Mandat da prestaziun a la Engiadina San Murezzan Turissem SA

Mandat da prestaziun a la Engiadina San Murezzan Turissem SA

Conferenza dals presidents cumünels da la regiun Malögia
Cooperaziun AGIUNTA 3 a la missiva dals 29 settember
2015
Mandat da prestaziun a la Engiadina San
Murezzan Turissem SA
Verd = Valur auncha da metter per la vschinauncha respectiva
Il preschaint mandat da prestaziun vain stipulo traunter
la vschinauncha da X (numneda in seguit vschinauncha)
e
la Engiadina San Murezzan Turissem SA (numneda in seguit ESTM)
tt.mm.jjjj
1.
Böt e scopo dal mandat da prestaziun
1.1
Basa
La vschinauncha da X surdo a la Engiadina San Murezzan Turissem SA (numneda in seguit ESTM) il
seguaint mandat da prestaziun a partir dals 01.01.2018.
1.2
Scopo dal mandat
Cul preschaint mandat da prestaziun dessan gnir circumscrittas stringentamaing las prestaziuns cha la
ESTM ho da furnir e’ls böts ch’ella ho da ragiundscher scu eir ils drets e’ls obligs da la vschinauncha scu
incumbenzedra.
1.3
Mandat da basa da la ESTM
Confuorm a l’art. 2 dals statüts da la ESTM es ella respunsabla per la commerzialisaziun turistica da la
destinaziun Engiadina San Murezzan. Impustüt dess gnir rinfurzo il renum da la regiun Engiadina San
Murezzan scu destinaziun da vacanzas e la commerzialisaziun da las prestaziuns turisticas grazcha ad üna
preschantaziun effiziainta cun la strategia da marca da la destinaziun.
2.
Prestaziuns da la ESTM
2.1
Princips per la furniziun da prestaziuns
Scu organisaziun da marketing es la ESTM incumbenzeda da commerzialiser las spüertas da l’intera
destinaziun süls marchos strategics da destinaziun cun agüd d’instrumaints da marketing adattos e da
rinfurzer l’attractivited da la destinaziun Engiadina San Murezzan.
Las incumbenzas ed ils exaimpels enumeros cò suotvart suot prestaziuns da basa servan scu imsüras
d’orientaziun/valuors directivas. Las activiteds da la ESTM vegnan concretisedas auncha dapü illa strategia
da la ESTM. La strategia e sias actualisaziuns vegnan comunichedas in vschinauncha e velan scu part
integrela da quist mandat da prestaziun. La strategia vain examineda ed adatteda periodicamaing.
La ESTM observa tar tuot las acziuns e plattafuormas cha quistas correspuondan a las prescripziuns da la
marca Engiadina San Murezzan e sun in generel d’ota qualited.
La ESTM po excluder tar tuot las acziuns e plattafuormas furnituors da prestaziun chi nu satisfaun a las
pretaisas fixedas da la ESTM (concernent la qualited e la qualificaziun per la plattafuorma/acziun).
La ESTM sviluppa ed applichescha mezs d’infurmaziun e comunicaziun orientos vers l’avegnir, favuraivels
pels ütiliseders per l’interacziun culs giasts, culs furnituors da servezzans, cun las vschinaunchas, culs
collavuratuors e culs ulteriuors partenaris turistics. Da l’otra vart vegnan serros giò sistems antiquos
(redundants).
Per ün’activited plain success da la ESTM s’accordan la vschinauncha e la ESTM concernent il svilup
turistic e la commerzialisaziun dal lö.
La ESTM collavura strettamaing cun las vschinaunchas e culs furnituors da servezzans per promouver a
l’intern da la destinaziun üna spüerta cumplessiva turistica d‘ota qualited e chi correspuonda als bsögns
dals giasts.
2.2
Prestaziuns da basa
Scu prestaziuns da basa vegnan indichedas las incumbenzas chi vegnan pajedas tres la contribuziun da
basa da la vschinauncha.
La ESTM furnescha las seguaintas prestaziuns da basa per tuot las vschinaunchas affiliedas:
a) commerzialiser la destinaziun, specielmaing:
o
administrer paginas d’internet cun infurmaziuns e servezzans cumplessivs
Mandat da prestaziun a la Engiadina San Murezzan Turissem SA
2
o
chürer il contact cun schurnalists
o
realiser campagnas da propaganda
o
cumpiler e distribuir materiel da promoziun
o
organiser plattafuormas per la promoziun
b) preparer plattafuormas da commerzialisaziun pels furnituors da servezzans turistics da la destinaziun
Engiadina San Murezzan, impustüt :
o
mner üna plattafuorma d’internet per reservaziuns per l’hotellaria e la parahotellaria cun
pussibiliteds da cumpiler paquets chi cumpiglian pernottaziuns, evenimaints, bigliets
d’entreda e sumgiaints.
o
administrer ün chalender d’occurrenzas, scha pussibel cun l’opziun da fer reservaziuns per
las occurrenzas sur la ESTM.
o
organiser ocurrenzas da promoziun in cooperaziun culs furnituors da servezzans.
o
tschercher e cultiver partenadis per distribuir ils prodots da la destinaziun Engiadina San
Murezzan (p. ex. cun medias e commerzi in detagl i’ls marchos da destinaziun).
c) concentrer e collier las forzas per amegldrer la spüerta turistica scu eir l’infurmaziun dals giasts illa
destinaziun Engiadina San Murezzan, impustüt:
o
organiser plattafuormas per baratter e coordiner ils furnituors da servezzans;
o
fer lavuors d’infurmaziun a l’intern da la regiun in fuorma da referats ed as parteciper a
circuls da discussiun;
o
elavurer infurmaziuns statisticas e documaints fundamentels pels furnituors da servezzans
e per las vschinaunchas;
o
cusglier ils purteders da decisuns e’ls gremis da la regiun in fats turistics;
o
orienter davart evenimaints sün las egnas plattafuormas da la ESTM.
d) Ulteriuras activiteds per sustgnair ils furnituors da servezzans turistics in cunvegna cun las
vschinaunchas cul scopo da rinfurzer la cumpetitivited dal turissem illa destinaziun.
e) Scha la relaziun traunter cuosts e richev da singulas prestaziuns manzunedas cò survart as muossa
scu fich disfavuraivla dal püt da vista turistic e da la gestiun, po il cussagl d’administraziun propuoner a
la radunanza generela da desister da quistas prestaziuns e da druver ils mezs deliberos per otras
prestaziuns i’l sen dal mandat da prestaziun.
2.3
Prestaziuns supplementeras
2.3.1 Posts d’infurmaziun pels giasts
L’organisaziun turistica maina in vschinauncha posts d’infurmaziun fisics pels giasts confuorm a las valuors
fundamentelas (dimensiun, uras d‘avertüra, respunsabiliteds) ill’agiunta A.
2.3.2 Evenimaints
Las contribuziuns vi d’evenimaints illa vschinauncha u vi d’evenimaints regiunels cun sustegn da la
vschinauncha vegnan concessas exlusivmaing tres la vschinauncha.
2.3.3 Ulteriuras prestaziuns
Realisaziun da las incumbenzas tenor la glista in agiunta B.
3.
Obligs da l‘incumbenzedra
3.1
Indemnisaziun da las prestaziuns
Per cha quella possa furnir las prestaziuns metta l’incumbenzedra a disposiziun a la ESTM ils seguaints
preventivs universels annuels (excl. taxa sün püvalur):
Mandat da prestaziun a la Engiadina San Murezzan Turissem SA
3

Prestaziuns da basa: Ils cuosts cumplessivs da CHF 10.1 milliuns per las prestaziuns da basa vegnan
surpiglios proporziunelmaing confuorm a la clev da repartiziun stipuleda traunter las vschinaunchas.

Prestaziun supplementera „Mner ils posts d’infurmaziun pels giasts illa vschinauncha“: CHF X

Prestaziun supplementera „Ulteriuras“: CHF X
Las contribuziuns vegnan pajedas a la ESTM in duos ratas listess grandas adüna pels 31 schner/30 gün.
Ils preventivs per las prestaziuns da basa e las prestaziuns supplementeras vegnan examinedas mincha
quatter ans a basa da l’incharimaint success in quist interval.
3.2
Ulteriuras obligaziuns
In accord cun la strategia da destinaziun turistica haun las vschinaunchas politicas i’l ram da lur
pussibiliteds da creer e da mantgnair l’infrastructura turistica publica e scu regulatur da sustgnair ils
furnituors da prestaziuns tar la realisaziun da lur progets turistics illa sfera d’influenza da la vschinauncha
(p. ex. planisaziun dal territori e planisaziun locala, trafic, impostas, uras d‘avertüra).
4.
Valütaziun da la furniziun da servezzans
4.1
Reporting intern
Pel reporting intern scu eir per güdicher sias prestaziuns maina la ESTM:

Ün quint annuel cun rapport annuel.

Ün preventiv annuel.

Ün plan da fatschenda (incl. strategia) cun ün orizont da planisaziun d‘almain 4 ans.

Üna glista culs progets da marketing realisos minch’an chi cumpiglia l’indicaziun dal proget, il böt dal
proget, il güdicat cuort da l‘effet (in üna fin duos frasas) e’ls cuosts per las resursas ütilisedas (cuosts da
persunel e da materiel).

Statisticas davart activiteds sün las plattafuormas preparedas dad ella (p.ex. Traffic sün la pagina
d’internet, quantited da reservaziuns, quantited e richev da las spüertas vendidas, contacts cun la
pressa, al telefon, al fnestrigl e per e-mail) e davart ils sectuors da la fatschenda ch’ella occupa.

Ad es da drizzer aint ün sistem per attribuir tuot las uras dal persunel e tuot las spaisas materielas ad
incumbenzas resp. progets definieus, per cha que dvainta pussibel d’imsürer l’effectivited e l’effizienza
da las prestaziuns fattas taunt tals progets da marketing scu eir tar la gestiun dals posts d’infurmaziun
pels giasts.
L’incumbenzedra ho il dret da piglier invista dals documaints manzunos resp. da l’evaluaziun da las
infurmaziuns statisticas e da’s procurer uschè üna survista da l’accumplimaint dal mandat da prestaziun.
Ils böts qualitativs e quantitativs chi sun da ragiundscher fixescha la ESTM svess in sia strategia e/u in sieu
plan da fatschenda.
Il quint annuel ed il rapport annuel vegnan inoltros a l’incumbenzedra sainza gnir intimo.
Ils böts ragiunts vegnan discutos üna vouta l’an cur cha’l rapport annuel es avaunt maun in occasiun da la
radunanza generela (per regla i’l ram d’üna conferenza dals presidents cumünels).
La ESTM e la vschinauncha s’accordan concernent ils temas e las datas chi haun da figürer i‘l rapport
annuel.
4.2
Audit independent
In cumplettaziun al reporting intern po l’incumbenzedra in cas da bsögn adüna fer cumpiler ad egens cuosts
ün audit generel u focusso sün dumandas specificas concernent las prestaziuns da l’organisaziun turistica
tres üna terza persuna independenta chi vain determineda cumünaivelmaing.
I’l ram dal rapport annuel auditescha la ESTM minch’an ad egens cuosts ün tema centrel i’l sen da
l’examinaziun da la qualited e rapporta in merit in occasiun da la radunanza generela.
Mandat da prestaziun a la Engiadina San Murezzan Turissem SA
4
5.
Remarchas finelas
5.1
Temp da validited
Il preschaint mandat da prestaziun vain concess illimitedamaing e po gnir desdit sül prossem termin da
desditta in observand ün termin da desditta da duos ans.
Il prüm termin da desditta es ils 31-12-2021 e zieva mincha quatter ans adüna ils 31-12.
….
5.2
Suottascripziun
Vschinauncha da X (incumbenzedra)
President/a cumünel/a
Funcziun xy
Nom, prenom
Nom, prenom
Engiadina San Murezzan Turissem SA (mandataria)
President/a dal cussagl d‘administraziun
Mneder/mnedra da gestiun
Nom, prenom
Nom, prenom
Agiunta A: Valuors directivas tar la gestiun dals posts d’infurmaziun pels giasts illa vschinauncha
Agiunta B: Ulteriuras prestaziuns cha la ESTM ho da furnir a la vschinauncha
Mandat da prestaziun a la Engiadina San Murezzan Turissem SA
5