiu,
Ca cussu sentimentu,
L’hapo aborridu in cada momentu.
Fattu hapo una fasche,
De cussa sida de arvore galanu,
Pro minde pode pasche,
In’Attonzu, in Ierru e in Beranu,
Ca tando poto murche,
A ispruma, cando sa linna est durche.
Como as’ iscuricada,
De custa vida ites chi hapa fache?
Collo apare s’intrada,
De affettu, de amore e Santa pache,
Son cussos sos sentidos,
Chi mi sone abarrados sempre ischidos.
Pag. 29
AMMENTOS DE PIPIA de Carmela Carboni
Candu fia pipia,
si biviat in carrèlla.
Non naiaus tittìa
fiat una cosa bella.
A cùrriaus a muntòne
immentanno onnia giogu,
senza nudda cun amore
e sa notte cara a fogu.
Essinn’a Arasulè,
a camminu de Coa’igna,
arribaiaus a mèè mèè,
gioganno a coilla.
Da e Catzolaghedu
finzes a Pratza manna
una ghenga de fedu
e nemmos a una banna.
Sa campagna coltivada
fud’ a cropos de marrone,
chi s’annada fiat mala
po nudda su sudore.
A boddire sa linzola
poi sa castagna,
a mignanu a iscola
a merie in campagna.
Est tottu cambiau
cun sa televisione.
Su tempus est passau
sunt figgios de segnore.
Non ischint immentare
tenent ogni cuntentu,
si ponent a giogare
timent finzas su bentu.
Is pipìos de como
non tenent libertade
prus de sa enna de domo
non si podent allontanare.
M’est benia tristura
passanno in Camineddu
est creschìa sa verdura
non passàt prus pizzoccheddu.
Passaos funti barantannos
da-e canno seo emmigrada,
ma is prus bellos annos
ddos’appo passaos in Tonara.
Pag. 30
AMMENTOS .... PO UN’ ISTRINA de Franchisca Sanna
Torrau m’ est a conca su trumentu
de un antigu amadu disizu
in custa die m’est fintzas fastizu
ne lasso de penzare unu momentu.
Isteddos lughentes chentu e chentu
happo in mente, nottes de passizu...
cando in zoventude cun assentu
tenia sos sonettes a manizu.
Luego.... sa rima mia po Peppinu
bolat ca de sa limba est cultore
istimadu oe m’ hat zucau sa vena.
“O gentile Tonara” a boghe prena
vantas una pandela, unu fiore
ch’in Sardigna est incantu ‘e giardinu.
Pag. 31
ARREGODOS de Giorgio Garau
De s’infanzia, chi no ha nostalgia,
momentos bellos, tengo in sa mente,
sa vida, fiat gioiosa e colorida,
e su calore intennias in sa gente,
i giogos cun oppares e cumpagnos,
su luna monte, e su caddigaddone,
s’amicizia, su cummidu po is istragnos,
sa cadenzada murra in s’istradone,
festas organizadas dae artistas,
cun tradiziones puras e genuinas,
s’isprìgada in sas funtanas friscas,
cun sos cantos de i bezzos a battorina,
sa cursa de is saccos, e a molente,
i fortese attaccaos in s’ilione,
cussos soddos, po sa festa da is parentes,
s’abilidade de arzare a su pinnone,
cun tirolla, e de linna i fosìles,
giraiaus a tottu die sa foresta,
cun frades, amigos e fradiles,
fiat sempe motivu de fae’ festa,
calaiaus in sa zona de Contonera,
po coccoro, e linzola a iscuttulare,
sa bellesa fiat su biede sa corriera,
e sas trumbas si faianta ammacchiare,
in sa brasa de sa giminera,
coianta patata cun chinisu,
brusada, crua o in attera manera,
non no si faiat perunu crisu,
a muccu, iscurzos in onnia corruncone,
cun caddos de sammuccu e arresoias,
faiaus linna po su foghillone,
e iscolaiaus is tassas in is coias,
su bene de is animas, in sa idda,
fiad unu momentu de allegria,
su pischeponte, paris cun s’anguidda,
orrostinno ogaiat profumu de magia,
giogaiaus a settemesu in sa muredda,
faiaus timmede i feminas a lenzolu,
annaiaus, cun mazzuccos e a padedda,
po assucconare cun sa lantria chie fu solu,
Pag. 32
s’amicizia fiad una cosa sentia,
e sa forza faiad in s’unione
de s’amigu mai si faiad ispia,
megnu surra, chi calare in cunfessione,
sa purzigada pigaiada a pappignu,
ma i nioso, fianta sa nosta passione,
s’appartaiaus po fumare ilighignu,
e cun s’icicla calaiaus a s’istazione,
fiaus chenza rivistas e giornales,
chenza giogos cun sa tecnologia,
su rispettu tenìaus poi is animales,
s’aquilone ddu faiaus de iscraria,
po su pane cheliausu a ddu essere,
po abbarrare sa notte senza ormire,
e po biede su mignanu abreschede,
po is istorias de i bezzasa ischire,
sempe mi faiad impressione,
canno, po bisognu familiare,
ozzidiant su proccu o s’agnone,
cun ordine de ddue presenziare,
cuss’iscriulu mai mi seo iscordau,
de sa bestia, po s’agonia e s’affezione,
ma Babbu m’aiad insegnau,
sa differenzia tra bisogniu e commozione,
e ddos at sostituios custa sociedade,
cun orecchinos, e piloso a rasu,
cussos pippios senza malignidade
iscurzos, cun su muccu in su nasu,
e a custos bellos giovanos de commo,
chergio narre cun tonu decisu,
ca is tempos de santu sezzinnommo,
bos’auguro de ddo biere in d’unu isu,
cantu fia bella nonna cun su fusu,
is istorias de nonnu, e po finire
chi dae su nostu bellu Montesusu
cussos tempos torrent a frorire.
Pag. 33
ARRUMÒRIU DE MARI de Tianni Mascia
Em’a preferri s’arremòriu de su mari
a-i custu aboxinai atrupelliau
de cust’umanidadi stramancada.
Em’a preferri su sciampullai de s’unda
e su fragu de su sali de is cius bècius
a-i custa cursa de cust’òmini avolotadu
chi andat e andat sen”e sciri aundi andai.
Ma imoi, su chi m’aturat de sa dia, est calincuna
pimpirina arrubiasta de su soli chi a pagu a pagu
si ndi andat a dromiri e spraxit a ingìriu
is primas umbras de su mantu nieddu de su noti.
Calincunu lampu a luxi de luna, in s’interis, carinniat
is pentzamentus lèbius de is ogus chi mirant atesu.
Su chi aturat de custa vida sunt is sonus ermosus
de is arregordus de follas de esistèntzia
arrutas e torradas a nasci a su ritmu de su tempus
chi bandat e benit sen”e tempus in is arrastus
de su prexu e de su dolori chi s’at laniadu s’ànima.
I est custa temporada chi arremolinat in is intrànnias,
chi si fait naigai faci a terras de atesu pispisendi
paràulas de sonu sulenu aundi s’unda si nd’andat aillargu.
Pag. 34
BARBAGIA de Raffaele Piras
Allonghiant bratzus a celu is suèrgius;
didus de folla cìrcant de ddu frisiai
e intèndis ca ddu tòcant candu trinnint.
De su letu de is cristas amajàdas
de su nuscu arèsti, in sa bìlla
notùrna intendu in cara
su pruìni de is steddus, Barbagia,
‘Nci aciùvat su sentìdu
in su firmaméntu chi obérit
paginas ìnnidas a s’anima
speddiòsa. Manus bìrdis
aguàntant scivèddas di acua
innui sa luna sprigat
sa magestàdi. Est beranu!
Bùddis de nuscus e innus
di amori, terra de martìriu
e dolori. Emotzioni di allogai
ti mirai a sa primu scidàda
e ascurtai su pispisiu chi
crèscit. Ses artari candu
sa nea ‘ndi pèsat su doséliu;
pendèntis de prata
is ispèndulas, cannàca donnia
arriu. Ecisèris is montis chi
ascùrtant su cantu de is fillus.
Luègu s’hat a lassai beranu
e a su saludu chi s’hat a fai
sainèndi bandèras de circhiòlla,
heus a respundi pesendindi
cun pena crescènti is nostas
téssias cun chirriòlus de lana
chi cresùris strupiàdas
e brunchiònis annieddigàus
sighint a ‘nd’arrancai a is tàllus.
Pag. 35
BELLA SE BELLA SARDA de Basilio Sardi
Bella se bella sarda se poesia
su sardu e cuntentu custu coro
in sa idda de Tonara tesoro
In sos martires de Fonne de nia
che brinchende su crabolu moro
Totu su coro pare cun Maria
in Teulada de Marchesa bia
che totu sa natura cun sa dia
Pag. 36
BEN’ARRIBAU BERANU de Antonio Lampis
In su Celu limpidu
cumentzant a si bidi
is primas rundineddas
chi bolant cantendu
s’innu a su Beranu.
In sa ia prena de luxi
e de coloris giogant
cuntentus is pipius
currendu e tzerriendu.
De is fantanas e portas abertas
po intrai s’aria pura
e profumada de Beranu
s’intendidi sa boxi biada
de picciocas cantendi prexiadasa
sa cantzoni po s’amori
chi ant sognau e disixau.
In su stradoi
e me is prazzas
passillant copias
de picciocus e picciocas
arriendu e scherzendu
po nci passai s’ora
in su sobi chi cumintzada a calentai.
Me is sedilis de donnia prazza
pensionaus, operaius e mandronis
si pigant su sobi
fueddendu de su passau
prenu de treballu
e de su presenti pagu seguru.
Me is mureddas de medas domus
feminas de donnia edadi
pigant sa friscura
oras e oras arrexonandu
e, ....... . critichendu
Ben’arrìbau Beranu!
In tui cantu sa natura
floria e profumada
cumenti una bella piccioca
bistia a festa e pronta a sposai!
Pag. 37
BIDDESI DI DEU di Giovanna Maria Mela
Biddesi di Deu
Sò li monti d’Aggju
Fatti da un Saggju
O liscigati da li mani.
Commu sò falati
Cussì sò imbarati
Piddendi folmi strani
D’olchi e d’animali
Di mostri e di passoni,
Opuru cullucati
Cu impegnu e cu intinzioni
Pa esse ammirati
Da tutti li stasgioni.
Biddesa di Deu
È la ‘addi undi sogh’eu
Biddesa da incantu
Igniriata da li sarri,
Allisgiata da lu soli
Da lu mari e da lu zelu,
Visioni di culori
Ch’indorani li tarri
E scitani l’amori.
Biddesi di paeseddi
Nati e sistimmati
Che farri di cabaddi
Da lu riu Mannu siparati
E da lu mari bè liati.
Biddesa di Deu
È lu mari chi vigh’eu
Sia ‘ppazatu o arrabbiatu
Millu zilcu, e mi sulleu
D’agattallu dugna dì
Sempri beddu e maraigliosu
Sempri immensu e sempri ghì
Comm’è un ammigu primmurosu.
Biddesa di Deu
È tutta la natura!
È lu mundu ‘ntreu!
È cantu zi stogh’eu
un bicculeddu... è puru meu!
Pag. 38
BULIONE DE SU TEMPUS de Stefano Arru
Che tronos intro de note
m’istragant ammentos segacoro
de dies d’anneu
in su trobogiu de sentidos.
Assurvilat sa temporada
a furridas de bentos d’antigorios
imbefende su dolore meu
. .trevucu.
Mi tocheddant in coro
sos batimos iscasciados
a s’atitidu disapiedosu
tzacadu in meragnas.
Onzi fibbra de carena
tremet
bidinde pessighinde lampos
chi calpint sos atomos de s’anima
in abbolotu molionosu.
. . .che araganu.
Apo bisonzu de a tie, columba mia dechida!
Disizo sos carignos tuos de una ia,
daghi m’atataias de lughe
a risitu in laras de perdonu,
sena cundenna.
Fiat bastante una memula a s’iscusia
e s’intumbu de boghe consoladora
a solovrare s’iscuru,
sende chi manu bulutina
isvrisciaiat sa cara mia de fogu,
batimosa de amore.
Oe, in su bulione de su tempus,
a bia de s’asseliu
faghem’intopare
su cuncordu diligu...
. . .de custa vida fuidita.
Pag. 39
CAMINERA DE NÌ de Roberto Mura
Naramì eub’est chi andas,
caminera bianca che isposa:
eub’est chi giumpas, eub’est chi sartas?
Naramiddu imoi, prima chi ‘eti passu
piberedda ‘e frocus a costau ‘e Piss”e Arci:
eub’est chi tiras?
Tiras conca a su padenti mannu,
anca abòxinat pistendusì su petus
notis intreas
s’ùmbra traixa ‘e Donna Gavianu
torrobbada e bocìa cun sa neta
in su tzilleri ‘e prassa ‘e crésia?
O nci sartas bia a sa perda ‘e Perandria,
poeta maladitu
frastimau ‘e predi Cauli bruxu
po nd’àiri denuntziau
usuria, trassas e furas?
O m’as a condùsiri a domu ‘e is tres mamas
chi m’ant ‘onau sinu
candu babbu m’at furriau is palas
in s’atòngiu chi mi narànt:
‘Fillu ‘e sa strada’?
Naramiddu, caminera nebidosa,
srucu arbu in terra perdosa,
benidori malassortau ‘e masconi tristu:
cal’est sa tanca chi t’acollit?
No at essi s’Assa ‘e s”aca maca,
eub’iat torrau s’ànima a Deus
‘su frori miu stimau’
atitau a iscracallus cent’annus
de sa pobidda intiauleddada
chi imbesturàt supa cun ciorbeddu ‘e arrana?
O no as a lompi finas a su nieddu niu
anca prangiat che crabiola
Crescentina Maròngiu
‘nin fasca e nin liòngiu
e nimancu lantzada
de s’àbbila liada?’
Pag. 40
Naramiddu, caminera ‘e nì,
in cali tretu t’as a impiticai
in cali scala mala nc’as a aviai.
in cali tacu ne’ as a ferri
cal’erriu as a truessai,
cali perdas as a ingiriai
cali cùcuru, cali forada, cali serra,
cali sedda, cali pala, cali bruncu, cali costa,
cali funtana as a saludai
e cal’òmini ap’a essi ‘eu
chi t’ap’a segudai?
Naramiddu, in cust’ierru fridu ‘e giovunesa
anca su mundu manniosu mi spudat ispina
m’istochìgiat cuntentu cun fridu ferru
m’umìliat erriendu cun is peus basciuras
m’ofendit cun tellas chi mi spessant coru,
ànima, voluntadi, mirada, sùlidu.
E naramì chi ap’a connosci
un’atra ‘orta cerexa aresti,
pustis custa trumenta chi t’at mudadu sa cara.
Naramiddu, caminera de nì,
imoi chi pei apu ‘etau in sa peddi tua,
chi de nou ap’a biri frocus de erba frisca
e mariposas andendu lébias
che bàsidus de pipius,
che abba curridora de piscina in piscina.
Naramiddu, caminera de is sonnus,
chi sa memòria de custus passus,
at abbarrai che arrastu
po sa genti mia,
po chi m’agatit in calechisiat gruta,
in calechisiat barraca m’ap’a arretirai,
in arrexonis cun Deus,
cun su tempus, cun sa fromiga,
cun su fogu, cun is umbras de una fida
chi s’est ‘elada che merrulleri
e chi timu si ndi spicighit
a su prim’ùrrulu de su ‘entu margiani.
Pag. 41
CAMINERAS DE LUGHE de Mario Portas
Lughes arghentadas,
riflessos rosados,
plausos e ammiros
carignan s’albòre.
Innos suaves resonan
a laudare su manzanu.
Est vanu s’istare
a sa muda addainantis
a una visione fughente
chi magnificat su coro.
Paristorias de deris
e sonnios de hòe
si persighin cun s intentu
de s’aunìre
cun su divagu
de sa irde caminera
de sa gioventude.
Boghes noales,
isterrin anelos
e cantigos de amore
ch’istudan
alenos de iscunfortu
e de flebile ispera.
S’eternu mudìne
ch’inserrat affannos,
isguttan lagrimas
de consolu cando
da’ sas nues fuscas
s’istratzat su velu
chi oscurat
unu chelu selestru.
Su piantu
est fruttuosu.
in sa tratta ‘e sa vida,
cando su superbu
s’ingrusciat ammutìdu
e sighit s’irmìna
clara de sas istellas
chi si giughen fattu
caminèras de lughe.
Pag. 42
CANDO de Giangavino Vasco
Signalada - Versos in rima
Sempre piùs attesu est s’oriente,
ube s’albòre at bidu custa vida;
sa menzus muta como ch’est fuida,
su tempus l’at ingulta in su passadu.
E chirco su chi m’apo ismentigadu,
in mesu ‘e sos fastizos de sa mente.
E bio chi s’atzendet in su coro
sa lughe de sa mia pitzinnìa,
cando tenia tottu e nudda ischìa
de su piantu chi sighit su risu;
cando bi fin inferru e paradisu;
cando po mamma fia prenda ‘e oro.
Cando su sole m’accumpanzaiat,
in camineras longas, a su chelu,
fattu ‘e su primu amore, cun s’anelu
de’ cussos primos tòcchidos de coro.
Cando sa vida, tott’‘estida ‘e oro,
solu sas dies bonas mustraiat.
Ma cussos benes chi tenìa tando,
ch’in pagu logu deo regollìa,
inghiriadu solu ‘e armonia,
cherìo ischire inube sun finidos;
sun in su tempus issos isvanidos
e su puite ancora mi dimando.
Cando sos annos colan e si creschet,
cumparet, custu mundu, differente,
e pagu logu abbarrat in sa mente
po disizos e bisos de chimeras.
E ruen in su nudda sas isperas
chi nàschen che fiores cando abbreschet.
A passu istraccu, in s’àndala ‘e sa vida,
chi mustrat onzi die mudas noas,
si puru gosos mannos prùs non proas,
sighis cussu caminu a cattigare,
fattu ‘e s’ispera etza ‘e agattare
calchi avansu de vida già godida.
Pag. 43
CANTOS PISCHES E ABBAS de Santinu Marteddu
Un ‘ammacchiu ‘e rosas e gravellos
profumat su “Rosariu “, e prus in artu,
in su chelu serenu, a bolu ispartu,
columbas bellas, biancas, lizeras,
annuntzian incantadas primaveras
pro custos caros isposos novellos.
Ma cantu est pius mannu s’isprendore
de ambos duos “Gigetto “ e Chiara,
felizidade lis ridet in cara
cando s’avanzan, fiancos a pare,
a s’altare mazore a si zurare
sas eternas promissas de amore.
E canta braga e canta galania
mustrat sa zoventura ‘e Siniscola,
e a sos de Oroteddi sola sola
lis andat s’anca a passos de grandesa,
in sos ocros lis lampat fieresa
che sos balentes de sa zente mia.
E canta Fide in Luchia e Giovanna
in sos istantes chi, a tremulia,
che mamas santas d’un ‘atera ‘ia,
sinnan sos fizos pro chi su Sennore
los pompiet tota vida chin amore,
che amicos ch ‘isettas in sa janna.
Lacrimas tundas lis falat a rios
in sa solennidade ‘e sos momentos,
cando su riu mannu ‘e sos ammentos
aundat coros e torran in mente
immazines de chie ‘nd’est assente
de sos chi sunu in Chelu. . . e de sos bios
Cuntentu che una Pasca, sentz’anneu,
millulu a Franziscu galu in brios,
e mannois, mannais chin sos tios
de ambas biddas, de ambas erentzias,
e millulu, in su lettu ‘e suferentzias,
a Marieddu... pesandesi reu!
E cando “Chiricheddu” a boche netta
los dichiarat maridu e muzere
lacrimas de durcura e piachere
ispuntan in sos chizos de sas mamas,
tando versos d’amore, che fiamas,
essin dae su coro ‘e su poeta:
Pag. 44
“Cantos pisches e abbas b ‘at in mare
e cantos astros pintan sa tiaza
de s’infinidu “Caminu ‘e sa paza “,
apan benes chi apachen sos disizos,
ne umbras de dolore e ne fastizos
connoscan in s ‘issoro caminare.
E apan fizos mascros a zuzzinas,
sanos che pische e bellos che isteddos,
pro chi sa ratza antica ‘e sos “Marteddos”
chin sambene ‘e sos “Monnes” in sas benas,
s’ispargat in totue cantas renas
b ‘at in sos lidos de custas marinas.
E Tue, mama ‘e Deus, resta acanta,
vizile sentinella, a sos isposos
e guida los in sos aventurosos
caminos de sa vida a largos annos,
finas a si dormire, a betzos mannos,
in bratzos tuos e in pache santa.
Pag. 45
CANTU MI COSTAT de Teresina Secci
Cantu mi costat
a ti lassai andai
o dì!
T’indi ‘andas
lassendumi
is arregodus.
e candu torras,
chene mi connosci;
in su petus
mi lassas
penas dolorosas.
Torras donnia dì
a sonus de cadenas;
ti cuas
a palas de is montis;
no ti fazzu sezzi acanta!
Ma ti ‘ongu:
su prantu,
is sonnus tristus
po ‘ndi-ddus ingolli cun tui.
O!dì
torra cun brexu!
Béti cosas bellas
e traganci is malas!
Sciacuaddas
in s’erriu
aundi ‘andas
a dromiri.
Pag. 46
CARU PEPPINU de Benigno Casula
Caru Peppinu
custu es su modu
cun su cantu
a ti faer’arregodu
deo puru de te
a momentu
cun su cantu
ne fazz’amentu
ca sas tuas bellas
e caras poesias
restana vivas
in mente mia
a tie Melpomene
Talia e Tersicore
t’an dadu s’estru
de cantadore
tue cantaiasa
da’ piticu
cun is cumpagnoso
furrianno su cricu
dae Funtana idda
a su Forreddu
cantaiasa gioganno
a “peincareddu”
in sa tua pizzinnia
a s’ispensierada
in malinconia
ses mudada
A s’ora sa vida
sa porta t’aperi
po s’ingressu
a is carabineris
Ti faghes unu
Amigu corale
Su carissimu
Eugeniu Unale
Eugeniu de cantare
hat puru brama
E cun issu tesseis
Sa poetica brama
Pag. 47
Su tempus passàsa
Cantanno goi e gai
Che rusignolu
In su riu e Briai
De Antonangela
In su mulinu
Cambiada a s’ora
Su tou destinu
A Tonara torrasa
De male aflitu
E inue sighisi
Su tou abitu
Andasa a Galusè
Po ti rinfrescare
E sa funtana
Ti faghe cantare
Tue cantanno
Ne logras gosu
In cussu amenu
Logu deliziosu
Cantaias po lenire
sas penas
Cantaìas sempere
A mente serena
Sa parca ingrata
Fit po s’accostare
Ma tue sighias
Ancor’a cantare
In coro tou
A Nanneddu meu
affidas s’anima
a s’or’a Deu
Lassas Tonara
Caru tesoro
ma iss’a tie
Semper in coro
Pag. 48
CHELU E TERRA de Gonario Carta Brocca
Est tot’iscontza dae su prudicore
sa vitura luchente ‘e pitzinnìa:
sa chi sonniande premios de poesia
non timiat cardana ne astraore.
Sa chi fachiat a bolu sas carreras
in donnia punt’e logu ‘e sa Sardinna
carrande sas incunzas de sa pinna
chi de prata e de oro fin bragheras.
Sas promintas de vida accaenturadas
macchin’e mere paren amentande
ma sas visiones si son istramande
tra medallas e copas ruinzadas.
Totu m’apo gastadu, ocros e coro,
in milli anzelios de sa veridade;
pazinas de zustissia e libertade
d’illusiones aorrande unu tesoro.
Com’est pasande cudda chirca manna
de paraulas e sonos e sentidos
chi paris chin sos annos son fuidos
a cudd’ala ‘e s’arcanu d’una janna.
Chi non bincana nudda e boidore
li dimando a su male de sa vida
ne mai arrumbet s’anima sidida
de s’arcanu fecundu de s’amore.
In andala astraada, solu solu,
cara a n-ue morit sole ando pianu;
pariat eris... s’eris est lontanu...
e su tempus leandemi est a bolu.
Mi Ieat a bolu chene m’iscapare
in sas arturas chene torradorzu.
In cale chelu, in cale s’iscusorzu?
In cal’isteddu amparu ap’acatare?
In su giardinu istranu de sa sorte
b’at unu frore che fele nuscosu
chi donni’omine rendet timorosu
in s’andata terribile ‘e sa morte.
A passu lentu sigo a avantare
tzertu chi su caminu at a finire
e finat pruere, famene e patire
in chelos inue totu an a pasare.
Pag. 49
CHENTUSETTANNOS de Giovanni Agus
Chentu sett’annos mortu est Mereu.
Su poeta chi hat tentu parte digna,
hat ingentilidu totta sa Sardigna,
e onoradu in su mundu intreu.
E finalmente sa sigunda rassigna,
naro già fit tempus pro contu meu.
De custas rassignas tropu lontanu,
e dae coro un’istrinta e manu.
Sa primu poesia in Sardigna(1450)
Si s’estru abbundidi forza tanta,
in sa suave e bella melodia,
poninde su versu in sintonia,
mi lu leo a risu e canta canta.
Antoni Canu sa suprema pianta,
de Tatari s’arcivescovo dat via,
su milli battros chentos e chimbanta,
in terra sarda sa primu poesia.
E prontu Gerolamu Araolla,
a riparare sa limba sardignola,
imponente fieru e gagliardu.
E d’improvvisu su scattu che molla,
eliminende sa limba spagnola,
e Araolla su primu mastru sardu.
Quasi seghentos annos fin’a como,
sa musa hamus in coro e in sinu,
approdada che unu donu divinu,
e d’ogn’istante deo la fentomo.
Ammento sas cantadas de sa domo,
e a lugh’e candela in butteghinu,
dae tando tantas cosas assomo,
sa poesia andende in declinu.
Ma da chi l’as in s’animu e coro,
mantenela s’antiga tradizione,
custa cultura in terra sarda digna.
Entusiasta ogni sarda persone,
milli grazias a su Logudoro,
de l’aere diffusa in Sardigna.
Pag. 50
Pro li dare fama e parte ona,
aturet in vigore sa poesia,
onorende sas musas d’Elicona,
Calliope Melpomene e Talia.
Apollo su re de sa mitologia,
de gloria hat tentu sa corona,
ma oe de Sardigna in d’ogni zona,
hamus una superba cumpagnia.
Avventureris sempre in viaggiu,
in custu mundu rendende onore,
isparghende in tot’ue bona fama.
Armoniosu s’insoro coraggiu,
evviva su sardu improvvisadore,
restet perenne luminosa fiamma.
Pag. 51
CH’ESSIT S’ATUNZU de Franco Piga
Ch’essit s’atunzu,
pro ch’intret s’ijerru
carrende dies cultzas,
e seros umbrosos
cun notes bentosas,
ch’istudan,
afianzende cun nues graes,
sos Iampizos tebios
de unu sole ingalenadu,
chentza fortza e istracu.
Est tando chi s’umidore
oramai padronu
in carrelas, in aposentos,
tocat ossos e carenas
de chie at bidu istios e beranos
e pregan,
pro chi nessi s’ultima istajone
batat paghe e, sian dulches
sos ultimos ticos de tempus,
chi brajas,
fizas de unu fogu istudadu,
e chi sa chijina carralzat,
non poden iscaldire.
Epuru, ancora aguantan
bisos, pensamentos,
disizos,
sos chi tenen raighinas
e non s’arrenden,
isetende dies solianas
ateras promissas,
un’ateru crasa.
Pag. 52
CHIRCHENDE RUOS de Piero Masala
Send’in campagna, pitzinnos minores,
babbu, assignaiat sas fainas
pro insinzare s’art’’e sos pastores,
cando b’aiat ‘e prender fascinas
mandaiat a mie e Ico frade
a chircare in sas tancas bighinas
ruos longoso e de calidade.
Lu truncaimis dae fundamentu
fora s’ispina, cun abilidade
foscigaimis pro lu fagher lentu,
daghi pronta una bona manada
recuimis e, isse fit cuntentu
e, chircaimis linna pro s’intrada.
Tando s’econumia già fit bascia
e-i sa vida fit sacrificada
ca pagos soddos b’aiat in cascia;
si pagaiat puru su dutore
e ogni maladia fit disgrascia:
pius no bastaiat su suore.
E babbu rueit malaìdu,
cussu ‘inari ‘e trabagliadore
peri sos ispidales ches finidu;
poi de bator annos ‘e patire
su tristu male che l’at consumidu.
Nois, comente fagher chena ischire
amus sighidu a segare ruos
e prender linna pro nos iscaldire
ca sos mannitos fimis nois duos.
Cantu isprecu chi si faghet como,
no che tando in cussos tempos cruos:
medas fin chena pane intro ‘e domo.
Pag. 53
COMU COLBI DI MARI de Gianfranco Garrucciu
Segunnu premiu – Versos liberos
Colbi di mari
infàtt’a lu bastimentu
a urruli si calani
in cilca di pruenda.
L‘unda sciumosa
n ‘aggala gjugna bè
di lu ch’avanza ‘nnuttili
a la ciulma.
E si bitticcani furiosi
illi malcati griffi
undi la carri è dilica
ed è via
chi li sfidiati crami
so di la fami
rasgioni a no murì.
Di cantu dura, spotticu
fu ‘iagqju
tra middi boli
campati in malpassà
tantu s’attendi
chi in chissa bianca scia
bundanti s’abblumia
la pastura...
sì ch’è disiciu ‘anu
è disisperu...
Gali so li carreri mei
in chistu tempu
undi v’à nai dorati
a attraissalli
chi a lu passà
no lacani illa scia
che caravudduli solu
o pocu d’accuddì...
e comu colbi di mari
l’omini
ani ‘ani boli
e innutili dirrami..
li crami. so
d’antica fami!
Pag. 54
CONZILLU A UN’AMIGU de Erminio Sau
Signalada – Versos in tonaresu
Su tempus de su gosu est accabau,
Toccat a tenner solu passienzia
Ibetanno de Cristos sa clemenzia
Po poder gasi biere ogni annu
Rinnovada sa vida chenza dannu
Tenenno in mente su tempus passau.
Bivere in armonia su presente,
chenza penzare a sa mala sorte
o a sa trista idea de sa morte,
deves, po ti mantenner’in salude
e iscoberrer ca cussa virtude
frisca e sana ti chistit sa mente.
No abarres a ne tenner gana:
cricca s’errisu in dogni momentu
si no issu si nn’annat cun su entu
e ddas in finis a criccar’invanu
po chi froriu siat su eranu
e siat frisca s’abba in sa funtana.
Istanne certu asi sa tristura
Allargu de seguru at abarrare
Ca non ti trobat tempus de penzare
A tott’is tribulìas de sa vida
C’abortas faent perder sa partida
Canno s’istrada ti paret segura
”Nammi, comente amosto su sorrisu
Canno chi porto in su coro su prantu?
Sol’e perdiu m’intenno in s’aguantu
De sa delusion’e custa fida
Chi a da biver’est un’attrivida:
istànne certu no est paradisu.
E cann’at arribare sa etzesa
Cun sa conca ne asi ne deosi
Po curpa de s’arteriscleròsi:
tanno si m’as a bier’errienno
e su momentu a pustisi pragnenno
chenz’arre tentu tortu ne offesa. “
Pag. 55
Car’amigu cun custos interrògos
Ses parennomi troppu pessimista.
Po biver megnus sias ottimista
No t’illarghes troppu cun sa mente:
cuntentàdi de su tempus presente,
non t’incamines in ateros logos.
Mira chi sa etzesa est unu donu
Chi medas non podent tenner’a vantu
C’annaos si nne funti a campusantu.
Po cussu tue, in dogni momentu
A Deu fae ringraziamentu
Prima chi ti mannet lampu tronu.
Pag. 56
CORU A IMPRESTIDU de Teresa Piredda Paoloni
Signalada – Versos liberos
Seu sola
mamai
a fueddai de tui
cun su chi asi lassau...
totu fragat de lau e dinnidàdi ofendia.
l’a bolli i-sparessi”
serrai
de prèssi
cust’aposentu
po non bivi” su trumentu
chi su pentzamentu ‘e tui
m’annùit torra
i’ venas de sa menti.
Mi se’ arrendia...
Proit a bentu e deu cantu
ma sa ‘oxi
est fogu a i-stesiadura
in sa friscura de sa temporàda istia.
Est tocàda a mimi
sa dronnidesa e-i sa maxia
de i-stesiai su dolori e pratzìri
in seti partis
su chi no at a srebìri
po t’arregodai...
Un ‘orta m’asi nau:
“Sa vida
est una manta fat ‘a nùu”
e po chi su coru m’èssit aguantau
apu pigau a impréstidu
su tùu
Pag. 57
CRUDA BERIDADE de Giuseppe Delogu
Oj’e donzi sero sos chintales
ispuntan in s’orizonte beneittos.
M’hapo sognadu fortunas e proffittos
choment’a Polo chi sos orientales.
Fabbrico farzos pro orizinales
de rellozos, cadenas, cordonittos.
Canno m’arrico manna sos imbittos
Papa, Santos, Prideros, Cardinales.
M’ischido, ma sa cruda beridade
so galu garrigad’a lud’e terra,
no ricchesa, ma misera pastura.
Credo non bastet mai s’onestade,
sos cumannantes no acan sa gherra,
no intenner prus pranghenne criadura.
Bi cheret una manna calidade
Pag. 58
CURRENTINA RETROGADA de Berteddu Craba
Da-e su destinu nissunu s’iscampada
pro cantu durad’e campad’ in su terrinu
nissunu s’iscampada da-e su destinu
pro cant’in su terrinu campad’ e durada.
Ca sa sorte mai ti assigurada
da-e sa naschida finas’a sa morte,
ca mai ti assigurada sa sorte
da-e sa morte finas’a sa naschida.
Ca in custa nostra terrena vida
tottu cantu girada che una zostra,
ca in custa terrena vida nostra
tottu cantu che una zostra girada.
Donz’unu a istere menzus mirada
c’a istare male non piaghed’a nissunu,
Ca menzus mirad’ a istare donz’unu
ca non piaghed’ a nissunu a istare male.
E durante su vivere nàturale
errores sinde faghede bastante,
e su vivere naturale durante
bastante sinde faghede errores.
Siene mannos’o puru minores
isperienzia si faghet pro chent’annos,
siene minores’ o puru mannos
pro chent’annos si faghet isperienzia.
E cand’enit s’ora de sa partenzia
tottu lassamus ‘in custa dimora,
e cand’enit de sa partenzia.s’ora
in custa dimora lassamus tottu.
Prim’e andare a su regnu ignottu
e non b’hada caminu pro torrare,
a su regnu ignottu prim’ e andare
e pro torrare caminu non b’hada.
Est una sola sa vida régalada
ma non si pòdet ripitere cuss’iscola,
sa vida regalada est una sola
ma non si podet cuss’iscola ripitere.
A bonu prou devimus ammitere
donz’unu f’aghede su caminu sou,
devimus ammitere a bonu prou
donz’unu faghede su sou caminu.
Nissunu s’iscampada da-e su destinu
pro cant’in su terrinu durad’e campada,
da-e su destinu nissunu s’iscampada
pro cantu durad’e campad’in su terrinu.
Pag. 59
CUSTA VIDA de Salvatore Frau
...certu ca bivo...!?
Una vida appiccada
che aragnol’in sa cresura,
post’a sa mira
in s’oru ‘e unu tremen’iffunnau.
Medas bucones argos,
aspidos che velenu
ingurtios a mala gana:
gosi est orromulanno
custa vida mia,
oros oros de su disisperu.
Prus e prusu disisperu
cumpagnu meu,
semper cun mimi, oramai,
cun is battiles bentulaos
in notte de istragentu,
a trodulos bie Trebidargiu
in costones nodosos d’ Ennargentu.
Pagos bucones durces,
disigiaos e a gustu,
solu po unu friu,
unu istrale de sole
in mesu ‘e un’istrasura.
Bella vida.., custa..!!
Onnia die una gherra!
Asi ne passant is oras;
e deo semper ammuntono
dies e meses e annos
fin’a cann’at arribare
tempus e log’ube firmare.
Pag. 60
CUSTU MARE de Franco Maccioni
Custu màre òe puru
faghet biere s’umòre sou
cun sas undas
chi s‘alzian minettòsas!
Sos sprumàtzos de abba
paren quasi frichinidas
de paberi coloradu,
bettàdos in altu
forsis ispèrande
in d’una festa
chi de sigùru no b‘est.
Sos colores
de s’arcu balenu
paren bregungiosos
in sa neula
mentres su piùlare
de sos chelbianos
a boltas parent quasi
un ‘allegru ticchìrriu
a sa dìsperatzìone!
In sas aèras, pois,
s‘ammesculan
sos druches
profùmos de s’attentu
e de s‘alchimissa,
mentres ancòra
sa conca s‘amentat
de una peraula non finida
e chi preocupat
a momentos s’animu meu!
Jà mi cheria fàghere ninnare
dàe sas undas de custu màre
forsis poite isco troppu bene
sos ingannos suos!
Pag. 61
DEO SEO SARDU de Domenico Carboni
Deo seo Sardu e vantu ne leo
Sa Sardigna s’isola prus bella
Su chi naro no est una novella
Non s’agattat una terra uguale
E nessunu ne podet narrer male.
In s’ispiaggia limpidu su mare,
Benint dae tottue pro bagnare,
In montagna si godit sa frescura
est un’isola de incantu e aria pura.
lnie, du est Tonara, bella cittadina,
Inue si podet gustare cosas genuinas,
In s’istade sa persona bene riposat
Dae sa fabbrica tantu noiosa.
Chie annat a inie, si rilassat
E is ferias bellas si las passat,
E s’annu apustis penzat de torrare
Ca du at tantas cosas de mirare.
Antigas melodias e usanzas
E chi est tristu agattat s’isperanza,
Ca est totu diversu in d’ogni cosa
Sa gente est ospitale e generosa,
Senza preferenza ti saludat
E chi ses in perigulu t’aggiudat,
Po saludu ti porget sa manu,
Su chi sento est ca seo lontanu.
Barantannos seo in Lombardia,
ma non immentigo sa terra natia!
Como indietro non potzo torrare
Ma una lode a tie cherzo dare:
O terra beneitta e de valore,
Solu tue meritas tantu onore.
Penzanno a tie ogni momentu seo,
Deo seo sardu e vantu ne leo!
Pag. 62
DEUS...NOSU... de Leonardu Porceddu
Nosu rapresentaus Deus in terra,
Deus rapresentat nosu in celu,
e puru parrit ca mancu si connosceus,
innioraus su chi est po su chi boleus.
Chissà, asessi fortzis puru parentis?
Chissà, fortzis si assimilaus sceti?
Ma biu ca comuncas no ddu carculaus
speru de coru chi Deus cumprendat!
Est cosa scipia ca seus de sentidus lebius,
est cosa pagu scipia ca seus totus lègius,
est cosa scipia ca no teneus mai tempus
aici candu si castiaus a s’isprigu si nd’atzicaus,
diventaus biancus che su latti, in cara,
su stogumu surrungiat trumbulau,
is ogus lambrigant chena motivu:
fadeus schifu a nosu ‘e totu!
Insaras ingenuamenti surrungiaus cun Deus,
ddi rinfaciaus ca no est mai presenti
ca no est de cunfortu in su momentu tristu
ca onnia cristu abandonat in s’ora de s’abisongiu...
Poburu Deus in celu chi poi seus nosu in terra,
semi’ d’onnia orrori, de su beni e de su mali,
spiritus scinitzos chena paxi, sempri in gherra
cun totu s’universu: seus animas chena sali!
Nosu seus Issu cument’Issu est nosu,
nosu seus curpa de su bene e de su mali,
essentzia de vida, essentzia divina:
acua, fogu e bentu, celu, terra e mari,
seus su totu e su nudda, su buidu e su prenu,
seus suidu calenti, seus petza pudexia,
su misteru potenti de cust’universu
guvernau da Deus, entidadi infinia,
po cussu nosu, ca Deus seus, totu podeus,
mancai chena scì, chena scì su chi fadeus
chi siat opera nosta oburu de Issu...
Chi biveus in paxi cun nosu e cun Deus
certu s’at a praxi, su chi seus’seus...,
intendeus su calenti de u’ sentimentu
chi si prenit de rispetu e de umiltadi
po onnia sorri e po onnia fradi
chi bivit in paxi cun Deus in su coru
in sa cuscientzia cumpassioni e amori...
Pag. 63
DISIGENDI de Domenico Mele
Era vuluddu di svultassi in trigu
di li diselti, tutti li so reni,
eu spaltilli a colbuli pieni
a ca suffri di la fammi, lu castigu,
dugnunu d’eddhi m’era fattu amigu
p’allivialli tutti li so peni.
Dugna scogliu i l’azza di lu mari
svultassi, puru, in prata e pezzi d’oru
e cultruì cun tuttu lu trisoru
ciddài, p’alluggialli tutt’impari
pa sta uniddi a li so famigliari
li piccinneddhi, tenti cun decoru.
Candu li veggu, lu cori m’ilzuddi
panni agnoni pronti a lu maceddhu,
da lu più mann’a lu più minoreddhu
so nudi e sculz’i la rena chi buddhi,
cu l’occhji vii spalancaddi e muddi
v’hani la panza cant’e un tripuleddhu.
So a fiotti, silenziosi e tristi
tuttu li faggi, maraviglia e spantu,
soli e luna l’ispagli lu so mantu
chi da dugna vistuariu so spruisti,
botti, pa li so pedi, non n’isisti
e manch’eva, a lavassi dugna tantu.
Terra brusgjiadda arida e ingrata
tu puru, pa la seddi, s’è allimmidda
no t’hani vista mai fiuridda
lu venti ti cancella dugna tratta,
campassi, inghì, li dai cumbatta
chi ci rimetti subiddu la vidda.
Babbu Supremu, n’aggi cariddai
posadi in giru chissi piccinneddhi,
vinn’è, di la so mamma, olfaneddhi
e dugna dì dimmandani pieddài.
Tu aggjiuddali cun pagi e saniddài
o d’essè, i lu to regnu, agnuli nieddhi.
In chissa rena, chi nuddha pruduggi
falla viltì di pianti e di fiori
vi regnia riccattu e tantu amori
e Tu di non mancavi a falli luggi.
Pag. 64
DISIZZO de Rosaria Floris
Cantu disizzo a torrare pizzinna
e viver che a tando in s’innocenzia.
E bidende s’umana sufferenzia
disizzo de poder donzi lagrima cunzare
e in s’infinitu a las cristallizare
pro las dare a sos frores che lentore.
E disizzo pro un’iscutta de firmare
sos palpitos chi mi faghen su coro
in d’unu campu de ispigas d’oro
o in d’unu forru da-ue profumadu
nd’ogan fora su pane indeoradu
che lu est ver’incantu a lu mirare.
E cantu disizzare cherz’ancora
de intender su entu fruschiare,
de ider sos fiores isbocciare;
e a tottu cantu su gener’umanu
in amicizia a l’istringher sa manu
e viver in d’una paghe ammajorada.
Pro finis, che ultimu disizzo:
fissare in coros sa melodia
de su tempus, sa maghia,
de la fagher andare
in su mare e comente s’unda
faghela a nos torrare.
Pag. 65
DOLU de Carmela Piredda
No tenes dolu no tenes pena,
cheres brivare custa carena de su cunsolu.
No cheres dare cant’at bisonzu,
cheres isorver unu filonzu mai cuminzadu.
Cun cor’isortu ti cheres mover
poi chi m’as mortu iscunsoladu.
In samben pistu su coro grogu mi ses lassenne,
de disaura ses pienenne feu custu logu
amaru e tristu, hai sorte dura.
Chenza cuminzu, chenza s’intrada,
custu luminzu as itudadu,
it’istoccada! ite peccadu!
Ite bi perdes si de dulzura ne ses piena
a mi ne dare nessi un’appena
chenza ch’ispennas peraula invanu.
A m’acchidare dami sa manu
po canzellare sa vida dura.
Dami sa manu ca pius no dromo,
dami sa manu no mi occas como.
No bi lu brives a custu cor’a ti desizare.
Lagrimas medas podes canzellare
si tue cunzedis de poder boddire
cantu oe e deris est su mezus fiore.
Cantu mi timo po cantu t’istimo,
cant’ in caden’ asa ligadu,
enzat mudadu a orribile pena,
po trapassare su coro in pettu
si chenz’affettu m’as’a lassare.
Pag. 66
EMIGRANTES de Mariangela Sedda
In su piroscafu a s’America sezis partidos
Lassande in bidda vostra tottus ispantados.
Su mare e s’oceanu azzes attraversau
andande in criga de unu menzus destinu.
Sa mamma e s’iposa bo s’ana aspettau
sperande chi cadaunu essere torrau bene sistemau.
Sas cartolinas e sas litteras ispettabana, commente bisos,
cando arribabana udini cuntentas,
ma sas novas non sempere udin bonas,
ma bos arrespondiana dendebos bonos cussizos.
Bos aspettavazes unu paridusu terrestre,
azes agatau una terra fritta e agreste;
sos disizos a pagu a pagu bos suni passados,
azis compresu de essere istranzos
e chi su triballu non fiada prus lepiu
de sue de sa terra chi aviazes lassau, anzi pariada prus ingratu.
Pagos non suni torrados, o po frigunza o po non si lamentare,
sos prus attacados a sa Sardigna sun torrados
cun s’isperanzia de essere bene arrezios.
Da bonos barbaricinos testorrudos hazes pensau:
menzus poveru in domo mia, inube tenzo bona cumpanzia
chi a vivere che istranzu chenza nessuna allegria
cunsumandasiche dae sa nostalgia.
Non menzus sorte este toccadu a chie in Europa ada emigrau:
Su Belgio, Sa Germania pariana unu miraggiu,
ma chi non fuzis bene accetos derettu I’azzes cumpresu;
sa miniera est miniera siada in Belgio che in Sardigna,
e po su minatore sa sorte non est istada mai benigna,
po cussu azes decisu de torrare in Sardigna.
E, chie est andadu a Torino o a Milano
Est istadu bistrattadu, non lu considaravana unu cittadinu;
isfruttadu est istau, e fìnzas ingiurgiau,
ca non nacchi fiada meda civilizadu.
Bene azzes fattu a torrare a logu vostru
a raccontare su chi azzes vidu e cumpresu.
Como chi sos confines si suni allargados
Isperemus chi chie andada a foras non siat cunsideradu un’emigrante,
ma unu cittadinu de un’istadu pagu distante
de accettare cun dignidade commente tottu s’atteru restu de s’umanidade.
Pag. 67
EMIGRAU de Antonio Sanna
Su sadru in continenti
è offiu beni da sa genti
no timidi a traballai
ca depidi campai
Sa famiglia è bella cosa
si esti armoniosa
cresci a diventai mannu
cun trumentu e affannu
No è pagu sa tristura
e diversa sa cultura
de bivi meda attesu
mancai ci siada deusu
Bisai de torrai a bidda
in tempu de becesa
accudi de aturai in vida
gosai de sa biadesa
Pag. 68
EST FESTA IN BIDDA MIA de Rosa Cossu
Cun sonizos alligros e connotos
chi carignan su coro cun apentu
su sonete giai invitat a sa festa.
Torrada custu sero in bidda mia,
cuntenta che rundine in beranu,
in bella cumpanzia de pitzinnos
e mannos attempados
goso s’antiga festa paesana.
Boghes risulanas dae sas bias
intzerrian a sos ballos.
A giru de sa partza,
in fentanas frorias e terratzas
totu cantos ispettan su recreu.
No est tanta però sa zoventude
in sa bidda intristia, gia chi medas
sun partidos lontanu, in terra istranza,
in chirca de traballos e vertude.
E comintzat sa danza:
sa feminà, columba zeniosa,
pomposa in su costumene elegante
tenet su fiancu a s’omine balente
chi la guidat cun grande maestria;
in movitìas noas e galanas
intessen passos notos e amados
imparados pretzisos dae sos mannos.
Sos passos cadentzados
in armonia perfeta cun sos sonos
m’an concuistadu totus sos sentidos,
e sentza ischire poite o comente
una ena de tristura
m’atraessat su coro a fine a fine.
Lontanu dae sa festa, po incantu,
pressosa prus che riu beranile
sa mente mia curret a sos mannos
austeros e silentes
graniticos in donnia traversia
amantes de sa festa in cumpanzia.
E miro in sa loghera solitaria
su pastore a cabbanu
chi bivet sempre solu note e die.
Espertu de sas boghes de su entu
e de sos tintinnos de sas erbeghes
sonazadas, a su coro sidiosu
de festosa cumpanzia
Pag. 69
dat cunfortu cun sonos de solitu
trumfa o sonete, e serenat sa mente
intessendo cun grande valentia
addasiadas e lestras melodias.
In costumene antigu su massaiu
a lugh’e note ch’essit dae domo
cun su laore e su marrone a codhu
po semenare in terras traballosas.
Temperadu a su sole e a su nie,
annu cun annu non tenet reposu,
ispendendo sa vida po su pane.
Infatzendada che abe fainera,
in sos afannos amparu seguru,
cumpanza de sos passos de sa vida,
sa femina in sa domo cun sos fizos
intesset una sienda
chi nè prata nè oro mai L’acuistat.
A lentu torrat sa mente a sa partza,
finida giai sa dantza
su sonete sonizat sos tres passos...
Sos ogos meos umidos de piantu
incontran sa tristura de un’istranzu
benidu dae lontanu, po su pane.
O terra mia amabile e austera
chi in poberesa bives s’amistade,
dae su tempus passadu a su presente
ti ses fatta connoschere e istimare
po costumenes onestos e galanos;
mantene po su tempus benidore
genuinas sas sorgentes chi alimentan
sa vida de sos fizos.
Sian issos vicinos o lontanos
in custu mundu ormai senza cunfines,
si concuisten onore e ti den fama
senz’immentigare mai sos mazores
chi los an fatos liberos e fortes,
prontos a navigare in donnia mare.
Sigat ancora sa festa in bidda mia
tant’annos cantu in chelu b’at isteddos,
e tue sighi o Sardigna a dare gosu
cun ballos sonos cantos e limbazos,
e lughe, istella lughente fitiana,
po isperu e po cunfortu,
in s’orizonte infinidu de sa vida.
Pag. 70
FACULTADE MATANZOSA de Elio Sau
Oios tentos e abbertas battor’alas
pro amparare criaduras de bambaghe
un’affianzu umile da-e sas malas
occasiones de sa vida chenza paghe
a illepiare de abbaètta sas picadas.
Un’alidu ‘e carignos a crocchire
isettanno a sa prima proa ‘e ‘olu
unu solu pistighinzu ‘e allichidire
su trettu de sa vida nid’‘e oriolu
e poder cun assentu ‘asi dormire.
Pag. 71
FASCHIZÒLA de Mario Nurchis
A lenu a lenu ti nde pesas chito
e t’ingullis su ticu de gaffe’,
e samunada sa cara che s’atu
t’abbaidas s’arva puntuda che tudda
in sas pigias de sos cavanos boidos,
e ti contas sas barrugas in conca
cun calchi pilu alvu galu salvu.
Sa ‘uca at dentes longas e allentadas
e sos ojos sun canos dae su tempus.
Ma no pianghes ne ries de a tie
ca sos annos de sa vida tua
apidu an tribulìas ma finas gosu,
tribagliu meda ma finas reposu,
lutas de gherra ma finas sa paghe,
ofesa e annuzu ma finas amore.
Sa debilesa tua est pius forte
de s’atunzu fritu e iscontriadu
chi t’aisetat a fora oretende;
e arrumbende a sa rustaglia longa
a s’intzerta t’avias in su lentore
tra sas matas de chessa e de mudeju
pro lompere a s’adde de sos chercos
chi lean su sole tebiu ‘e sant’ Andria.
S’aera frisca e allentorada
t’acumpanzat a lenu a sos arvures,
e suta, ratos sicos como agatas
e los ligas mutzados a mesura.
Un’ammentu de una cantone antiga,
ti ‘essit pius dae coro che dae ‘ula.
Torrende a domo a palas de su sole
mudu ti ch’intras in sa gianna aberta
e pones sa faschizòla in tziminéa
pro allughere e iscaldire s’aposentu
a sa cumpanza tua chi in su banchitu
aisetaiat muidende iscontriada,
issa chi cun tegus est bistada
sempre che pare, in mala e bona sorte.
Su fogu allutu como bos iscaldit
e su calore intrat in su coro
a pois d’aer iscaldidu pes e manos,
e medas sun como sos ammentos
de cando una ‘orta fizis giovanos
e a Nostra Segnora ‘e mes’austu
bos fizis abbaidados paribari
su disizu sighende sa bellesa,
e su ‘asu aiat sugelladu
cuss’amore naschidu in su sole.
E pois de tantu tempus, finas Deus,
bos at a cherrer lughidos de amore.
Pag. 72
FRIMMA de Katia Marcias
Una manta de anea niedda
frimada i bisusu miusu
Onni prova de gherra
signada sa cundanna mia
Su scontru cun sa realtadi
aziada un bentu
de terra abrusciada
Curridi impressi su desertu
a ingruttidi speranzasa
Cabada chena fini sa vida
a preini is oasi
Pag. 73
FRORE de Marina Demelas
Iscriere callecunacosa in su chelu
comente in su quadernu biancu
po iscriere cun su coro de noso.
A chie bividi a presu de noso
e si bieusu de frequenzia
e si bivide in duoso modoso
drivessoso de una vida
fatta de diese.
Issoso cresckente
e noso mancu carrenesceusu
a do biede, po do bivede.
Seusu pigaoso dae isi nostrasa
azionese quotidianasa viaggiaousu
de ida in ida po abbaidare noasa realtade.
Sa nosta realtade bivia in familia
cambiada comente i frorese ki creskente
comente i figioso ki diventanta mannoso.
Dae su nostu pittiu
sempere in duoso faesu
cussu frore po du ponere
aintru de unu vasu
po d’abbare cun d’un’abba meda ispecialle
i momentoso bivioso parisi.
Cussu frore postu aintru de un vasu
a su centru de sa nosta mesa
e noso in cussa omo ki
intrausu e besseusu.
Ognunu tenere is doverese
de sa familia,
bividi cun su treballu
e attiri i fruttoso noso
in su focolare.
Creskente is diese
in s’armonia de is frorese
ki biesu in is montese
de una primavera ki po gomo
enidi colorada dae su grigiu de s’ierru
ki ancora non bollere dromire.
Pag. 74
FRORE GALANU de Fernando Pisu
Mala messadòra
Chin sa falch’in manu
Truncas prim’‘e s’ora
Su frore galanu.
Boghes de sirenas
Cantan versos tuos;
a sos coros cruos
allevian sas penas.
Cantat sa natura:
puzzones, muntagnas
abba frisca e pura
nocciolas, castagnas.
Giovanedd’eroe
Torra pro cantare
Sas bramas de oe
Chi benint de mare
Solu pro collire
Sos pagos refudos
Lanzos, mesu nudos
Solu a las bire.
Cussas tristas mamas
Santas, beneittas,
siccadas sas titas
liudas che pramas
mi truncant su coro;
m ‘infritin sas venas:
sas piaes anzenas
bidu e m’addoloro
Mira dae nou
Gira tot’in tundu
Su suffrire tou
Penas po su mundu;
pius mannas ancora
sunu sas feridas
donant chentu vidas
pro un’aurora,
pro un’arveschida
luminos’e giara
torra perla rara
e de nou ischida
Pag. 75
su sonnu profundu
de sos ignorantes;
de nou lis cantes
in modu giocundu
sas trassas modemas;
sas trobeas antigas
de s’altu guvernas
cunsizzas, istigas
donzi frade tou
pro unu mundu nou.
Pag. 76
GENTI COMENTI A NOSU de Ignazio Mudu
S’iat apòrtu sa manu
in d’una notti ‘e lugòri
e sa cara sua
si fiat alluxentàda in sa nostra,
spantàus e mudus
si ndi femus ampuàus de su ludu
i emus bistu is istellas.
E bosatrus ... perdonaisì
po custa gana maladita
de bivi’ in d’unu mundu
a froma ‘e columba
e no intr’’e froris fintus
Perdonaisi
chi arrefudàus làcanas
e frontèras
e tramudàus is filus spinàus
in pensamentus de amori
- dì po dì bivéus
circhendi sa luxi,
abeténdi sa paxi
e su manniòri ‘e Deus ... –
Arràtza strana est sa nostra,
sa de is poetas,
arràtza chi àndat a s’umbrèssi
bolèndi faci a celus lìmpius,
strobìus
E chi una dì su soli
no at a carinniài prus sa terra
si nd’eus a bandài cun su ‘entu
po circai bisus nous
o intàmus eus a serrai po sempri
s’enna ‘e s’anima
po chi assumàncu is arregordus
no si pòtzant fuìri.
Perdonaisì ... perdonaisì
po custu atrivimèntu!
Sa genti comenti a nosu
s’atòbiat
in d’unu furringòni ‘e celu,
ingùni, aùndi is umbras
si tramùdant in bisus.
Pag. 77
GIOGOS DE PITZOCCHEDDU de Luigi Zedde
M’arregodo a pitzoccheddu pitiu
in dies chi a iscola no annaia
e tenia tempus de giogare,
mancari mortu e famen‘e sidiu
de torrare a domo ismentigaia
si no eniant’a a mi tzerriare;
ca in mesu carrella,
giogaiaus a casella
e a coilledda de attacare,
a bandidos e a caddu caddone
e ne orruiaus totus a muntone.
A primos de beranu
annaia in campagna e a su monte
e ne torrao a ora e papare,
cun unu matzu de frores in manu
e una fasch’e linna a fune fronte
chi serbiada po mi caentare;
is frores dos giaia,
a sa maista o mamma mia,
po poder frochillare
sa Madonna o un’ateru santu,
chi a pes insoro pariant’un’incantu.
Canno sa prima frutta,
cumentzaiad’ a madurare,
da tenia sutt’ogu onnia die,
sa prugadura orruta
annaia a da tastare,
sentza ch’isca chi apartegnat a chie,
ma a bortas po incugna,
su mere mi giaiada una mugna,
ca issu ataccau inie,
ibetaiat su bonu momentu
po mi collire e mi giare iscramentu.
Canno chi unu massau,
mi tzerriaiat po annare a treulare,
sutta e su sole de treulas o austu,
che in die Pasca bresau,
no m’imarria in s’argiola e furriare,
totu e suore issustu,
a pes iscurtzos in mesu e sa paggia,
caente comente una fogaggia,
di leaia ancora pius gustu,
ma mancari conc’a sole e pes in fogu,
po me fiada comente unu giogu.
Pag. 78
IN CRICCA’E TEMAS de Giovanni Molinero
Un’apretziu ti teghed’o zurìa
po chi de nois, s’albitru diventas
de canno chi a lezere t’apèntas
sos versos, e sos mezus avaloras:
però, cale su tema in cussas oras
ti che ponet in coro sa maja?
Had’ a esser s’amore sentza fine
chi nutrit unu tristu, innamoradu,
de sa chi no l’aìad’ atzettàdu
po maridu, e sighit semper’issu
cun cussu crau mannu ancora fissu
in conca, chi rasentat su machìne!
O tema de (progressu) chi a campu
ogat cosas chi truncad’ ogn’ispera;
annàpat sa puresa de s’aera
cun velenos, e terras e su mare:
omine, torr‘asegus, no annàre
car’a sa rutta chi non dad’ iscampu...
Su tema de s’umana sufferentzia
ue bi est su famene a tzugu,
chi ogni die morid’unu rugu
de pessones tra mannos e piticcos:
toccade totus poberos e riccos
(illònghiemus) s‘insòr’esistentzia!
Tema pius serenu, lughes d’oro
sa notte: ca non poden sos faeddos
descrier sa bellesa ’e sos isteddos
s’animu si domannat: ma, chi’ este
chi movet sa (dinamica celeste?)
est Deus, ddi cussizada su coro.
Atzinnos de natura; s’orizonte
ch’iscrarit sa chinta’e su manzanu,
sos irdes e profumos de s’eranu
e-a su sero prim’’e fagher buiu
su Sole, chi s’abassat ruiu-ruiu
po si cuàre asegus de su monte.
Sighi gasi zurìa danne gosu
cun cussu tou faghere gagliardu,
po chi azuas su limbàzu sardu
a connoscher de d’ogni dialettu
e fintzas tue buscas su dilettu
mancàri has s’incarrigu gravosu...
Pag. 79
IN PRUS DOLORE,
IN PRUS’ODIU,
IN PRUS PAHE de Tore Soru
Mancari sorte benzat in tristura
non perdas mai hapu in su pensare:
as a honnosher menzus hiza ‘e amargura
in terrenu mundu nostru e penare.
Imbaru frimu troppu ‘e mala sorte
diat boler bincher e annientare:
sol’ahendedi balente frim’e forte,
podes’a issu honnosher’ e affrontare.
Hie meda probà’in dispiagheres
e torrand’a ghettu ‘e prus betzesa,
podet honnosher menzus su hì heret,
it’est menzus po s’anim’a diffesa.
A una mamma hun troppu dolore,
ego volìo tantu domandare:
«Hi’a peus oras perdet d’itzu amore,
hale tempus diat esser po sanare?
Solu tue bies e das hunfortu
in mesu goi’e tantu patire!
Innossente itzu, cainos, t’ana mortu
dandeti dolore mal’a ishibire!
De peus ammentos bibos horo modiu
torra’ebbia in lacrimas hunsuntas!
Tue, senza dare misur’e odiu
letzitimas Cainu po atzunta?»
«Risposta sehura ha b’est mottivu,
dao isperande torret in tue pahe:
S’ater’in dinnidad’e diritos privu,
non s’ahatat prus in resones hi ahet.
Serbindel’in su bonu non be ustis
frade terrenu hi ti ses attobiau.
Su lu humprender tue c’at da’a pustis
indul’è Cainu l’at’assutzettau!
A oricras surdas, in prant’innossente
nessun’issu oze biet in virtude.
Ego aspettande luhor’e mente
hi li diat pahe, torret in salude!»
S’auguriu de umana dinnidade
in su nos poder bier hantu prima
godind’amore, pahe libbertade,
e de virtudes nostras dande hunfirma,
gloriosa pahe semper sighinde
in sa hi semus oze trista sorte;
ego hun isperansias finzas morinde
de bier frade hie vantat morte.
Pag. 80
IN S ‘APPOSENTU MUDU de Tetta Becciu (Antonia Vittoria)
In s ‘apposentu mudu
rundana
sos pessos cansidos
in sos roccalzos de sa notte
in sa chirca isporada
‘e unu portu ‘e lughe...
ma s ‘iscuru avanzat...
s ‘acculziat minettosu
a bemidas
l’intendo ch ‘arrivit toppi toppi
che unu coro etzu feridu.
E deo...
che anima naufragada
in d ‘una traschia ‘e rosas allizzadas
so che semene ruttu in sa rocca!
In s ‘apposentu mudu...
sa solidale pesat che tronu!.
S ‘istripittu ‘e sos passos
istraccos
asculto, tremende...
e su lamentu ‘e su tempus
ch ‘isbentat
in sos litos de s ‘anima.
Cun su coro
chi brujat de ispera,
in coa a isteddos assolados
isetto
nottes pius giaras ...
pro inettare ancora
alenos d ‘arborinos serenos.
Pag. 81
INCANTU E TIMORIA de Carmelo Erminio Sau
Custu mignanu su mare
Este chietu e assentau;
est isterrida ‘e latte
una manta de ogiu.
Paret allisau a friscu
Dae maistu’e linna,
unu lettu appenas fattu
ch’est ibetanno s’isposa,
unu campu’e laore
cann’arribat su eranu.
Dae pitzu’e cust’artura,
solu po ddu cardiare,
mi attit timoria
mi faet benner sa tzudda
ischinnoddu traitore
canno de improvvisu
camiat motu e colore;
chenza rispettu perunu
de chie ddi prestat fide
po camiu de ristoru.
Dae pitzu’e cust’artura
M’enit gana ’e du oller male
Penzanno a su giovaneddu
chi sinn’hat ingurtiu.
“Ancu t’esses siccau”
M’enit gana de ddi narrere
Ma mi chisto su fràstimu
Ca su malu e su onu
Issu portat a intro
Che a s’omine etotu
E po cussu est chi m’incantat
E mi attit timoria.
Pag. 82
INNUI SI CUAT S’AMORI de Vincenzo Piu
In monti, innui bivint is astoris
acantu naxit s’ena virtuosa
de su sonu ch’imbestit is tenoris
po dedicai versus a una sposa.
In lebia solla ‘e nì asseliada
po s’arriu de cantu melodiosu
chi traghetat sa musa rinnovada
in sentidus de coru amantiosu.
S’amori est aintru ‘e piccinnia
in sa genna de s’anima bloccau
ca in su coru scurrit rimoria
finz’a candu no binciti su peccau.
In penumbras de matas infrorias
tra nuis luminosas de calori
e in ogus de bellas bagadias
ca in dogn’ammirada c’est amori.
In su coru de mama sorridenti
ca nd’amostat in cara su cuntentu
in profundu ndi cuat gradimentu
cun sabia virtudi coscienti.
In disvagu ‘e piccinnu sbeliau
cumpraxerat s’aiayu affettuosu
in su bellu sonnai curiosu
si gosat su presenti e su passau.
Su sentidu passillat eccisau
po cuberai carinnyus de drucori
ca su coru bramiu nd’at sonnau
a deliziai sa vida de amori.
Caminat per-i bias de incoltu
atruessend’in bolu bidda e sartu
po meritu ‘e su mastru cad’ispartu
canzonis de istima e de cunfortu.
De versus e canzonis fatzu impreu
ca seu amanti veru de poemas
ndi cantu po ixolli cussus temas
chi s’at lassau Peppinu Mereu.
Fud’issu a s’oberri is camineras
in costeras de totu logudoru
at iscrittu e cantau cosas veras
po ndi movi disigius de su coru.
Pag. 83
IS ARREGORDUS de Salvatore Usai
Bandant e benint, mi passant rasentis,
s’atesiant, torrant, sparessint.
Mi circant, ddus circu: s’atobiaus.
A bortas no seu prontu e abarru spantau.
Mi lassant sentza ‘e sùlidu.
Mi firmant su coru.
Mi persighint.
Mi ndi bogant su sonnu.
Mi tzacant buciconis dolorosus: increscint: sunfru.
Atras bortas, durcis, mi carìtziant.
Arriu, mi delìtziant,
m’allebiant is pensamentus. Mi prexu.
E issus bandant, benint,
fora ‘e orariu: indiscretus, sfacius.
Ni amigus, ni nemigus.
Lampus intzurpantis.
Arrocas a intru ‘e s’anima.
Momentus difitzilis e facilis illusionis.
Cudda dì chi... o cudd’atra borta...
Atòbius, separatzionis,
facis, boxis, castiadas,
is tempus de sa scola,
is fragus, is saboris, is amoris.
Cumenti ‘e perdas ghetadas in su stani:
sartant, sartant, sartant
a pustis s’acuant in su fundu.
Arregordus: arrogus de vida passada,
arrogus de nosu e totu
arrogus de tempus andau
spartzinaus in sa menti.
Su puntu est postu
e giai custus fueddus funt andendi
faci a s’abasciada lenta de is arregordus
o a-i cussa prus lestra de s’orvidu.
Pag. 84
IS CARABINERIS DE SA GRAMÀTICA de Ivo Murgia
Setzint a cuaddu e currint Is carabineris de sa gramàtica
In màchina cun genti pagu pràtica ancu setzais
Is scritus po depi fai a arrègula
Mancu unu pratu ‘e frègula potzais matziai
Ma deu no mi bollu ni billau e nimancu currègiu
Acabu tropu lègiu ancu fetzais
E mi praxit a scriri a candu in d-unu modu a candu in s’atru
Sperraus in cuatru ancu siais
E no bollu mancu a mi nai, custu eja e custu nou
A buddiu a tipu ou ancu si còtzant
Ca mi praxit a bolai in artu
Spèrdius in su sartu ancu gireis
E no ndi bollu de trobeas
Tra arroris e peleas nci dda passeis
Ca su cantu miu est diaici
Mancu una di’ felici no connosciais
A bortas currit a bortas àndat a bellu
Che angioni in logu ‘e masellu nci dd’acabeis
A candu in artziada a candu in calada
Sa camba atzopiada ancu porteis
A candu a trotu a candu a deretu
Ancu no si tengant prus arrespetu
A candu a deretu a candu a trotu
Cumpostus che unu motu s’abarreis
Ca est bolada lèbia e ligera
Ancu no tengais prus spera
Chi gioghìtat in su celu
In is ogus unu velu ancu s’intzurpit
Ma ndi.tòrrat fintzas a terra
Spacaus perra perra ancu s’agatint
E currìllat in logu ‘e monti
A bivi asuta ‘e unu ponti si torreis
Buschendi mitzas e funtanas
A sartiai che arranas ancu si tochit
In mesu de su gravellu e de s’arrosa
In d-una tumba cun sa losa si nci interrint
In mesu de bacas e de brebeis
Su scrafìngiu a peis ancu sunfrais
Ma finas in mesu de bella genti
A dolori ‘e denti ancu siais
De bidda e de citadi
A foras chentza ‘e piedadi si nci boghint
De custa terra nosta
A scomùniga posta ancu bivais
O de atru logu puru
Pag. 85
Dannu forti e siguru ancu tengais
Ca su mundu est finas mannu
Tribuliendi a tot’annu si connosciant
E deu totu mi ddu seu gosendi
Ancu bìvais sèmpiri sunfrendi
Ma no si bollu avatu miu
Una vida de bagadiu si passeis
E mancai si pongais a curri
Ancu si nci ghetint de una turri
Ancora no m’eis tentu
Is tiaùlus a centu a centu si nci papint
Ca scriendi andu a scèscias
Tra prantus e chèscias si spaceis
E s’arrègula no mi dd’eis imposta ancora
Trumentendi donni ora nci dda tireis
E no dda sigu custa moda
Girendi a tipu arroda si nci traghint
E si dd’apu giai nau
Anda e torra de s’abogau si nci portint
Duncas deu dda serru innoi
Scomunigaus siais de oi
E de arrègula no ndi bollu prus intendi
Sa vida sèmpiri pedendi si campeis
In poesia gramàtica no ndi miru
Sulendi s’ùrtimu suspiru ancu si biant
In caserma is carabineris
Ingiriaus de infermieris s’atureis
E is poetas a cantai
E ancu no si connosciat mancu mamai!
Pag. 86
IS PIPIUS DE SU TEMPU’ PASSAU de Cicita Cabras
De Tonara m’anti invitau
in onori de Peppinu Mereu
ua’ poesia in sardu deppu inventai,
cunfessu ca’ studiada no’ seu,
ma cantu bellas cosas tengu in sa menti
po custu poeta tanti nomenau,
du’ fueddus appòfiu arraccontai.
Cumenti fiaus in sasa is pipius
du pozu in poesia arràgodai
accàmbarada e iscrùzzus in sa ‘ia curraiausu,
pensaiausu solu a giogài.
Giocattulus no’n’di tenàiaus
in sa’ toccàda a s’arrangiài:
a cuài su muncadori e poi a du sciccài,
is femmias cun pippiedas de zappus giòganta,
a piccusu, a pibiri sambu e su giru tundu mancài,
po i’ mascus de figumurisca is carrisceddus, fiànta,
“cavallèri in potta mi làssada intrai?”
e custus giògus meda si prascianta.
Po’ si podi bistì u’ stillista dappiaus agattai
de fama mondiali, issu fu su pastori
ca senza ddu scì fu prontu a s’agiudai,
e ancora intendu in mei su sabori
dde cussus’ tempus passaus... antigus...,
candu sa brabèi in su sattu pottàda
sa lana in s’arrù custa arresciada,
nosu ca’ du scidaiaus
pròntas a d’arragòlli andaiaus.
Pottàda a domu e cun fusu fibàda
e poi cui busas traballàda;
fatta s’aunnèdda e su maglioi
in sa toccàda cabòri a di poi
e a budì du’s’ponaiaus
impari a s’aranàda chi agattàiaus,
su cabòri bessiu, giallinu fudi
e calenti taniaus ierru cun’ istadi.
Po’ is crapìttas chi s’ammancànta
su maistu e’ linna ci pensàda
babbu e mamma si narànta
ca’ i zùcculus de taba si fadìada,
e candu in cresia brintaiaus
da su sumbullu u’ terremotu parraiaus.
Pag. 87
Si toccàda però puru a traballài
a ciccai linna in su sattu, depiaus
assumancu po’ podi coi su pai,
e s’inzalada puru sciccaiaus:
gureu, mattuzzu, lau, cicoria e figumurisca,
e meis’arrìus buffaìaus s’acua puru frisca.
Cussu fu su tempus puru de sa guerra
e nosu pitticcus fiau’ sempri in timoria
conosciaiaus is apparecchìus banendi a bombardai,
po’ cussu a iscolla no’ podiaus andài
e podi da prus canc’ua’ cosa imparai;
custa è stada tottu s’infanzia mia.
Però c’è ua’ cosa de nai...
is pipius de su tempus passau
anti suffriu e anti gosàu.
Pag. 88
ISIONE ‘E UNU TUSORZU de Antonio Diego Manca
A babbu e a jaiu app’idu in un isione
de unu tusorzu in sa cussorza antiga,
de sa lana ne faghiant unu muntone,
de su connòttu sighinne s’istìga;
asutta de un albure ‘e lidone
dhue fuit sorre mia cun d’un’amiga:
fuint zoga-zoga cun d’unu puzone
(deo crèo esseret puzoneddu ‘e piga);
duos pizzinneddos zogant a istrampadas
e jaia e mamma abbadian cun affettu
su labiolu in su fogu cun s’anzone;
cun sas tittas appenas ammuntadas
du’at una femmina aìntro ‘e su pinnèttu
chi a unu pizzìnnu dat su ziminzòne.
Pag. 89
ISPASSIANNO de Maria Giovanna Carboni
Annoiada , a ispassu in Toneri
a bellu a bellu cun su camminare,
a furriu mi pogno a cardiare
inue fiat de Chiccotto su tzilleri.
Su gielu, intenniau de rondinellas,
che a manca e a dritta bolanno
si pigant e attobiant giostranno
e de tziulos ne prenent is carrellas.
Mi setzo e cumenzo ammentare
is tempos de sa mia pitzinnia,
canno a iscola annaia in custa via
prima e segunna classe elementare.
Bessiant finzas is de Taliseri
e de sa maista fiat sa dimora,
cumenzaia semper a bonora
e de astas ne prenìa su paperi.
Fiat longa e pesante sa lezione,
e non podia bettare foeddu,
in foras, su boboi nieddu
m’ibettaiat a sa ricreazione.
In su proine pronta sa casella,
i buttones e sa biglia colorada,
su pallone a brincos in calada
ed eo in fattu comente gazèlla.
A pe de sa manu in su girotundu
su sordaeddu annaiat a gherrare
e is canes, po su tzipone, a cassare.
Custu fiat de is pipios su mundu!
In fila indiana fiat su carrattone,
bastaiat accappiare sa cadena
e derettu pronta s’altalena,
ma a s’orroda faia attenzione.
Arregodo i battero mullones
su chi si liberaiat a occupare,
su sedatzeddu erettu a giogare,
mascos e feminas senza distinzione.
Sa buttega de Lisa, a duos passos,
sa cingomma sa prima de comperare,
sa macchinetta mi pragiat a girare
chi in bussacca uggia deghe francos.
Pag. 90
Mi nd’ischidat da su meu sognare
una tzintzula, prisonera in cantina,
e comente punta da un’ ispina
su gielu is ogos torrant a mirare.
Su filu de sa currente prenu, prenu,
silenziosas pro no mi disturbare,
i rondinellas intenno murmurare:
tegnaus a mente custu logu amenu!
A mimi nant “seus migranno,
passaus s’hierru in ateru logu;
bie non est prus unu giogu,
nos sa vida da passaus giranno,
giranno logos po poder campare
e torrare a su niu a Milanu,
s’incras attobiaus a mignanu
e intantu procuraus ite papare”
E deo “chi a su niu torrais in beranu
e de mi saludare teneìs nostalgia
benie a mi cricare in Lombardia,
gasi s’attobiu non est istau vanu.
Adios a nos biere ateros annos,
cras su mare teneis de giumpare
e meda a largu su logu de annare,
pausae; lassae, po oe, is affannos”
Mi ne peso, seo betza, s’ischina!
in custa istrada chi est in Toneri,
non prus de Chiccotto su tzilleri,
como, sa pratza est de Modestina.
Pag. 91
ISPASULÈ de M. Valeria Urru
Ùturu antigu, istrintu e abrìu
de perda, orrùo e ludu ispàinau
arcànu àrzas in logu mudau,
mudu, chi no fia’ po su son’e s’erriu
chi curre’ mesu cuau in sa cora
e po chìgheras, gaisos e criaduras
d’ogna genia chi tue, acatosu t’incuras
de ddi faere imbàru e dimora.
De sa lughe no ammostas s’incantu
ca cun i’ naes che ‘atis s’iscurìu
iscuru su pei chi no ti tene’ nodìu
ca ses ìa po unu logu ‘e ispantu.
A fora de sa entre tua, deretu
perdas e ruinas sì che pàranta
e oramai solas e raras nàranta
su chi che fiat inue in custu tretu:
su suore de pastores in logu ’e cuile
no sempre cumpensau de sa natura
feminas e massajos, cuadhos a fuidura
giogos de pipios a pata ‘e foghile
lagrimas de prexu e de vanu dolu
de su sole in die ‘e festa su contzolu
su chelu tramau de nues e de asulu
chi luego muda’ craru o iscuru
singialando ca su propriu fae’ sa vida
ltt’abarra’ de custa umanidade?
Is perdas in d’ogna tempus e edade
ant’ischire sa causa ‘e sa fuida
chi e’ beru su cont’e Murtinu Mannu
de s’abba alluàda cun meda dannu
chi fia’ po sa pesta o maladia
chi an’ Iassau custu logu ‘e maxìa.
Totu, sa perda at a chistire
de is domos fattas cun padire
e de sa crésia restaurada cun piedade
arregordu de logu bìu e de paghe.
Inue funti s’errisu e su prantu,
s’isperantzia, sa fortza e s’ispantu?
lnu’este su fruttu ‘e su samene?
Che linna in su fogu es’ s’omine!
Custa es’ s’umana universale sorte!
Umiles e mannos torrant cantepàre,
bregungia e onòre s’ant a illadiare,
erricu o famiu no si trantzi’ sa morte!
Ma s’opera nosta est immortale
creccu o Iùa mala pode’ semenare
in vida sanae ogna side e ferida
s’impara’ lspasulé anima antiga.
Pag. 92
ISPERAS de Antonio Maria Fadda
Primu premiu – Versos in rima
Cand’est chi duncas b’amus a pensare
a cussos frades nostros ismarridos
chi pérdidos afetos e sentidos
s’afidant a sas undas de su mare
cun s’ispera de poder aprodare
a litos dae sempre abramidos!
Cherent lassare una vida ‘e cane
gàrriga de afannu e disisperu,
mentres ch’a nois non nos paret beru
chi pro toccare unu mossu ‘e pane
si potat arriscare de abberu
de adescare carchi pischecane.
Issos no ant de perder, sos iscuros!
Si abbarrant in terra e logu issoro,
inue no ant gradu ne decoro
ne de sa vida si sentint siguros
pro gulpa de cainos chena coro,
ogni momentu a morrer sunt maduros.
Gai si tucant sos disisperados
cun su coro imbutidu de dolore
e de piantu e de malumore
pro sos afetos apena lassados,
e non los frimmat mancu su timore
de poder morrer in mare annegados.
Si ant fortuna de leare aprodu,
in carchi terra nostra disizada,
agatant acuglièntzia fortzada
cun abba minerale e bonu modu,
e poi sighit sa rimpatriada
a isolver de pratigas su nodu.
Ma pro nois est custu su dovere:
rispetare sas leges in vigore!
Lis damus pane e abba chena amore
e suportamus chena piaghere,
apende intro ‘e coro su terrore
chi nos procurent carchi dispiaghere.
Chi siant fizos de deus minore
chena dirittu de umanidade
o de connoscher sa felitzidade
chi podet dare un’atu de amore!
Si atzetamus custa veridade
sa cara si nos tingat de rujore!
Pag. 93
ISTAGIONE FIORIDA de Carlo Donaera
Torrat a fiorire sa rosa
in su jardinu d’Eléna,
rosa frisca, profumada meda,
como chi enit dantzende beranu;
una rosa ponet in sas tritzas de Lia;
in ora meridiana,
in s’istantzia cheta
drommit Maria in candidu linu:
che melas beraniles in su pettu
pesan duas rosas:
sutta sa ‘e manca atòchida su coro
a unu sognu secretu,
e una rosa bianca s’isfaghet in su cumò.
Beranu inghiriu lughet in s’aere:
enit dae Galusè
unu zeffiru olorosu
e cantìzu de abbas
friscas e cristallinas;
e custu zeffiru si pesat a bentu,
custas abbas si faghen fiumene,
promissa ‘e abbundantzia a su messadore,
e custa terra fiorit totue.
E torrat a fiorire
e a isparghere profumu
cussa violetta sicca
inserrada in d’unu libru ‘e “Poesias”
e su sole ad’a lechere subra granitos antigos
e creschen violas,
silenziosas che ammentos,
silenziosas che penseris,
subra una losa lagrimada.
Pag. 94
IT’EST POESIA de Franco Piga
Tertzu premiu – Versos in rima
Si mi preguntas it’est poesia,
ti la poto mustrare in chentu modos,
che barcas ch’an tocadu sos aprodos
e pasidas si ninnan in su portu,
poi chi l’an finidu su trasportu
in su mare de dolu e allegria.
Ti nde poto mustrare sos colores
proende a nde cumprender sa fatura,
puite che miraculu ‘e natura
si mustrat solu in s’anima e sa mente,
chi tocat e, carignat caramente,
cando a issas cuntzedit sos favores.
In bella forma, diligos cuntzetos
assentat, pro chi sian arribbados,
a unu a unu, bene seberados
a cumponner noales melodias,
o naran cun amore sas majias
de sos ammentos bios e cuncretos.
E pag’ateru creo de ischire,
ma, cand’est personale s’argumentu,
isco ch’est de sa mente s’istrumentu
e cun amore cheret manizadu,
cando ogni versu benit delegadu
pro totu cunfidare e cumpatire.
Est pro cussu ch’isculto e so atentu
puite sempre agato cosa noa
in chie cun sas rimas faghet proa,
de mustrare ogn’intimu segretu,
un’anima e unu coro cumpletu
chi tenet in su narrere ardimentu.
A boltas est piantu o malumore,
o est risu, cun briu e cuntentesa,
nende de gioventude o de ‘etzesa,
poninde in campu ogni sentimentu
chi si mustrat e, nobile est intentu,
regalende pauraulas de amore.
Pag. 95
LA SERA ACCINDÌAMI LA RADIO de Giuseppe Tirotto
Candu l’inverru zuccava
a li pultetti li seri ci scaldìani lu cori.
I la banca sprudadda làpisi,
quaderni e sussidiari di criadduri
allimmiddi di dumani,
mamma cusgìa, babbu ammisciava
fummu e pinsamenti a tu di la ciminea,
brusgiavani li trunchi, brusgiavani
li dì, scuntipiggiaddi
e, pa’ noi tre piccinneddi, sireni.
A li setti s’accindìa
la radio, luminosa e bianchisgina
che farina in mezzu mesa,
mamma sighìa da un pezzu un radiodramma,
babbu ad asittà lu Gazzettinu, primma
di culcassi più o mancu cuntentu
si mittìa o no mittìa eva lu tempu
ad ingraiddà affichi e bisidolci.
Dabboi la radio divintava mea.
Un viagghju, un sonniu
a cavaddu di la freccia ruia
chi accindìa la notti
di mondi scunnisciuddi.
London, Paris, New York, Moscow, Madrid,
galuppava la frecciaredda, galuppava la fantasia
rigalèndimi micchi di parauli mai intesi,
ingraugli di linghi mistiriosi
cantu mittagni e armuniosi
cumenti sa essè la radio a di notti.
Ghindavu, ghindavu la roddaredda,
wuàà, èèèè, whiii, òòò, woùù,
e la freccia brincava, brincava
cumenti un griddu accindendi
stazioni e fantasii, cumenti un trenu
a di notti, cumenti la prummissa di un rigalu,
wuàà, èèèè, whiii, òòò, woùù,
parauli e soni, musica, vessi
e sinsazioni rimusi in chissi
dì palduddi ma mai dimintigaddi.
Pag. 96
LIBERTADE... de Giovanni Piga
Primu premiu – Versos liberos
In sa coda ‘e s’intrìghinu
chilliau
dae su lamentu ‘e unu sole barju
chi s’arrendet, istraccu
a sas fiaccas faddinas de su sero
ti pesso:
Tue
e
dego
intro una nue ‘e luche ‘e bambache,
che pessamentu suspesos
in su bànzicu modde ‘e unu respiru...
pendulande,
che pipiristas de luna
punterande ocros arbos
sos arrastos mustrencos
de sa notte
imbeniente...
Dego
e
tue...
a cabaddu ‘e toccheddos de frina,
in andalas d’impuddiles isortos,
Inube joculanu
si nche pesat su sole
ispalattande s’àghidu ‘e sa die
a grinas de durcura
pro dare apentu a terras de isporu...
Tue
e
dego...
a manu tenta...
orminande arrastos de corazu
in cussorjas pistadas
dae irgràrios de corbos
dae sùrbiles maliches irguttadas ...
Sàmbene ruju, ànima bianca...
Frades meos isettan,
pissichios
chin su coro sangrau
sos pessos attravaos,
gramuzande tristìa
in ruches
....de mudesa
fortzada...
Pag. 97
LIMBA de Antonello Bazzu
In su camulare
arrughidu ‘e su mare
alenat sa limba mia
e in sos nuscos
de sos fiòres de abrile
movet alas de mariposa,
lantada ma galu ‘ia.
Arrida ‘e sale
custa limba negada,
giagarada dae laras nostras, chena
guasi nos nd’abbizar’est diventada
limba ‘e s’ànima:
sàmbene chi galu muttit su sàmbene
de una zenia
chi pòpulu cheret èssere.
Sos sonnios mios si paschen
de iscolas inùe mastras
e pitzinnos attaten
cun sa limba ‘e sa titta
s’ ischire issoro,
gai chi ammudrigare si potat
sa ciarra ‘e sos medas
profetas de disaùra.
S’impignu meu
est chi manna si fetat
e piùs forte sa cuntièrra
pro chi unu sonniu non restet ebbia.
Pag. 98
L UGHE de Andrea Meleddu
Innida un‘ispera app‘in su coro,
commo chi bi ses tue chi mi ghias
lenas si fuint sas tristuras mias
in sos olvidos cun su pasu insoro.
Levios mi parent finas sos impreos
fitianos de sa vida chi m’ accansa(t)
dae cando bi ses tue s’abaldansa,
lughe m‘abrandas tottus sos anneos.
Rattos e ruos mi ponent aprou
in su camminu chi deppo leare,
sunt tessidos pro mi fagher strampare
e cuerrare su lugore tou.
Ma l’isco ca est pretzisu peleare
in custu mundu pro su campadòre,
umbras nieddas , rajos de lugòre
faghent che sas undas de su mare.
Finas sa vida nos ponet coidadu
pasende cale frina fainera
bi lassat isparghidos in s’aera
sos muilos de su tempus passadu.
Gai mi torrat in ojos sa memoria
s’alientu d’orriolos, pentzamentos,
paria biver scuriosos aposentos
‘ue non bidia sa tua gloria.
Dae mene matessi persighidu,
finas sende naschidu in bona ura
l’aia fitiana in coro s ‘amargura
de chie fit incheladu in su sentidu.
Ma commo intr‘ a su coro app’ un‘ispera
e so de custa vida fraigadore,
t ‘isto mierende , sigo su lugore
chi sparghes fitianu in donzi andera.
Pag. 99
LUGHES DE POESIA de Antonio Porcu
Est mortu de Bonorva su poeta,
Peppe Sotgiu, su “Cignu” ‘e Logudoro,
tessiat versos cun filos de oro
in Sarda poesia dialetta.
Sa ‘oghe rara, sa rima perfetta,
a meda zente hat toccadu su coro,
dae Casteddu finas a Nuòro
e tottaganta s’Isula cumpleta.
A s’Estero cun coro palpitante,
pro cunfortu de pena e nostalgia,
che l’hat giamadu su Sardu emigrante:
Cun s’anc’a pipa pro sa maladia
però hat fattu passos de zigante
mancari toppu, cun sa poesia.
Chie no hat cantadu in palcu reu
hat tentu cun sa pinna fama digna,
su Tonaresu Peppinu Mereu
hat dadu proas de futura insigna.
Mancari mort’unu seculu intreu
paret de l’haer ancora in cunsigna
chi sa cantone de “Nanneddu meu”
oe la cantat totta sa Sardigna.
In cussu pagu tempus ch’est duradu
dae su riccu hat difesu su poveru
a tratzu cun su sou male duru:
Hat sempre cuddu vile cundennadu
cun frases de giustizia e rimproveru
e hat previstu su tempus futuru.
Pag. 100
MAMA E FIZA de Gianni Melas
mama
Tottu notte so’in terra ischidada
aispetende a t’ider arrivare!
Ti parit custa s’ora’e rientrare?
T’istas goi a tardu fora ‘e domo
chenza narrer ue fis fin’ a-i como;
tottu nde faeddana, abirgonzada’
fiza
Parit chi apo fattu cosa fea
pro mi leare goi male a rialia,
tue faghes una grave maladia
si cun zente unu pagu mi trattenzo;
arrejonu nde fatto ca bi tenzo
e a su rientru a tie agat’intrea
mama
Zertu! Est ca so-e arrendegada
‘idinde su tou cumportamentu,
faghes faeddu in donzi momentu
cun zente mai ‘ida e connotta,
t’arreas chi ses abbeada totta
cun sa fain”e domo irmentigada!
fiza
Eo lu fatto su piaghere meu
ca lompid’ apo s’edade mazzore
e tue non ti ponzas malumore
ca pro a mie a tottu penso eo,
si chistionend’appena m’arreo
non t’incrispes e lassami su peleu!
mama
A-i custu punt’ ‘ide su chi faghes’
Inoghe so eo a cumandare
s’in custa domo che cheres restare
sos cherveddos non ti giuttat su ‘entu,
ca podet bender su giustu momentu,
pentida, de disizare sas paghes.
fiza
No!... no mi pento, ma no so-e nemiga
tua chi mi faghes mala minetta,
naras chi non soe fiza perfetta
e mi cheres cun tegus inserrada?
Oe s’era moderna est comintzada
e deo no mi cherzo a s’antiga!
mama
Itt’est tottu custu fagher modernu
chi tue tantu meda tinde ‘antas?
Est pro cussu ch’in domo no agguantas?
Pag. 101
Forzis deves calincunu chircare?
Ist’attent’a su ch’as a combinare
ca custa cosa non durat in eternu!
fiza
Tue ses sempre bona vigilante
e già l’ischis chi tenzo s’amoradu,
mi naras chi tottu ti l’ana nadu?
Tando custa cosa no est costoida...
si tue dae atere las ischida
non penses chi cussu siat un amante!
mama
L’apo id’in sa butica comperende
fit faghindes’unu pag”e ispesa,
no bidia itte flt subra sa mesa
ca cuada flt sa merce intro sa busta,
at esser cudda meighina giusta?
Chi eo già mi so’ immaginende!
fiza
Finindela s’atter’ ‘e pessighire
no t’abbizas chi faghes tanta pena?
Lassa perdere sa zente anzena
chi tottu faghet cun attenzione
e chenza peruna intenzione
de mi cherrer mal’e male servire
mama
Como chi m’as postu in contivizu
intende su chi ti naro: abbaida
de no ne torrare a domo raida,
ca tando inoghe deves bistare
addagh’arrivat a ti lu ninnare;...
eo no ti lu giogo mancu aizu!
fìza
Gia l’isco ite ti dat meda dolore,
est pro sa zente chi tenes ‘irgonza,
a su nessis t’esseras fatta monza
e no aias tentu custu turmentu
inserrada intr”e unu gunventu
preghende tantu su bonu Senniore.
mama e fiza
Sa ‘ezza at perdid’azza e chiza,
sa minore est diventada mama,
de cuddos tempos de sa bella fama
restadu est solu su giust’ammentu;
arrivadu est torra su momentu
chi sa mama peleat cun sa fiza.
Pag. 102
MISTERIOSU FOGLIU de Fabiana Contini
Unu quadru apo ordinadu
po mannu Titulu de ponnere
tra linna e b’idru serradu.
In cale si siat limba esserede
s’isbiadidu e onoradu paberi
deo pizzinna l’aspetto cun fede.
Su fogliu este ancora petuleri,
ma sa linna tenzo seberada
da unu mastrelinna furisteri.
Aspetto in domo s’imbucada
de sa prummissa fatta a mie
in sa ostra bella prima annada.
Da sas undighi a mesudie
colana sas oras, dies e meses
e deo... o fogliu penso a tie.
tue fogliu...indifferente ses,
a mie deludes no pensas e proas
ca sa paraula no mantenes,
A notte intrea in mente torras,
penso a chie t’at sequestradu
ti dao su numene e m’iscovas.
Tra sa linna in b’idru serradu,
aspetto cussu fogliu frunzidu
ca unu quadru tenzo remunidu.
Ispero tantu siat a mie imbiadu
allegra intono unu passu torradu.
Pag. 103
NO B’ HAT COSA de Gian Piero Angotzi
No b’ hat cosa chi no tenzat finitia
in custu mundu passizer’ e vanu
naschet e bivet su gener’ umanu
sighind ‘unu ciclu istabilidu
e cando su giru hat congruidu
comintzat s’ora trista ‘e s’agonia
B‘est sa fine pro totus e pro totu
comente su comintzu b‘est istadu
e mai sa natura hat cambiadu
ne sa lege eterna hat a mudare
ca a su tempus no podet durare
niuna cosa chi amos connotu
Bellesa, est che frore prepotente
frazile e de nuscu incantadu,
ispantat e ammajat su criadu
cand’ est tando in su mezus lugore
ma in presse nde perdet su valore
ca s’ ingroghit, si siccat prontamente
S‘amore , ch‘est su mezus sentimentu
ischinditta lugorosa ‘e divinu
si miminat andand’ in su caminu
podet esser chi sa fraca s’istudet
e tand’ in dispretziu si mudet
boltand ‘in odiu in su momentu
Si gherrat pro sos benes e ricchesa
sa vida cun s’animu in affannu,
cun sa brama e su famene pius mannu
sena pasu pro arregoller tantu
ma nudos, cun dolore, in piantu
si Iassat su mundu in poberesa.
Toccat a tardu sero s‘Ave Maria
ammentande chi sa die est boltada
d’entu frittu s’intendet sa filada
e s’iscuru ammuntat onni cosa
sa campana si faghet pietosa
de sa vida est finia sa tribulia
Pag. 104
NOSTALGICOS MONTES de Antoni Deiana
Sas cristas de s’amenu Gennargentu
sun ancora giamende a manna ‘oghe
naran, Peppinu torrande a inoghe
a ti leare cun nois su ‘entu
Beni ca semus orfanas de musa,
beni e canta cun dulche melodia
un’arcana e sintzera poesia
a chi nde godat tota s’Ichnusa.
E si tue l’indendes su lamentu
in bonora, prite non faghes craru?
disizende ti semus, rende amparu
a su ‘etzu montaninu aposentu.
Bruncuspina est sognende a die intrea
chi de nou li fetas cumpanzia
comente canno fisi in pitzinnia
in foras de turmentos e pelea.
Tantas boltas cun boghe armoniosa
as cantadu unu mutu a sa montagna
bogande cosas bellas da-e s’intragna
comente a chi canteras a un’isposa.
E-i sa montagna, silente, sintzera
ascultaiat sos versos de oro
e los inserraiat intro coro
ca fis tue sa sua capinera.
Onz’ena, onzi roca, onz’animale,
onzi pianta et onzi fiore,
an pretziadu che divinu amore
su tou arcanu donu naturale,
Dae meda si sentin a disaggiu
ca li mancan sos mutos de Peppinu
s’intrecciu ‘e ogni versu repentinu
esprimidu cun nòbbile limaggiu.
E de si lamentare nd’an rejone
ca niunu che tue, in custas eras
ana intesu cantende tzeltas seras
ne fatu a s’ama ne in su masone.
Ma si torras de nou a custas iscas
faghimos festa manna cussa die,
et onz’onore det esser pro tie
in sas montagnas bentadas e friscas.
Pag. 105
ONORE A SA BRIGATA SASSARESA de Cosimo Secci
Onore a sa brigata sassaresa,
orgogliu e vantu de s’isola intrea
coraggiosa, e ardita in sa trincea
morit si, ma non manifestat resa,
a dogn’ordine est pronta ubbidiente
pilastru de s’ITALICA difesa
sa cumpostura sua maggiormente,
est de sardos, arditos valorosos
son riccos de talentu, e operosos
sinceros coment’est sa sarda zente,
de perigulos non tenen timore
a dogn’appellu risponden presente
in dogni gherra s’issoro valore,
fat’hat lizera sa cosa prus grave
amenta Caporetto, su Piave
cantu samben versadu in su Cadore
ma resessidos bi sono a s’intentu
de distruere, su nemigu invasore
s’istoria, los tenede in amentu
onorendelos b’hat tantos iscrittos
de varias medaglias insignitos
chi de gloria e vantu han’ornamentu,
s’issoro valorosa balentia,
decantada, de lodes e meritos
vigliacamente, sende in Nasseria
l’hana agredidae, colpida a sas palas
sos agressores, fini animas malas,
prenos de odiosa barbaria
hit de paghe sa missione issoro,
difensores de s’umana zenia
decorados chin medaglia de oro
dae tottus dimonios giamados
a sa gloria massima elevados
riccos d’orgogliu, coraggiu e decoro,
ma, cust’ultima issoro missione
declassados los’hat, e m’addoloro
sonat comente una punizione
feridos, pero’ dae atera balla,
da sos chelos mandados a s’istalla
po poderen pulire ogni cuzone
no importat s’est una cumpagnia,
oppuru solamente unu plotone
Pag. 106
a cussos falsos narrer lis cheria,
de no imponnere s’issoro potere
e, vaghere zelantes su dovere,
de cessare s’issoro ipocrisia
sos soidados, chi sono orgogliu e vantu
lis diat menzus ordines su mere:
E, PO COPRIRE CERTAS MASCARADAS,
MANDENE A CHIE LAS’HAT CAUSADAS.
Pag. 107
ONORI A SA MEMORIA de Savino Spiga
Deu poeta campidanesu
seu unu pitticcu scrittori
a su maistu tonaresu
seu beniu a rendi onori.
Oi Tonara est in su sceu
po su cultu de poesia
tottu meritu de Mereu
chi in Sardegna e nodia.
De Peppinu terra nascia
poeta de manna stesura
de sa rima in poesia
unu geniu de bravura.
Scaltru di espressioni
trasparenti e coraggiosu
Poetada cun passioni
cun successu gloriosu.
Po is’eredis de Tonara
hat lassau mannu valori
de scrittura bella crara
sia curau cun amori.
Ma tonara e affascinada
de sa storia de Peppinu
tottu beni preparada
po onorai su cittadinu.
De custu mannu scrittori
est beni acconnottau
po is sardus est onori
sia sempri arregordau.
De su scrittu valorosu
chi Peppinu hat lassau
di onori dinnitosu
a sa storia e passau.
Pag. 108
ORFANU de Angelino Mocci
Grazie Tonara, m’as invitadu
partecipare custa decorrenzia,
de Pippinu Mereu ch’à lassadu
in Tonara, sa sua sufferenzia.
Pippinu nò fetta penitenzia
po essere dae me nomenadu
orfanu da minore es bistadu,
in edade pagu isperienzia.
In sa vida sua no à tentu brama
c’a bindigannos les morta sa mama.
Dopo duosannos esatamente
su babbu puru accidentalmente
po disgrazia puru, l’es mancadu.
Orfanu de babbe e mamma es restadu
In cuss’edade non fù facilmente
tantu dispiaghere c’a passadu
da su dispiaghere tantu forte
in sa menzus’ edade tent’à sa morte.
Non fette pena Pippinu Mereu
in custa die de lu numenare
e como lassamolu riposare.
Riposed’ in paghe santa cun Deu
oe chi lu semos nois memorende
siada cun sos anghelos preghende
a su poppul’e Tonara tottintreu.
Un’abrazzu dae su coro meu.
Unu saludu a tottu Tonara
zent’ospitalidade no avara.
Pag. 109
PADANOS de Francesco Niffoi
Prima veniana dae sa Germania
Como imbecese venini dae sa Padania
Ini sos primos in sa lista
A essere numenaos razzistas
Parimus in sa gherra de secessione
Chin vusiles e cannones
Sos poveros sudistas
Contro a sos riccos norditas
In sa buzzacca su virde mucadore
Ca usana cussu comente colore
lssos si nana secessionistas
Ma sunu solu casinistas
Cherene dividere s’Italia in duos
Ma solu pro caules suos
Ca issos ana industrias e dinare
E Miss Padania de vesteggiare
Un’avula bella e bona
Este cando nana Roma padrona
Ca sos meres mannos istana in sa Madonnina
Tra ismog e viaccos de benzina
Ma in’istiu venini a s’abbronzare
A sos nostros isplendidos mares
Una vorta cumandavata Carlo Alberto
Como a Re cherene a Bossi Umberto.
Pag. 110
PARIT de Luca Marcia
Parit de chistionai de terras meda atesu
de cosas mai bias, de ominis balentis
de istorias mai contadas e perdias cun su tempus
Balla ca no
is erois antigus sighint a bivvi’
Intre is ogus de sa genti chi no scit castiai
circhendi de abarrai bius, cumenti anti sempri fatu.
Forzis est prus simpli a cumenzai;
ma traballosu est a acabai.
Medas cum prexeri ant a pigai is armas de sa gloria,
medas funti balentis a ddu fai.
Ma it est prus giustu?
Sighiri su coru o abarrai scraus de sa conca?
Epuru i montis no si spostant,
s’acqua e su scuriu no acabant de calai.
Cussu chi cambiat est su tempus:
forzis est unu beni, forzis custu est unu mabi.
Ma candu cussu chi depit cambiai abarrat sempri su propriu,
e cussu chi no s’indi depit andai, currit,
inzaras at a fai un’arrastu, un’istoria noa, unu contu nou.
Ma no cumenti si dd’arregordaus nosu
cun is armas, o bendau, o a bestimenta.
S’at a puru acostai a chistionai cun calincunu de nosu
ma de meda tempus issu teidi a bisongiu.
Medas bortas toccat a acabai po cumenzait calincuna cosa.
Inzaras medas ant essi’ cussus, chi ant a sfidai sa morti
po conosci’ sa beridadi e sa luxi de sa notti.
Pag. 111
PASCIDROXU ‘E MONTI de Maria Gabriella Piso Demuro
Una femina traballat in s’altura.
O forsis giogu est pasciri is mallorus
cun su fideli lupu persighendi
su vitelleddu maccu chi carcinat
e no torrat a su statzu, candu s’ora
est arribada ‘e pappai po issa puru,
sa pastorissa, e d’abettat accanta
una pipia ansiosa cun sa iaia
tota attitirigada e accugucciada.
Pag. 112
PASTORI de Dante Erriu
Pastori sàbiu pren’e cumpeténzia
sempir’ avatu ‘e su tallu dì e notti
e candu su mangianu ses in cotti
su latti ddi si mullis po esigénzia.
Ses abritiosu e de bon’ascendénzia
ma speras sempiri in sa bona sotti;
e tui, mischinu, cun coraggiu fotti
sighis serenu e no timis senténzia.
Cun su coru amoddiàu e affrigìu
sighis sulenu chene ti spantai
acullendu sa “misera” ricchesa.
A pustis chi has totu discinìu,
de s’arrenda no ‘ndi podis papai
ca bisòngiat a ‘ndi bogai sa spesa.
De su pastori, pagu est su spàiu
ca su guadàngiu est de su casàiu.
Pag. 113
PECCADORE de Antoni Maria Pinna
Signalada – Versos in rima
Non l’isco, s’app’a tenner s’attrivida
de ti pedire perdonu o Segnore
cando pro me s’allizat su fiore
de sa vida terrena attraessada,
e si pro me sa notte est isteddada,
sa notte de s’eterna recuida!
Si no happo furadu ne bòcchidu
peccadore mi sento Deus meu,
ca medas boltas de su pane intreu
non nd’happo dadu unu cantu a famidos,
cand’in sa pedde e ossos los àpp”idos
in su desertu ranchidu e sididu.
Si no happo connottu sa venditta
a boltas cun sa limba happo feridu,
ma l’happo fattu cando mi so ‘idu
che innotzente chi l’han punt’e fertu,
e non sempre su coro l’happ’abertu
a ‘ogni legge Tua beneitta!
Peccadore mi sento, peccadore
ca de tottu sos donos chi m’has dadu
de nemmanc’unu mi so ispozadu
pro ‘estire unu frade in patimentu:
nudu l’happo lassadu a frittu e bentu
sentza l’apporrer sa manu ‘e s’amore!
Peccadore mi sento ca sa rughe
non l’happo poderada subr”e palas,
ne ricconnottu cantu mi regalas
cun su coro ‘e sa Tua onnipotentzia;
pro tottu custu ti jutt’a presentzia
su pentimentu pro mi dare lughe!
Dami lughe, Segnore, chi che rua
intro s’abbratzu ‘e su caminu ‘onu,
e ch’in s’ultimu àlenu su perdonu
lu pott’ ‘asare cun sas laras frittas
e bussare, bussare inue abittas
pro m’abberrer sa janna ‘e domo Tua!
Pag. 114
PENTZAMI AMORE! de Augusto Boi
Pentzami amore!
Candho in s’altu de su chelu
De s’azurru pius intensu
As a cunsignare unu basidu
A su raju de un’istella.
No apo cosa pius bella
Aintro su coro:
Pensare a s’amore tou
Comente eterna primavera
Chi cun sos fiores suos
Mi pienada sa vida!
Pag. 115
PESPERU PELEOSU de Stefano Arru
In abbas abbolotadas
de sas ludosas pischinas
non nde birant sas muinas
de sas isperas ninnadas
in bisos de pitzinnia
e che calant prus a fundu
pro sas feuras de mundu
sos dissignos chi tenia.
Ca sos jogos innotzentes
istentant a benner mannos
in mesu a sos afannos
chi atraessant sos ischentes.
E a matana pighende
s’irrocadorzu de vida
in sa fama cumprida
s’essentziale rupende
seberas cosas a gosu
in faidas de onzi die
pro isolver astrau nie
de su podere istragosu.
Tue, poete arcanu,
imberghed’in mes’a zente
pro l’isjarìre sa mente
pianu, a tenta manu:
est pedinde veridade
a sa tua sabidoria
aberi coro e ghia
a li dare libertade.
S’imbreaghera de puresa
de sos pitzinnos in festa
inzita e ammonesta
contr’a onzi malesa.
Brivu de uman’ischire
cola istrintu jannile
si brama t’istichit umile
de luego nde collire
su batimu prus diciosu,
alu de forte puntzia,
in fiocos de poesia.,...
.in pesperu peleosu!
Pag. 116
PILLADOS de Giuseppe Chessa
O veras da d’onzi locu accudide
Ca zirriosas mi vido visiones
Dae sos Romanos surviles Pulones
S’isula e sa fortuna” difendide.
Arrotade d’onzungra d’onz’iscaglia
Ca vinidu est su tempus de su jogu
Si b’at bisonzu de verru e de voghu
Movite de isprene una battaglia
In modu chi s’Erode prepotente
Sezitu a furriu de su Quirinale
No nos cundat chi banza mortale
Sa terra de s’ozu e de su nepente.
Ca toscosos resumos e rifiutos
Punnana in Sardigna incuzonare
Sun velenos potentes pro toscare
Innidas tancas e verzines putos
Si su mare li achides brincare
Poi s’imputu su gerrare est vanu
Morit pro semper su belle veranu
A izos ostros it’azis a lassare
Morit s’ulia sa vite e s’ozastru
Solu tiria, erula e prunischedda
Marcurella, truiscu e sa luedda
Campat, morit pirarva e pirastru
Sas roccas si porvene in arenas
Sos arvores siccos che gherdhone
Si sicat s’ortu ei sa vidathone
Non riden prus sa abas de sa venas
De su mare sos bellos arenajos
An’abennere caentes che brajeris
Sos pisches in sos culumberis
Morin che soriche in soricajos
Su rusignolu zessat de cantare
Vinit de brincare su mucrone
Poveru grodde poveru sirvone
Solu su corvu sichidi a bolare
Siazis vois sos Sardos sordados
Can difèsu sos sartos de Trentinu
Gherrate pro chi non brichet Cainu
Balentiosos e tottus pillados
Pag. 117
POBERU de Francesco Noli
Poberu, su foeddu est med’antigu
Coment’antiga est sa poberesa,
chie no n’ha connotu de ricchesa
a s’erricu est aversariu e nemigu.
E poberos de medas calidade(s)
ne du hada, e dos descrio a modu meu,
chie ricchesa non d’ha giau Deu
cussu est prenu de miseridade.
Est poberu chie no had’omo e no ha lettu
ne inare, e cosa po pappare,
no ischit mancu inue si croccare
ca de suo non tenede unu trettu.
Est poberesa a esser disonestu
e poberesa puru est a furare,
poberu est chie non chelede istimare
ca su gerbeddu ugget chena sestu.
Poberu est cuddu chi no ha rispettu,
de s’atteru, òmine che a issu,
ca had in conca su pallinu fissu
de faer male, a nemos had’ affettu.
Chi unu est’in bisognu e non d’aggiudasa
e ses poberu tanno ‘e caridade,
e chi ses farzu senza beridade
de erricchesa zertu non ti mudasa.
Pobera est sa femina chi su figgiu
partòrit, e a s’aliga du fuliada,
poberu est chie a s’atteru ignuliada
d’esser’erricu no had’ assimiggiu.
Poberu meda est su chi non s’isprigada
in issu ettottu, po si render contu
ca est’in tortu, malu e puru tontu,
che ignorante a s’atteru pigada.
Poberu puru est su chi est illusu,
poberidade giada onnia viziu,
chie pr’offennere, malu giàt giudiziu
e chi’ de s’indifesu si had’ abbusu.
Chie meritat lode e non si d’hasa
e s’errichesa tua non si reggede,
chi unu custas cosas non curreggede
poberu had’ a campare oe e crasa.
Pag. 118
PRIMA DIE DE ISCOLA IN TONARA de Francesca Dessì
Primu premiu – Versos in tonaresu
Marca “lo faro” unu bullu e sabone
apetiganno tzirifodde e ludu
calo a mi samunare fatze e tzugu
a s’abbeveratoriu in su grifone
Sa die est fritta e fritta s’abba puru
ma limpia a iscola chergio annare
po imparare a iscriere, e a contare
chime francos invece de un’ìscudu
Iscutulanno finzas a iscola
prenu ‘e brasa unu botto istampau
cun sa maniga longa ‘e filuferru
In su bangu tremenno sola sola
su maistu hapo assimigiau
a unu tiaulu essiu dae s’ifferru.
Pag. 119
PROITE NON CANTAS PUZZONEDDU de Pietro Pittalis
Ite amalgura tenes in s’intragna
puzzone chi no has pius cantadu
ti miro tristu in s’arbore assoladu
forzis ses isetenne sa cumpagna?
Prite non brincas’a sa copertura
prite istas solu in s’arbor’e sa figu
pesa sa oghe puzzoneddu amigu
de me non tenzas peruna paura.
Cantas bortas mi has fattu cumpagnia
in dies prenu de aflizione
cand’it su coro in palpitazione
mi lu cunfortaias tue ebbia.
Tue solu si sichis’a cantare
mi podes dare unu pagu e cunfortu
e s’animu chi tenzo mesu mortu
mi lu podes ancora rallegrare.
Ite ses tue puru in mala sorte
su t’ider goi in dolore prufundu
forzis restadu ses solu in su mundu
ses orfanu o perdìdu has sa cunsorte?
Ses gai no sò solu in custu logu
su sole est artu ma regnat s’iscuru
semus in duos, pares tue puru
in d’unu purgatoriu de fogu.
Tue ses che a mie in sos affannos
e ambos lastimosos de dolore
prite semus restados senz’amore
in su menzus fiore de sos annos.
Chi sufras penas de dolore creo
cumprenno su chi provas, ite dolu
ma non ti fuas, no mi lesses solu
lassa chi a pianghere sia deo.
Pag. 120
RADICI de Teresa Angela Carboni
Un’ateru annu est ormai passau
e deo poeta non fia e non seo,
ma su chi cherzo a lassare deo
pro d’iscriere sa pinna apo pigau.
Tonara est sa idda mia;
su tempus est istau galeotto
fiat s’annu barantotto
canno deo seo naschia.
Mi paret erisero chi apo giogau
e fio in s’avviamentu professionale,
ogni tantu, mi pogno a regordare
s’adolescenzia chi apo passau.
Cussos fiant annos de povertade;
ma sa gioventude est bella,
como, mi paret una favella
solu a ddu poter raccontare.
Est arribada s’industrializzazione
e pariat gramu s’avvenire,
tanno, penzau apo de partire
e pigau su trenu in s’istazione,
giumpau su mare in bastimentu
partia seo cun su coro dolente
toccau terra apo in continente,
e su torrare semper in penzamentu.
Su tempus est ormai passau,
oe m ‘agatto in pianura padana,.
non creo prus de torrare a Tonara
ca sa famiglia in noghe apo formau.
Como pro me est importante
de non ripetere s’esperienzia mia,
i figios sunt naschios in Lombardia
e non s’intennent issos emigrantes.
A issos, chi como sunt mannos,
naro:.ambae a Tonara a saludare
non firmeis che turista in mare,
su disizzu meu vos raccumanno;
Da chi arribais, firmae unu momentu
iscurtae su coro vostru battente,
trasmittie a i vostros discendentes
e lassaeddu comente testamentu;
Pag. 121
a torrare a Tonara ogni tantu
e liggere custa mia poesia,
raccontae: custa est sa radice mia!
E sa discendenzia siat unu vantu.
Chi trasmitto a issos s’amore
pro custa terra mia abbandonada,
invanu non m’intenno passada
e po Tonara si fatzant onore.
Lasso s’iscnttu pro faet in modu,
prima de arribare a sa meta mia,
de lassare cun custa poesia,
de su passaggiu meu, un’arregodu.
Pag. 122
ROSA PASSIDA de Tonino Fancello
Non coles lestra non ti fagat umbra
o bella rosa chii in vida cheria
cando in su campusantu faghes runda
rende cussa mirada a inoghe ebbia
varda un’istante custa fritta tumba
ite t’ammentat ? sa fotografia
non ser bidende? cà so-e seppellìdu
ma s’amore chi t’aio èst semper vivu.
Non coles lestra non pedo piedade
de custa sorte ingratta e traittora
han’avisau trista s’amistade
campanas mudas in cussa mal’ora
ma tue ses colada che unu prade
ghettande s’abba santa inter cuss’ora
colada ses che lestra interi su entu
chene lacrima in cara su mementu.
Non coles lestra a chizu bassu bassu
rosa de cuddu tempus chi’it frorinde
in custa fritta losa in custu zassu
nudda cuffortu jugo ammentatinde
mancu unu frore inoghe lanzu o grassu
m’has postu e carchi precu so-e muttinde
non t’ind’ammentas sa visonomia?
cand’in làras e in brazzos t’istringhia
Non coles lestra appinnati un‘istante
m‘èst cuffortu galu sa bellesa
intas si pacu t‘ido e dilliriante
mi paret pacu custa terra inchesa
pacu baccanu intendo in su garante
chi jugo in s’ala po dare s’intesa
ma jeo puru inoghe pacu b’ido
s’umore c’appo perdiu e pacu rido.
Non coles lestra cà fisti solu una
pessa a cuddor mementos che furados
a su sole sa terra e a sa luna
a su tempus sas oras e arestados
cando in terra c‘accabbas sa fortuna
t’irvetto in sos casteddos che fadados
e has a parre sa Frora ‘e cudd’incantu
chin mecus che reina in su fiancu.
Pag. 123
ROSAS E FIORES de Salvatore Murgia
Inue un’ alada e dota mente
de custa terra rosas e fiores
at cantadu, e piantos e dolores
suos, e sos de sa pobera zente.
Totu sa idda I’est riconnoschente
e pro li render meritu e onores
su ‘e duos de bandu at ispedidu
de su cuncursu pro dare cunfrima,
ca an a sa poesia vera istima
lassare non la poden in olvidu,
e I’an in duas cambas divididu
una in versos isoltos, una in rima.
E sos poetas potan dare prou
de cale siat prus cumbeniente,
ca sa dificultade est evidente
tra su cumponner bezzu e-i su nou.
Medas sa rima lassan in costou
e iscrien in modu diferente.
Sa de Mereu e Mossa, Melodia
a sos modernos non lis dat consolu:
ne sos poetes chi cantan a bolu
e mantesu an sa limba semper bia.
Naran, chi cussa no est poesia
sos criticos de oe, est rima solu.
Sos dulches mutos, s’ antiga ninnia
c’a sos fizos sas mamas cantaian
cando in su brassolu los dromian
in sa rima fut totu sa majia.
E-i s’atitu in s’ ora e s’ agonia
cun rImas de dolore I’ esprimian.
E sos chi I’ an in coro costoida
cantan cun issa, mudos no arrean,
in sos cuncursos ‘e palcos I’ imprean
a cara franca, non timen s’ isfida.
E da chi finin sa terrena vida
a cudd’ ateru mundu che la lean.
Tonara, zertu at a esser fiera
de su cumponner nou e de su ezzu:
ognunu iscriat comente est avezzu
bastet chi mandet poesia vera.
Pag. 124
ROSAS PO FIORIRE SOS BERANOS de Pietrino Curreli
In custa terra certu àn a naschìre
rosas po fiorire sos berànos
ca seminàdu àn distìntas manos
chi non poden sos semenes fallìre.
De Peppinu Mereu àn a sighìre
s’andela sos cultòres paesànos,
ca issu già dae tempos Iontànos
semen à postu e devet prosighìre.
Po cuddu vate chi in Galusè
connòtu à sa Castàlia funtàna
coltivànde a sas musas su giardìnu:
Com’in Tonàra a nomen de Peppinu
unu cuncùrsu bandìdu ndelàna
ca in sa poesia issu fu rè.
Pag. 125
SA DISPEDIDA... de Ida Patta
In telargiu ‘e s’ammentu,
tesso a tram’‘e coro
custa tela nodìda,
retrattu de sa vìda.
T’ind’andàsa
po s’urtima dispedìda
cun d’una perr’e paraula
in lavras: ite fut Mamma?
S’urtimu cossigiu
chi mi mancat?
Sempere pronta,
mai stacca de donàre.
Mancu su dolòre
t’ind’hiat furàu su sorrisu.
In tegus m’isprigo:
abba cristallina de funtàna.
Mi sustentàsa dogni ‘orta
chi tenìa “sidi” de carignos tuos.
Cust’arrighina, mai scarzàda
zeurrat ancora poderosa
in su cuile meu
e sighio a dd’abbàre...
po lassare semen’e sabiòre
a benidores.
Sa cadira tua, buida
accant’e sa giminera
hat ispogiàu totu sa ‘omo.
Unu surrungiu
mi pressighit fittiànu:
t’hapo torràu cantu meritàsa?
Cando, una lambriga risulàna
ti tziliggitat is trempas:
fut de prexu o de dolore?
Mai ti dd’hapo domandàu.
Como,
a chine pedio sa respusta?
Pag. 126
SA DROGA de Gianfranca Modolo
Dio poder risurtare meda banale
a chistionare propiu de droga
ma s’argumentu est troppu in voga
e poi este una cosa ormai reale
Nois nos depimus ischidare
troppos piccioccos si sunu drogande
e impresse sa vida si sunu brujande
probabilmente chene sind’abbizzare!
Est unu allarme immediatu e urgente
chi so mandande cada die
a tottu sas viddas e a tottu sa zente
Chircade solu de immaginare
a unu pizzinnu de degheott’annos
sa marea de irreversibiles dannos
chi sa cocaina li podet causare
Naro cocaina ca este sa pius usada
ma no est oe zertu sa sola cossumada
da-e su vastu populu e sa zoventude
Este comente una vritta palude
una palude vritta e soffocante
simile a sa selva oscura de Dante
O mezus este unu tunnel nigheddu
poveros neurones in cussu cherveddu
Concludo nande chi una soluzione
definitiva como non bil’amus
ma eo mi pedo: pruite non chircamus
de tradurre sas paraulas in azione
Pag. 127
SA FEDE ISPERANZIA E CARIDADE de Gesuino Loi
Custa moda at tres cosas principales:
In su munnu pro su genere umanu
sun custas sas tres cosas capitales
po esser unu bonu cristianu,
ch’aumentat benes e alleviat males
po tenner s’anima e su colpus sanu,
ca semus tottu poberos mortales
gia invoccamos sa celeste manu.
Chie creet at bunnanzia e umiltade
cun isperanzia fede e caridade,
b’at benestante, ateu e aflittu
chenza Deus est infant’e poberittu.
Ca istat bene si ritenit forte
chi issu podet totu comperare,
ìsfruttenne e chenza mancu pensare
ch’in sa vida bi cheret bona sorte,
est po cussu chi maladia e morte
s’isperat cun sa fede d’evittare.
Chie creet at umiltade e bunnanzia
cun fede caridade e isperanzia,
ateu e aflittu b’at benestante
poberittu est chenza Deus e infante.
S’isperanzia in coro la bramamos,
po risolver problemas e affannos,
po cussu cun sa fede ch’invocamos
ogni die preghenne in sos annos,
si b’at appidu alleviet sos dannos
chi mai suzzedan invocamos.
Chi at bunnanzia, umiltade e crede
cun isperanzia caridade e fede,
benestante b’at aflitu e ateu
est poberittu, infante e chenza Deu’.
Cun sa fede gia torrat su sorrisu
e isperende su coro s’abberidi,
sa caridade azudu t’offeridi
allegrende a su poberu su visu,
sun sas tres cosas chi Deus cunzedidi
po godire crasa in paradisu,
chenza istare girenneb’in tunnu
po su genere umanu in su munnu;
Pag. 128
cosas principales custa moda at trese
unu bonu cnistianu tanno lu sese,
tres cosas capitales custas sunu
in ogni tempus siat malu o bonu,
chie at isbagliadu ottenzat peldonu
po bonu cristianu esser unu,
no restet a insegus de niunu
salud’e allegria apat in donu,
cun fede caridade e isperanzia
in ricchesa augurende bunnanzia,
gai su bisonzosu podes accansade
cun isperanzia fede e caridade,
in modu chi Deus dae sa sede
ogni isperanzia ch’as a disizu,
po te parentes e ogni fizu
ti l’accanset c’as appidu fede.
Pag. 129
SA FEMINA SARDA de Antonio Renato Cocco
Is gunnèddas a tragu
ki promittìant’ mèda
ma ammòstant’ pàgu.
De Casteddu a Campèda
Sighìast fetti su fràgu
aspettèndi sa scèda
tottu, a pàgu, a pàgu
ma po tèmpus mèda!
S’ antiga femina sàrda
portàd’in fàcci, su velu
cundìad’ cun sa pilàrda
senz”e ponni trupèlu.
mancai fèssat in “PARDA”
Crocad’ in d’unu telu
e bestiat cun d’un’ imbùstu
a buttònis de oru, infùstu.
Su merì d’agatàda
Pistènd’in su telàiu
jai sèmpir’ occupàda
de mes”e ìdas a maju.
A tessìri s’ingèniada
sa bèrtula a su baiu
cantènd’in dogna momèntu
iscarescìat su trumèntu.
In sa festa, baddèndi
cun su custum’antigu.
In su sàrtu , marrèndi
In d’una terr’‘e trigu
e in sa lòlla , tessèndi
parìat ke unu sprigu.
Bella, a intru e in fòras
comènt’is sàrdas mòdas!
Pag. 130
SA FUNTANA DE ABBA FRIDA de Sebastiano Saderi
Penso a sa funtana de abba frida
Meritad’unu menzus trattamentu
Abba sana nen bamba e ne salida
e a sempre bundante s’alimentu
issa è sempre de ricevimentu
Non lassad’una persona sidida
Poi curada de microbos pulida
Tene continu su medicamentu
Samugheo de issa tene cura
A connotu ca est una richesa
Su comunu de oro la tratada
Semplicemente ad’un’istrutura
L’at dadu puru unu segnu e bellesa
Ed est a tottu notte illuminada
Est meda tent’a contu e visitada
Isfida sas funtanas de sa zona
Tottu sa zente chi l’an praticada
Narana ite frjsca e abba ona
E issa ndes cuntenta e onorada
Ca tottu cantos li fahen corona
Galusé pius susu est famada
Ma non li pode faghe sa padrona
Abba frida meda bundanziosa
Tenet finas cumpletu su sabore
Curre velocemente frisca e giara
Sorget in d’una terra sabbiosa
Non s’intende niente inferiore
A sas abbas famosas de Tonara
Ma ba persona chi non des cuntenta
Tenne custa richesa in domo sua
Ogni tantu a s’oscuru si presenta
Unu dispetu li faghet a cua
De no esses crudele isculta e tenta
Poned’in mente ca es finas tua
Cust’imensa richesa frecuenta
A la bider pius allegra agiua
Lassali sos aplicos chi lan postu
Sun comodos e non tenen valore
E nde godit d’ognunu chi bi passada
Cust’iscandalu es tuo e nostu
Ponem’in mente no est un’onore
Pro sa persona chi nudda non lassada
Deo funtana m’intendo signora
E m’apo fattu manna clientela
Meda zente mi naran chi so bella
Custu mi rende pius fam’ancora
Benin sa Samughesa cittadella
E mi visitan finzas zent’e fora
Solu calcunu es chi non mi piaghede
Ca ogni tantu unu dannu mi faghéde.
Pag. 131
SA IDDA ‘E MACUMERE de Salvatore Sogos
A su tempus de sa mia pizzinnia
Macumere fuidi ancora una idda,
pagu estesa e pagu abitada,
cun sas carrelas tot’impedradas
e sos rizolos pro s’abba piovana.
Sas pezzas bene isquadradas
accantu a sos gianniles arrambadas
pro pode sa zente friscurare
in sas nottes serenas ‘e istiu
cun sa luna in artu incantada
in mesu a su chelu isteddadu.
Ogni domo paria beneitta.
tanta fuidi sa mere ospitale:
ti aberiada sa gianna senza male
e ti daida azudu e cunfortu.
Oe nos parede de tenne totu,
ma sa nostra est solu illusione,
non damos pius attenzione
a sos poberos e derelittos,
cherimos solu diventare riccos.
Pag. 132
SA IDDA MIA de Salvatore Ortu
Post’a treghentos metros de altura
In d’una fertile e gioiosa collina
Soleggiada e cun aria suprafina
Vantas unu monte de elighes gioiosu
Unu bellu logu friscu e silenziosu
Ue si riposada cun maestosa dulzura.
Abbundantes sun sos rios e funtanas
De abba pura sana frisca e deliziosa
Ue ogni vera felice e maestosa
Si dissetat cun cantigu armoniosu
E inie tenene su meritadu reposu
Postis de haere oladu in terras Iontanas.
Sa bellesa est sa zona e sas olias
Albures secolares in abbundanzia
Cun sos pius minores in minoranza
Dana fruttu genuinu e prelibadu
Dae ognunu su logu est bene curadu
Lu ides passende in tottas sas vias.
Sos elighes in su monte ite corona
Ti faghene sorridente in cuss’altura
Vigilas cun amore e sena paura
De sa idda ogni sou onestu abitante
E issos ti mirana in dogn’istante
Ca ses sa bellesa e tottu custa zona.
In su centru sa cupola centrale
De una cresia assai manna e bella
Intro, ogni meravigliosa capella
Dae sa pius manna a sa pius mìnore
Ue tottus pregana cun amore
In sa die dogn’ora e dogn’istante.
Tenes medas illustresa altolocados
Chi sempre su nomene tou han distintu
De custu fattu ognunu est cunvintu
A medas hana intituladu una via
Cominzende dae Cardinale Pippia
Cun tottu sos mannos laureados.
Una piaga tremenda e dolorosa
Est su dannu e sos emigrados
Sunu foras comente esiliados
Chirchende pane in terr’anzena
Sufrinde e patinde ogni pena
Una vida tribulada e ansiosa.
Seneghe, mustra corazzu e ista forte
Non ses de nessunu abbandonadu
Ca finas su Iontanu miseru emigradu
Torrat sempre a pes tuos de continu
De te sunu lontanu ma sunu vicinu
Finas a s’ora e sa tremenda morte.
Pag. 133
SA LIMBA MELODIOSA de Maria Teresa Mancini
Si ghettas un’ispina
in mesu ‘e s’abba
non s’intendet su tzoccu.
Si ghettas un’ispina
faveddande
istampas su coro.
Sa limba no est ispina,
su coro no est abba!
Sa limba melodiosa
de s’ Ospitalidade
ghettachela in cada locu ‘e mundu
pro atzappare sempere
sas cortes apertas
Pag. 134
SA PRAMA de Antonio Cubeddu
A s’umile pianta unu disizzu
Isco chi dae coro has domandadu
Pro custu nebodeddu isfortunadu
Chi de lughe non bidet s’assimizzu
Ma dae s’altu s’eternu consizzu
Si riunada e ti enzat azzettadu
E deo le auguro che unu fizzu
Chi Lughia intervenga cun su gradu
Isperende c’orvescat die bella
E chi s’Eternu potat intervennere
Fettas centru o puru conquista
A su topu as leadu s’istampella
A su surdu as torradu s’intendere
Tando a su zegu torrali sa vista
E deo unu disizzu o sorre cara
Unidu a una pregadoria
Fatto ca m’est a tempus opportunu
Ispero chi sa die e su radunu
Chi tenimos cun sa cunfraria
Fettat issu de guida in Tonara
Unu saludu e un’istrinta e manu
E pro santu Giuanne a esser sanu.
Pag. 135
SA PREDICA DE HOI A IS SERBIDORIS DE SOBERANU de Giovanni Bellisai
Scriu a is ominis de cresia,
a sa truppa e a is offizialis,
a i cussus chi giai bivint
in sa domu e Soberanu.
E, tra custus, a is serbidoris
de campagna o de cittadi,
a totu cussus chi pensant,
po su stadu insoru,
de podi movi a s’ora
cun trancuillidadi,
finas a intrai, senz’e permissu,
in cussa aundi bivit Soberanu,
aundi arricit genti totu s’annu,
genti chi benit de totu su mundu.
Fiat po custu chi po prova
dus dei mellus chi ddoi fiant
in una dei domus de campagna,
de i cussus chi, bestius a festa,
arriciant is amigus riccus de su Rei,
sempiri lodaus po su serviziu fattu,
passendi ananti de sa regia de cittadi,
decidint de intrai a riverì su meri.
Senz’e fai sa fila e de si presentai,
s’accostant a sa porta cuada,
de aundi passant i serbidoris
de su Rei. Bussant e nisciunu
ddus aberrit, zerriant e nemus
ddus intendit. lnsaras, sfaccius,
provant a scriccai, ma sa porta
est serrada beni a crai.
Si castiant in facci e pustis in bucciacca.
Scruccullant e agatant is crais
de sa domu de campagna
e, pensendi chi totu is serraduras
in i domus de su meri de is portas
po is serbidoris siant ugualis,
comenti a i cussas de is poberus in terra,
ddas provant totus una po una.
Ma mancu una est bona,
po aberri sa porta de sa regia
de cittadi, aundi Soberanu bivit e arricit
sa genti stasia de s’urtimu viaggiu,
benia po abbarrai in pari a Issu.
Pag. 136
A palas de sa porta s’intendint boxis
de genti arrexonendi tra de issus, narendi
chi forzis est mellus a torrai a coa.
Ca forzis, forzis toccada a issus puru
a bivi mellus, po agatai sa crai
e podi intrai, a domandai
perdonu a Soberanu, abbarrendi
de Issu beni allargu, cun is ogus
umilis e bascius, po sa primu
borta in vida insoru!
Pag. 137
SA STORIA NOSTA de Salvatore Usai
In is librus scritus de is cunchistadoris,
c’est sa storia de unu populu cunchistau.
Sa storia nosta no est scrita
in nisciuna pagina de nisciunu libru.
A scoviai chini femus,
funti is perdas spartzinadas
in dònnia arrenconi,
mancai su prus spèrdiu, su prus scarèsciu.
Is perdas de is nuraxis poderosus:
mannas e piticas
arrimadas una in pitzu a s’atra,
una a su costau ‘e s’atra,
unias in d’un’abratzu indissolùbili,
traspirant ancora vigori, sanguni e sudori.
Is brunzetus, fùndius in-i cussus logus,
contant de gherreris, lotadoris e navigantis
sentza ‘e nomini e sentza ‘e gradu.
Is tumbas de is gigantis,
trasmitint arretumbus de presèntzias divinas.
Is perdafitas postas in tundu
a indidai Is istellas o postas in fila,
cumenti in d’una mìstica prucessioni,
funti arrodiadas de maxia e de misteru.
Is eras chi anti cuaddigau
su bagamundai ‘e su tempus,
s’anti lassau operas imortalis,
ideadas de dus scultoris inimitabilis,
chi anti modellau, cun abili maistria,
perdas e arrocas:
su maistrali e is undas de su mari.
Nisciunu paperi antigu
est stugiau in is bibliotecas.
Sa biblioteca nosta est asuta ‘e sa luxi ‘e su soli
e in dònnia momentu dda podeus biri e tocai.
Dònnia borta chi m’acostu a-i cussas perdas,
intendu s’alidu ‘e is babus ‘e su passau. E mi cumovu!
Pag. 138
SA VIRTUDE TRUNCADA de Francesco Floris
Cale ada essere su prus bellu omaggiu
chi sa natura ha giau a Tonara,
in prus de su ridente paesaggiu?
penso, un’omine de virtude rara,
chi ha buffau abba ‘e s’Ipocrene
de cudda cristallina pura e crara.
dignu amigu d’Eratu e Melpomene,
de Tersicore, Pollinia e Talia,
ma tottu sa musa creffiu dd’ha bene.
s’est distintu in sa sarda poesia,
e po chent’annos sempere prus forte,
mancari siat mortu in giovania.
a bintinoe, una crudele morte,
canno fu’ gianno is fruttos prus bellos,
dd’est toccada cussa mala sorte.
ma Flora a issu ada apertu is cancellos,
dd’hat collocau in mesu ‘e i mannos,
coronau de laru e de gravellos.
ma poite oh natura, tale ingannos?
po cussu mancu nosi dd’esses giau,
po suffrire e morire in birdes pannos.
però, su pagu iscrittu chi hat lassau,
onore e fama dd’hat giau sempere prusu,
ca fiat de mannu talentu dottau.
Tonara perla ‘e su Cabesusu,
tue has tentu manna sa fortuna,
ma sa fortuna poi hat fattu abusu;
girada s’est a trottu tottin’una,
de faet dannu mannu non s’incurada,
lassanosi che notte senza luna.
sa cosa bella a longu non durada,
però sa sorte cantu est crudele,
prima ddu ada e in pagu ne ddu furada.
fit decrettau... ma no si ponet fele,
si fu’ urau degannos ancora,
prodotto haiat prelibbau mele.
Pag. 139
ma naschire un’atera aurora,
me in custos serragos d’Ennargentu,
ibetanno gi seus dae ora.
ma deo su matessi seo cuntentu,
ca podeusu arzare arta s’insigna,
po ddu tennere tottus in amentu.
in custa tonaresa terra digna,
logu friscu, amenu e de recreu,
naschiu e mortu est Peppinu Mereu
unu ‘eis prus mannos de Sardigna.
Pag. 140
S’AMORE PRUS MANNU de Antonio Salis
Ite dolore mannu
Est ustu i mas dadu
Pruite ses’ andadu
In cussa gente nara
Si des cussa s’istrada
Chi t’appo imparadu
Pruite ses’ andadu
Naramilu derettu
Si l’as fattu pro difettu
O fizu meu dilettu
A mamma tua li dimando
It’est appo isbagliadu
Commo chi est carceradu
Custu fizu chi m’at dadu
Non podo non pesciare
I curpa non de tenzo
Pro ussu ti difendo
E reione non pretendo
Non est facile a ispiegare
Omment’ est i m’intendo
A umb’ando ego a parare
Si risposta non podo dare
S’amore meu pro tene
Trattalu sempes bene
Ca est s’amore pru mannu
Trattalu chin riguardu
Chin rispettu e senza ingannu
Ca est s’amore prus mannu
A ite t’est servidu
A istudiare naramilu
Si s’istrada tua intrapresa
De fogu d’est inchesa
E babbu tuo convintu
I de rispetu visti dignu
It’est as cumbinadu
Fizu meu adoradu
Pedas o no perdonu
Ego non ti lasso solu
E sa manu mea ti tendo
Ma s’affettu tuo pretendo
Sa notte prus non dromo
Pag. 141
A non bi sese in domo
E su frittu si mi pone
Ca ti penso ìn preione
A non mi parede galu veru
De ti tennere preioneru
Solu tristu e disperadu
Ti penso fizu istimadu
A mamma tua abbraccio forte
Ca est pranghende sa tua sorte
S’amore nostru pro tene
Trattalu sempes bene
Trattalu chin riguardu.
Chin rispettu e senza ingannu
Pag. 142
SARDIGNA de Anna Cidu
Narami, fizu su chi t’apo fatu
chi mi ses, goi pitzinnu, abbandonande
su t’ider peri ghias de mundu andande
ufrat su coro e mi pares ingratu
Mama, giai chi dimandas ti lu naro
su disisperu de una vida in cumbata
s’astragu ‘e s’anima chi paghe no acatat
inchimeradu chi in ater’ue l’amparo
Non t’apo dadu, fizu, una terra
fata de sole e de incalcu ‘e Deus
in ue sas perdas tenes pro impreu
in nuraghes a istragore ‘e sa Terra?
Mama, su coro tuo generosu
cada frutu at creadu e cada ispantu,
ses puru terra de dolu e de piantu
de terrores e lutos locu amprosu.
Deo apo dadu terras ubertosas,
boscos umbrosos, benas de cristallu
cun bestiamene e ortos pro traballu
campo fizos e fizas industriosas.
Astrintura de abba, malu ventu
su pane ‘e cada die gherra e sudore:
est custu su sinzale de s’amore
chi a fizos tuos, Sardigna, l’as tentu?
Pag. 143
SAS LETZES FATTAS PO CUMBENIENTZIA de Onorato Casula
Sas letzes chi oe sunt faghende
manc’una nde balet a nudda,
sunt fragande peus de sa chipudda
chie d’has faet sol’issu da cumprende.
Tra issos si dennuntziant e s’offende
a bortas cun mannu e grabe mottivu,
ma de donnia dannu ch’essit ischivu
sas letzes chi s’ant fattu dos difende.
Tzai tenemus onestos e bonos guvernantes
a dos intennere paret tenent donu impagabile,
tottus, propaganda a cumbeniu e su miserabile
est tempus de da inire corrottos arrogantes.
A chie sonat chitarra a chie su violinu
ma sa musica est sempere su mattessi,
corrottos corrutores amittie a su nessi
chi pareis su teatru comicu de Rodolinu.
Mortu su tempus de Togliatti e Nilde loti
e cand’unu sa ver’America cheret criccare,
Lucignolo s’indiritziu non podet irballiare
venite in Italia il paese dei balocchi.
Unu poveru nudda si podet arresparmiare
si dd’habarrat carchi euro in sa banca,
de seguru chi mancu dd’haghet franca
sos lupos suni prontos a ddu mossigare.
Eco s’onestu e nostu guvernu Italianu
in sa camera donniunu est cumprimentosu,
cun milli promissas po su poveru bisontzosu
a merie urant su votu, prus nudd’amantzanu.
An’ube est andau donriia isperantzosu ideale?
Una borta si lottaiat po unu tzertu valore,
oe mancana cussos mannos fattos de onore
cantas cosas cambiadas in peus e male.
Ischida populu cun su bonu e sanu cuntzettu
mi suni promissas ghettadas in fundu e mare,
cambiae su chi mai hana chessiu cambiare
e apretzae custu cossitzu sintzeru. e onestu.
Si a calegunu no agradat su tema
domando umile iscusa e veru perdonu,
ma sa natura m’hat tzau su donu
e crittico sos papagallos de custu sistema.
Pag. 144
SEDILO de Antonio Ignazio Onida
Isterriu supra una rocca e basaltu
incrinau a su chirru solianu
s’aurora ch’isponpiat su manzanu
oltre sas puntas de su Gennargentu
e i su sole bi faghet caentu
cando che brincat su monte prus altu
Tandho si esti de varios colores
cun su tempus sas tintas sun misturas
su ruiu cottu de sas crapeturas
su grigiu isporcu de sa pedra a vista
catramu in sas carrelas tipu pista
parzas giardinos cun mattas e frores
A inghiriu un’istrada belvedere
su lagu chi bi faghet de isprigu
terrinos rassos po pasculu e trigu
nuraghes putzos tumbas de gigante
civiltade remota ma importante
forzis signales de antigu podere
Arraigau a sas tradiziones
isviluppadas in s’era cristiana
cullegamentos cun s’era pagana
an formau custu populu e credentes
unu difettu: sun’intelligentes
quindi credentes ma non credulos
Sas ingiustizias ca biviu su sardu
sun sa ca biviu dogni sedilesu
supra sas palas nda giuttu su pesu
mai dispostu a si piegare
imbentan s’Ardia: gherra pro isperare
ca ue ada ispera no est mai tardu
E oe in custu mundu americanu
cun s’Europa in chirca e raighinas
a costazu e s’Italia caminas
ma aintro e coro b’est su traguardu
sa bandiera e su populu sardu
chissà cando a la giughere in manu.
Sardigna ischis chi Sedilo ti est fizu
ligaos ligaos a pare dae su destinu
t’est poderende accesu unu luminu
tue chircas lughe pone contivizu.
Pag. 145
SEMIDAS DE VIDA SUTERRADAS de Filippo de Cortis
Semidas bidende
de vidas presentes,
si presentana ancora
a sas passadàs copiolas.....
Pedras sepulcrales
dae sos bios olvidàdas,
pedras in’ampru
dae pretziosidàdes impompàdoras.
Pedras nudas carignàdàs
dae lepra de su tempus,
de muffa, ramine e istercu de puzones.
In lacana de sàs pedràs biventes,
ortiga e piuere cun abba
cuana e cantzellana su tottu.
Solu addae, in coronas de laru e d’olià,
filomenàs e furferàzos
fittianos pregana cantende:
“ sa dulche, meritada paghe !“
Cando, s’umana esistentzia,
in bezzesa chi siat o in zovania,
impremit s’ultima semida,
s’isiju verdareru semper testimonzu
in s’ultimu abboju,
mesurat e pesat cantu:
“in oberàs e ispiritu hàt lassàdu
sa vida nostra concluida“.....
Passadu chi siàt su tempus nostru,
in cussas pedras potana sos bios lezere:
“mancari grega, amàrga e inimiga
bistada li siat sorte, issu hat bividu.....
...boladu s’anghelu sou,
issu l’hat sighidu lassende semida sua
“ cun simplitzidade“
sa vida umana finidi
comente calat sa notte
cando interrighinada sa die !...
Pag. 146
SENTENZIA de Salvatorica Miscali
Paraulas duras, chi segant che burteddos,
signant sa vida mia
Mala sentenzia male feu, senz’isperanzia
Non serbit chi pranga o mi disispere.
Isetto,
Intendo sa vida chi m’isfùzit
comente rena tra sos poddighes.
Intendo sa carena chi sich’andat pianu pianu.
Su coro mi ponet presse:
ogni die podet esser s’urtima
M’affido a sa misericordia ‘e Deus,
in manos suas est sa vida mia
Deo non so’ nudda, solu unu ranu ‘e rena
in cust’urtimu iscampulu ‘e vida
Ispero.
Ispero sempre in sa bontade divina
Non timo s’iscuru, isetto sa notte
chi m’aberit sa ‘ia a sos sognos.
Non poto non rier de sa carena mia trasformada
Non so’ pius deo. Paret sa fine.
Ma Deus, chi est vida,
mi dat vida, non m’abbandonat
E oe so ancora inoghe,
in su mundu de sos bios.
Pag. 147
SESTINAS de Salvatore Demurtas
Su segundu cuncursu e poesia
chi Tonara ad indetu po Peppinu
ormai iniziadu e su caminu
po li vaghe sa festa donniannu
c‘a su meritu sou es troppu mannu
dovere es de sa patria natia
Custu populu sardu s’est unidu
po dare a sa cultura s’isviluppu
donni bidda formadu ad’unu gruppu
o sia polifonicu o folclore
ed est semper in voga su tenore
su chi dae s’antiga est esistidu.
Su cantu sardu vu sempe cantadu
soltantu intro sa nòstra regione
ma como bennid‘e s‘occasione
de lu fagher connoscher fora puru
ed est tant‘aprezzadu de seguru
c‘a l‘ana cun sa musica abbinadu
Ma cun bassesa tragica e orrore
e s’atera cuItura posta in usu
si penzaia de noch’esse prusu
invece sun sighinde cun isfida
e an fattu pagare cun sa vida
a Peppinu Marotta e Tina Dore.
Forzis tenias pagu isperienzia
Po su chi at colpidu cussa Mamma
in fattu de rapinas e de fura
as orfanadu cussa creatura
as sa giovana mamma massacradu
como ses duas bortas cundennadu
dae sa Iegge e dae sa cussenzia.
Sos chi semus vivende in terranzena
e contro volontade allontanados
ma cun certesa semus abbarrados
tottus fideles a sa nostra terra
e s’in Sardigna b’at disastru o gherra
istamus in tristura e tanta pena.
C’a su coro restadu est in sa naschida
finzas si pagu tempus l’amus paschida.
Pag. 148
SI GIAMAVAT TONARA de Giovanni Pira
L’ap’ida in bisione
Fit bestida a s’antiga
Bella che una jana
Fit bajana e biuda
Mama de sete fizos
Orfana chene babu e chene mama.
Est cando so andadu
Aberu a la chircare
In andalas predosas
Tra nutzolas amenas
E superbas castanzas seculares...
Chi una oghe arcana
M’aboghinat: “Marranu!
Si pè avanzas galu
Pro cherrer aburdare
S’innidu incantu de Pitzirimasa!”
Assustadu m’arrumbo
E tra cantu e lamentu
Milli oghes intendo...
Bessian da sa losa irmentigacla.
Mi cantàn de sa vida
Mi contàn de sa morte
Anninnias atitos
E funebres campanas
Turturellas culumbas
Unturzos e astores
De viles chi a viles
Sas giannas an’apertu
Lassande custa terra
De bellesas e benes ispozada.
L’ap’ida in bisione
Fit bestida a s’antiga
Bella che una jana
Si giamavat Tonara.
Pag. 149
SI MORIT SU POETA de Salvatore Nanni
Si morit su poeta, nues ispanas
In cofradia assurcan s’aera
Mudandeli de vrores caminera
Pro si perder in lacanas luntanas,
e si poden intender sas campanas
c’arrepican a festa, cun s’ispera
chi sa musa no abarret preyonera,
sena drempire, in isperantzias vanas.
In cuss’ ora ya cantan sas funtanas
A guzios de amentu non de olvidu,
in augurios de vida un’attitidu,
a sas rimas suffertas e galanas.
Apertos aposentos e ventanas
Cussos versos si pesan in bolu
Vinas chi artisanu aranzolu
Che las trampat in tramas filonzanas
Pro las torrare a faeddu mudu.
Es chi sa musa sena amparu e azudu
No incanit né perdet sas framas
Ne las vinchet venenu o taddaranu.
Dae cussu brossolu, pianu pianu
Torrat in possa, isparghende in pramas
E s’ingalanat pro intrare in bramas
De unu coro tristu o yoculanu
C’apat crai ‘e poeta, e cussas tramas
Podat a tottu vorza istruire.
Gai in filos de prata, a luchire
Torran repente sas paraulas mamas
Chi depen poesia parturire.
Pag. 150
S’IFFERRU de Vincenzo Forma
Trivulos’ e piantos,
ventos’ de s’iverru,
tenebrosos’ cantos’,
de bundos in s’ifferru
tronos nues e lampos’
dd’accumpanzan s’interru,
a sa patria (d)e sa perdizione,
a sos occos de sa dannazione.
Loc’ (d)e tenebras’ e calura,
parziu l’an’in girones
si comminza’ dae s’usura
sighin’atteras tentassiones,
si vie’ lud’e abb’impura
bundos brasias’ e zizzones
animas tristas e penas’
confos’ ispinas e cadenas.
Dae sas’ tristas jammas’,
s’arzad’ a su purgatoriu,
cumparin’ sas animas
serente a s’intradoriu,
cavalieris e dammas
chene pas’ o corcadoriu,
rizzos’ tocca d’ispiare
sas penas, pro colare.
Vad’ allarg’ una camminera,
e post’in fila su pecadore
tottu’ paris’ surcan’ s’aera,
dae su mannu, a su minore
s’arzada no este sinzera
va periculos e dolore,
preccande arzan’ su camminu
a cospettu (d)e su divinu.
In artu s’accatan’ sos’ elisos campos
gloriaos’ de pach’ (d)e d’ammistade,
cherubinos, animas e tottu’ santos
cantana, s’eterna veridade,
belloso, a guardia vi sun sos’ anghelos
chi a sos vonoso, li nan’intrade
anghelos biancos de regal’ isplendore
los muttin’ sas guardias de su segnore.
Animas vonas, de cada zenìa
colana su tempus, a chistione
tottu parisi, in cumpanzia,
unioso, in fraterna comunione
sa luche, e tottu s’armonia,
de rar’e celestiale visione,
cuffirmana, s’arrib’(d) e su mortu
a sa dom’e su cristos risortu.
Pag. 151
S‘IMBRACHINÀDA de Antonio Putzu
Custu kitzi happu fattu unu bellu bisu
tra abillu e sonnu ma parriat veru,
friscu che su sorrisu
chi tui tenias candu bìvias de veru:
ca sèu furriau a bidda mia in Gonnus
a sa domu de is nonnus
comenti fiat unu tempus a s’antiga,
prima chi deu e tottu
cun restauru e fatiga
strupiéssi tottu su chi happu connottu.
Fia a logu ‘e ‘Festa ‘e Santu de Partidu,
a bistimenta e tottu allichididu,
furriu a domu e agattu s’ecca aberta,
limpia sa pratza manna
e abarru a bucca aberta
in perra de sa ianna,
ca sa domu fu tottu imbrachinàda
cum d’unu bellu fragu birdi ‘e tinta
frisca appena dònàda,
tottus sas stanzas fattas a una pinta
su passarìziu e s’aposentu ‘e lettu,
e seù intrau a coxina deréttu.
Abertas is ventanas pro intrai aria,
tui fiast in coxinèdda
arzilla e centenaria,
scovitta in manu e fascadroxa niedda,
strinchiddada ‘e calcina
acabendu de imbrachinai in coxina
conca a sa bovida de cannizzàda
pro s‘ultima passàda,
e a mimi has saludau arrie arrie
a unu fillu maistru ‘e schola
pro haer fattu tottu cantu a sola a sola
e tottu in d’una dìe,
mancai imbrachinàda a còlpus mannus
sa domu pro sa festa de is centannus.
E sèu curtu a tzerriai a sorri mia
ca mamma no fu morta ma fu bia,
tzérriendu a tzérrius mannus
ca no fu morta a norantottannus,
e deppiat festeggiai cussu traguardu
tottu sa bidda in gloria
comenti hant fattu a tzia Nerina Sardu
a missa manna d abarrai in sa storia,
Pag. 152
rendendu grazias a Deus e a Woytila
mortu sa cida innanti
e tui avattu ‘e Issu andada in fila
in celu a crucifissu strintu ananti.
Si tui t‘agattàsta, abarigadu
tui ti torrasta a morri un’altra borta
pro fai festa risorta,
ma lastima t’habemus interradu
cenabura ottu ‘e Abrili
Duemilaecinqui in cussu eternu cuili.
Seù abarradu aici no sciu cantu
a conca in su coxinu che unu tontu
senza ‘e mi rendi contu
ca deu mi fia bisau cantu e cantu,
però in s’anima mia
sendu giai scidu mi parrias bia
e in coru fia seguru
de esse tui in domu accanta ‘e cussu muru.
Tòrrendu in mimi apustis cuscus fumus
de su sonnu poi mi sèu fattu tristu
ca mancu Gesu Cristu
est risortu et pulvis et umbra sumus
is bius, e mali e peus
is mortus chi hanti créttiu in vida in Deus.
Ma bellu cussu bisu
m’hat ammoddiau su coru.
casi essis umbra de su Campu Elisu
o sias de veras tui cantendu in coru
in pari a is Angelus in Paradìsu.
Pag. 153
S’ISCALA DE SA VIDA de Maria Francesca Marcello
Fitzu meu, denanti a tie tenes s’istagione prur longa.
De fronte cada un’ iscala.
Non t’ispantes chi non bies sa fine,
est ca est troppu ripida.
Bae abellu.
Cumminza a bessire
e cando tenes bisonzu de ti pasare firmadi in su peigone.
Non ti zires mai aifattu,
poite, chi ti parede c’as camminau troppu pagu, ti ch’ispandada.
Non tenzas mai presse.
Sa presse non ti faede boddire su valore de su chi portas de nanti.
In s’istagione prus longa che sunti tottu is meses de s’annu
e tantos annos ancora,
tottu is chi ti podente servire po aperrede s’anima a sa vida.
Este un’ iscala cun arrampas de allerghia e dolore,
serenidade e penzamentu,
operosidade e oziu.
Cando sese in cumpanzia de s’allerghia,
non t’isfades mai,
ammenta sempede ca tottu tenede una fine
e pensande custu non ti fazzas mai pigare de sa noia.
Tottu tenede una fine, finzas su dolore prus mannu
e cando arribbada, non ti deppes ispantare,
prima o poi sanada.
Po su chi este possibile, cricca de ambarrare sempede serenu.
Non curzas mai in fattu a sa vida cun disisperazione,
tentande de cheddi cherrede pigare su chi non ti podede zarrede.
Ammenta sempede ca sa “forza”prur manna provenidi de tue.
Non da cricchese mai inue non ch’este.
Cando podese fae bene.
Su male consummada commente una maladia.
Bene e male suntisi arraighinasa chi non isperdente mai.
Su bene battidi fruttos.
Su male este commente su ferenu,
impestada su coro e s’anima.
Chistidi sempede astrinta sa dignidade tua,
ammenta ca non cada dinare chi pozzada pagare su valore de sa pessone.
Pag. 154
Cand’asa intendiu in sa pedde su sole de beranu,
preparadi po’ s’istade caente chi che pigada is forzasa,
po s’attonzu e po’ s’ierru prus frittu, cando faede temporadasa chi parente
isperdendeche su mundu.
Cando s’abba e su entu parente mundandeche is carrellasa
e su nie che carrazzada
cantu cada, tue non tich’immentighese mai ca torrada beranu.
T’arreccumando, non tich’immentighese mai...
Est un’iscala cun arrampasa de allerghia e dolore,
serenidade e penzamentu,
operosidade e oziu.
Fitzu meu bessi abellu...
E cando tenese bisonzu de ti pasare firmadi in su peigone.
Pag. 155
S’ISTRIA de Gesuino Curreli
Su tintulone cessat sa ballada
cando pesat sa luna su lugore
e s’istainu, de chelu su colore
ispijat, frimmu in s’intima serada,
cun s’isettu de intendet sa cantada
promissa dae su biancu cantadore.
Dent bennere sos notturnos animales
a buffare de s’abba assediada
s’abbàulu de unu cane in sa nottada
paret lamentu de terrenos males,
mentras dormit sa tittula incantada.
O luna, si m’esseret mai cuncessu
a sa tua limpida nota de arrivare,
ista notte haia cherfidu intonare
unu cantu chi giutto in mente impressu
de s’istria chi s’alzat a bolare
dae sa chimma pius alta ‘e su cipressu,
e cun s’ojada isplorat su possessu
in su notturnu sou perenne andare.
Su silentziu ‘e sa notte ambasciadore
de animas e umbras piedosu,
cando sas boghes andant a reposu
a cussa de s’istria cedit s’onore,
e issa cantat un antigu gosu
che in cresia donzi bonu pregadore.
Carch’ateru puzone pius minore
ponet fattu e li faghet cumpanzia
cun succutos in sa pregadoria,
pro animas patidas dae dolore.
Dali duncas sa veste ‘e cerimonia
pro tota notte fin’a s’aurora
a custa isfortunada cantadora,
lumenada a dispretziu che demonia.
Lustrali de sas pinnas su lugore
che chi esseret reina immaculada,
bella, sa pius bella in sa nottada,
cumpanza pius fidele de un’amore.
Pag. 156
SOLU TANDO de Pietro Sotgia
In tempus chene rellozu,
happo messau mannucros de neula,
distillande suores
in incùnzas de entu.
Ma commo, chi non prusu
nos mesurat sos passos una nue
happ ‘a brusare tottu sas cresuras
chi m ‘impresonan s‘anima.
Solu tando, o Sardinna,
sos caddos de sa libertade
han‘ a currere
in campos d‘ervas noas.
E-i “Sos beranos sonniaos”
han‘ a frorire vidas non connottas
E-i su sorrisu de coros in fiore
hat a iscanzare
sas lavras nieddas de Sos Mammuthones.
Pag. 157
S’OMINE E SU LETTU de Giovanni Sulis
Penso no esistat ateru oggettu
chi offrit a s’omine pen’e gosu
coment’a issu di offrit su lettu:
istancu, in’issu godit su riposu,
rigenerat sa forza, s’intellettu
in issu ogni “ feeling” amorosu
si gustat, ma, cun diversu efettu
gia patit ogni eventu dolorosu;
in issu sa vida si creat e fioridi
pois iniziat terrenu su camminu
e isfidanno su tempus de continu
madurada, si riproduet, s‘iscoloridi
finin sas dies cad’in su destinu:
bezzu torrad’a issu, in’issu moridi.
Pag. 158
SOS SONNIOS de Bardilio Gaetano Fenu
Che s’arcu e su chelu pessamentu
Bolas dendhe in terra s’alligria
Sona chiterra, sona s’almunia
Ca so deo chin su coro cuntentu.
Su tempus colat lenu che sa chera
In custu bortaedie pessosu
Sonnios bolan chin coro ditzosu
Che puzones ispartos in s’aera.
Sonnios de amore e virtude
Candho sa mamma abbratzat su fizu
De amore issa tenet disizu
Dae chie creschet in zoventude.
Sonnios de sa culumba bolandhe
Issa isparghet sas alas de oro
E a totu sa terra chin su coro
Sa Pache manna issa est mandhandhe.
Sonnios de amistade chin zente
E candho totus s’istringhen sa manu
Tandho in coro naschet su veranu
E sa terra nostra torrat innossente.
Sonnios de familia impare
A Inghiriu de sa ziminera
De irverru in cussas mannas seras
contos de mannoi an a ascurtare.
Sonnios de unu mundhu ghipadu
Chin sas ischintidhas de alligria
Si ponet ifatu sa pitzinnia
s’intendhet galanu e recreatu.
Non pecas si sonnias in sa terra
ca azuat a campare serenu
campo chin su meu e non s’anzenu
gai cadaunu, ma chentza gherra.
Pag. 159
STAMINE E TRAMMAS de Raimondo Porcu
Tonara cun su tempus nde tramandas
Addobbos intreccios e ghirlandas
De unu fitzu e nde curas su vivaiu
C’ha distintos fiores in su sementzaiu
Profumados e de milli colores
E in vasol de oro tottu sun’ornados
in sas aiuolas mai estintos
in su sementzaiu c’ha fiores distintos
Profumados e de milli colores
In su sementzaiu c’ha distintos fiores
De milli colores e profumados
In vasol de oro tottu sun’ornados
Mai estintos in sas aiuolas
E in parcos piattas e iscolas
Trapiantan raighinas de dulcuras
Addobos intreccios e ghirlandas
De unu fitzu, su vivaiu nde curas
Dae mont’e susu oe e da sal pianuras
Tott’ enidos a ti narre bonu proe
Cun bonu coro semus accudidos
Chi su connottu no andet in disusu
Dae sal pianuras oe e dae Mont’e susu
Tott’enidos a ti narre bonu proe
Dae sal pianuras e dae monte susu oe
A ti narre bonu proe tott’ enidos
Cun bonu coro semus accudidos
K’in disusu non ande su connottu
E sol lillores ki creschen’in s’ortu
De continu a nde tenner’a manitzu
Addobos intreccios ‘e ghirlandas
E nde curas su vivaiu de unu fitzu
Debo narrer de aberu fia in disitzu
De nd’attire fiorame po cumparre
E a custu monumentu a los offrire
Ca onore merittat e cunsideru
Debo narrer fian disitzu de aberu
De n’dattire fiorame po cumparre
Fia in desitzu de aberu debo narre
Po cumparre fiorame a nde attire
E a custu monument’a los offrire
Ca cunsideru merittat e onore
De jardinos veru unu curadore
Ca hat creadu sal gemmas de alt’insigna
Ricchinde sol tesoros de Saldigna.
Pag. 160
SU BALLU FAEDDADU de Giovanni Giuseppe Contini
Sa limba et su ballu suni isparinde
domando azudu et tantu cunfortu
parzo chi tenza in domo unu mortu
pianu-pianu tottu est murinde.
Sa zente est cun ballu fininde
pagas sas piazzas po cuminzare
sardos tottu torrade a ballare
ca sas criaturas gia’ sun creschinde.
Mastros de iscola de ogni misura
su ballu et sa limba sighide cun amore
ca sa Sardigna est perdinde colore
intelligenzia isfruttade in d’ogni criatura.
Su ballu et sa limba in manna istruttura
imparade da mannos at tantos minores
puru sos sindigos, cussizeris et assessores
da Tatari at Casteddu et paisos sighinde
Italica limba, Giagia, mi naraiat faedda
cussa fut in cussos annos s’usanzia
ca in Sarda limba biat pagu isperanzia.
Sa carena e s’anima como gia’ est niedda
su giovanu in limba italica, faedda-faedda.
At sa nostra limba devimos torrare
et pizzinnos in giogu la potan faeddare
ballende in tundu sempere ridinde
Sa limba et su ballu, suni isparinde
M’intrana sos ojos in lagrimas et piantu
de tantos sardos emigrados lontanu
faeddana su Sardu da Roma at Milanu
et at nois in Sardigna faghede ispantu.
Mi invoco deo assora at carchi santu
chi sa picciocaglia potada ballare
sa limba et su ballu sun de salvare
ca lu idimos su ch’este suzzedinde
Sa limba et su ballu, suni isparinde
Cittades e paisos cuminzade da inie
ca chirco deo cunfortu e cunsolu
timinde soe at faeddare deo solu
e bois tottu no creides a mie.
Faeddade su Sardu e ballade ogni die
sa cultura Sarda sighide at lodare
unidos sardos devimos como faeddare
ca tottu cantos lu semos bidinde
Pag. 161
SU CARR’E NANNAI de Virio Cau
Su pippiu in su lettu ‘e su sobariu
giai ritirau poit’est ora de croccai.
Sa mamma cun su babbu ancora in basciu
coi s’atrus mannus ancora a cristionai.
E asutta de sa manta rintanau
sa fantasia si podidi allenai
fingendisi in sa grutta e su Mannau
sa timoria si faidi esorcizai.
Forti proendi in custa notti scura
tronus e lampus de cantidadi manna
s’acua fai meda sonu in crabettura
e su pippiu non poidi fai sa nanna.
S’esercitu de janas e dimmonius
s’immagina de podi cuntrastai:
su sonu de su bentu e de is tronus
funti is arrodas de su carr’e nannai.
E cussu chi fadia sa timoria
d’apparidi d’un trattu favolosu
fuendi cun su carru in fàntasia
de bonas fatas diventada su sposu.
Pag. 162
SU GIOGU DE IS PARTIS de Rosanna Podda
S’allebiat a trètus
su sungùtu mudu
allogau. . .prenda
in siddau, me is pinnicas
nodìas de su sentidu
dromiu di abetu.
E torrat druci
e carinniosu
cumenti chi fessit oi
su sùlidu amau
chi totu a unu a su miu
s’amesturàda a pari
fadendusì trinìri.
Ita at potziu sperdi
cussu sentì’ pretziosu?
Mi scarescit imoi...
si fuit sbisurìa
s’arrexoni chi s’at stesiau.
Biàu ... cussu
chi atrivìu, siguru
scit persighiri
s’amori sinzillu , veru,
lassendi a foras
de s’enna ‘e su coru
su teatru falsu’e su mundu
in su giogu de is partis
de custa vida, chi est una
e si lassat sballai
chen’ e podi’ torrai.. . asègus.
Pag. 163
SU PANI DE SA FIDA de Marco Pani
M’arregodu candu fua pitiu,
mamm’a or’’e xena m’avvisada,
ca a part’’e chizzi fia sa pesada
e po sa notti pagu iappai dromiu;
ciccad’a mei e no a fradi miu,
ca fud’idiscanzosa sa scidada.
accostiad’a s’or’’e sa forredda
po cumossai fu pronta sa scivedda.
Framentu, farra e acqua salia,
mamm’amesturada cun amori;
de su chizzi cumezzada su sudori
po una fitt’’e pani saboria,
de ponni in sa mesa onnia dia,
su mellus postu po si fai onori.
Su cumossu fattu a manu lenta
prepara’ s’impastu po s’atara tenta.
In dom’ allena si depiad’ andai,
po ciuexi sa farra cumossada,
sa crobi chi mamma m’attuada
in bia scuriosa toccad’ a portai;
pagu siguru cun su pesu grai
timia po cancun’imbruconada.
ma po sa gana ona chi tenia
fatta beni bessia sa parti mia.
Si contoniada cun fadior’ a coddu
e sa scivedda si torrad’a preni,
chi sa faina fu bessia beni
de paga mi toccada un’alloddu,
mi adessi bastau unu soddu
po mi ponni a postu su spreni.
Mamma si torrad’ a ispatillai
ca sa pasta depiada pongiai.
A bortas, prestau de sa ixina,
in sa scivedda beni imbussada,
candu sa pasta fud’asselliada,
cumezza’ su framentu sa faina;
fu cosa naturali e no mexina,
e a sa pasta ddi fiat s’accucurada.
Mamma dda toccada e si fia sa gruxi
poita a su pani si dd’essi biu luxi
Pag. 164
Su canisteddu cun lanzoru biancu,
arriciada sa pasta lievitada,
benia posta chi no s’essi’ toccada,
po no s’appizzigai tanc’a tancu;
de sa preghiera no si ndi fiad’’e mancu,
prus sigura fu s’accumpangiada.
A mamma s’appinnioni ndi essiada
in s’ora chi su forru alluiada.
De arrideli e moddizzi adatta,
sa linna su forru callentada,
su fruconi dona’ sa murigada
po dda tenni spainad’ e no cumpatta;
candu sa braxa fudi bell’e fatta,
tandu fu s’ora de sa pinnigada.
A mutoneddu anat’e su forru
sa scova de feurra fia s’acorru.
Una brenti de mamma pariada
su forru cun su pani assettiau,
in su callenti beni sistemau,
che pipieddu, a bellu cresciada;
a sa essida paria ca nasciada
po su prexu de chi ddia traballau.
Sa cosa cand’ est fatta cun sudori
t’ imparad’ a cumprendi su valori.
A intr’’e su canisteddu preparau,
sa palli’’e forru stua’ su pani cottu,
ndi preniada sa coxinedda tottu
su fragu bellu chi sia cuncordau;
in s’apposentu beniad’ allogau,
e po sa di fu finiu s’avallottu.
Cust’ abatixu si fiàd’ onnia xida
po scabulli su pani de sa fida.
Oi custu pani no est de moda
poita si faid’in su panificiu,
senza de fai perunu sacrificiu
pagh’ est sa gan’’e girai cuss’ arroda;
custu cunzillu ascurt’ e arregoda
ca nd’ast’ a tenni grandu beneficiu:
penza a sa salludi prim’ e tottu,
po su pani onu torr’ a su connotu.
Pag. 165
SU PIPIEDDU DE SA BIA MIA de Marisa Pittau
Accanta de domu mia
doi est ua mamma
cun ddu pipiu bellu e carigneddu,
de nomini fait Giuanneddu,
tottu cuncodrau.
A su pettus si ddu stringidi
e dd’accarezzada is ogus spalancausu
e is maus sempri fadendu
e sa bucchiscedda ddu castiada
ma no ddu cumprendidi..
Su destinu de sa mamma:
no podìt fueddai
e no ddu poidi intendi:
su destinu crudeli
si dd’hat negau.
Giovanneddu mattuccheddu
fiat fadendu u bellu piccioccheddu,
preu de allirghia e
cuntentu cun su fradi cristiònada.
A su babbu puru fiat toccada
cussa malasorti
de no intendi e fueddai.
De pitticcheddu
issu iada imparau cun is accinnus
a cristionai cun su babbai e mammai:
Su destinu crudeli.
Biu happu a Giuanneddu
in sa cadira a rotellas.
D’happu domandau
ita hiat tentu
e arrespustu m’iada ca hiat tentu
cussu mali crudeli.
Sa mamma si d’accugucciada
e sa bucca ddu castiada
No d’iat intendidu
Bosci e fueddu ddi mancada.
Disigiau iad a ddu intendi
u fueddu.
Su coru m’hat toccau
candu appu biu su fradi,
cun amori e tristura in su coru.
A su fradi s’est imprassau.
Is angiulus de su ceu
t’accumpangint!
Pag. 166
SU SARDU de Antonio Longu
Est veru sardu chie sa nadìa
hat hàpidu in cust’Isula pedrosa,
e la servit, cunvintu, in donzi cosa,
cun ardore, onestade e balentìa,
a cominzare da sa giovania
fin’a cando lu ponent in sa losa.
Chie rispettat sempre s’ambiente,
chi sa natura non lead’ a giogu,
ch’in sos istios no nde ponet fogu
prite adorat su padru e su padente,
e cheret bider donz’adde riente
dae Palau a Sant’Antiogu.
Est unu ch’a front’alta andat fieru,
ca trattat sos amigos cun amore,
cumbattit sos nemigos cun valore
e l’han’ in donzi logu in cunsideru,
allegat cun animu sinzeru,
rendet finas sa vida pro s’onore.
Pro chi siet da tempus suttamissu,
tenet sempre bastante dignidade;
lottat continu pro sa libertade
ca in sa mente l’hat che giau fissu;
e sa jiustiscia si la faghet issu
cando faddit sa ‘e sa sociedade.
Carchi corta est sutzetu a emigrare
pro s’alanzare de pane unu cantu,
ma partit sempre cun su coro affrantu
ca li pesat da domo a sì ch’andare;
non bidet però s’ora ‘e nde torrare
a cust’Isula ‘e paghe e de incantu.
Est finas unu ch’hat bene imparadu
sa limba, da sos mannos tramandada,
pro chi non l’hepat mai istudiada
in sas iscolas de s’Italu Istadu;
de faeddare in sardu est onoradu,
e de l’iscrier, sì bisonzu b’hada.
Pag. 167
TERRA DE POESIA de Flavio Littera
Terra ses’ de rosas e beranos
de travagliu, de rimas amenas,
de sabores e de prufunnas venas
chi ogan colore in frores muntanos.
Ses anima de eternu emigrante
chi falat pro pianas distantes,
ses nidu de sos tantos ambulantes
de trastos de linna ‘e padente.
E falan pro Campidanu, Logudoro
tinnulos, sonos, cantos d’armunia,
fruttos de custa terra issòro
chi lughene onz’istrànza via.
Sun artes chi bessini dae coro:
est iscòla de monte, poesia.
Pag. 168
TONARA de Giovanni Noli
De sas alturas posta in altas chimas,
Sos donos de natura amenos gosas,
Pro s’abba, s’aria e med’atteras cosas
Tonara ses distinta tra sas primas.
Sustanziosos cantos e sas rimas
Coltivana sas mentes virtuosas,
Onorande memorias famosas,
A vantu in su presente ti cunfirmas.
Che simbulu in s’orgogliu e s’onestade,
De sa vida. affrontas sos turmentos,
In milli modos chircandedi impreos.
E da semper cun manna dignidade,
Ti procuras bundantes alimentos,
In donz’arte binchende sos trofeos.
Unu tempus s’istrale e su.serrone,
Ti davana una manu in sas peleas,
In sos padentes preparande cheas,
Su pane aias dae su cravone.
Como a vantu pro festas de turrone
A donzi parte e mundu chende leas,
Sa limba in su cummerciu bene impreas
Cun mannu impignu in sa professione.
Medas trabaglian sa linna e su ferru,
Prontos in donzi campu pro cumpete,
Siat in filadura, o in tessignu
Si los cheres connoschere in s’iferru?
Intrande e sonandelis su sonete
S’est tonaresu cantat s’istivignu.
Pag. 169
TONARA de Remo Sau
Sa idda de su turrone
linzola coccoro e castagna
in bidda tua sa gente istragna
prenede po sa sagra ogni rione
Prena de ogni talentu
sa gente tua est armoniosa
in Barbagia ses s’isposa
de su canudu monte Gennargentu
Is boscos cun matas seculares
funti prenos de abba cristallina
est frisca limpida genuina
ogni viandante at a dissettare
Ses sa idda de su circondariu
esempiu de imitare su modellu
ca de tottu sa zona su gioiellu
de pigare po itinerariu
Essinno a susu in Sa Madonnina
si biet tottu su panorama
de sa vallada ses sa regina
in Sardigna prena ses de fama
Famosa po sa poesia
ca medas ant iscrittu e cantau
deo puru a tie mi seo invocau
ca ses piena de ogni genia
Naschios funti duos poetas
unu famosu s’ateru unu pagheddu
funti Mereu e tiu Mameleddu
ca iscridiant cun rimas perfetas
Tiu Mameli est de arregodare
ca pienu fudi de meda talentu
po issu puru unu monumentu
ca non ddu depeus immentigare
Tonara t’appo sempede amau
ca po me ses su tesoro
finzas canno fio emigrau
ti uggìo semper’in su coro
Pag. 170
TONARA (Amentos lontanos) de Cicicu Secci
S’ismentigadu no apo a Toneri
Si penso frequente “Arrasulè”
Si ancora m’amento ‘e Teliseri
Signu ch’innamoradu so de te
Latzarinu, Sarugge, Galusè
Istracu, Su Nuratze, Muragheri
Cando aprendista cun tiu “Gherreri”
in cussos logos apo postu pe
Tando sì giogaiat in su pranu
Isfidando su entu e-i su fritu
In d’unu campu duru e pruinosu
Ognun’e cussos como est anzianu
Ma Aldo, Vice, Sulis e Saitu
Fian eroes pro dogni tifosu
Mario, Nino, Pepe, Dessieto
Sos cumpanzos de giogu in pizinnia
Como cumprende, gentile Tonara
Si ti dedico un umile soneto
No est pro tenner vantu in poesia
Ma po ti narrer canto mi ses cara
Ses onesta, ospitale, industriosa
Ses piena de briu e allegria
Ses de “Mereu” patria dileta
Po bravos artigianos ses famosa
Ses culla de cultura e poesia
Ses mamma ‘e su poeta pìus poeta
Pag. 171
TORRA de Giommaria Sias
Dae pes mi mancat sa terra,
dae sa banca su pane, s’aunzu.
Dae meda est troppu su deunzu
e d’est troppu chi so in cundierra.
Finzas son’armoniosu ‘e chitterra
paret mi chelfat lear’a punzu,
e no potto pius che supplicare
s’olt’é domo de no abbannonare.
Torr’a m’abbalzar’iscunsolada,
torra che prima, ist’in domo ia,
canno fis digna de s’istima mia,
mancar’in domo calch’ispina b’ada.
De sa vida si leat su chi dada:
lugh’iscuru, calur’e biddia,
mamentos foltes, bellos cun carignos,
e atteru, si b’at atteros disignos.
Cantas boltas in pizos t’est pigada
sa tudda, in sos Iijios balzos tuos
sol’a t’aer’appen’ilfiorada
mancar’in man’ai’ìspin’é ruos,
ma chenza mancu enner’a concluos
ne fis dae su cuminzu suddisfada,
No fuas, no ti ch’annes, coro meu
ist’in cust’oltu po s’amor’é Deu.
So su ch’amaias de folt’ardore,
chi folzis t’at a esser miminadu
ca tottu cant’aia no t’appo dadu,
ma unu solu n’aia de core.
Ma tue ses sempr’istadu su fiore
chi solu po vid’appo desizadu,
ca finz’a deris dae te appo tentu
onzi gosu e onzi cuntentu.
Beni. Sa cara pon’in pett’e sinu,
a longu lassabil’in sa pettorra,
cantu, che prima, onzi notte torra
a mi dare carignos de cuntinu.
No podet esser disignu divinu
chi nos potat mudare sa forra
Torra, pius de su ch’appo t’app’a dare,
bastet ch’in s’oltu sigas a bistare.
Pag. 172
UNA NOTTE DE ERANU de Vittoria Calzaghe
Fid’una notte calma de eranu
No aia pensamentos pro niente
Ma in me s‘iscadenat s’uraganu.
Tristes fattos, arregionos de sa zente
Chi invece cheria ismentigare
In cust’ora mi torrana presente.
Hana desizu de mi turmentare
Insonne imbaro fin’a manzanile
Non m‘han lassadu mancu reposare.
Su puddu es già cantende in su puddile
Ed eo ojos no happo serradu
Mi peso and’aberrer su giannile.
Passende est in su mentres su soldadu
Chi sa notte a fattu sentinella
Tot’ìstraccu e mesu assonnadu.
No a passadu sa notada bella
Lu ido frittulosu e affannadu
Puru si fi serradu in sa camella.
A passu lestru pariad’impressadu
Girend’a s’ater’oru e sa contrada
Penso chi cue l’epana giamadu.
B’aiad’ una disgrascia segnalada
Intendo sas sirenas fin sonende
Sa zona fi de fogu inghiriada.
Sos soccorsos fin lestros arrivende
Una femina ido fi brugiada
Cun lentolos la fini covachende.
Inie abbaidende assucconada
Sos pompieris fin tottu bulìzende
Boghende ater corpos in s’istrada.
Unu pariat ancora respirende
Es cussu chi a sa fatta e manzanile
De turn’e sentinella fi torrende.
Prego pro issu chi no siat finida
E che eroe bìncat sa partida.
Pag. 173
UNA PINNA de Salvatore Frau
Una pinna valente servidore
la vantat su monte po dirittu,
Un su ohro in manos had’ iscrittu
de vida sua odiu e amore.
Tinta barbaricina ‘e ohlore
rias severas rudes è granitu.
Un atteras intrà est in conflittu
ma est semper’essia vinchidore
Had iscrittu rias de libertade
donu suo in regalu a sos peus
avviliu da s’infamiadore.
Allegas de unfortu a cada vrade
no ha pediu nudda manc’a Deus
moribundu in s’estremu dolore.
Pag. 174
UN’AVOCAU IMPARTZIALE de Luigi Zedde
Su iginu meu s’es postu a fraigare
servinnosi de su muru meu
sentza mancu mi ne aere foeddau,
bienno cussu deo d’apo nau:”
gi d’ischis ca su muru tot’intreu
m’apartenede e mi deves pagare
sa metade, si chelese sa comodidade
e intrare in comunidade”
Ma issu bettiosu e testorrudu,
comente mai chi nudda di esse nau,
casi mi lassada comente unu fessu;
deo po difennere su meu interessu,
detzido e consultare un’avocau
unu e cussos balentes e atzudu,
connotu in totu is tribunales
po i letziones suas maistales.
E m’at nau:” tranquillu amigu meu,
(in unu tonu de fraternidade
o chi mi fessede de familia parente),
datu ca issu faede su molente,
non solu e ne pagare sa metade,
asa biere, du pagat tottu intreu,”
e sentza mancu cuntrattare a pretziu
arribada sa die de su giuditziu.
Dae nanti e su publicu ministeriu,
cun unu espostu dignu e Cicerone,
in chime minutos aiat concrusu,
giudicanno ca fiada in abusu,
si non pagaiat sa purtzione,
e totus ant aprovau custu criteriu,
e issusta sa pinna in sa tinta
anta firmau ca tenia sa causa inta.
Pagas dies infatu s’oratore,
mi mannada un’iscrittu dae pretura,
cun sa fattura e s’esitu e processu;
e mi narada:”as tentu sutzessu,
pero ti prego de tennere cura
de mi pagare su chi ses depidore,
ca po chi is contos sianta serraos,
du ad ancora certos arretraos.
Pag. 175
Po su muru segunnu sa peritzia,
t’ibetat custa summa arrutunnada,
pero du es de iscontare su ghestau,
tantu ibetad’a su peritu giurau,
tantu po s’autu in carta bullada,
e tantu po ispesas de giustitzia,
totu pagau pretore e notarios,
mi depese a mimi is onoranios”
Che avocau in cattedra didatica,
fiada un’oratore incomparabile
po diffennere totu is afrontos,
pero puntore! Fintzas in is contos,
giaiat letziones a unu contabile
si no a Pytagora in matematica;
po diffennere una causa semper prontu,
ma solu po su suo torracontu.
Como po curpa e cust’idea macca,
non mi setzo prus nemancu in s’ortu
dae canno est passau custu giuditziu;
ca non solu de no aer tentu benefitziu,
ma su iginu mi cardiad’a tortu,
e du apo postu inare dae bussacca;
meno male ca fia in s’arresone
si no d’aia finia in presone.
Gigi tenediddu po letzione,
si non cheles torrare a pes iscurtzos
e solu cun is ossos e i su corgiu,
ca cussa gente canno biente mortorgiu,
s’affraccant comente is inturgios
e ti lassanta in mala conditzione,
ca sa giustitzia sentza peruna pena
s’ingrassada cun sa miseria agnena.
Non tzerries mai avocau ne pretore,
ca cun issos ses sempere perdidore !
Pag. 176
UNDAS de Enrico Frau
Dae custu logu amenu
intr‘e s‘appusentu meu
lasso essire solu melodias
istrintas in sas manos mias
lughes de chelu e de luna
po s‘alenu ‘e s ‘umbra de onzi viaggiu
sas tropias de coraggiu
in sas dies de igerru
e unu cantu fizu ‘e su rispettu
ispargo frores in su trettu
infustu de mele e abba pura
e-i sa notte no est mai iscura
brincos de disizos
dae su tempus de sas mendulas
durche che su sole in su niu
a sa manu in su riu
frisca de amentos chi
lassana su coro a su cantu
una preghiera a onzi santu
in s‘istrada e su perdonu
po chi no at tentu frenu
fozas in su lacu prenu
de ispera
po ninnare lenos sonos de su entu
lassa andare como su turmentu
aberinde sas ventanas
a sas prendas de sa die
Isetta s‘ora de su nie
che s ‘isprigu a su manzanu
nettu de onzi cara in s ‘ispantu
solu, provo custu cantu
bantu de arcanas undas
Sas frundas
lebias che s ‘ora ‘e sa notte
s‘appentana
istentana....
e torrana inoghe
sa oghe ‘e sa terra.
Pag. 177
UNU AFFLITTU A TONARA de Salvatore Dore
Dai custos logos solianos ,
istesos campos de su campidanu
pro cuncurrer a rosas e beranos
a sa pinna Tonara ponzo manu
non suni gentiles e galanos
iscrittos dae su tuo paesanu
mancu de Mossa o de Murenu
ma d’unu chi de penas est pienu
bae o musa mia amara
de Gennargentu lea su camminu
firmadi cando arrivas a Tonara
e rend’onore a Mereu Peppinu
a tottu sos presentes tue nara
cust’est iscritta da unu mischinu
non podet esser inoghe presente
proite bivet in lettu sofferente
afflittu dai SLA bivo costante
tres annos chi non fago passu
e de concursu so principiante
in pius poeta de valore bassu
pro chi siat s’agonia allietante
iscrio pro divagu e pro ispassu
sa poesia mi rendet pius forte
a supportare sa crudele sorte
Tonara cust’omine isfortunadu
tentat de t’iscriere unu cantu
a cumponner bonu no est tantu
ca Deus cussu donu no l’at dadu
su male su destinu l’at signadu
e destinau est pro su campusantu
prima chi l’amantet terra fritta
concurret chin custa musa iscritta
a numene mi naro Salvatore
montagninu, ma vivo in bassura
si cheret unu die su segnore
a custu male oscuru dare cura
benzo Tonara a ti render’onore
e mi godo su friscu de s’altura
in bisitta ‘e sos logos de incantu
chi su grande Mereu citat tantu
Pag. 178
ispero nessi de poder’ unu die
da-e su lettu a terra ponner pè
pro benner Tonara a hue tie
e ammirare sa fonte de Galusè
chi abbas dae gelidas che nie
pro m’infunde sas laras aimè
chin abbas puras de su Gennargentu
fora sos muros de custu apposentu
pro chi deo in lettu vivo afflittu
intro de cust’umile dimora
a tie terra de musa incantadora
ti sia custu cantu beneittu
e si tue mi rinnovas chi s’invitu
abarra certu chi t’iscrio ancora
a t’iscrierer ancora so dispostu
finas chin sa losa non so postu
si pro casu ancora ses disposta
de m’imbiare a distintu s’invittu
però si deo non torro risposta
proite in vida non tenzo s’abbittu
s’anima mia in sa bara cumposta
su lumen meu in sa preda iscrittu
tue versu in limba ses pedinde
ma deo gioia eterna so godinde
Pag. 179
UNU BALLU TUNDU de Francesco Scano
Sa vida curri si da persighisi,
abarra firma si non da caghisi,
scarpinada si da sott’istimasa.
Ma danzada puru,
s’imparasa su passu de sa circustànzia.
E no esti sempri passu de gioia,
ci poris giurai.
Toccada a imparai su passu de sa danza trista,
inùe su ritmu non timiri dolori.
Pag. 180
UNU FIORE A SA TUMBA ‘E PEPPINU de Franziscu Marras
Si sa morte hajat postu in contu
cun d’unu pagu e nobile talentu
de su bisonzu chì de Te hamos tentu
mai t’hajat dadu su tramontu.
Fisti cantende ancora in Gennargentu
in sos nuscos de sas friscas piantas
poesias chi nos mancana tantas
de sas chi has lassadu in testamentu.
Isperamos de nde naschere ancora
poetas che a Tie in custa terra
chi fetten gherra contras a sa gherra
ca finzamente est arrivada s’ora.
Dae cuddu fatale addiu Tou
ateras isperanzias amos perdìdu
de connoschere birde e fioridu
sa figura de unu mundu nou.
Si l’ischias e cantos Isolanos
sas posias Tuas chi han leggìdu
e cantu lodes bellas ti han tessidu
a tottus dias istringher sas manos.
A su fentomu s’allegrana in cara
e si estin de gioia cuntentos
liberana de coro sos turmentos
e mandana fìores aTonara.
Cantaias che puzone in beranu
sa libertadè in versos a s’apertu
como su logu est mudu unu desertu
semus vivende in d’unu modu istranu.
Una delusione donzi tantu
cando s’ispera lontanu sicc’andada
e signales minettosos nos mandada
finza a nos fagher vivere in piantu.
Torradu a raighinare est che lua
su privilegiu ingiustu e famidu
su dirittu e su poveru han divididu
e no iscultan sa dottrina Tua.
Has fattu onore a sa Tua Nadìa
has su matessi nuscu e su fiore
sempre t’hamos a tenner grande amore
comente a sa Tua poesia.
Pag. 181
VIDAS PASSADAS de Emanuele Piras
A bortas est che una ‘isione.
Deo bivo comente tothus,
chircande de sighire
sas trathas de sos sàbios,
caminande in carrelas
unu tempu connothas.
Ma in d-un ‘época passada
soe mortu, mentre terriosu
cunfidao in megus ithothu;
e in cussu mamentu apho pregau
pro ténnere un àttera possibilidade.
S ‘istintu,
iscrariu dae su atinare de sa morte,
naraia ca non si podet irdisire una cussèntzia,
puitte,
ispartos sos pìcculos
abàrrana in lenas memòrias,
comente commo,
candho paret torra chi sa meta sied ‘accanta.
Pag. 182
VIVIMUS TORRA de Angelo Moro Episcopo
Cando
torras cun megus,
in cussa terra
chi tue conosches bene,
e sa tilighessa
hat lentas movitias;
in cussos logos
tra duos mares
colamus tra ingroghios
profilolos
in su pasidu mudore
de su sero.
Torra idimus
su massaju
ch’isettat sortilejos
de sa luna
e in sas fentanas
lantias atzesas
po allontanare sas traschias
e sas siccagnas
chi brujan sos lavores.
Nos hant a fagher festa
caccigande s’ua
cun su déchidu
ruer s’olia
che sos consumidos
ranos de unu rosariu
e sa delicada
linfa pretziosa
a su ticchiriu ‘e sos frantoios
chi maghinant de notte.
Vivimus torra
a s’iscopiu ‘e sos sentidos
ne sunt cuadas
milli fertas ferenadas
intantu chi sa roda
versant piantos colorados
in sas biddas
chi festana sos santos..
Pag. 183
Torra
hasa ‘idere
in chelos biaitos
bolande su cau,
e traghidas de lughe
e has agatare
de sas passadas stagiones
in su caldu
respiru de sas roccas,
sos truncos trobeddados
chi raccontana
sa seculare sfida
cun sos bentos.
Profumos de turrone
has a intendere
e sonos de sonazzas
e trinitos, chi alligrant
sos ispantos
de custa terra amada.
Non sentis no
segretas penas
e ranchidos piantos
a sos caldos rajos de su sole
chi trasformat sa vida
in paristoria.
Pag. 184
Indice
Su Bandu
Sa Giuria
A babbu
A bois angheleddos delicados
A Cicitu
A deisegus a sa portita
A Giovannangela
A is anzianus
A minnanna Valentina
A Peppinu Mereu
A Peppinu Mereu su poeta
A Pippinu Mereu
A Renato Poddie
A sa limba
A sa luna
A su poeta 'e Galuse'
A tie chi ti naran poeta
A Tommasu Onofri
A Tonara
A un'amigu tzegu
A ziu Peppinu Mereu su poeta
Aba de maiu
Adiosu amigos adiosu
Amentos
Amentos chi sunt ghia
Amentu e sos sentidos
Ammentos de pipìa
Ammentos po un'istrina
Arregodos
Arrumoriu de mari
Barbagia
Bella se bella sarda
Ben'arribau beranu
Biddesi di deu
Bulione de su tempus
Caminera de ni
Camineras de lughe
Cando
Cantos pisches e abbas
Cantu mi costat
Caru Peppinu
Chelu e terra
Chentusettannos
Ch'essit s'atunzu
Chirchende ruos
Comu colbi di mari
Conzillu a un'amigu
Coro a imprestidu
Cruda beridade
Currentina retrograda
Custa vida
Custu mare
Deo seo sardu
Raimonda Sau
Antonello Arba
Serafino Saba
Giovanni Maria Pala
Augusto Marini
Carmen Sanna
Maddalena Spano Sartor
Francesca Dessì
Maria Murgia
Pascale Puligheddu
Giovanni Sulis
Maria Giovanna Carboni
Antonio Porcheddu
Antonio Puddu
Francesco Delussu
Giorgio Garau
Giovanni Andrea Zucconi
Carmelo Sulis
Antonio Serra
Paola Ibba Miscali
Francesco Angioni
Basilio IIio Deidda
Giovanni Antioco Mura
Mario Serafino Pronteddu
Carmela Carboni
Franchisca Sanna
Giorgio Garau
Tianni Mascia
Raffaele Piras
Basilio Sardi
Antonio Lampis
Giovanna Maria Mela
Stefano Arru
Roberto Mura
Mario Portas
Giangavino Vasco
Santinu Marteddu
Teresina Secci
Benigno Casula
Gonario Carta Brocca
Giovanni Agus
Franco Piga
Piero Masala
Gianfranco Garrucciu
Erminio Sau
Teresa Piredda Paoloni
Giuseppe Delogu
Berteddu Craba
Salvatore Frau
Franco Maccioni
Domenico Carboni
Pag.
Pag.
Pag.
3
4
5
6
7
8
9
10
12
13
14
15
16
17
18
19
20
21
22
23
24
25
26
27
28
29
30
31
32
34
35
36
37
38
39
40
42
43
44
46
47
49
50
52
53
54
55
57
58
59
60
61
62
Pag. 185
Deus… nosu…
Disigendi
Disizzo
Dolu
Emigrantes
Emigrau
Est festa in bidda mia
Facultade matanzosa
Faschizola
Frimma
Frore
Frore galanu
Genti comenti a nosu
Giogos de pitzoccheddu
In cricca 'e temas
In prus dolore, in prus odiu, in prus pahe
In s'apposentu mudu
Incantu e timoria
Innui si cuat s’amori
Is arregordus
Is carabineris de sa gramatica
Is pipius de su tempu' passau
Isione 'e unu tusorzu
Ispassianno
Ispasule'
Isperas
Istagione fiorida
It' est poesia
La sera accindìami la radio
Libertade
Limba
Lughe
Lughes de poesia
Mama e fiza
Misteriosu fogliu
No b'hat cosa
Nostalgicos montes
Onore a sa brigata sassaresa
Onori a sa memoria
Orfanu
Padanos
Parit
Pascidroxu 'e monti
Pastori
Peccadore
Pentzami amore!
Pesperu peleosu
Pillados
Poberu
Prima die de iscola in tonara
Proite non cantas puzzoneddu
Radici
Rosa passida
Rosas e fiores
Pag. 186
Leonardu Porceddu
Domenico Mele
Rosaria Floris
Carmela Piredda
Mariangela Sedda
Antonio Sanna
Rosa Cossu
Elio Sau
Mario Nurchis
Katia Marcias
Marina Demelas
Fernando Pisu
Ignazio Mudu
Luigi Zedde
Giovanni Molinero
Tore Soru
Tetta Becciu (Antonia Vittoria)
Erminio Sau
Vincenzo Piu
Salvatore Usai
Ivo Murgia
Cicita Cabras
Antonio Diego Manca
Maria Giovanna Carboni
M. Valeria Urru
Antonio Maria Fadda
Carlo Donaera
Franco Piga
Giuseppe Tirotto
Giovanni Piga
Antonello Bazzu
Andrea Meleddu
Antonio Porcu
Gianni Melas
Fabiana Contini
Gian Piero Angotzi
Antoni Deiana
Cosimo Secci
Savino Spiga
Angelino Mocci
Francesco Niffoi
Luca Marcia
Maria Gabriella Piso Demuro
Dante Erriu
Antoni Maria Pinna
Augusto Boi
Stefano Arru
Giuseppe Chessa
Francesco Noli
Francesca Dessì
Pietro Pittalis
Teresa Angela Carboni
Tonino Fancello
Salvatore Murgia
Pag. 63
64
65
66
67
68
69
71
72
73
74
75
77
78
79
80
81
82
83
84
85
87
89
90
92
93
94
95
96
97
98
99
100
101
103
104
105
106
108
109
110
111
112
113
114
115
116
117
118
119
120
121
123
124
Rosas po fiorire sos beranos
Sa dispedìda
Sa droga
Sa fede isperanzia e caridade
Sa femina sarda
Sa funtana de abba frida
Sa idda 'e macumere
Sa idda mia
Sa limba melodiosa
Sa prama
Sa predica de hoi a is serbidoris de soberanu
Sa storia nosta
Sa virtude truncada
S'amore prus mannu
Sardigna
Sas letzes fattas po cumbenientzia
Sedilo
Semidas de vida suterrada
Sentenzia
Sestinas
Si giamavat Tonara
Si morit su poeta
S'ifferru
S'imbrachinada
S'iscala de sa vida
S'istria
Solu tando
S'omine e su lettu
Sos sonnios
Stamine e tramas
Su ballu faeddadu
Su carr'e nannai
Su giogu de is partis
Su pani de sa fida
Su pipieddu de sa bia mia
Su sardu
Terra de poesia
Tonara
Tonara
Tonara - amentos lontanos
Torra
Una notte de eranu
Una pinna
Un'avocau impartziale
Undas
Unu afflittu a Tonara
Unu ballu tundu
Unu fiore a sa tumba e Peppinu
Vidas passadas
Vivimus torra
Pietrino Curreli
Ida Patta
Gianfranca Modolo
Gesuino Loi
Antonio Renato Cocco
Sebastiano Saderi
Salvatore Sogos
Salvatore Ortu
Maria Teresa Mancini
Antonio Cubeddu
Giovanni Bellisai
Salvatore Usai
Francesco Floris
Antonio Salis
Anna Cidu
Onorato Casula
Antonio Ignazio Onida
Filippo de Cortis
Salvatorica Miscali
Salvatore Demurtas
Giovanni Pira
Salvatore Nanni
Vincenzo Forma
Antonio Putzu
Maria Francesco Marcello
Gesuino Curreli
Pietro Sotgia
Giovanni Sulis
Bardilio Gaetano Fenu
Raimondo Porcu
Giovanni Giuseppe Contini
Virio Cau
Rosanna Podda
Marco Pani
Marisa Pittau
Antonio Longu
Flavio Littera
Giovanni Noli
Remo Sau
Cicicu Secci
Giommaria Sias
Vittoria Calzaghe
Salvatore Frau
Luigi Zedde
Enrico Frau
Salvatore Dore
Francesco Scanu
Franziscu Marras
Emanuele Piras
Angelo Moro Episcopo
Pag. 125
126
127
128
130
131
132
133
134
135
136
138
139
141
143
144
145
146
147
148
149
150
151
152
154
156
157
158
159
160
161
162
163
164
166
167
168
169
170
171
172
173
174
175
177
179
180
181
182
183
Pag. 187
XPRESS
di Alessandro Orrù
Via Basilicata, 51 Cagliari
Tel. – Fax 0703511869
Pag. 188

Sighit - Collettivo "Peppino Mereu" Tonara

Transcript

Documenti analoghi

La poesia di Eliseo Spiga, Maddalena Frau e Santino

Canonico Giuseppe Solinas: versi ispirati e dedicati alla

Words - Le Case D`Arte

La scheda del libro - Edizioni Fili d`aquilone

Viaggio attraverso la Poesia e la musica greca del Novecento

PDF

1st LIFE AFTER OIL - LIFE AFTER OIL International Film Festival

Il Libro Fainas Litterarias

4B Inglese PROGRAMMA Dal libro di testo `Performer Culture and